Pressan - 03.11.1988, Blaðsíða 26

26
Fimmtudagur 3. nóvember 1988
leikhús
Kraftmikið og skemmtilegt
Leikfélag Kópavogs:
Fróði og allir liinir grislingarnir
eftir Ole Lund Kirkegaard
Þýðing: Aðalsteinn Asberg
Sigurðsson
Leikstjóri/tónlist: Valgeir
Skagfjörð
Leikmynd/búningar: Gerla
Lýsing: Egill Örn Árnason
Það er skemmst frá því að segja
að „meðdómendur" mínir, 4 ára og
9 ára, skemmtu sér drottningarlega
á þessari sýningu. Sú eldri þekkti
söguna og hafði gaman af að sjá
persónurnar kvikna á sviði, sú
yngri vissi ekkert í sinn liaus en
fylgdist vel með þræðinum og
leiknum, sem hélt athyglinni
óskiptri allan tímann. Segir það
e.t.v. allt sem segja þarf um sýningu
handa krökkum. Fátt er ánægju-
legra en að leyfa börnum að kynn-
ast leikhúsi beint í æð, þ.e. án þess
að nokkuð komi upp á milli þeirra,
svo sem sjónvarpsskermur eða út-
varpshátalarar, og ástæða til að
hvetja öll þau, sem hal'a börn til
umráða, að skella sér með þau út á
lífið á þann hátt.
Valgeiri Skagfjörð hefur tekist
vel að gera söguna um Fróða og
liina grislingana lifandi. Ég fékk
ekki beturséðen leikarar Leikfélags
Kópavogs hel'ðu notið ríflegrar
leiðsagnar Valgeirs, þar sem þeir
komust hvergi upp með að slaka á.
Þeir héldu „gervum“ sínum allan
tímann, voru skýrmæltir og hreinir
í meðferð sinni á karakterunum.
Arnar Már Ólafsson leikur Fróða,
þá persónu leiksins sem e.t.v. er
hvað „eðlilegust“ og þá um leið
erfiðust, cn Arnar gerði það vel.
Stormur, leiðindakallinn í hornhús-
inu, er í höndum Fjalars Sigurðs-
sonar og vakti hann gífurlega kát-
ínu meðal áhorfenda, sem von var.
Kellurnar írena og Ungfrú Lóa
voru óborganlegar eins og þær voru
leiknar af þeim Ágústu Sigrúnu
Ágústsdóttur og Sigríði Ragnars-
dóttur og þá vakti Silvía Gústafs-
dóttir ekki síður athygli i gervi
kennarans og þjófsins. Simmi,
stálpaður töffari, er leikinn af Pétri
Má Flalldórssyni, einnig prýðilega.
vel. Og kærustu Fróða, hana Stínu,
leikur .lóhanna Pálsdóttir og tekst
vel upp í gervi stelpunnar. Önnur
hlutverk eru smærri en vel af hendi
leyst. Man ég þá sérstaklega eftir
Lilla, sem Ölöfu Ýri Atladóttur
gengur vel að gera sér mat úr.
Það sem ekki síst verður lil að
gera persónur leiksins skýrar og
sýninguna lifandi eru búningar og
leikntynd Gerlu. Þar fara saman
frjótt ímyndunarafl og dásamleg
litagleði, þannig að yfirbragð sýn-
ingarinnar verður eins og beint úr
tilveru þeirra, sem verið er að höfða
til. Tónlistin, samin af Valgeiri
sjálfum og útsett og unnin af Pétri
Hjaltested, er hressileg og í nokkr-
um laganna koma fyrir laglínur
sem ná tökum á manni. Söngurinn
er tæknivæddur þannig að erfitt er
að meta raddstyrk leikaranna eða
sönghæfni aðra en lagvissuna. Ég
skil hvers vegna gripið er til þessa
ráðs en er ekki sátt við það, því fyrir
vikið verður söngurinn fjær áhorf-
endum,, fullkomnari en efni standa
til og kemur jafnvel upp á milli leik-
ritsins og leikhúsgestanna. Vegleg
leikskrá með teikmngum og sóng-
textum fylgir aðgöngumiðum og er
góður minjagripur. Textarnir, þótt
þeir séu oft smellnir, eru nú samt
ekki vænlegir til að þroska blessað
brageyrað!
í það heila tekið er þetta kraft-
mikil og skemmtileg sýning, sem
gaman er að njóta með krökkun-
um.
„Ástæða er til
að hvetja öll
þau, sem hafa
börn til umráða,
að skella sér með
þau út á lifið á
þennan hátt.##
Sýning með sjarma
Leikbrúðuland:
Mjallhvít
Leikgerð, leikmynd, brúður og leik-
sljórn: Petr Mutúsek
Tónlist: Jónar Þórir
Aðstoð við uppfœrslu: Þórhallur
Sigurðsson
Það er alveg satt sent stendur í
leikskrá, að Leikbrúðuland er
ævintýri. Ekki aðeins er það ævin-
týri fyrir okkur og börnin okkar, að
það hel'ur lifað og dafnað fyrir ein-
stæða þrautseigju og áhuga þeirra,
sem landið yrkja, heldur hefur það
líka viðhaldið og miðlað ævintýr-
um og þjóðsögum, sem eiga erfitt
uppdráttar á þessari blessuðu öld.
Leikbrúðusýningar hafa það fram
yfir svo margt annað, sem okkur er
boðið upp á, að virkja íntyndunar-
aflið, svo það leggur því sem gerist
á sviðinu liö. Og svo er nteð þessa 20
ára afmælissýningu Leikbrúðu-
lands á gömlu sögunni um Mjall-
hvíti. Sagan er sögð af sögumönn-
um, sem jafnframt bregða sér i
gervi bæði sögupersóna,' atburða,
leikmuna og þráðstýra og gleyma
aldrei áhorfendunum, heldur leyfa
þeim af og til að leggja eitthvað til
málanna. AHur umbúnaður —
sviðið sjállt og brúðurnar — er
snjall og uppfullur af bráð-
skemmtilegum lausnum, sem koma
altur og aftur á óvart þrátt fyrir
ofureinfalt yfirbragð sýningarinn-
ar. Lýsing og tónlist undirstrika allt
í sögunni og var tónlist Jónasar
Þóris mér sérstakt ánægjuefni, því
hún var ekki menguð því popp-
taktaæði sem alls staðar glymur í
eyrum. Þær Hallveig Thorlacius og
Helga Steffensen, sögumennirnir,
eru fallegar eins og drottningar í
ævintýrabók og kunna vel að ná
eyrum ungra áhorfenda. Textinn
hefur ekki verið einfaldaður eða
sneyddur gömlum og góðum orð-
um og talar því aldrei niður til barn-
anna.
Ýmislegt væri nú hægt að segja
um sjálfa söguna af Mjallhvíti og
þann boðskap sem hún óneitanlega
flytur börnum! En slikar vangavelt-
ur falla einfaldlega fyrir sjarma
sýningarinnar og því hvernig staðið
er að verki. Kannski má með sanni
segja að hið góða sigri hið illa! Og
sú vísa verður hér aftur kveðin, að
fátt er ánægjulegra en að leyfa
börnum að kynnast leikhúsi beint í
æð og ekkert er Iteld ég skemmti-
legra en sitja við hliðina á lítilli
hnátu, sem lifir sig gjörsantlega inn
i sögu og mynd og spyr svo á leið-
inni heim: „Eigurn við að fara aftur
á morgun?“ Fyrir henni er Leik-
brúðulandið ævintýri, sem hún á
skilið að fá að njóta sem oftast.
,,Textinn hefur ekki verið einfald-
aður eða sneyddur aömlum og góð-
um orðum og talar þvi aldrei níour
tilbarnanna.##
Allt i læstri útsendingu. Heimir Karlsson, íþróttafréttaritari Stöðvar 2.
Pressu-mynd: Magnús Reynir
Handknattleikur á Stöð 2
SÝNIIM BEINT FRÁ TOPPLEIKJUNUM
segir Heimir Kar/sson íþróttafréttaritari
Handknattleiksþáttur
Stöðvar 2 hefst í dag kl. 18.40
og verður sýnt frá fyrstu deild-
inni. Tekin verda viötöl viö
þjálfara og leikmenn, einnig
verður spurningakeppni sem
tveir leikmenn, hvor frá sínu
liði, taka þátt i. Umsjónarmað-
ur þáttarins er Heimir Karls-
son og við spjölluöum aðeins
við hann:
— Hvað verða þættirnir
langir?
„Þeir verða 30 mínútur og í
fyrsta þættinum sýni ég
sennilega leiki Fram og KR og
Vals og Breiðabliks og veróur
„meðmælandi" minn senni-
lega einhver úr þeim liðum.“
— Verður eitthvað sýnt frá
yngri flokkunum?
„Ég býst fastlega við þvi að
við gerum þeim skil í vetur."
— Verðaverðlaunveittfyrir
spurningakeppnina?
„Já, það verða verðlaun, en
ég get ekki gefiö upþ strax
hver þau verða, en eflaust
verða þau vegleg.“
— Verða beinar útsending-
ar í vetur?
„Já, þaö verða beinar út-
sendingar frá toppleikjunum
en ekki endilega i þessum
þáttum."
— Verða þættirnir i læstri út-
sendingu?
„Já, allt í læstri útsend-
ingu.“
(Viðtaliö tóku Árni Haf-
steinsson og Leiknir Ágústs-
son frá Vestmannaeyjum í
starfskynningu á PRESS-
UNNI.)