Pressan - 23.01.1992, Blaðsíða 10
10
FIMMTUDAGUR PRESSAN 23. JANÚAR 1992
M E N N
Sigurður Geirdal
Kosningasmali
í bæjarstjóraleik
Sigurður Geirdal naut sín
vel sem formaður ung-
mennafélaganna í eina tíð.
Hann stóð sig líka vel sem
þinglóðs Framsóknarflokks-
ins á sínum tíma. Þegar heitt
var í kolunum i þinghúsinu
og menn þeystu á milli her-
bergia til að fella ríkisstjórn
eða bjarga henni við var Sig-
urður hinn rólegasti, sagði
gamansögur og brosti við öll-
um. Hann var eins og gang-
andi hlé. Dreifði um sig ró-
lyndi hvert sem hann fór.
Þegar félagar
hans í
bœjarstjórninni
spyrja hann
hvort ekki sé ráð
að hœkka
fasteignagjöldin
svarar hann því
til að þá sé
hœtta á að
gamla fólkið eigi
ekki ístrœtó...
Birgir Dýrfjörð var þing-
lóðs Alþýðuflokksins á svip-
uðum tíma. Þótt Birgir sé
ekki jafnléttlyndur og Sigurð-
ur voru þeir af sama stofni.
Menn sem laðast að félags-
skapnum í stjórnmálaflokk-
unum, fljóta með á fundi,
hlæja dátt í pásum, eru öllum
mönnum duglegri í kosninga-
hasarnum og fá smásporslu á
nokkurra ára fresti að laun-
um.
Sigurður fékk eina slíka
fyrir nokkrum árum. Hann
fékk að leiða lista Framsókn-
ar í Kópavogi, en málsatvik
höguðu því svo að nú er Sig-
urður bæjarstjóri.
Það hefði einhverjum þótt
fyndið fyrir fáeinum misser-
um. Til að átta sig á því hvað
það er í raun fyndið geta
menn ímyndað sér Birgi Dýr-
fjörð sem bæjarstjóra í Hafn-
arfirði.
En sjálfsagt þykir Kópa-
vogsbúum þetta ekkert sér-
staklega fyndið. Það hefur
nefnilega komið í Ijós að Sig-
urður býr að uppeldi sínu í
Framsóknarflokknum. Hann
kann að vera innan um menn
sem hafa völd, hann kann að
hlæja með þeim og vinna fyr-
ir þá en það er langt frá því að
hann hafi nokkra reynslu af
því að fara með einhver völd
sjálfur. Hann kann ekki einu
sinni að taka ákvarðanir. Þess
vegna lætur hann Gunnar I.
Birgisson um það.
Og á meðan Gunnar stjórn-
ar bænum leikur Sigurður
bæjarstjóra. Hann reynir að
apa upp eftir þeim Steingrími
og Halldóri það sem hann
lærði niðri í þinghúsi á með-
an hann var þinglóðs. Hann
fer úr jakkanum á bæjar-
stjórnarfundum. Hann dreg-
ur menn út í horn til að fá
málin á hreint. Hann lemur í
borðið til að Ijá orðum sínum
meiri þunga. En hann er hins
vegar engu nær um hvað
málin snúast um. Ekki frekar
en þegar hann var þinglóðs
hérna á árum áður.
Hann er svo djúpt sokkinn
í þennan leik að hann hefur
ekki tekið eftir því að heyrn-
inni hefur hrakað. Þegar fé-
lagar hans í bæjarstjórninni
spyrja hann hvort ekki sé ráð
að hækka fasteignagjöldin
svarar hann því til að þá væri
hætta á að gamla fólkið ætti
ekki í strætó.
En þótt hann svari stund-
um út í hött skiptir það ekki
svo miklu máli. Aðalatriðið
er að hann svarar af þunga og
festu, eins og sá sem valdið
hefur. Hann lætur engan
vaða ofan í sig. Ekki frekar en
Steingrímur gerði þegar Sig-
urður var þinglóðs og fylgdist
með honum.
ÁS
Fyrirtæki Herlufs Clausen
ÚLðGLEG
SAU
ÁFENGIS
Herluf Clausen.
Fyrirtæki í eigu Herlufs Clausen hefur verið staðið að því að flytja
inn áfengi í gegnum sérpöntunarþjónustu ÁTVR og selja það
veitingahúsum í Reykjavík - en slíkt er ólöglegt.
Fyrirtæki í eigu Herlufs
Clausen hafa verið staðin að
því að flytja inn áfengi í gegn-
um sérpöntunarþjónustu
ÁTVR og selja á veitingahús-
um í Reykjavík. Þetta er lög-
brot. Málið kom upp á yfir-
borðið seint á síðasta ári, en
var ekki kært til lögreglu.
PRESSAN hefur staðíestar
heimildir fyrir því að tvö fyr-
irtækja Herlufs, Café Ópera
og Konráð Axelsson hf., hafi
haft forgöngu um áfengis-
pantanir í gegnum sérpönt-
unarþjónustu ÁTVR og selt
það síðan öðrum veitinga-
húsum. Samkvæmt áfengis-
löggjöfinni má veitingahús,
sem kaupir áfengi af ATVR,
eingöngu selja það viðskipta-
vinum sínum, en ekki selja
áfram til óskyldra aðila. Ein-
ungis var hægt að færa sönn-
ur á ólöglega sölu lítils magns
og mun það vera ástæða þess
að ekki var kært í málinu, en
heimildir PRESSUNNAR
herma að um hafi verið að
ræða þúsundir lítra.
Eftirlitsmenn vínveitinga-
húsa sem heyra undir emb-
ætti lögreglustjóra eiga að
fylgjast með því að áfengis-
lögum sé framfylgt. í þessu
tilfelli kom málið þó ekki til
kasta þeirra, heldur lenti
beint inn á borð til ÁTVR,
sem afgreiddi málið með til-
mælum um að þetta gerðist
ekki aftur, þegar borið var
við vanþekkingu og misgán-
ingi.
Konráð Axelsson hf. er í
eigu Herlufs Clausen og er
umboðsaðili fyrir áfengi.
PREiSSAN leitaði til Herlufs
vegna málsins, en hann vís-
aði á Birgi Hrafnsson, for-
svarsmann Konráðs Axels-
sonar. Birgir sagði að veit-
ingahús tækju sig stundum
saman í víninnkaupum til að
ná fram hagræðingu og hag-
stæðara verði, en sagðist
ekki vita til þess að það væri
lögbrot að sá, sem keypti af
ÁTVR, seldi áfram til ann-
arra. Hann kannaðist heldur
ekki við að ÁTVR hefði gert
athugasemdir við áfengisinn-
kaup tengd fyrirtækinu.
Ákvæði áfengislaga og
tengdra reglugerða eru skýr
hvað þetta snertir. í því til-
viki, sem hér um ræðir,
keypti Café Ópera áfengið af
ÁTVR og endurseldi síðan
öðrum veitingastöðum.
Björgun Einars Guðfinnssonar hf. á Bolungarvík
Vilja gera upp
skattaskuldir
með skuldabréfi
Friðrik Sophusson hefur fengið beiðni um að færa skatta-
skuld EG yfir á skuldabréf í annað sinn á tveimur árum.
Bæjarstjórn Bolungarvíkur
bíður nú tilbúin með 50 millj-
ónir króna sem eiga að greið-
ast til fyrirtækisins Einars
Guðfinnssonar hf. á Bolung-
arvík. Um er að ræða seinni-
hluta 100 milljóna króna lán-
veitingar sveitarfélagsins til
fyrirtækisins.
Fyrri 50 milljónirnar voru
greiddar út á gamlársdag og
meðal annars notaðar til að
greiða opinberum aðilum
hluta ar vanskilaskuldum.
Greiddi fyrirtækið þá hafnar-
gjöld, hluta af skyldusparn-
aði og staðgreiðsluskuldir.
Ekki náðist þó að greiða að
fullu niður staðgreiðsluskuld.
Bæjarstjórnin hefur sett
ýmis skilyrði fyrir því að fyr-
irtækið fái seinni 50 milljón-
irnar. í fyrsta lagi krefst hún
þess að fá tryggingabréf upp
á 25 milljónir með veði í skip-
um og kvóta fyrirtækisins.
Með þessu á að tryggja að
kvótinn fari ekki burtu. Á
móti kemur að bæjarsjóður
ætlar að greiða vexti af 80
milljónum af þessu fyrir fyrir-
tækið fyrstu tvö árin.
Auk þessa hefur verið farið
fram á að fyrirtækið fái að
semja um ógreidd opinber
gjöld við fjármálaráðuneytið.
Þar eru þó undanskildar stað-
greiðsluskuldir og skuld á
virðisaukaskatti. Þarna er
fyrst og fremst um að ræða
aðstöðu- og fasteignagjöld,
auk ýmissa launatengdra
gjalda.
Það sem hins vegar hefur
staðið í mönnum er að fyrir
tveimur árum fékk fyrirtækið
að greiða opinber gjöld með
nokkrum skuldabréfum.
Sameiginlegur höfuðstóll
þeirra var 50,5 milljónir
króna og mun verulegur hluti
þess vera í vanskilúm og
reyndar kominn í innheimtu
hjá lögfræðingi. Stærsta bréf-
ið. upp á 36 milljónir, var út-
gefið af fyrirtækinu Hólum
hf. Þar að auki hefur fyrir-
tækinu reynst ókleift að
standa í skilum við helsta lán-
ardrottin sinn, Atvinnutrygg-
ingasjóð.
Veröld
Gjaldþrot
upp á tugi
milljóna
Gjaldþrot Veraldar verður
upp á tugi milljóna króna.
Sem dæmi má nefna að krafa
Flugleiða verður vart undir
25 milljónum. Mestur hluti
kröfunnar er vegna þess að
Flugleiðir tóku að sér Kanarí-
eyjaferðir Veraldar, en eins
og PRESSAN hefur áður
greint frá var búið að greiða
Veröld tíu til tólf milljónir
króna inn á þessar ferðir.
Hluti Flugleiðakröfunnar er
vegna annarra skulda Verald-
ar og Svavars Egilssonar við
félagið.
Helgi Jóhannsson, fram-
kvæmdastjóri Samvinnu-
ferða/Landsýnar og formað-
ur Félags íslenskra ferðaskrif-
stofa, segir að félagið hafi
gert tillögur um stofnun sjóðs
sem ætlað verði það hiutverk
að grípa inn þegar eitthvað
þessu líkt gerist.
Helgi segir að félagið hafi
komið þessum hugmyndum
sínum á framfæri við tvo
samgönguráðherra, Stein-
grím J. Sigfússon og Harald
Blöndal. Ekki hefur enn orð-
ið af stofnun sjóðsins.