Morgunblaðið - 26.05.2004, Blaðsíða 44
ÍÞRÓTTIR
44 MIÐVIKUDAGUR 26. MAÍ 2004 MORGUNBLAÐIÐ
ÓLAFUR Gottskálksson, markvörð-
ur knattspyrnuliðs Keflvíkinga,
liggur á sjúkrahúsinu í Keflavík
vegna sýkingar en hann var lagður
þar inn í fyrrakvöld. Nær engar lík-
ur eru á að hann leiki með nýlið-
unum, sem tróna á toppi úrvals-
deildarinnar, þegar þeir sækja FH
heim í Kaplakrikann í þriðju um-
ferðinni á föstudagskvöldið.
„Ólafur er með slæma sýkingu í
olnboga, hann bólgnaði allur upp út frá sárum sem
virtust meinlaus, og útlitið er ekki gott. Ég tel nánast
útilokað að hann verði orðinn leikfær á föstudaginn.
En Magnús Þormar kemur þá í hans stað, hann stóð
sig mjög vel með okkur í deildabikarnum í vetur og
við treystum honum fyllilega til að hlaupa í skarðið,“
sagði Rúnar Arnarson, formaður knattspyrnudeildar
Keflavíkur, við Morgunblaðið í gær.
Ólafur á sjúkrahúsi
vegna sýkingar
Ólafur
STEFÁN Arnarson, landsliðþjálfari
kvenna í handknattleik, hefur valið
18 manna hóp fyrir landsleikina gegn
Tékkum í undankeppni Evrópumóts-
ins en fyrri leikurinn fer fram í
Garðabæ næsta laugardag kl. 16, en
hinn síðari í Tékklandi viku síðar.
Sigurliðið tekur þátt í lokakeppni EM
í Ungverjalandi í desember.
Stefán valdi á dögunum 22 leik-
menn til æfinga vegna leikjanna en
hefur nú ákveðið að 18 þeirra taki
þátt í leikjunum við Tékka. Þeir sem
standa í eldlínunni í leikjunum eru:
Markmenn: Berglind Íris Hans-
dóttir, Val og Helga Torfadóttir,
Tvis/Holstebro. Aðrir leikmenn:
Anna U. Guðmundsdóttir, Gróttu/
KR, Anna Guðmundsdóttir, Val,
Dagný Skúladóttir, Weibern, Drífa
Skúladóttir, Val, Eva Hlöðversdóttir,
Gróttu/KR, Guðbjörg Guðmunds-
dóttir, ÍBV, Guðrún D. Hólmgeirs-
dóttir, FH, Gunnur Sveinsdóttir, FH,
Hafrún Kristjánsdóttir, Val, Hanna
G. Stefánsdóttir, Tvis/Holstebro,
Hrafnhildur Skúladóttir, Tvis/
Holstebro, Inga Fríða Tryggvadóttir,
Tvis/Holstebro, Jóna Margrét Ragn-
arsdóttir, Stjörnunni, Kristín Guð-
mannsdóttir, Tvis/Holstebro, Rakel
Dögg Bragadóttir, Stjörnunni, Þórdís
Brynjólfsdóttir, FH.
Þeir fjórir leikmenn sem féllu úr 22
manna hópnum eru; Ásdís Sigurð-
ardóttir, Dröfn Sæmundsdóttir,
Harpa Vífilsdóttir og Hildur Gísla-
dóttir.
Stefán velur átján stúlkur
fyrir leikina við Tékka
ÍSLENSKA piltalandsliðið í handknattleik, skipað
leikmönnum 18 ára og yngri, dróst m.a. í riðil með Sví-
um í lokakeppni Evrópumótsins sem fram fer í Serb-
íu/Svartfjallalandi frá 23. júlí til 1. ágúst. Dregið var í
riðla í höfuðstöðvum Handknattleikssambands Evr-
ópu í Vínarborg í gærmorgun. Einnig leikur íslenska
liðið við heimamenn og Eistlendinga.
Ísland er í 4. riðli en alls taka 16 þjóðir þátt í mótinu.
Íslensku piltarnir tryggðu sér keppnisrétt í und-
ankeppni sem fram fór í Makedóníu um síðustu helgi.
Þá unnu þeir Grikki og Makedóníumenn en töpuðu
fyrir Frökkum.
Riðlarnir fjórir á EM 18 ára landsliða líta þannig út:
A-riðill: Danmörk, Ungverjaland, Hvíta-Rússland,
Rúmenía.
B-riðill: Þýskaland, Sviss, Rússland, Slóvenía.
C-riðill: Frakkland, Króatía, Slóvakía, Búlgaría.
D-riðill: Svíþjóð, Serbía/Svartfjallaland, Ísland,
Eistland.
Leika við Svía á
EM 18 ára liða
FÓLK
ENSKU knattspyrnumennirnir
þrír sem væntanlegir eru í raðir Vík-
inga koma ekki í tæka tíð fyrir leik-
inn gegn KR annað kvöld eins og
vonast var eftir. Jay Denny, Jer-
maine Palmer og Richard Keough,
sem allir eru 18 ára, kom að öllum
líkindum til félagsins í næstu viku.
RICHARD Hamilton skoraði 23
stig fyrir Detroit Pistons sem lagði
Indiana Pacers á útivelli, 72:67, í
öðrum úrslitaleik liðanna í Austur-
deild NBA-deildarinnar í körfu-
knattleik í fyrrinótt. Liðin eru nú
jöfn, 1:1, eftir tvo leiki í Indiana og
staða Detroit er því orðin vænleg.
Reggie Miller var atkvæðamestur í
liði Indiana og skoraði 21 stig.
Næstu tveir leikir fara fram í Detr-
oit, í nótt og aðfaranótt laugardags.
Þetta var fyrsta tap Indiana í 15
leikjum á heimavelli.
TAYSHAUN Prince lék stórt
hlutverk í liði Detroit með frábærum
varnarleik en hann varði skot frá
Reggie Miller á magnaðan hátt á ör-
lagaríku augnabliki undir lok leiks-
ins. Leikmenn Detroit vörðu samtals
19 skot í leiknum sem er það næst-
mesta í sögunni í úrslitakeppni
NBA.
HOLLENSKI landsliðsmaðurinn
Giovanni Van Bronckhorst, sem
Barcelona hefur verið með í láni frá
Arsenal, hefur skrifað undir þriggja
ára samning við Barcelona. Arsenal
á aðeins eftir að samþykkja kaup-
verð.
ÍTALSKI landsliðsþjálfarinn
Giovanni Trapattoni sagði í gær að
hann vonaðist eftir að annaðhvort
Fabio Capello eða Marcello Lippi
tæki við starfi hans, þegar hann læt-
ur af störfum sem landsliðsþjálfari
eftir EM í Portúgal. Það er því
spurning hvor þeirra komi með
ítalska landsliðið, sem leikur gegn Ís-
landi á Laugardalsvellinum 18.
ágúst.
GERARD Houllier segist hvergi
vera af baki dotinn þrátt fyrir að
hafa verið sagt upp starfi knatt-
spyrnustjóra hjá Liverpool. Hann
ætli ekki að leggjast í kör, þvert á
móti hafi hann í hyggju að halda
áfram að starfa við knattspyrnu og
segist vonast til að fá starf hjá öðru
félagi áður en langt um líður.
PETER Schmeichel, fyrrverandi
landsliðsmarkvörður Dana og leik-
maður Manchester United, hefur
ráðið sig til TV3 í Danmörku hvar
hann hyggst lýsa leikjum frá Meist-
aradeild Evrópu í knattspyrnu á
næstu leiktíð.
RUI Costa, leikmaður AC Milan
segist ekki hafa nokkurn áhuga á að
ganga til liðs við Chelsea en hann
hefur verið orðaður við enska liðið
upp á síðkastið. Costa segir að þrátt
fyrir að hann hafi ekki átt fast sæti í
byrjunarliði AC Milan á leiktíðinni
þá hafi hann ekki gefist upp á ver-
unni í tískuborginni.
KEFLVÍKINGAR minntust þess í
sl. viku, fyrir leik Keflavíkur og
KR, að 40 ár eru liðin síðan Keflvík-
ingar fögnuðu sínum fyrsta Íslands-
meistaratitli með því að gera jafn-
tefli við KR í Njarðvík, 1:1. Gömlu
meistararnir komu saman í hófi í
Landsbankanum í Keflavík fyrir
leikinn til að rifja upp afrekið frá
1964. Þá var sagt að þrír rafvirkjar
hefðu leikið í hinu „magnaða meist-
araliði“ Keflvíkinga. Hér eru
nokkrar myndir frá samkomunni í
Keflavík.
Ljósmynd/Hilmar Bragi Bárðarson
Gömlu meistararnir frá 1964 mættu til að sjá viðureign Keflavíkur og KR á Keflavíkurvellinum. Þeir sáu leikmenn Keflavíkurliðsins
sýna oft á tíðum meistaratakta þegar þeir lögðu Íslandsmeistara KR að velli, 3:1. Frá hægri eru Hafsteinn Guðmundsson, Hólmbert
Friðjónsson, Gottskálk Ólafsson, Karl Hermannsson, Magnús Haraldsson, Gísli Ellerup, Einar Magnússon, Grétar Magnússon,
Magnús Torfason, Guðni Kjartansson, Geirmundur Kristinsson, Jón Jóhannsson, Sigurður Albertsson, Sveinn Pétursson, Rúnar
Júlíusson, Jón Ólafur Jónsson, Högni Gunnlaugsson og Kjartan Sigtryggsson.
„Magnaðir
meistarar“
Rúnar Júlíusson, hinn sókndjarfi leikmað-
ur Keflavíkurliðsins 1964, og Hafsteinn
Guðmundsson, sem var lengi formaður
Íþróttabandalags Keflavíkur.
Tveir kunnir markahrókar á árum áður rifja upp
hvernig þeir hrelldu markverði – Jón Ólafur
Jónsson og Jón Jóhannsson, sem afrekaði það í
leik gegn Val 1964 að skora mark fótbrotinn.
Karl Hermannsson, Einar Magnússon, Geirmundur
Kristinsson og Hólmbert Friðjónsson ræða málin.
Þeir létu mikið að sér kveða á miðjunni í baráttunni með Keflvíkingum á
árum áður – Grétar Magnússon, Magnús Torfason, Karl Hermannsson og
Sigurður Albertsson, sem allir klæddust landsliðsbúningi Íslands.