Morgunblaðið - 26.05.2004, Blaðsíða 48

FÓLK Í FRÉTTUM
48 MIÐVIKUDAGUR 26. MAÍ 2004 MORGUNBLAÐIÐ
ÞAÐ var gaman á Hótel Borg á
sunnudagskvöldið þegar kvartettinn
Skófílar lék tónlist gítarleikarans
John Scofield. Það eru næstum tveir
áratugir síðan Scofield lék í Gamla
bíói í boði Jazzvakningar með þeim
Steve Swallow og Adam Nussbaum.
Hann hafði þá nýlega hætt með
hljómsveit Miles Davis og skein
stjarna hans skært og gerir enn, enda
er hann einn fremsti djassgítarleikari
okkar daga. Tónleikar hans í Gamla
bíói voru ógleymanlegir öllum sem á
hlýddu og fjölsóttir. Því miður voru
fáir sem mættu á tónleika Skófíla á
Borginni en kvartettnum tókst mjög
vel að túlka lög Scofields sem eru
mörg hver mjög athyglisverð þótt
hann muni seint teljast til helstu tón-
skálda djassins.
Flestir ópusanna sem þeir félagar
léku voru af Blue Note skífum Sco-
fields frá því um 1990 þegar Joe Lov-
ano var með honum, „Time on my
hand“ og „Ment to be“, og eru margir
í anda Ornette Colemans og jafnvel
Mingusar, þótt persónuleg einkenni
Scofields séu sterk. Eisenhover var
upphafsópusinn, boppuð lína með
bláum undirtóni sem Ásgeir undir-
strikaði skemmtilega í gítarsóló sín-
um. Scofield litar gítarleik sinn oft á
tíðum blús- og rokkhrifum og var
skemmtilegt að heyra Ásgeir, sem
oftast er á hinum tæru djassnótum
Montgomery og félaga, leika þann
leik þetta kvöld. Enn skófíldaðri var
Ásgeir í „What I did“, ópus er Sco-
field samdi í anda Parkers. Ég er
heldur ekki frá því að Lovano hafi
haft sín áhrif á blástur Ólafs Jóns-
sonar, en þeir Birgir og Qvick hefðu
mátt draga meiri lærdóm af Haden
og DeJohnette sem léku í kvartetti
Scofields á „Time on my hand“. Satt
að segja stóð rýþminn sólistunum
nokkuð að baki, en það stæði til bóta
fengi kvartettinn tækifæri til að leika
meira saman.
Það var ansi gaman að Big fan, or-
nettískum ópusi, þar sem Ásgeir lék
lipran sóló, tónninn oft grófur,
skemmtileg riff spunnin upp og
hljómar slegnir. Ólafur blés svo á
frjálsum nótum meðan rýþminn
kroppaði í bítið áður en allt féll í ljúfa
löð.
Scofield er fínn ballöðuhöfundur og
Ólafur blés vel „Since you asked“.
Hann er einna fremstur saxófónleik-
ara okkar í þeim klassíska ballöðuleik
er Dexter Gordon lagði grunninn að.
Hann var enn betri í Nocturnal mis-
sion þar sem dramatíkin ólgaði undir
tæru yfirborðinu. Ólafur er hefð-
bundnastur tenórtríósins okkar
(Ólafur-Jóel-Óskar) og um margt inn-
hverfastur þeirra. Lengi háði tónninn
honum nokkuð en á þeim vanda hefur
hann ráðið bót.
Mister Coleman to you er
skemmtilegur kalýpsóblendingur,
ekki ósvipaður mörgu sem Pierre
Dørge semur. Millikaflinn var þó í
anda Colemans og var spilamennskan
fín hjá Birgi Braga og Eric Qvicks,
sem brá fyrir sig burstum.
Að lokum skal nefnd túlkun þeirra
félaga á Not you again, sem Scofield
hljóðritaði fyrst árið 2000. Eins og
nafnið gefur til kynna er hér byggt á
gömlum merg. Hljómar úr „There
will never be another you“ og laglínan
eitthvað sem manni finnst maður hafa
heyrt síðan á dögum KK sextettsins.
Stórskemmtilega samið og leikur
þeirra félaga fínn.
Það var synd að ekki skyldi vera
húsfyllir á þessum tónleikum, því þeir
voru bráðskemmtilegir og tónleikar
Múlans á Borginni eru ekta tónleikar
en engin bjórkvöld. Vonandi mæta
tónlistarunnendur betur næstu
sunnudagskvöld, en það eru aðeins
þrjú Múlakvöld eftir á þessu starfs-
ári.
Skófíldað á Múlanum
Djass
Múlinn á Hótel Borg
Ólafur Jónsson tenórsaxófón, Ásgeir Ás-
geirsson gítar, Birgir Bragason bassa og
Eric Qvick trommur.
Sunnudagskvöldið 9.5. 2004.
Skófílar
Kvartettinn Skófílar.
Vernharður Linnet
FORN GRÍSK hetjudýrkun er
áhættunnar virði í augum kvik-
myndaframleiðenda um þessar
mundir. Spartverji (Spartan) er
reyndar spennutryllir úr samtíman-
um en nafnið og aðalpersónuna
bendlar leikstjórinn og handritshöf-
undurinn David Mamet við þraut-
þjálfaða stríðsmenn og heragann
sem skapaði og kom ódauðlegu
frægðarorði á konungsríkið forna.
Bætir við fjölskylduharmleik og
meinsæri á æðstu stöðum.
Mamet er einn þekktasti leikrita-
höfundur samtímans og
hefur jafnframt skrifað frá-
bær kvikmyndahandrit á
borð við The Verdict, The
Untouchables og toppurinn
kvikmyndagerð Glengarry
Glen Ross, sem hann
byggði á eigin Pulitzer
verðlaunaleikriti. Spart-
verji er 12. myndin sem
hann leikstýrir, á þeim
vettvangi er hann oftar en
ekki nær meðalmennsk-
unni en þegar hann lætur
ritsmíðarnar nægja. Mynd-
irnar hans eru jafnan
áhugaverðar, vel leiknar og
skrifaðar, snúnar og orð-
margar fléttur sem skortir
gjarnan meitlaðri úrvinnslu
og niðurstöðu.
Söguhetja Spartverja er
Robert Scott (Val Kilmer),
yfirmaður í sveit útvalinna
hörkutóla bandarísku ríkis-
stjórnarinnar. Til þeirra er
leitað ef fýkur í flest skjól
hjá Leyniþjónustunni CIA,
Alríkislögreglunni FBI og öðrum
slíkum stofnunum. Í myndarbyrjun
er Scott við störf í þjálfunarbúðum,
temjandi nýja kynslóð harðjaxla til
hlýðni, drápa og undirgefni. Þá er
hann kallaður í háleynilega aðgerð,
stúlkunni Lauru Newton (Kristen
Bell), nemanda við Harvard háskóla
hefur verið rænt, að öllum líkindum
af alþjóðlegum, eða öllu frekar arab-
ískum hring hvítra þrælasala. Kem-
ur á daginn að stúlkan er hugsanlega
látin, að meinsæri liggur í loftinu og
að hún er hvorki meira né minna en
dóttir forsetans.
Lengst af er Spartverji á talsvert
frumlegri nótum en hinn almenni
karlrembutryllir. Arabarnir eru að
vísu vondu kallarnir (myndin er gerð
áður en Moore sagði svo mikið sem
Fahrenheit), en þeim er ekki kunn-
ugt um hvaða persónu þeir hafa á
milli handanna. Mamet tekur til
meðferðar kaldranalegt hafdjúpið á
milli tamningamannsins Scotts og
nemendanna og gerir það forvitni-
legt og umhugsunarvert þegar at-
burðarásin er komin vel á stað. Býr
til trúverðugt andrúmsloft í kringum
dularfulla elítu atvinnumanndrápara
sem víla hlutina ekki fyrir sér, en
framkvæma skipanir yfirboðaranna
umyrðalaust.
Mamet hverfur frá áhugaverðu
sjónarhorni og endar myndina á
margtuggðum hetjuóð til Scotts.
Spartverjans sem kippir málunum í
lag, einn á móti öllum. Lokakaflinn í
Dubai er hrikalega ósennilegur og
einnig á skjön við þá skynsamlegu
sögufléttu og samræður sem ráða
lengst af ríkjum fram að því. Kilmer
er aðsópsmikill sem handbendið
knáa en Mamet fer illa með uppá-
haldið sitt, gæðaleikarann William
H. Macy, sem fellur í vonlausri glímu
við klisjuhlutverk. Spartverjinn
flokkast undir enn ein, forvitnileg
mistök Mamets, sem skilja engu að
síður eftir meira bragð en önnur.
Brotlent í Dubai
KVIKMYNDIR
Laugarásbíó
Leikstjórn og handrit: David Mamet.
Kvikmyndataka: Juan Ruiz-Anchia. Tón-
list: Mark Isham. Aðalleikendur: Val Kil-
mer (Robert Scott), Derek Luke (Curtis),
William H. Macy (Stoddard), Ed O’Neill
(Burch), Kristen Bell (Laura Newton), Tia
Texada (Jackie). 110 mínútur. Warner
Brothers Pictures. Bandaríkin. 2004.
SPARTVERJI / SPARTAN

½
Robert Scott (Val Kilmer) er mikið hörkutól.
Sæbjörn Valdimarsson
Fáðu fréttirnar
sendar í símann þinn
Stóra svið Nýja svið og Litla svið
DON KÍKÓTI eftir Miguel de Cervantes
3. sýn fi 27/5 kl 20 - rauð kort
4. sýn fi 3/6 kl 20 - græn kort
5. sýn su 6/6 kl 20 - blá kort
Su 13/6 kl 20
CHICAGO eftir J. Kander, F. Ebb og B. Fosse
Fö 28/5 kl 20 - UPPSELT
Lau 29/5 kl 20,
Fö 4/6 kl 20,
Lau 5/6 kl 20,
Lau 12/6 kl 20,
Lau 19/6 kl 20
SÍÐUSTU SÝNINGAR
Ósóttar pantanir seldar daglega
Miðasala: 568 8000
Nýr opnunartími: Mánudaga og þriðjudaga: 10:00 - 18:00
miðviku-, fimmtu- og föstudaga: 10:00 - 20:00
laugardaga og sunnudaga: 12:00 - 20:00
www.borgarleikhus.is midasala@borgarleikhus.is
NÝTT: Miðasala á netinu
www.borgarleikhus.is
BELGÍSKA KONGÓ eftir Braga Ólafsson
Su 6/6 kl 20, Su 13/6 kl 20
SEKT ER KENND e. Þorvald Þorsteinsson
Fi 3/6 kl 20,
Síðasta sýning
RÓMEÓ OG JÚLÍA e. Shakespeare
í samstarfi við VESTURPORT
Í kvöld kl 20
Fi 27/5 kl 20 - UPPSELT
Fö 28/5 kl 20 - UPPSELT
Mi 2/6 kl 20, Fi 3/5 kl 20, Fö 4/6 kl 20
THIS IS NOT MY BODY
Norræn gestaleiksýning
Lau 29/5 kl 20 - kr. 1.900
PÓLSTJÖRNUR - TÓNLEIKAR/TROMMUDANS
Grænland - Belgía - Ísland
Fi 27/5 kl 21 - kr 2.500
HUGSTOLINN - KAMMERÓPERA
Marta Hrafnsdóttir, Sigurður Halldórsson,
Daníel Þorsteinsson
Fö 28/5 kl 20 - kr 2.500
BRODSKY KVARTETTINN
Sjón, Ásgerður Júníusdóttir, Skólakór Kársness
Lau 29/5 kl 16 - Miðasala Listahátíðar
TANZ THEATER HEUTE - LJÓSMYNDASÝNING
í samvinnu við Goethe Zentrum - Í FORSAL
Á LISTAHÁTÍÐ:
Fim. 24. júní FRUMSÝNING kl. 19.30 - UPPSELT
Fös. 25. júní Sýning nr. 2 kl. 19.30 - UPPSELT
Mið. 30. júní Sýning nr. 3 kl. 19.39
Fim. 1. júlí Sýning nr. 4 kl. 10.30
Fös. 2. júlí Sýning nr. 5 kl. 19.30
Sun. 4. júlí Sýning nr. 6 kl. 17.00
Lau. 10. júlí Sýning nr. 7 kl. 16.30
Lau 10. júlí Sýning nr. 8 kl. 19.30