Morgunblaðið - 07.07.2004, Blaðsíða 13
ERLENT
MORGUNBLAÐIÐ MIÐVIKUDAGUR 7. JÚLÍ 2004 13
Mjög góð 2ja herb. 73 fm íbúð á jarðhæð í VR-blokkinni. Úr stofu er
gengið út á hellulagða verönd. Þjónusta er í húsinu. Húsvörður. Íbúðin er
laus nú þegar. Verð 13,5 millj.
HVASSALEITI 58 - VR-BLOKKIN
ÁÆTLAÐ er, að í Afganistan séu
um 700.000 konur, sem misst hafa
mann sinn í stríðsátökum í land-
inu. Lifa margar þeirra á bón-
björgum eða á aðstoð erlendra
hjálparstofnana, eins og til dæmis
þessar konur í höfuðborginni,
Kabúl. Matarskammturinn, sem
þær fá mánaðarlega, er 50 kíló af
hveiti, fimm lítrar af matarolíu,
eitt kíló af salti og níu kíló af
baunum.
AP
700.000 stríðsekkjur
TONY Blair, forsætis-
ráðherra Bretlands, við-
urkenndi í gær í fyrsta
sinn, að hugsanlega
myndu aldrei finnast
gereyðingarvopn í Írak.
„Ég verð að játa, að
þau hafa ekki fundist og
munu kannski aldrei
finnast,“ sagði Blair á
fundi með þingmönnum.
„Við vitum ekki hvað um
þau varð. Kannski hafa
þau verið flutt í burtu,
kannski falin, kannski
verið eytt.“
Blair baðst þó ekki af-
sökunar á innrásinni í
Írak og sagði, að það væri rangt að
halda því fram, að engin hætta hefði
stafað af Saddam Hussein, fyrrver-
andi Íraksforseta. Sagði hann, að
Saddam hefði dreymt
um og langað til að
beita gereyðingar-
vopnum.
Hingað til hefur
Blair staðið á því fastar
en fótunum, að gereyð-
ingarvopnin myndu
finnast. Á fundinum
með þingmönnunum
sagði Blair einnig, að
fangabúðir Banda-
ríkjamanna í Guant-
anamo á Kúbu væru
„frávik“, sem yrði að
taka endi.
Í næstu viku verður
birt skýrsla óháðrar
rannsóknarnefndar á þeim upplýs-
ingum, sem breska leyniþjónustan
hafði í aðdraganda Íraksstríðsins, og
á notkun þeirra.
Úrkula vonar um
gereyðingarvopn
London. AFP.
Tony Blair
ÆTTINGJAR íraskra vísinda-
manna sögðu útsendurum banda-
rísku leyniþjónustunnar (CIA) fyr-
ir innrásina í Írak í fyrra að
stjórnvöld í Bagdad hefðu lagt
áætlanir sínar um framleiðslu ger-
eyðingarvopna á hilluna. CIA
þagði hins vegar um þessar upp-
lýsingar þó að George W. Bush
Bandaríkjaforseti væri á sama
tíma að vara opinberlega við hætt-
unni sem stafaði af vopnabúri
Íraka.
Frá þessu var greint í The New
York Times í gær en upplýsing-
arnar munu hafa komið fram í
störfum leyniþjónustunefndar öld-
ungadeildar Bandaríkjaþings. Mun
nefndin hafa komist á snoðir um
það, að CIA stóð fyrir stríð fyrir
yfirheyrslum yfir ættingjum ír-
askra vísindamanna. Afrakstur yf-
irheyrslnanna rataði hins vegar
ekki til forsetans, að sögn blaðsins.
Þingnefndin hefur verið að
kanna störf bandarísku leyniþjón-
ustunnar í aðdraganda Íraksstríðs-
ins og ákvarðanatöku stjórnvalda
er byggði á upplýsingum leyni-
þjónustunnar – enda hefur það
mikla magn efna- og sýklavopna í
Írak, sem Bush-stjórnin réttlæti
innrásina í Írak á, ekki fundist.
Nefndin mun gera grein fyrir af-
rakstri rannsóknar sinnar í vik-
unni og er talið líklegt að þar verði
farið hörðum orðum um frammi-
stöðu CIA og forystumanna stofn-
unarinnar, enda hafi þeir ekki átt-
að sig á því að þær upplýsingar
sem þeir bjuggu yfir réttlættu
ekki þá niðurstöðu þeirra að Sadd-
am Hussein Íraksforseti ætti mik-
ið magn gereyðingarvopna.
Fulltrúar CIA gera lítið úr upp-
ljóstrunum sem New York Times
greindi frá í gær. Þeir segja að að-
eins hafi verið um örfáa einstak-
linga að ræða, sem héldu því fram
að gereyðingarvopnaáætlanirnar
hefðu verið lagðar á hilluna.
Sögðu vopnaáætlanir
Íraka úr sögunni
Washington. AFP.
THOMAS Klestil, forseti Austurrík-
is, lést í gærkvöldi, 71 árs að aldri.
Hann var fluttur á sjúkrahús í Vín í
fyrradag eftir að
hafa fengið
hjartaáfall og lést
klukkan 21.33 að
íslenskum tíma.
Wolfgang
Schüssel, kansl-
ari, tók við skyld-
um forsetans er
hann veiktist en
Heinz Fischer,
sem sigraði í forsetakosningum fyrr
á þessu ári, mun taka við embættinu
fyrr en ætlað var.
Klestil starfaði í austurrísku utan-
ríkisþjónustunni og var m.a. sendi-
herra Austurríkis í Bandaríkjunum
og hjá Sameinuðu þjóðunum. Hann
notaði oft tækifærið til að tala um
helförina og gagnrýna þátt Austur-
ríkismanna í ofsóknum nasista gegn
gyðingum.
Forseti Aust-
urríkis látinn
Vín. AFP.
Thomas Klestil
VANGAVELTUM um val demókrat-
ans John F. Kerrys í Bandaríkjunum
á varaforsetaefni lauk í gær er hann
skýrði frá því að öldungadeild-
arþingmaðurinn John Edwards frá
Norður-Karólínu hefði orðið fyrir
valinu. „Ég valdi mann sem skilur og
stendur vörð um gildi Bandaríkja-
manna, mann sem hefur sýnt að hann
hefur til að bera hugrekki og sann-
færingu í baráttunni fyrir miðstétt-
ina í Bandaríkjunum,“ sagði Kerry á
fjölmennum útifundi í Pittsburgh og
var ákaft fagnað.
Kerry, sem er sextugur, mun hafa
sagt stuðningsmönnum sínum í tölvu-
skeyti að hann gæti varla beðið þess
að sjá þá leiða saman hesta sína, hinn
unglega og kraftmikla Edwards og
Dick Cheney varaforseta sem er mun
eldri maður og auk þess hjartveikur.
Frost í beinni
Edwards er 51 árs og hefur verið
þingmaður í sex ár. Hann var nær
óþekktur utan eigin sambandsríkis
er hann gaf kost á sér sem forseta-
efni en þótti sýna að mikið væri í
hann spunnið. Heldur var byrjunin
þó brösótt. Hann var ekki vanur
hvössum spurningum fréttamanna í
Washington og varð fyrir því óláni að
„frjósa“ í beinni sjónvarpsútsendingu
er hann fann ekki rétta svarið. Helst
þykir það ókostur við Edwards að
hann hefur enga reynslu af utanrík-
ismálum.
Smám saman sjóaðist frambjóð-
andinn, sjálfsöryggið jókst og í ljós
kom að hann átti auðvelt með að tjá
sig en margir sökuðu hann um að
ganga full langt í lýðskrumi. Ed-
wards er talinn eilítið íhaldssamari
en Kerry, hann styður til dæmis
dauðarefsingar eins og langflestir
stjórnmálamenn landsins. En Ed-
wards greiddi á sínum tíma atkvæði
gegn samningnum um Fríverslunar-
svæði Norður-Ameríku, NAFTA,
sem Kerry studdi. Báðir studdu á
hinn bóginn heimild til handa Bush
um að hefja stríð gegn Saddam
Hussein.
Einkum er til þess tekið hve vel
Edwards tekst að ná til almennra
kjósenda um landið allt. Sterkur suð-
urríkjahreimur hans og drengjalegt
útlitið virðist falla mörgum vel í geð.
Ekki spillir að tímarit hafa m.a. út-
nefnt hann „kynþokkafyllsta stjórn-
málamann“ landsins. Edwards er oft
líkt við Bill Clinton og ekki síður ann-
an snilling í að nota alþýðlegt tungu-
tak, nefnilega Ronald Reagan.
John Kerry er þaulreyndur þing-
maður en hann er hinn dæmigerði yf-
irstéttarmaður frá norðausturríkj-
unum. Hann hefur þótt traustur en
harla óspennandi á kosningafundum
síðustu vikurnar, notar oft langar og
flóknar setningar sem ekki hrífa
áheyrendur. Illkvittnir repúblikanar
segja að hann sé álíka líflegur og
steinstytturnar fornu á Páskaey.
Hins vegar hefur honum gengið afar
vel að safna fé til kosningabarátt-
unnar.
En demókratar vona að bjartsýni
og baráttugleði Edwards muni
hleypa nýjum krafti í Kerry og liðs-
menn hans. Edwards er verka-
mannssonur og vann sjálfur fyrir sér
í háskólanáminu með því að sópa
gólfin í sömu verksmiðju og faðirinn.
Hann lauk lögfræðinámi við háskól-
ann í Norður-Karólínu og efnaðist
síðar vel á iðju sem reyndar er um-
deild: hann beitti öllum brögðum til
að fá skjólstæðingum sínum dæmdar
bætur fyrir læknamistök en margir
halda því fram að sektir af þessu tagi
séu orðnar óhóflega háar.
Eiginkona hans er Elizabeth Ed-
wards og eiga þau þrjú börn, Cate,
Emmu Claire og Jack. Fjórða barnið,
sonurinn Wade, fórst í umferðarslysi
aðeins 16 ára gamall árið 1996. Ed-
wards er trúrækinn meþódisti og
hefur aldrei verið orðaður við
framhjáhald; skjöldurinn er hreinn.
Getur skipt máli
En skiptir valið á varaforsetaefni
forsetaframbjóðenda miklu máli?
Fræðimenn vestra hafa rannsakað
þann þátt og niðurstaðan er að mjög
sjaldan hafi varaforseti haft svo mikil
áhrif í kosningabaráttu að hann hafi
ráðið úrslitum.
Yfirleitt eru Kerry og Bush nú
með svipað fylgi í könnunum og gæti
það bent til þess að mjög mjótt yrði á
mununum í nóvember. En Robert G.
Kaiser, aðstoðarritstjóri dagblaðsins
The Washington Post sagði í gær að
allt of snemmt væri að spá nokkru
um það hvort svo færi, jafn líklegt
væri að annaðhvort Kerry eða Bush
ynni með yfirburðum. „Ykkar getgát-
ur eru jafngóðar og mínar,“ sagði Ro-
bert G. Kaiser.
Reuters
John Edwards (t.v.) og John Kerry.
Virkja baráttugleði
Johns Edwards
kjon@mbl.is
Fréttaskýring | John Kerry velur sér vara-
forsetaefni úr suðurríkjunum