Morgunblaðið - 07.07.2004, Side 17
MINNSTAÐUR
MORGUNBLAÐIÐ MIÐVIKUDAGUR 7. JÚLÍ 2004 17
„STRÁKARNIR voru að gera að
skötuselnum þegar hrognabeltið
kom innan úr hrygnunni. Við viss-
um ekkert hvað þetta var, enginn
okkar hefur séð þetta áður,“ sagði
Gunnar K. Gunnlaugsson, skipstjóri
á Hafborgu GK. Hann var að lýsa
rauðum hrognaborða sem kom út
úr skötuselshrygnu um borð.
Skipverjar settu hrognaborðann í
poka og fóru með hann í Rannsókn-
arstöðina í Fræðasetrinu í Sand-
gerði þegar komið var í land. Þar
mældist borðinn hvorki meira né
minna en 7,1 metri á lengd. Starfs-
menn Fræðasetursins höfðu sam-
band við Gunnar Jónsson, fiski-
fræðing hjá Hafrannsóknastofnun,
sem óskaði eindregið eftir því að fá
að sjá hrognaborðann þannig að
farið var með hann þangað í gær.
Skipverjarnir á Hafborgu fengu
hrygnuna þegar þeir voru á skötu-
selsveiðum grunnt út af Sandgerði.
Í Fiskabók Gunnars Jónssonar
kemur fram að fiskurinn hrygnir í
heita sjónum suður og suðaustur af
landinu, langt frá landi og á miklu
dýpi, eða um 1800 metrum. Að-
alhrygningarsvæðið er suður af
Færeyjum og vestan Bretlandseyja
og suður í Biskajaflóa. Í bókinni
kemur fram að um ein milljón eggja
sé í borðanum sem geti orðið 10
metra langur og 45–90 sentímetra
breiður. Gunnar skipstjóri sagði að
hrygnan hefði verið úttroðin og
borðinn verið vafinn um maga
hennar. Þegar hrygnurnar hafa los-
að sig við borðann berst hann með
straumum á meðan eggin klekjast
út.
„Eitthvað hefur þessi ruglast í
ríminu,“ sagði Gunnar þegar honum
var sagt hvar hrygningarsvæði
skötuselsins væri. Hann sagði að
hitastigið í sjónum væri að breytast.
Nefndi að engum hefði dottið í hug
fyrir svona fimmtán árum að reyna
að veiða skötusel á grunnslóð.
Sjö metra hrognaborði kom út úr skötuselshrygnunni þegar skipverjar á Hafrúnu gerðu að henni
Enginn okkar
hefur séð þetta
Morgunblaðið/Reynir Sveinsson
Vísindamenn: Halldór Halldórsson og Alfonso Romos sáu um að breiða úr hrognaborðanum í Rannsóknarstöðinni.
lagahöfundar í úrslitum keppninnar eru Elvar
Gottskálksson, Bryndís Sunna Valdimars-
dóttir, Védís Hervör Árnadóttir, Ingvi Þór
Kormáksson, Magnús Kjartansson sem sigraði
í Ljósalagskeppninni á síðasta ári, Hreimur
Örn Heimisson og Örlygur Smári.
Þótt Halldór sé ekki þekktur lagasmiður er
hann enginn nýgræðingur í tónlistinni. „Ég
var að leika mér í tónlistinni í kringum 1975,
var þá að spila með æskuvini mínum. Gunnari
Friðþjófssyni, og við kölluðumst Gunni og
Dóri. Við gáfum út tveggja laga plötu og spil-
uðum víða, meðal annars í sjónvarpsþáttum,“
segir Halldór.
Hann segist hafa verið að gutla aðeins í tón-
listinni eftir þetta og fyrir tveimur árum byrj-
að að semja aftur. Þá sendi hann inn lag í
Ljósalagskeppnina í Reykjanesbæ og það náði
þriðja sætinu. Hann segist hafa sent inn lög í
ýmsar keppnir, meðal annars Evrópu-
söngvakeppnina hjá Sjónvarpinu. „Ég á nóg af
lögum. Maður tekur bara þátt og lítur á það
sem stóran plús ef maður kemst inn. Þetta er
skemmtilegt happdrætti,“ sagði Halldór og
sneri sér aftur að smíðunum.
Nú verður byrjað að útsetja lögin tíu og þau
verða gefin út á geisladisk, með einhverjum
hætti, að sögn Guðbrands Einarssonar sem
sæti á í undirbúningsnefnd. Besta lagið verður
síðan valið á skemmtun sem haldin verður í
Stapanum í Njarðvík síðari hluta ágústmán-
aðar. Lagið er sem fyrr tileinkað fjölskyldu- og
menningarhátíðinni Ljósanótt sem haldin er í
Reykjanesbæ í byrjun september ár hvert.
„LAGASMÍÐARNAR eru áhugamálið mitt, ég
hef verið að taka þær aftur upp eftir nokkurt
hlé,“ segir Halldór Guðjónsson, húsasmíða-
meistari í Hafnarfirði, sem samdi þrjú lög af
þeim tíu lögum sem dómnefnd valdi til að taka
þátt í úrslitum Ljósalagskeppninnar í Reykja-
nesbæ.
Dómnefndin valdi lögin án þess að vita
hverjir höfundarnir eru. Það var því skemmti-
leg tilviljun að þrjú laga Halldórs af alls sex
sem hann sendi inn skyldu komast í úrslitin.
Þorsteinn Eggertsson samdi texta við tvö af
lögunum hans og Kristján Hreinsson það
þriðja. Halldór segist hafa unnið áður með
Þorsteini og haft ánægju af. Þá segir hann að
Magnús Kjartansson hafi hjálpað sér mikið við
útsetningar og upptökur á lögunum. Aðrir
Húsa- og lagasmiður úr Hafnarfirði á þrjú lög af tíu í úrslitum Ljósalagssamkeppni í Reykjanesbæ
Þetta er skemmtilegt happdrætti
Morgunblaðið/Jim Smart
Smiðurinn að störfum: Halldóri Guðjónssyni
húsasmið er fleira til lista lagt en smíðarnar,
hann semur áhugaverð dægurlög.
UPPSKERUSTÖRFIN eru hafin
hjá Sögu Medica. Verið er að safna
laufum ætihvannar í Mýrdalnum
og vonast Þráinn Þorvaldsson
framkvæmdastjóri til þess að tíu
tonn náist sem er tvöfalt það magn
laufa sem fyrirtækið fékk á síðasta
ári. Síðar í sumar verður safnað
öðru eins af fræjum.
„Ég stend hér í miðjum hvanna-
skógi fyrir sunnan Hjörleifshöfða
og hún nær mér upp fyrir axlir.
Ég hef verið í þessari vinnu í þrjú
ár og hvönnin er blómlegri en ég
hef séð hana áður, eins og sjálf-
sagt allur gróður,“ sagði Þráinn
þegar hann var truflaður við upp-
skerustörfin. Tólf manna hópur
vinnur með honum að því að safna
laufunum. Allt er handskorið og
sett í poka. Einnig er unnið að til-
raunum með ræktun hvannar á
ökrum þar sem betra er að koma
vélbúnaði við en Þráinn segir að
áfram verði safnað laufum af villtri
ætihvönn. Vísindamenn fyrirtæk-
isins hafa komist að raun um að
virka efnið í laufunum er best á
þessum tíma sumars og keppist
fólkið því við að ná sem mestu á
sem stystum tíma. Í byrjun ágúst
er síðan gengið í það að safna
fræjum ætihvannarinnar.
Hráefnið er flutt í Gunnarsholt
þar sem það er þurrkað og síðan
eru unnar úr því ýmsar heilsuvör-
ur sem fyrirtækið hefur verið að
þróa, Voxis-hálstöflur, Angelica-
jurtaveigar, húðvörur og fleira.
Fækkar salernisferðum
eldri karlmanna á nóttunni
Í haust verður markaðssett ný
vara sem byggist á efnum úr æti-
hvannarlaufum en hún á að sögn
Þráins að geta dregið úr salern-
isferðum eldri karlmanna á nótt-
unni.
Vörurnar eru á markaði hér á
landi og tilraunir hafa verið gerðar
með útflutning til Noregs og Dan-
merkur. Angelica-vörurnar hafa að
sögn Þráins náð góðri fótfestu í
Noregi og hálstöflurnar í Dan-
mörku. Hann segir að fyrirtækið
hafi ákveðið að sérhæfa sig í sölu
vara úr lækningajurtum af norð-
lægum slóðum. „Flestar lækninga-
jurtir koma af suðlægum svæðum
og í kringum þær er stóriðnaður.
Því skyldum við ekki taka þátt í
honum?“ spyr Þráinn og heldur
áfram að klippa lauf.
Vinnuflokkur sker ætihvönn til framleiðslu heilsuvara
Hvönnin með besta móti
Morgunblaðið/Jónas Erlendsson
Hvannaskógur: Ætihvönnin hefur vaxið vel í sumar eins og sést á saman-
burðinum við Þráin Þorvaldsson, framkvæmdastjóra Sögu Medica.
SUÐURNES
LANDIÐ