Íslendingaþættir Tímans - 22.04.1970, Blaðsíða 32

SEXTUGUR
Baldvin Þ. Kristjánsson,
félagsmálafulltrúi
Baldvin Þ. Kristjánsson félags-
málafulltrúi Samvinnutrygginga
átti sextugs afmæli 9. þessa mánað
ar. Hann fæddist að prestssetrinu
Stað í Aðalvík 9. apríl 1910, þar
sem foreldrar hans Halldóra Fimn-
bjarnardóttir og Kristján Egilsson
áttu þá heima hjá þáverandi Stað-
arpresti séra R. Magnúsi Jónssyni.
Þau hjón fluttu brátt til Hnífsdals
og þar ólst Baldvin upp. Hann
stundaði sjómennsku í æsku, svo
sem sjálfsagt þótti á þeim slóðum.
Hann fór í Núpsskóla 17 vetra
gamall og útskrifaðist þaðan.
Munu námsvetur hans á Núpi,
mannræktar- og siðmenningarandi,
sem þar ríkti, hafa lagt varanlega
undirstöðu að fólagshyggju hans
og afdráttarlausu fylgi við sam-
vinnuhreyfinguna. Að loknu námi
á Núpi, réðst Baldvin til náms í
Samvinnuskólann og brautskráðist
þaðan árið 1931. Að því búnu leit-
aði hann út fyrir landsteinana. fór
til framhaidsnáms og sótti náms-
dvöl 1 Jakobsberg lýðháskóla í
Svíþjóð. Síðar var hann á nám-
skeiði við sænska samvinnuskól-
ann Vár gára árið 1948. Og enn
fór hann í námsför hjá hinu víð-
kunna sænska samvinnutrygginga
félagi Folksam árið 1948 í því
skyni að kynnast til hlýtar út-
breiðsiuskipulagi þessa volduga
tryggingafélags. Má af þessari upp
rifjan á námsferli Baldvins marka,
að hann hefur hvorki horft í fé
né tíma til að kynnast fullk .miega
samvinnustarfinu utan .ands sem
innan.
Baldvin hefur vitanlega gegnt
mörgum störfum, auk aðalstarfs
síns hjá S.ÍS. og. síðan Samvinnu
tryggingum. Hann var aðalbókari
og gjaldkeri síldarútvegsnefndar á
Siglufirði árin 1935—‘44 og einn-
ig trúnaðarmaður Siglufjarðar-
kaupstaðar við virkjun Skeiðfoss.
I-Iann gerðist erindreki Landssam-
bands íslenzkra útvegsmanna árið
1945. Var hann einungis eitt ár í
því starfi, eða þar um bil, en stofn
12
aði þó mörg útvegsmannafélög
víðs vegar um landið og endur-
reisti önnur. Einnig safnaði hann
fé í innkaupasjóð L.f.Ú og .mun
starfsemi hans á því sviði ennþá
bera þess merki.
Hinn 1. okt. 1946 gerðist hann
svo erindreki Sambands ísl. sam-
vinnufélaga og gegndi þvi starfi
til ársloka 1953. Þar fékk hann
starfsgrundvöll, sem hæfði ágæt-
um hæfileikum hans til flutnings
erinda og fyrirlestra. Öðlaðist
hann brátt mikið traust samvinnu-
manna og áheyrenda fyrir ákveð-
inn, snjallan, vel orðaðan og rök
studdan málflutning. Fór hróður
hans í þeim efnum vaxandi. Er
hann lét af erindrekastörfum hjá
S.Í.S., tók hann að sér fram-
kvæmdastjórn hraðírystihúss-
ins Kirkjusands, og sinnti þvi
starfi til 1. júlí 1960. Gerðist hann
nú útbreiðslustjóri Samvinnutrygg
inga. Hér var óruddur akur
fyrir áróður um nauðsyn á
hvers konar tryggingum, og
þó einkum bifreiðanna, sem þá
voru óðum að komast inn á hvert
heimili, ef svo mætti að orði kom-
ast. Ég og ýmsir fleiri hugðum að
prédikanir um nauðsyn trygginga,
fyrir utan hinar lögboðnu bifreiða
tryggingar, yrðu um of einhæfar
til þess að ná verulega eyrum ým-
issa áheyrenda. En þær spár hafa
látið undan síga. Baldvin hefur
með orðfimi sinni, mælsku og ó-
bifandi sannfæringarkrafiti tekizt
að gera áheyrendum sínum, og
ekki síður í viðtali, trygg-
ingamálin yfirhugleikin og kveikt
sterkan áhuga hjá nýmörgum, er
áður létu þessi mál af9kiptalaus,
eða voru þeim jafnvel mótsnúnir.
Og hér hefur ekki verið látið sitja
við orðin tóm. Verkin sýna merk-
in. Hin öra og rismikla þróun Sam-
vinnutrygginga sýnir, að hér hef
ur ekki verið sofið á verðinum.
Hér eiga vitanlega margir ágætir
menn hlut að máli, svo sem for-
stjórinn, framkvæmdastjórar og ó-
taldir starfsmenn Samvinnutrygg
inganna. En skerfur útbreiðslu
stjórans verður hvorki veginn né
mældur hér. Óhætt tr þó að full-
yrða, að hann er mikill og raunar
ómetanlegur. Ótalin er svo hér
forganga Baldvins i stofnun klúbb
anna „Öruggur akstur“. Þeir eru
orðnir 33, ef ég man rétt, klúbb-
arnir, sem hanm hefur komið á
fót. Ebki hefur stofnun þeirra ver-
ið fyrirhafnarlaus. Og jafnan
hefur hann í ræðu og riti barizt
ótrauður fyrir bættri umferðar-
menningu. Mun sá þáttur hans í
öryggismálum ökutækjanna ekki
gleymast.
Það þarf ómæit þrek til þess að
þeytast um landið úr einum stað í
annan vikum, mánuðum og jafn-
vel árum saman. Og ekki síður
andlegt táp til að þylja ræður um
sama eða svipað efni. En Baldvin
er ávallt ferskur, er hann kemur
í ræðustól, og er sýnt að breyta
um efni þar sem við á. Hann er
ávallt orðglaður, snjali í máii og
nær þvl auðveldlega öruggum tölc
Framhald á bls. 31.
ÍSLENDINGAÞÆTTIR