24 stundir - 27.11.2007, Blaðsíða 6

6 ÞRIÐJUDAGUR 27. NÓVEMBER 2007 24stundir
Jarðskjálfti að styrkleika 4,4 mældist vestur af
Hveravöllum við norðanverðan Langjökul um hálf-
fjögurleytið síðdegis í gær. Skjálftinn fannst víða,
þar á meðal á Blönduósi og í Húnavatnssýslu, auk
þess sem Veðurstofunni bárust fregnir af því að
hann hefði fundist á Akureyri. Upptök stærsta
skjálftans voru um 13,4 kílómetra norðvestur af
Hveravöllum.
Björn Þór Kristjánsson, framkvæmdastjóri á Pott-
inum og pönnunni á Blönduósi, segir menn á
Blönduósi hafa fundið vel fyrir stærsta skjálftanum.
„Það nötraði allt í kringum mann og glingraði þar
sem glös stóðu saman. Það fór ekkert allt af stað, en
við tókum vel eftir skjálftanum.“
Hjá Veðurstofu Íslands fengust þær upplýsingar
að skjálftahrinan hafi hafist upp úr hádegi, en að
skjálftinn klukkan 15.30 hafi verið þeirra langstærst-
ur. Aðrir skjálftar hafi mest mælst 3 stig á Rich-
terskvarða. Svæðið í kringum Langjökul er virkt
skjálftasvæði og má búast við eftirskjálftum næstu
daga. atlii@24stundir.is
Jarðskjálfti upp á 4,4 stig á Richterskvarða vestur af Hveravöllum
Nötraði allt í kringum mann
Eftir Björgu Evu Erlendsdóttur
beva@24stundir.is
Verð á lítra af dísilolíu komst í 142
krónur og 40 aura með þjónustu í
gær. Algengt verð án þjónustu var
137 krónur. Aldrei fyrr hefur olíu-
verðið komist í námunda við þetta.
Engar vísbendingar eru um verð-
lækkun á næstunni, en meiri
hækkanir eru aftur á móti líklegar.
Óróleiki á heimsmarkaði og
mikil eftirspurn í Asíu eykur líkur á
því. Árstíðabundnar hækkanir yfir
vetrartímann eiga líka eftir að skila
sér. Hér heima hefur álagning olíu-
félaganna heldur lækkað eftir að
eldsneytisverð rauk upp úr öllu
valdi.
Alltaf á uppleið
Runólfur B. Ólafsson, fram-
kvæmdastjóri Félags íslenskra bif-
reiðaeigenda, segir mælingar FÍB á
álagningu olíufélaganna sýna að
hún hafi heldur lækkað nú upp á
síðkastið en áður farið hækkandi
frá í sumar og fram í september.
Hvað sem álagningu líður er
verðið alltaf á uppleið, bæði á dísil
og bensíni. Verðbilið á milli dísil-
olíu og bensíns eykst stöðugt því
dísilolían hækkar meira.
Lítil hvatning
Frá því ríkið ákvað tímabundið
lægri skatt á dísilolíu til að hvetja til
notkunar á henni frekar en bensíni,
hefur lítrinn hækkað um nærri
þrjátíu krónur og er verðið nú
komið langt fram úr bensíninu.
Lögin um núverandi olíugjald
verða til frambúðar. „Engu að síður
er minni hvati á Íslandi til notk-
unar á dísilolíu en er í öðrum lönd-
um,“ segir Runólfur. „Því ætti að
breyta.“ Hann gagnrýnir líka að því
sé ekkert fylgt eftir að bílaumboð
gefi upp eyðslu og mengun bíla.
Ríkið lækki álögur
„Ríkið græðir verulega á elds-
neytishækkuninni sem kemur hins
vegar illa við almenning,“ segir
Runólfur. „Margfeldisáhrifin eru
mikil, á flutningskostnað, vísitölu,
vöruverð og fleira. Mér finnst að
ríkið gæti lækkað álögur sínar að
minnsta kosti um það sem nemur
aukatekjum vegna verðhækkana.
Ástandið er óvenjulegt og ekki útlit
fyrir að það batni.“
Dísilolían
dýrari og dýrari
 Eldsneytisverð áfram í hæstu hæðum  Ríkið endurskoðar skatt-
lagningu  Skattur á dísil er hærri hér enn í nágrannalöndum
Jeppasport Vinsæl
dægradvöl íslenskra karl-
manna verður dýr í vetur.
➤ Nefnd í fjármálaráðuneyti fernú yfir skattheimtu á elds-
neyti.
➤ Fyrir nefndinni liggur erindifrá FÍB með ósk um lækkun
gjalda.
SKATTTEKJUR HÆKKA
Heilsugæslan á höfuðborgar-
svæðinu skuldar birgjum 260 millj-
ónir króna, sem engin fjárveiting er
til fyrir.
Skuldin hefur lækkað, í fyrra var
hún 320 milljónir, en eftir verk-
efnauppgjör við heilbrigðisráðu-
neyti tókst að borga niður hluta.
Landspítalinn dró líka á eftir sér
langan skuldahala með dráttar-
vöxtum. Á fjáraukalögum er lögð
til fjárveiting til hans. Samsvarandi
tillaga hefur ekki komið fram
vegna heilsugæslunnar.
Guðmundur Einarsson, forstjóri
heilsugæslunnar, vonar að úr ræt-
ist. „Við erum orðnir langeygir eft-
ir leiðréttingu. Þessar skuldir eru
sumar gamlar,“ segir Guðmundur.
Heilsugæslan sinnir meðal annars
heimahjúkrun í Reykjavík og er sá
þáttur mjög vaxandi í starfsemi
hennar. Skipulagsbreytingar eru
framundan hjá stofnuninni, en
Guðmundur segir ljóst að miðað
við óbreytta stöðu verði óskemmti-
legt verk að laga reksturinn að fjár-
hagsrammanum. beva@24stundir.is
Heilsugæslan á höfuðborgarsvæðinu langeyg eftir leiðréttingu
Skulda birgjum 260 milljónir
en fá ekki aukafjárveitingu
Langeygir Forstjóri
heilsugæslunnar
segir sumar skuld-
irnar orðnar gamlar.
Skóli fyrir þig?
Ertu strákur eða stelpa á aldrinum 16-25?
Langar þig að stunda skemmtilegt nám:
* í heimavistarskóla?
* í góðum félagsskap?
* í fögru umhverfi?
Innritun stendur yfir í Handverks- og
Hússtjórnarskólann á Hallormsstað.
Skólinn kennir matreiðslu
og handverkslist á
framhaldsskólastigi.
Uppl. www.hushall.is eða í síma 471 1761