24 stundir - 27.11.2007, Blaðsíða 14

14 ÞRIÐJUDAGUR 27. NÓVEMBER 2007 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: 24stundir@24stundir.is, frettir@24stundir.is, auglysingar@24stundir.is
Prentun: Landsprent ehf.
Frumvarp Jóhönnu Sigurðardóttur félagsmálaráðherra til breytinga á jafn-
réttislögum er skýrt dæmi um þá algengu trú, að hægt sé að leysa flestan
vanda með því að setja lög. Helzt eins flókin, stíf og íþyngjandi og kostur er á.
Það er staðreynd að fullt jafnrétti ríkir ekki á Íslandi. Launamunur
kynjanna er til dæmis til skammar. En full ástæða er til að efast um að ýmsar
þær íþyngjandi kvaðir, sem félagsmálaráðherra vill leggja á atvinnurekstur í
landinu, muni leysa úr þessum vanda.
Það á til dæmis við um ákvæði frumvarpsins um að öll fyrirtæki með fleiri
en 25 starfsmenn skuli skila stjórnvöldum jafnréttisáætlun og að Jafnrétt-
isstofa eigi að taka út hvort áætlunin sé „viðunandi“. Verði fyrirtæki ekki við
fyrirmælum Jafnréttisstofu um breytingar á jafnréttisáætluninni má beita þau
dagsektum, allt að 50.000 krónum!
Hverjum dettur í hug að svona lagasetning muni virka? Fyrir utan skrif-
finnskuna, sem hún kallar á hjá fyrirtækjunum, hlýtur fólk að spyrja hvar rík-
isvaldið eigi að finna mannskap til að kalla eftir jafnréttisáætlunum 800 fyr-
irtækja, fara yfir þær og meta hvort þær séu „viðunandi“.
Það sama á við um þá fráleitu tillögu í frumvarpinu að umsækjandi um
starf hjá fyrirtæki á almennum vinnumarkaði eigi kröfu á því að vinnuveit-
andinn rökstyðji fyrir honum ráðningu annars umsækjanda af gagnstæðu
kyni og útlisti hvernig sá hafi staðið honum framar hvað varðar menntun,
starfsreynslu, sérþekkingu og aðra hæfileika.
Það eru reglur af þessu tagi, settar af góðum hug en fullkomlega vanhugs-
aðar, sem hafa hálfpartinn lamað vinnumarkaðinn í sumum nágrannalönd-
um okkar. Ef vinnuveitandi má eiga von á að þurfa að standa í því að rökstyðja
sérstaklega fyrir öðrum umsækjendum hvern hann ræð-
ur í starf, gerist annað af tvennu. Hann lætur vera að
ráða í starfið eða hann gerir það án þess að auglýsa. Og
þá missir margt hæfileikafólk, sem ella hefði átt kost á
starfinu, af tækifæri.
Það er ekki líklegt til árangurs ef vinnuveitendur fara
að líta á málaflokkinn jafnréttismál sem uppsprettu
skrifræðis og flækja. Ef árangur á að nást í jafnréttisbar-
áttunni þarf að sannfæra stjórnendur fyrirtækja um að
þeir vannýti mannauðinn með því að borga konum
lægri laun en körlum og velja þær síður til stjórnunar- og
ábyrgðarstarfa. Atvinnurekendur þurfa að sjá að þeir
græði peninga á því að gefa jafnréttismálum gaum; að
þar liggi tækifæri, en ekki vandamál.
Skrifræði í
þágu jafnréttis?
SÆKTU LEIÐARANN Á WWW.MBL.IS/PODCAST
Guðni segir undanbragðalaust
frá fullkomnum trúnaðarbresti
formanns og varaformanns, rek-
ur sleitulítið
styrka stöðu sína
í vinsældakönn-
unum (og néri
Halldóri upp úr
henni á lokuðum
einkafundum),
lýsir því vafn-
ingalítið að Hall-
dór hafi verið
tengslalaus við flokkinn, verið sí-
fellt í útlöndum meðan flokk-
urinn rak á reiða, lokað sig af, og
ekki ráðfært sig við nokkurn
mann. Guðni segir nánast berum
orðum að Halldór sé ábyrgur fyr-
ir fylgistapi flokksins. Þetta er svo
grimmur kafli að blóðið lagar úr
honum.
Össur Skarphéðinsson
eyjan.is/goto/ossur
BLOGGARINN
Grimmur kafli
[F]innst mér ástæða til þess að
benda Össuri Skarphéðinssyni, í
fullri vinsemd á, að hann starfar
ekki lengur í
stjórnarandstöðu,
heldur er hann
iðnaðarráðherra í
ríkisstjórn Ís-
lands. Ég tel að
sem slíkur þurfi
hann að gæta bet-
ur að orðum sín-
um og gerðum en
honum var nauðsynlegt að gera
meðan hann var óbreyttur stjórn-
arandstöðuþingmaður og hafði
uppi óábyrgan málflutning um
allt milli himins og jarðar. Ég tel
að iðnaðarráðherrann ætti að hafa
það í huga að í núverandi rík-
isstjórn á hann í samstarfi við
Sjálfstæðisflokkinn ...
Sigurður Kári Kristjánsson
sigurdurkari.blog.is
Óábyrgt tal
Nú eru útrásarmennirnir okkar
búnir að kaupa Kaupmannahöfn
og hálfa London. Maður gengur
ekki um þessar
borgir lengur án
þess að þenja
brjóstið af þjóð-
arstolti. Þeir búa
í London, þar
sem er helsti
staður nýríkra,
keyra á Bugatti
og Bentley,
skreppa heim í einkaþotum. Þetta
er miklu veraldarvanara fólk en
þeir Íslendingar sem ég ólst upp
með – þar á meðal ég.
Ég öfunda það eiginlega af þessu.
Mig hefur alltaf langað að verða
alvöru heimsborgari, en vegna
uppruna míns held ég að ég nái
því aldrei alveg.
Egill Helgason
eyjan.is/silfuregils
Heimsborgari
Ólafur Þ.
Stephensen
olafur@24stundir.is
Í laugardagsblaði 24 stunda var birt opið
bréf til mín frá Herdísi Kristinsdóttur
grunnskólakennara. Í því koma fram ákaflega vel rök-
studdar ábendingar um að gera þurfi störfum grunn-
skólakennara hærra undir höfði í samfélaginu.
Í stuttu máli er ég hjartanlega sammála þeim sjón-
armiðum Herdísar og annarra, að það er óviðunandi
að starfsfólk sem sinnir grundvallarþjónustu, eins og
menntun og umönnun, skuli búa við þannig kjör að
stór hluti þess telur sig ekki hafa efni á að stunda þessi
mikilvægu störf. Ég hef margsagt það á opinberum
vettvangi að ég telji það vera eitt mikilvægasta verkefni
hins nýja meirihluta í Reykjavík, að takast á við þann
vanda sem mannekla í grunnskólum borgarinnar, sem
og raunar á öðrum stofnunum hennar, hefur skapað.
Þessi vandi varðar að sjálfsögðu launakjör.
Hinn nýi meirihluti greip strax á fyrsta starfsdegi til
aðgerða í starfsmannamálum. Þar er m.a. gert ráð fyr-
ir um 200 milljóna potti sem rennur til stjórnenda –
þ. á m. grunnskólanna – svo þeir fái svigrúm til að
umbuna starfsfólki vegna aukins álags út af mann-
eklu. Kjarasamningar við grunnskólakennara losna nú
á vormánuðum. Það er kristaltært að í þeim samn-
ingum þarf að stíga mun stærri skref. Reykjavík-
urborg mun hins vegar væntanlega ekki standa ein að
þeirri samningsgerð. Efnaminni sveitarfélög þurfa
einnig að geta boðið betri kjör. Ríkisvaldið, sem fer
með ákvörðunarvald um tekjustofna sveitarfélaganna,
getur heldur ekki staðið aðgerðalaust hjá. Íslendingar
þekkja líka þjóða best dæmin um það hvernig
óraunsæir kjarasamningar geta brunnið upp í verð-
lagsbreytingum.
Það er því einlæg von mín að mynda
megi þjóðarsátt um það milli ríkis,
sveitarstjórna og atvinnulífsins, að
hin mikilvægu störf grunnskólakenn-
ara verði gerð mun samkeppnishæf-
ari við önnur störf en nú er. Ég tek
undir með Herdísi: Þetta mál er ein-
staklega brýnt. Allir hlutaðeigandi
aðilar þurfa að bretta upp ermar hið
fyrsta.
Höfundur er borgarstjóri
Reykjavíkur
Þjóðarsátt um skólana
ÁLIT
Dagur B.
Eggertsson
borgarstjori
@reykjavik.is
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson