24 stundir - 27.11.2007, Blaðsíða 18

Sumir koma hingað ár eftir ár því
skreytingarnar eru aldrei eins.
Eftir Svanhvíti Ljósbjörgu
svanhvit@24stundir.is
Það er líkt því að stíga inn í æv-
intýraheim þegar komið er í jóla-
verslun Hjördísar Gissurardóttur
að Vallá á Kjalarnesi, svo glæsileg
er hún. Enda segist Hjördís aðal-
lega vera með fallegt og handgert
jólaskraut. „Þetta eru jólavörur
sem eru aðallega frá Belgíu, Þýska-
landi, Ítalíu, Frakklandi og Sviss.
Ég er með mjög lítið af hverju en
mikið úrval af því mér leiðist ákaf-
lega að sjá alltaf það sama þar sem
ég kem í kringum jólin. Ég er ekki
með lager heldur er lagerinn allur
frammi í verslun. Það sem er í
körfunum er það sem er til og
þegar það er búið má fólk taka af
trjánum.“
Jólaskreytingar auka jákvæðni
Það eru hátt í fjórar vikur síðan
Hjördís opnaði Engla og fólk að
þessu sinni en þetta er í fjórða
sinn sem hún er með jólaverslun
heima hjá sér. „Fólk er ofboðslega
hrifið þegar það kemur hingað
enda má segja að þetta sé annar
heimur. Fólk hefur gaman af að
sjá jólin í sinni fallegustu mynd og
kemst í jólastuð. Sumir koma
hingað ár eftir ár því skreyting-
arnar eru aldrei eins og ég breyti
alltaf um uppstillingu í salnum,“
segir Hjördís og bætir við að vit-
anlega sé mikil vinna á bak við
verslunina. „Það er alltaf mikil
vinna á bak við allt sem er fallegt.
Ég hef gaman af að fegra og
skreyta allt í kringum mig. Ég held
að slíkt skapi meiri jákvæðni. Það
segir sig sjálft að fólk skreytir ekki
eða fegrar í kringum sig ef það er í
vondu skapi þannig að ég telst
ábyggilega vera mjög jákvæð
manneskja. Það er geysileg vinna
að koma þessu fyrir og maður
nýtur þess eftir á. Svo þegar þetta
er allt saman komið þá er maður
eins og tendruð ljósapera, maður
er svo ánægður og glaður.“
Jólaljósin njóta sín
Englar og fólk er opin frá 18-22
á mánudögum, þriðjudögum,
miðvikudögum og fimmtudögum
en Hjördís segir að þá njóti jóla-
ljósin sín best. „Það er svo mikil
birta í sölunum á daginn að jóla-
ljósin njóta sín ekki. Svo eru nátt-
úrlega 90 prósent húsmæðra og
-feðra að vinna allan daginn en
fólk hefur þá kannski tíma til að
sleppa sjónvarpinu og skella sér
hingað með fjölskylduna til að sjá
fallega jólastemningu. Utan hefð-
bundins opnunartíma tek ég bók-
aða hópa,“ segir Hjördís sem seg-
ist ekki vita hve lengi hún reki
Engla og fólk, hún taki ákvörðun
um það frá jólum til jóla. „Ég er
búin að vera í rekstri síðan ég var
unglingur eða síðastliðin 40 ár og
ég er náttúrlega farin að eldast. Ég
reikna það út að ef ég er að nálgast
sextugt núna þá eigi ég bara fjöru-
tíu ár eftir og ég er ekki alveg búin
að ákveða hvað ég ætla að gera við
þessi fjörutíu ár. Mér finnst líka
tilheyra lífinu svolítið að sitja ekki
alltaf fastur á sama stólnum, mað-
ur þarf alltaf að hafa útgönguleið
og vera að skapa eitthvað og sjá
eitthvað nýtt. Þetta er gaman og
ég myndi aldrei vilja hætta í neinu
fyrr en mér færi að finnast það
leiðinlegt.“
Hjördís Gissurardóttir rekur jólaverslun sem kemur fólki í jólaskap
Jólahátíðin í sinni
fallegustu mynd
➤ Hjördís Gissurardóttir er gull-smiður að mennt.
➤ Hjördís opnaði fyrstu Benet-ton-verslunina sem opnuð
var á Íslandi.
➤ Fyrir nokkrum árum fékkHjördís ítalska málara til að
mála freskumyndir á loft og
veggi en verslunin er einmitt
rekin í þeim sölum.
KONANJólaverslun Hjördísar
Gissurardóttur á Kjal-
arnesi, Englar og fólk, er
líkt og ævintýraheimur
enda segir hún að slík
fegurð og skreytingar
auki jákvæðni. Hjördís
hefur rekið Engla og fólk
í fjögur ár á heimili sínu.
Englar og fólk Verslunin er opin frá
18-22 á mánudögum, þriðjudögum,
miðvikudögum og fimmtudögum.
Ævintýraheimur Fólk
hefur gaman af að sjá jól-
in í sinni fallegustu mynd.
24stundir/Brynjar Gauti
Hjördís Gissurardóttir: Það er alltaf mikil vinna á bak við allt sem er fallegt. Ég hef
gaman af að fegra og skreyta allt í kringum mig. Ég held að slíkt skapi meiri jákvæðni
18 ÞRIÐJUDAGUR 27. NÓVEMBER 2007 24stundir
Gefum góðar stundir
Gjafakort Þjóðleikhússins er kjörin jólagjöf
fyrir fjölskylduna eða fyrirtækið