24 stundir - 12.01.2008, Side 16

16 LAUGARDAGUR 12. JANÚAR 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: 24stundir@24stundir.is, frettir@24stundir.is, auglysingar@24stundir.is
Prentun: Landsprent ehf.
Það mál, sem helzt brennur á foreldrum skólabarna á höfuðborg-
arsvæðinu, kannski fyrir utan viðvarandi manneklu í skólum og á frí-
stundaheimilum, er hinn svokallaði heildstæði skóladagur.
Þetta kom skýrt fram á fundi, sem menntasvið Reykjavíkurborgar og
Íþrótta- og tómstundaráð efndu til í fyrradag. Þar kvaddi m.a. Kristín
Ólafsdóttir sér hljóðs og benti á að markmiðin með einsetningu grunn-
skólans hefðu ekki náðst. Þá hefði verið stefnt að því að frístundaiðkun
barna færðist inn í skólann og vinnudegi allrar fjölskyldunnar væri lokið
klukkan fimm. Af því hefði ekki orðið.
Fyrir síðustu borgarstjórnarkosningar lofuðu allir flokkar að koma
málum þannig fyrir að börnin gætu lokið sínum „vinnutíma“ fyrir klukk-
an fimm, eins og flestir foreldrar. Þannig yrðu samverustundir fjölskyld-
unnar bezt tryggðar, í stað þess að krakkarnir séu á íþróttaæfingum, í tón-
listartímum og öðru tómstundastarfi fram undir klukkan sjö á kvöldin og
jafnvel lengur.
Nokkur lítil skref hafa verið stigin í átt að heildstæðum skóladegi. Sums
staðar í borginni er samstarf milli frístundaheimila og íþróttafélaga. Sums
staðar eru tónlistarskólar í samstarfi við grunnskólana. Staðan er hins veg-
ar mjög mismunandi eftir hverfum. Markmiðin hafa langt í frá náðst.
Það sem er unnið með heildstæðum skóladegi er ekki bara meiri sam-
vistir barna og foreldra. Ef núverandi borgarstjórnarmeirihluta er t.d. al-
vara með að vilja draga úr umferð í borginni, eru aðgerðir í þessum mál-
um ein áhrifaríkasta aðferðin til þess. Skutl foreldra með börn eftir
skólatíma eykur bæði á umferðaröngþveitið og kemur niður á framleiðni
atvinnulífsins.
Með því að leyfa ýmsum einkaaðilum sem bjóða
upp á tómstundastarf að nota aðstöðu í skólunum er
hægt að nýta betur þá fjárfestingu, sem ráðizt var í
vegna einsetningar grunnskólans. Glæsilegar skóla-
byggingar standa víða að mestu leyti auðar eftir
klukkan tvö eða þrjú á daginn.
Reynslan frá öðrum sveitarfélögum sýnir að vel er
hægt að ná árangri í að samþætta skóla og tómstunda-
starf. Einna beztur árangur hefur líklega náðst á Sel-
tjarnarnesi og í Reykjanesbæ.
Það er jákvætt að borgaryfirvöld vilji hlusta á
íbúana eins og gert var á fundinum með foreldrum í
fyrradag. Þá er bara að hrinda ábendingum kjósenda í
framkvæmd.
Skólinn og skutlið
SÆKTU LEIÐARANN Á WWW.MBL.IS/PODCAST
Hugmynd ASÍ virðist (mis-
heppnuð) tilraun til að komast
hjá tveggja þrepa skattkerfi sem
hefur að ósekju
verið útmálað
sem grýla. Stað-
reyndin er sú að
tveggja þrepa
skattkerfi er ein-
falt í fram-
kvæmd og stað-
greiðsla í því
yrði ámóta ná-
kvæm og nú er með lítilli breyt-
ingu á staðgreiðslukerfinu. Ein-
faldleiki skattkerfis ræðst ekki
af fjölda skattþrepa eða út-
reikningsreglum. Tölvurnar í
skattkerfinu og launaforritin
láta sig litlu skipta hvort stuðl-
arnir í skattareglunni eru fleiri
eða færri.
Indriði H. Þorláksson
inhauth.blog.is
BLOGGARINN
Einfalt kerfi
Vegagerð ríkisins minnir mig oft
á staða belju sem var að gera mér
lífið leitt þegar ég var kúasmali.
Það var gersam-
lega ómögulegt
að koma henni úr
stað ef hún hafði
ákveðið eitthvað,
hversu heimsku-
legt sem það var.
Ef hún tók það í
sig að vilja ekki af
básnum út í góða
veðrið að úða í sig ilmandi grasið
[...]. Ef hún tók það í sig að vilja
ekki heim að láta mjólka sig – þá
þrýsti hún klaufunum ofan í
svörðinn og stóð þar pikkföst!
Vegagerðin ætlar ekki að leggja
Sundabrautina í göng. Hversu
heimskulegt sem það er að gera
það ekki.
Hallur Magnússon
hallurmagg.blog.is
Gömul belja
Lausatökin og aðhaldsleysi í rík-
isútgjöldum hjá þessari rík-
isstjórn er grafalvarlegt mál við
þær aðstæður
sem nú eru og
eru fyrirsjáan-
legar að margra
mati. Þessi staða
mála og sú stað-
reynd að út-
gjaldaliður fjár-
laga þandist út
um tæplega 20%
gerir það að verkum að rík-
isstjórnin hefur nánast ekkert
svigrúm til þess að koma að lausn
kjarasamninga. Útgjaldagleðin
hefur einfaldlega sett ríkisstjórn-
ina algerlega út í horn og hún
hefur ekki mikið svigrúm til þess
að taka á lausn þeirra mála sem
við blasa.
Magnús Stefánsson
www.magnuss.is
Úti í horni
Ólafur Þ.
Stephensen
olafur@24stundir.is
Nú er lengsta brúðkaups-
ferðalagi íslenskra stjórnmála
að ljúka en ískaldur og grár hversdagsleikinn að
taka við. Þetta er mat stjórnarandstöðunnar á
stöðu ríkisstjórnarinnar við upphaf fyrsta vorþings
ríkisstjórnar Geirs H. Haarde.
Sá sem lýsir vantrú á stjórnarsamstarfið með þess-
um orðum er Kristinn H. Gunnarsson, þingmaður
Frjálslyndra, og vísar í leiðinni til þess að oddvitar
beggja ríkisstjórnarflokkanna hafi verið í útlöndum
á ögurstundu í kjaramálum þegar ríkisstjórnin
hefði átt að leggja eitthvað til málanna. Þingflokks-
formenn Framsóknar og Vinstri grænna eru alveg
sammála Kristni um að alvarlegir brestir séu í
stjórnarsamstarfinu, pólitísk ólga verði mikil í
landinu á fyrstu mánuðum ársins.
Prófsteinn á hjónabandið
Hvort þetta er óskhyggja þingmanna í ósamstæðri
og örvæntingarfullri stjórnarandstöðu eða hvort
sannleikskorn er í því að djúpur ágreiningur sé um
stefnu í helstu hagsmunamálum þjóðarinnar skýr-
ist á vorþingi.
Komist ríkisstjórnin klakklaust í gegnum kjara-
samninga og niðursveiflu í efnahagslífinu hlýtur
hún að vera á góðu róli og hjónabandið jafngott
og hveitibrauðsdagarnir. Eins og ráðherrarnir vilja
og eins og ráðherrunum finnst, ef marka má orð
iðnaðarráðherra á öðrum stað í blaðinu. Össur
Skarphéðinsson segir ríkisstjórnina góða og besta
kostinn og hann segir líka að Sjálfstæðisflokkurinn
hafi sýnt pólitísku tilfinningalífi sínu nærgætni.
Saman gegn Davíðsvæðingu
Valgerður Sverrisdóttir, þingflokksformaður
Framsóknarflokksins, segir ríkisstjórnina ekki öf-
undsverða við ríkjandi aðstæður. „En staðan væri
heldur ekki svona ef Framsóknarflokkurinn væri í
ríkisstjórn.“
Hún spáir erfiðleikum í evru- og efnahags-
málum. „Staðan í þjóðfélaginu er mjög var-
hugaverð og við hljótum að reikna með miklum
umræðum um Davíðsvæðingu dómskerfisins strax
og þing kemur saman,“ segir Valgerður. Talsmenn
hinna flokkanna taka undir, en Ögmundur Jón-
Hvar endar brúðkaupsferðin?
SKÝRING

    
    

  






Rómantísk frönsk húsgögn,
heimilis- og gjafavara
24 stunda
Auglysingasimi
Kolbrun S.510 3722 / kolla@24stundir.is
Katrin s.510 3727 /kata@24stundir.is
Serblad Born
og
uppeldi
16.januar 2008