24 stundir - 12.01.2008, Side 25

24stundir LAUGARDAGUR 12. JANÚAR 2008 25
Vegagerðin fagnar umfjöllun um
gerð Sundabrautar og þá kosti sem
eru til skoðunar. Nauðsynlegt er að
tekin sé upplýst ákvörðun sem
byggir á staðreyndum. Þess vegna
er nauðsynlegt að benda á nokkrar
slíkar. Nýjasta skýrslan um gerð
jarðganga er skýrsla sem Reykja-
víkurborg og Vegagerðin láta gera,
ekki Vegagerðin ein. Skýrslan er
unnin af verkfræðistofunni VGK
Hönnun og þar á bæ komast menn
að þeirri niðurstöðu að jarðgöng
með vegtengingum kosti 24 millj-
arða króna. Vegagerðin hefur ekki
setið á þessari skýrslu.
Líkt og fram hefur komið er
þetta níu milljörðum króna dýrari
lausn en innri leiðin eða eyjalausn-
in. Kostnaður upp á um 15 millj-
arða í því tilviki hefur verið upp-
færður til sama verðlags og miðað
við breytta útfærslu.
Í fyrri skýrslu um jarðgöng var
fjallað um sænsku Södra Länken-
göngin og því voru þau skoðuð nú.
Vegna þess að úr þeirri skoðun
kom enn hærri tala óskaði Vega-
gerðin eftir því að einnig yrðu
skoðuð göng í Noregi og við það
lækkaði talan fyrir göng og teng-
ingar niður í 24 milljarða króna.
Sömu norsku staðlar og hér er
miðað við eru notaðir við gerð Bol-
ungarvíkurganga, undirbúning
Vaðlaheiðarganga og tvöföldunar
Hvalfjarðarganga. Einnig þau
verða því dýrari en ella vegna nýrra
regla.
Þá er einkennilegt þegar því er
haldið fram að Vegagerðin eigi ekki
að hafa skoðun í málinu. Það er yf-
irlýst hlutverk Vegagerðarinnar að
þróa og sjá um vegakerfið á sem
hagkvæmastan hátt með þarfir
samfélagsins, öryggi vegfarenda og
umhverfissjónarmið að leiðarljósi.
Hver á að hafa skoðun á vegagerð
ef ekki Vegagerðin? Ákvörðun um
legu og gerð Sundabrautar er ekki
Vegagerðarinnar einnar og því
nauðsynlegt að Vegagerðin ekki
eingöngu skoði kostina heldur segi
líka álit sitt á þeim.
Niðurstaða VGK Hönnunar í
skýrslu Reykjavíkurborgar og
Vegagerðarinnar um kostnað við
gerð jarðganga byggir á norskum
stöðlum og getur seint talist póli-
tík. Vegagerðin og starfsmenn
hennar eru ekki í pólitík, annarri
en þeirri sem kalla mætti vegapóli-
tík og þeir eru ráðnir til að stunda.
Að lokum er fróðlegt að í um-
ræðunni hafa menn dregið Gríms-
eyjarferjuna á flot en það varpar
vissulega ljósi á kostnaðarstærðirn-
ar í þessum framkvæmdum.
Höfundur er upplýsingafulltrúi
Vegagerðarinnar
Vegagerðin
hefur skoðun
UMRÆÐAN aG. Pétur Matthíasson
Vegagerðin
og starfs-
menn hennar
eru ekki í
pólitík, ann-
arri en þeirri
sem kalla
mætti vegapólitík
Mikil greinaskrif hafa átt sér stað
undanfarið um fyrirhugaða olíu-
hreinsunarstöð sem fyrirtæki kennt
við hátækniiðnað hyggst reisa á
Vestfjörðum. Þar hafa skipst á skoð-
unum tveir samfylkingarmenn sem
eru einungis sammála um að vera
ósammála um flest það sem að
framkvæmdinni snýr. Reyndar hafa
dálksentimetrarnir að litlu leyti farið
í málefnalega umræðu um kosti og
galla olíuhreinsunarstöðvar á þess-
um stað, heldur hefur púðrinu frek-
ar verið eytt í ásakanir um dóna-
skap, öfgar, skilningsleysi, ósannindi
og lygar. Bæjarstjóri Vesturbyggðar,
Ragnar Jörundsson, lýsti því yfir á
bloggsíðu sinni að margir sem væru
á móti olíuhreinsunarstöðinni vissu
sáralítið um hvað væri að ræða.
Ætla mætti að bæjarstjórinn hefði
sjálfur sett sig vel inn í framleiðslu-
ferlið, orkunotkun, mengunarmál
og yfirleitt allt það sem skipt gæti
máli fyrir sveitarfélagið ef af fram-
kvæmdinni yrði. Því varð ég óneit-
anlega fyrir miklum vonbrigðum
með útskýringar hans en hann
sagði: „Þessi iðnaður er mjög snyrti-
legur og má segja að vinnslan sé
svipuð og í mjólkurbúum þ.e. ein-
hverskonar skilvinda. Mengun er
sáralítil. Það er jú losun koltvísýr-
ings en hann hefur ekki verið skil-
greindur sem mengun, hann er
náttúrulegt efni. Olíuhreinsistöð er
ekki orkufrekur iðnaður. Skilgrein-
ing á stóriðju er orkufrekur iðnaður.
Ekki þarf að virkja fyrir þennan iðn-
að.“ Þessi útskýring er því miður
ekki sérlega nákvæm og hljómar
fremur eins og hún væri skrifuð fyr-
ir kennslubók í landafræði fyrir
grunnskóla. Því vil ég hér með biðja
bæjarstjórann að svala fróðleiks-
þorsta mínum eftir bestu getu:
1. Hversu mikla raforku mun
svona olíuhreinsunarstöð nota á ári
hverju?
2) Nýtir hún einnig orku frá
brennslu olíu eða jarðefna? Hversu
stór hluti er það af heildarþörfinni?
3) Hvar liggja mörkin sem segja
til um hvort hér er um stóriðju að
ræða eða ekki?
4) Eru einhver skaðleg spilliefni
sem fara út í sjó eða andrúmsloftið?
Hver eru þau og hversu mikið magn
er um að ræða?
5) Hve mikil losun koltvísýrings
fylgir starfseminni árlega og hversu
stór hluti af fyrirhuguðum kvóta Ís-
lands er það?
6) Hefur verið gerð könnun með-
al íbúa á Vestfjörðum um fyrirhug-
aða framkvæmd?
7) Hafa Vestfirðingar verið
spurðir hvort þeir hafi sjálfir áhuga
á að starfa í þessari olíuhreinsunar-
stöð?
8) Hvernig hyggst Vesturbyggð
manna fyrirhuguð 500 störf í stöð-
inni?
9) Ef stærstur hluti starfsmanna
kemur erlendis frá, hefur bæjar-
stjórinn engar áhyggjur af félagsleg-
um og menntunarlegum málum
sem hljóta að fylgja í kjölfarið?
10) Hvað með ímynd Vestfjarða
sem stóriðjulaust svæði og óspillt
náttúra? Ætlar bæjarstjórinn að
breyta þeirri ímynd eða telur hann
að ferðamenn muni flykkjast vestur
á firði til að skoða olíuhreinsunar-
stöð líkt og kollega hans í Ölfusi
heldur fram um fyrirhugaðar virkj-
anir á Hengilssvæðinu?
Í nóv./des. útgáfu National Geog-
raphic völdu 522 sérfræðingar
áhugaverðustu eyjar heims fyrir
ferðamenn og náttúruunnendur. Ís-
land lenti þar hátt á listanum, nr. 5
af um 100 eyjum. Hins vegar var
tekið fram að blikur væru á lofti og
uppbygging málmbræðslu og vatns-
aflsorkuvera gæti spillt ímynd
landsins og dregið úr gildi þess sem
spennandi áfangastaður. Að mati
undirritaðs er umræðan um olíu-
hreinsunarstöð á Vestfjörðum á kol-
röngum stað og kolröngum tíma.
Það er deginum ljósara að uppbygg-
ingar er þörf á Vestfjörðum líkt og á
Norðurlandi vestra og jaðarsvæðum
Austurlands. Hins vegar má alls ekki
spilla því dýrmætasta sem Vestfirð-
ingar og landsmenn allir eiga í
krampakenndum tilraunum til að
bæta núverandi ástand. Því sting ég
upp á að haldin verði metnaðarfull
alþjóðleg samkeppni um framtíð
svæðisins til að fá bestu og frumleg-
ustu hugmyndirnar upp á borðið.
Ég hvet hér með ríkisstjórnina og
fjársterka einkaaðila til að sperra
eyrun og styðja þessa hugmynd
mína. Skipanir nefnda skila engu
nema vonbrigðum og það er varla
við því að búast að stjórnmálamenn
eða umhverfissinnar komi með
bestu hugmyndirnar.
Höfundur er kvikmyndagerðarmaður
Kolrangur staður og tími
UMRÆÐAN aSigurður Hr. Sigurðsson
Hafa Vest-
firðingar ver-
ið spurðir
hvort þeir
hafi sjálfir
áhuga á að
starfa í þess-
ari olíuhreinsunarstöð?
Allt á að seljast 20-60 %
afsláttur af öllum vörum
Verslunin flytur í
Kringluna 4. febrúar 2008