24 stundir - 12.01.2008, Qupperneq 24

24 LAUGARDAGUR 12. JANÚAR 2008 24stundir
Fyrir nokkrum árum hugðist
Davíð Oddsson þáverandi for-
sætisráðherra ganga milli bols og
höfuðs á Baugi. Við þurfum ekkert
að tala neina sérstaka tæpitungu
um það; við vitum þetta öll. Ég veit
ekki út af hverju – kannski þeir
Baugsmenn hafi ekki sýnt honum
nægilega virðingu en í sumum inn-
múruðum kreðsum er ,,rispetto“
hin æðsta dyggð, eins og við vitum.
Nema hvað, einmitt þegar þeir
Baugsmenn virtust standa höllust-
um fæti og allt að ganga upp, þá
kom babb í bátinn. Dómstólarnir
virtust líta svo á að þeir væru sjálf-
stæðir – herregud! – og gerðu ekki
eins og foringinn vildi. Aftur og
aftur voru sakborningar sýknaðir
eða málatilbúnaður ákæruvaldsins
talinn ófullnægjandi með öllu og
kastað á haugana.
Þetta vakti ekki gleði í forsæt-
isráðuneytinu. Það var öllum aug-
ljóst.
Undarlegir menn
Ef maður væri gefinn fyrir sam-
særiskenningar, þá kynni jafnvel að
hvarfla að manni að viðbrögðin við
þessu áfalli hafi verið meðvituð,
skipulögð og markviss. Það hafi
beinlínis verið búin til áætlun um
að sigrast á dómstólunum – innan
frá.
Úr því þeir létu ekki að stjórn,
hvorki í Baugsmálinu né ýmsum
öðrum málum, þá væri réttast að
taka einfaldlega stjórn þeirra í sínar
hendur.
Og undarlegir menn fóru að
skjóta upp kollinum í Hæstarétti
landsins.
Náfrændi Davíðs
Oddssonar – maður sem stóð
öðrum umsækjendum í það sinn
langt, langt, langt að baki í hæfn-
iskröfum en var ráðinn eigi að síð-
ur. Svo búin til sú eftiráskýring að
hann væri sérfræðingur í Evrópu-
rétti og því ákjósanlegur í Hæsta-
rétt. Hann reyndist hafa skrifað
eina stutta ritgerð um Evrópurétt –
það var nú öll sérfræðin.
Og besti vinur Davíðs Oddsson-
ar – maður sem að sönnu kunni
ýmislegt fyrir sér í lögmennsku
(sumir mundu segja fullmikið) en
var þó umfram allt svo innmúr-
aður og innvígður að seta hans í
Hæstarétti mun með réttu eða
röngu ævinlega vekja hugleiðingar
um Trójuhestinn.
Ekki einu sinni ,,vel hæfur“
Og nú er það sjálfur sonur Dav-
íðs Oddssonar.
Af umsækjendum um stöðu
dómara í Héraðsdóm Norðurlands
voru þrír taldir ,,mjög hæfir“ af
sérstakri nefnd sem lagði mat á
hæfni umsækjenda eftir kúnstar-
innar reglum.
Enginn var talinn ,,vel hæfur“
sem var næsta stig fyrir neðan.
Þorsteinn Davíðsson var aftur á
móti talinn ,,hæfur“.
,,Distant fourth“ mundi það
heita á góðri íslensku.
Enginn lét sér í alvöru til hugar
koma að hann yrði ráðinn. Þeir
þrír sem taldir voru honum svo
miklu hæfari virtust hafa þvílíka
reynslu og menntun að framhjá
þeim öllum yrði aldrei gengið.
Og – sem ekki var minnst um
vert – Davíð er náttúrlega horfinn
úr stóli forsætisráðherra og for-
manns Sjálfstæðisflokksins. Gamli
lífvörðurinn hans óðum að þynn-
ast. Augljóst hve mörgum sjálf-
stæðismönnum er létt.
Jafnvel farið að slakna svolítið á
,,omertunni“ um stjórnarhætti
hans innan flokksins.
Lengi lifir …
En … lengi lifir í gömlum glæð-
um! Yfir stöðuveitinguna var settur
Árni Mathiesen sem hlaut sitt póli-
tíska uppeldi við að kinka kolli á
þingflokksfundum sjálfstæðis-
manna og hlæja á réttum stöðum.
Og hann lét sig hafa það! Til að
lúta vilja síns gamla foringja. Leyfa
honum að stíga nýtt skref í herferð
hans gegn dómstólunum.
Því ég held að þetta hafi ekki
bara verið – eins og kannski mætti
ætla við fyrstu sýn – barbabrella til
að útvega Steina þægilega inni-
vinnu áður en kallinn hættir alveg
að hafa áhrif. Mér hefur nefnilega
dottið í hug hvort þessi embætt-
isveiting sé ekki síðustu skilaboðin
til hæstaréttardómaranna áður en
þeir kveða upp lokadóminn í
Baugsmálinu.
,,Dæmið rétt eða ég fylli dóm-
araplássin af mínum mönnum!“
Svo Árni gekk þvert gegn mats-
nefndinni og afgerandi skoðun
hennar á hæfni umsækjenda. Sendi
seint og um síðir frá sér ,,skýring-
ar“ sem voru – frómt frá sagt –
bara hlægilegar. Í dómnefnd Bók-
menntaverðlauna Tómasar Guð-
mundssonar!! Og þegar mats-
nefndin fyrtist við og sendir frá sér
harðorða fordæmingu á vinnu-
brögðum ráðherrans, þá bítur Árni
hausinn af skömminni með því að
senda frá yfirlýsingu eins og þá sem
hann puðraði til fjölmiðla í fyrra-
dag – og er, þótt stutt sé, sneisafull
af augljósum, grófum og móðg-
andi rangfærslum.
Pólitískt harakíri
Sú var tíðin að Árni Mathiesen
var talinn foringjaefni í Sjálfstæð-
isflokknum. Með því að veita Þor-
steini Davíðssyni dómarastöðuna
hefur Árni gert endanlega út um
þær hugmyndir. Því þetta var svo
yfirgengilegt, siðlaust og – já! –
heimskulegt. Og núverandi for-
maður Sjálfstæðisflokksins er mað-
ur hógvær, siðlegur og langt frá því
heimskur – svo hann mun átta sig á
því að Árni er í raun búinn að vera
í pólitík eftir þetta. Kjósendur geta
ekki treyst honum framar. Ég
hugsa raunar að Geir Haarde sé
þegar farinn að líta í kringum sig
eftir heppilegu starfi til að ,,bjóða“
Árna Mathiesen.
Var þetta þess virði, Árni? Póli-
tískt harakírí fyrir gamla foringj-
ann? Tryggðin getur vissulega verið
dyggð – en getur líka verið tóm
tjara. Það er til dæmis beinlínis
grátlegt að horfa upp á þann mæta
mann Styrmi Gunnarsson eyða
síðustu stundum sínum á ritstjóra-
stóli Moggans í ömurlega vörn sína
fyrir embættisveitingu Árna Mat-
hiesen.
En Styrmir er náttúrlega mað-
urinn sem kom fram með orðalag-
ið ,,innmúraður og innvígður“.
Svo hann þekkir þetta.
Skyldu dómstólarnir vera að
hlusta?
Var það þess virði, Árni?
aIllugi Jökulsson skrifar um stöðuveitingar
,,Og núver-
andi formað-
ur Sjálfstæð-
isflokksins er
maður hóg-
vær, siðlegur
og langt frá
því heimskur – svo hann
mun átta sig á því að Árni
er í raun búinn að vera í
pólitík eftir þetta.
Árni Matthiesen „Kjós-
endur geta ekki treyst
honum framar.“
Jeppadekk
Alorka • Vagnhöfða 6 • Sími 577 3080
Heilsársdekk
31" kr. 12.900
(31x10.50R15)
33" kr. 15.900
(33x12.50R15)
Úrval annarra stærða upp í 38".
Felgustærð 15", 16" 17" og 18".
Sendum frítt um land allt!
Við mælum með míkróskurði
P
IPA
R
• S
ÍA
• 70622
Nánar á jeppadekk.is
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Auglýsingasímar:
Katrín Rúnarsd. 510-3727
kata@24stundir.is
Kolbrún Dröfn 510-3722
kolla@24stundir.is
fyrir auglýsinguna þína
Hafðu samband og fáðu gott pláss
18. janúar 2008
MaturSérblað 24 stunda