24 stundir - 12.01.2008, Qupperneq 40

40 LAUGARDAGUR 12. JANÚAR 2008 24stundir
baka, utan stjórnmálastarfa, er að
hafa skrifað bók, Urriðadans. Sú
bók var skrifuð frá ellefu á kvöldin
til þrjú á nóttunni. Það er sá tími
sem ég hef aflögu umfram marga
aðra og með vissum hætti lít ég svo
á að þetta sé forskot mitt í lífinu.“
Það sést að þér finnst gaman að
vera ráðherra, en leið þér illa í
stjórnarandstöðu?
„Ég er eins og urriðinn sem hef-
ur mesta aðlögunarhæfni allra
fiska. Ég get látið mér líða vel við
hvaða kringumstæður sem er. Mér
leiddist ekki í stjórnarandstöðu, ég
tók hlutverkið alvarlega og eignað-
ist þar góða vini eins og Ögmund
Jónasson. Eitt af því sem gefur líf-
inu gildi er að eignast góða vini
sem manni þykir vænt um, þótt
maður geti verið hundóánægður
með skoðanir þeirra.
Það var eiginlega lukka að ég
lenti í þessu ráðuneyti. Það var
þrýst mjög á mig að verða sam-
gönguráðherra en með tilliti til
þess að ég tók ekki bílpróf fyrr en
upp úr fertugu þá hafnaði ég því
mjög eindregið. Ég taldi að það
væri bara einn maður sem væri
fæddur til að verða samgönguráð-
herra og það er félagi Möller.
Svo kom ég í þetta ráðuneyti
sem hafði verið undirlagt af Fram-
sóknarflokknum mjög lengi og
vissi ekki hvað myndi mæta mér.
Starfsmenn hafa tekið mér vel og
ég er með öflugan og úrræðagóðan
ráðuneytisstjóra sem tekur Sir
Humphrey fram í að leysa mál.“
Fjölbreyttari iðnaður
Hvað ætlarðu þér í þessu ráðu-
neyti?
„Mér er mjög mikið í mun að
skjóta fjölbreyttari stoðum undir
iðnað í landinu. Ég vil ekki að öll
okkar egg séu sett í körfu áliðn-
aðarins. Það má ekki gerast að fyr-
irtæki sem vilja vera í orkufrekum
iðnaði af öðrum toga hverfi frá Ís-
landi vegna þess að þau fá ekki
orku. Fyrirtæki í hátækniiðnaði
horfa til Íslands og ég vona að Guð
og lukkan hjálpi þjóðinni að landa
þeim fiskum. Slíkar viðræður eru í
gangi en ég get ekki skýrt frá því við
hverja þær eru.
Ég legg höfuðáherslu á að skapa
hér umhverfi sem er hagstætt
sprotafyrirtækjum og nýsköpun.
Ásetningur minn speglast nú þegar
í stórauknu fjármagni til mála-
flokksins. Það mál rak á reiðanum í
tíð fyrri ríkisstjórnar sem sá bara ál.
Ég lít á það sem eitt af hlutverkum
mínum að styðja eins og kostur er
útrás Íslendinga á orkusviðinu. Þar
eru gríðarlegir möguleikar. Heim-
urinn stendur frammi fyrir alþjóð-
legu vandamáli sem er hlýnun and-
rúmsloftsins. Sá vandi verður
leystur með margvíslegum lausn-
um og ein þeirra er jarðhitinn. Ís-
lendingar hafa sérþekkingu á jarð-
hita. Við erum lítil þjóð en á því
sviði erum við stór. Ég lít svo á að
þekking okkar á jarðvarmanýtingu
geti orðið langmikilvægasta fram-
lag okkar á heimsvísu til barátt-
unnar gegn losun gróðurhúsaloft-
tegunda.
Síðast en ekki síst lít ég á það
sem eitt af verkum mínum að sjá til
þess að orkuauðlindirnar sem hafa
byggst upp og eru að stærstum
hluta í eigu þjóðarinnar verði ekki
einkavæddar og ofurseldar mark-
aðnum. Það er vilji minn að leggja
fram frumvarp sem tryggir það.
Þetta er grundvallarmál og ég er
þakklátur fyrir það hvað ég hef
mætt góðum skilningi á þessu at-
riði hjá félögum mínum í ríkis-
stjórninni.“
Þú ert að fara að leggja fram
frumvarp um að ríki og sveitarfélög
megi ekki framselja með varanlegum
hætti orkuauðlindir sínar. Hvað
þýðir það fyrir Hitaveitu Suðurnesja
með tilliti til eignarhalds Geysis
Green á henni?
„Þetta frumvarp er nú til um-
fjöllunar í þingflokkunum eftir
samþykkt í ríkisstjórn í gærmorg-
un. Ég vildi láta það frumvarp ná
yfir öll orkufyrirtæki þar sem hið
opinbera á meirihluta. Ég hafði
hins vegar sjálfur efasemdir um að
það stæðist ákvæði stjórnarskrár,
meðal annars um jafnræði, og lét
sérfræðinga í stjórnskipunarrétti
skoða það mjög vel, þar á meðal Ei-
rík Tómasson prófessor, sem skil-
aði mér formlegu áliti. Niðurstöð-
ur allra voru á sama veg, að það
væri í andstöðu við ákvæði stjórn-
arskrárinnar að slík lög myndu ná
yfir orkufyrirtæki sem einkaaðilar
ættu hlut í. Það er því ljóst að Al-
þingi getur ekki lagt kvaðir á var-
anlegt framsal orkuauðlinda sem
eru í eigu Hitaveitu Suðurnesja
vegna ítaka einkaaðila. Hins vegar
mun hún eins og önnur fyrirtæki á
orkusviði þurfa að mynda sérstakt
fyrirtæki, í opinberri meirihluta-
eign, um dreifiveiturnar sem sjá
fyrir frumþörfum borgaranna.
Varðandi orkulindirnar nær frum-
varpið til allra annarra opinberra
orkufyrirtækja, og innan þeirra er
að finna obbann af nýttum og
ónýttum orkulindum Íslendinga.
Svo það er vel fyrir framtíðinni séð
í þeim efnum.“
Aðeins að Evrópumálum. Telurðu
að Íslendingar geti tekið upp evru án
þess að ganga í Evrópusambandið?
„Nei.“
Eiga Íslendingar að ganga í Evr-
ópusambandið?
„Við erum í leiðangri sem mér
finnst langlíklegast að endi þar að
lokum. Ég er algjörlega sammála
forsætisráðherra, Geir Haarde,
þegar hann segir að það megi ekki
hafa uppi neinar kreddur í þessum
efnum, heldur eigi kalt mat á hags-
munum Íslands að ráða. Leiði það í
framtíðinni til þeirrar niðurstöðu
að við eigum að sækja um aðild,
hugsanlega til að taka upp evruna,
þá verður það gert.“
Það heyrast raddir sem segja að
Samfylkingin muni slíta stjórnar-
samstarfinu í því eina skyni að gera
Ingibjörgu Sólrúnu að forsætisráð-
herra. Hvað segirðu um þessa kenn-
ingu?
„Bæði ég og Ingibjörg Sólrún er-
um í þessu stjórnarsamstarfi af
fullum heilindum. Samfylkingin er
ungur flokkur og áður en hún
verður fullburða og fullorðin þá
verður hún að ganga í gegnum
ákveðið tilvistarskeið. Í byrjun var
hún gagnrýnd fyrir að vera ósam-
stæð og ótrúverðug. Þrátt fyrir þá
gagnrýni varð hún að flokki sem
þriðjungur þjóðarinnar fylgir að
málum. Við í Samfylkingunni
verðum að geta sýnt fram á að það
sé fullkomlega hægt að treysta okk-
ur, að við stöndum við orð okkar
og hlaupum ekki frá verkum sem
við höfum tekið að okkur. Í mín-
um huga kemur ekki til mála að
hlaupa frá þessu stjórnarsamstarfi.
Ekki mun ég taka þátt í því að
koma í bakið á Sjálfstæðisflokkn-
um sem hefur fram að þessu sýnt
mér heilindi í þessu stjórnarsam-
starfi og sýnt pólitísku tilfinninga-
lífi mínu nærgætni. Hann verð-
skuldar að ég gjaldi í sömu mynt.“
Þér finnst greinilega óskaplega
skemmtilegt að vera í pólitík.
„Það er það skemmtilegasta sem
ég hef gert. Mér fannst mjög gam-
an að vera í blaðamennsku og var
ritstjóri þriggja dagblaða og hefði
vel getað hugsað mér að halda
áfram í því starfi. Draumur minn
var reyndar alltaf sá að verða aka-
demiker og hafi ég einhvern tíma
sett mér takmark í lífinu þá var það
að enda sem prófessor í fiskifræð-
um við Háskóla Íslands. Það fór á
annan veg. Ég varð róttækur stúd-
entaleiðtogi og slapp aldrei úr þeim
farvegi, alveg eins og fiskurinn sem
lendir í kvísl og syndir á móti
straumnum.“
Umdeildar embætt-
isveitingar „Það er ekki
snefill af vafa í mínum huga
um að ég gerði rétt.“
a
Ég er eins og
urriðinn sem
hefur mesta að-
lögunarhæfni allra fiska.
Ég get látið mér líða vel
við hvaða kringumstæð-
ur sem er. a
Ekki mun ég
taka þátt í því
að koma í bakið
á Sjálfstæðisflokknum
sem hefur fram að þessu
sýnt mér heilindi í þessu
stjórnarsamstarfi og sýnt
pólitísku tilfinningalífi
mínu nærgætni.
Útsala
afsláttur
af völdum
vörum
30-60%
Hæðasmára 4 · Kópavogur · 555 7355
Síðumúla 3 · Reykjavík · 553 7355
Opið kl. 11-18 virka daga og 11-15 laugardaga
Opið kl. 11-18 virka daga og 11-16 laugardaga.
nýtt kortatímabil