24 stundir - 12.01.2008, Side 28

28 LAUGARDAGUR 12. JANÚAR 2008 24stundir
LÍFSSTÍLLSPJALLIÐ
lifsstill@24stundir.is a
Mér finnst maður fyllast einhvers konar sjálfs-
bjargarviðleitni á þessum tíma og fer í þannig gír.
Skammdegið er jú staðreynd og maður ætlar sér að
komast í gegnum það.
Ég finn fyrir því að ég er þyngri á mér og latari í svartasta skammdeginu og það er erfiðara að
rífa sig upp á morgnana. Það finnst mér hins vegar bara allt í lagi og sömuleiðis að fólk geri
ekki neitt til að spyrna á móti þessari leti. Líkamsklukkan er einfaldlega öðruvísi á þessum
árstíma og í staðinn fyrir að vera í þessari endalausu baráttu að spyrna á móti því þá er bara
ágætt að leyfa því að vera þannig og skríða dálítið inn í híðið á þessum tíma. Það er um að
gera, finnst mér, að leyfa sér að vera latur og ekki vera að stressa sig yfir því heldur njóta þess
að hafa afsökun til að kúra. Mitt lífsviðhorf segir mér alla vega til um að þetta sé gott. Síðan
finnst mér líka að fólk ætti ekki að þurfa að byrja að vinna eða mæta í skóla fyrr en í fyrsta
lagi tíu á morgnana, því það er ónáttúrulegt að rífa sig upp í svartamyrkri og enginn er hvort
sem er almennilega vaknaður fyrr en upp úr klukkan tíu. Annars legg ég mikið upp úr því að
hafa það kósí í skammdeginu, maður verður heimakærari, kveikir á kertum og svo er ég mjög
dugleg að lesa á þessum árstíma og gæði mér á meðan á afganginum af jólakonfektinu. Síðan
má hrista slenið og konfektið af sér með gönguferðum í takt við hækkandi sól.
Sigrún Sól Ólafsdóttir leikari.
Allt í lagi að vera latur og kúra
Núna í skammdeginu eftir jólin finnst mér
mikilvægast að hafa það huggulegt í kring-
um mig með kertum og ég kveiki mikið á
ljósum heima við. Ég er ekkert að slökkva á
þeim og finnst að við Íslendingar ættum
ekkert að vera að spara rafmagnið á þess-
um tíma. Síðan reyni ég að labba mikið og
komast út þegar einhver birta er og nýta
hana. Svo er náttúrlega að vera duglegur að
taka vítamín. Mér finnst maður fyllast ein-
hvers konar sjálfsbjargarviðleitni á þessum
tíma og fer í þannig gír. Skammdegið er jú
staðreynd og maður ætlar sér að komast í
gegnum það. Það er líka um að gera að
njóta bara skammdegisins og fylgja þeim
takti sem þá er í gangi, bjóða fólki í mat,
nostra við að elda og hafa það notalegt,
fara í bíó og labba í Heiðmörkinni. Mér er
ekkert illa við skammdegið en á þessum
tíma er þó viss værð yfir manni og mér
finnst voðalega gott að leggja mig á daginn
þegar ég get, enda held ég að það sé eins
með dýrin og okkur mennina að við leggj-
umst í hálfgert híði yfir veturinn. Síðan má
ekki bara kúra einn því skammdegið er jú
rómantískur tími og um að gera að njóta
þess.
Árni Pétur Guð-
jónsson leikari.
Skammdegið
rómantískur tími
Ég reyni aðallega að hlúa að mér og mínum á
þessum tíma og fer í ræktina þrisvar sinnum í
viku. Ég er samt ekki í neinu átaki eða slíku og
finnst engin ástæða til að hætta að borða góð-
an mat þótt jólin séu liðin, nú er bara aðeins
öðruvísi stemning í matargerðinni. Maður
finnur aðeins fyrir því að raunveruleikinn er
að byrja aftur eftir hátíðarnar þar sem búið er
að vera mikið af boðum og heilmikið útstáelsi
en það er samt alls ekki að hellast yfir mig
neinn mikill drungi. Janúar er ekkert svo
slæmur finnst mér þó að það hjálpi nú
kannski reyndar til að ég á afmæli í mán-
uðinum. Mér fannst mesta furða hvað ég átti
auðvelt með að mæta aftur í ræktina þótt
vissulega væri ég enn marineruð eftir hátíð-
arnir og því dálítið löt að koma mér af stað.
En eftir að hafa mætt var þetta samt bara fínt
og ég reyni líka að fara í göngutúra á meðan
bjart er og nýta birtuna. Nú fer náttúrlega
svartasta skammdegið í hönd svo ég kveiki á
kertum og reyni almennt að vera frekar góð
við sjálfa mig á þessum árstíma. Þannig er
auðveldara að komast í gegnum myrkrið.
Arndís Hrönn Egilsdóttir
leikkona.
Janúar er ekkert
svo slæmur
Það breytist voða lítið hjá mér á þessum
árstíma nema ég viðurkenni að ég sef aðeins
lengur á veturna. Annars er sama dagskráin
hjá mér, ég passa upp á að hreyfa mig, fara
út að ganga þegar bjart er, lesa jákvætt og
uppbyggilegt efni og beina athyglinni að því
sem skiptir máli. Mér finnst þetta ekki yf-
irþyrmandi tími þó vissulega finnist mér
alltaf skrýtið þegar jólaljósin eru tekin niður
en daginn tekur þó að lengja fljótlega í
framhaldi af því. Fyrir nokkrum árum fór
ég á ráðstefnu um skammdegisþunglyndi og
tók þátt í pallborðsumræðum þar sem talað
var um að mikilvægast væri að koma lífi
sínu í fastar skorður meðan enn væri bjart,
hreyfa sig og koma reglu á svefnvenjur sem
síðan myndi skila sér inn í veturinn. Hér er
það þó svo að fólk virðist alltaf jafn óund-
irbúið og skammdegið kemur mönnum því
ætíð að óvörum. Ég skil samt af hverju fólk
dettur í skammdegisþunglyndi og einstöku
sinnum fer ég sjálfur út af sporinu en þá er
bara að reyna að koma sér sem fljótast upp
aftur. Ég keypti mér t.d. færanlegan dag-
ljósabúnað sem ég nota öðru hverju og son-
ur minn elskar að setja í samband á morgn-
ana.
Guðjón Bergmann, rithöfundur,
fyrirlesari og jógakennari.
Gott að vera
vel undirbúinn
Mér finnst þetta hefðbundna best í
skammdeginu eins og að kveikja á kert-
um, gera sér eitthvað til dægrastyttingar
og hafa nóg að gera. Eins að láta sér líða
vel og dekra við sjálfan sig annað slagið.
Eftir að ég fór að vinna í morgunþætt-
inum vakna ég mjög snemma til að mæta
í vinnu á morgnana og lýk vinnu meðan
enn er bjart úti svo ég verð eiginlega ekki
vör við skammdegið. Dagurinn nýtist mér
líka þar af leiðandi betur. Á stundum hef-
ur mér fundist þessi tími erfiður en þá
gerði maður bara sitt besta til að komast
upp úr því og ég finn ekki fyrir neinu
slíku núna. Maður er líka ekki öðru van-
ur en þessu skammdegi eftir að hafa búið
hér alla sína ævi og það er bara eitthvað
sem maður gengur í gegnum. Núna bætir
líka þennan tíma heilmikið upp að nú er
ég í sambandi sem ég var ekki á sama
tíma fyrir ári og það er sannarlega ekki
leiðinlegt að kúra saman á dimmum síð-
kvöldum og hafa það dálítið kósí.
Sigríður Lund Her-
mannsdóttir útvarpskona.
Verð ekki vör
við skammdegið
Með hvaða ráðum
er hægt að lífga upp
á skammdegið?
Nú eru jólin og áramótin yfirstaðin með öllum sínum lystisemd-
um, fríi og heimsóknum til vina og ættingja. Fólk snýr aftur til
vinnu og hið daglega líf heldur áfram sinn vanagang. Ekki er óal-
gengt að fólk finni fyrir dálitlum drunga á þessum tíma þegar lít-
ið virðist framundan nema myrkur og sama rútínan dag eftir dag.
Ýmislegt má þó til bragðs taka til að létta lundina og gott er að
muna að brátt fer sólin hækkandi og daginn lengir. Hér segja við-
mælendur lesendum frá því hvernig skammdegið leggst í þá.