Morgunblaðið - 15.01.2005, Blaðsíða 26
26 LAUGARDAGUR 15. JANÚAR 2005 MORGUNBLAÐIÐ
FERÐALÖG
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
EF FÖRINNI er heitið til Bergen,
annarrar stærstu borgar Noregs, er
sérstaklega mælt með að regnhlíf sé
með í för. Sagan segir að í borginni
rigni vel á þriðja hundrað daga á ári.
Í þriggja daga stikkprufu í byrjun
nóvember var þó bara einn hellirign-
ingardagur, annar með smáskúrum
og sá þriðji heiðskír. Þessi fallega
borg naut sín þá afar vel og í ljós
kom að hún hefur upp á margt að
bjóða fyrir ferðamenn.
Björgvin, eins og borgin er nefnd
á íslensku, er á vesturströnd Nor-
egs, umkringd fjöllum og hinum
frægu norsku fjörðum. Sérstaklega
að sumri eru norsku firðirnir
skemmtilegur staður að heimsækja
og boðið er upp á ýmsar skipulagðar
ferðir í nágrenni Bergen. Hægt er
að sigla um firðina, keyra, ganga eða
hjóla.
Borgin er umkringd sjö fjöllum
þar sem tvö eru þekktust, Ulriken
(642 m y.s.) og Fløyen (320 m y.s.).
Upp á þau liggja járnbrautir eða
kláfar og er Fløyen einn af vinsæl-
ustu ferðamannastöðunum í Bergen.
Ferðin upp með Fløibanen járn-
brautinni tekur varla meira en fimm
mínútur og útsýnið þegar upp er
komið stórkostlegt.
Höfuðborg Skandinavíu áður fyrr
Upphaf Björgvinjar sem bæjar má
rekja til elleftu aldar og á þrettándu
öld varð borgin höfuðborg Noregs
og í raun höfuðborg Skandinavíu um
langa hríð, sem ein helsta verslunar-
og hafnarborg þessa heimshluta.
Allt fram á miðja nítjándu öld var
borgin sú stærsta í Noregi. Núver-
andi höfuðborg Noregs er þó orðin
tvöfalt stærri en Bergen en íbúar
Björgvinjar eru nú um 230 þúsund.
Hansakaupmenn voru fyrirferð-
armiklir í Bergen og eru ýmsar
minjar um veru þeirra enn varð-
veittar í borginni. Heilt safn er til-
einkað þeim og Bryggen, miðbæj-
arkjarninn, hefur verið
endurbyggður í upphaflegri mynd
síðan á miðöldum, þ.e. dögum
Hansakaupmanna. Bryggen er nú á
heimsminjaskrá Sameinuðu þjóð-
anna. Húsin eru úr timbri og hafa
brunnið oftar en einu sinni. Í stór-
brunanum árið 1702 brann allur
bærinn til ösku en strax var hafist
handa við endurbyggingu og lögð
hefur verið áhersla á viðhald síðan.
Það er eins og að taka skref aftur
á bak í tíma að ganga um myrka
timburganga á Bryggen en það er
jafnframt aðlaðandi að sjá hvernig
minjar um sögu bæjarins eru ekki í
hvarfi, heldur eru þær í notkun.
Listamenn, handverksbúðir og alls
kyns verkstæði og verslanir hafa
starfsemi í gömlu timburhúsunum.
Bryggen er því ekki safn heldur
staður þar sem er líf og fjör.
Líf og fjör á fiskitorgi
Í nágrenninu er Fisketorget þar
sem fisksalar koma sér daglega fyrir
og selja fisk í soðið, rækjusamlokur,
kavíar, reyktan lax og ýmsar sæl-
keravörur úr sjónum. Rigningin
hindrar engan, hvorki kaupmenn né
viðskiptavini, og líf og fjör er á fisk-
markaðnum. Ker með lifandi fiski
eru við hvern bás þannig að fisk-
urinn er ætíð ferskur. Á fiskitorginu
er líka selt grænmeti og ávextir, auk
handverks og listmuna. Í nágrenni
fiskitorgsins eru líka margir góðir
veitingastaðir þar sem áhersla er
lögð á sjávarrétti.
Sædýrasafn, Akvariet, er í Berg-
en og dregur að bæði börn og full-
orðna. Þar eru ýmis sjávardýr og
önnur dýr í vel búnu safni. Bíósalur
er í safninu og sérstakur sýning-
arsalur einnig. Ýmis fróðleikur um
dýrin og lifnaðarhætti þeirra er enn-
fremur settur fram á skemmtilegan
hátt.
Bergen var menningarborg Evr-
ópu árið 2000 líkt og Reykjavík og
þar er auðugt listalíf. Alþjóðleg
listahátíð er þar haldin á hverju vori,
um langt skeið undir stjórn íslensks
framkvæmdastjóra. Håkonshallen
er einn af nokkrum tónleikastöðum í
borginni en hana lét byggja Hákon
Hákonarson konungur sem ríkti í
Noregi á þrettándu öld.
Bergen er auk þess fæðing-
arstaður Edvards Grieg, tónskálds-
ins heimsþekkta. Húsið sem hann
bjó í, Troldhaugen, er nú orðið að
safni þar sem innanstokksmunir og
persónulegir munir þeirra hjóna eru
til sýnis. Húsið er á einum fallegasta
útsýnisstað í borginni. Grieg er m.a.
þekktur fyrir að hafa samið tónlist-
ina í leikriti Ibsens um Pétur Gaut
og eftir hann liggja ennfremur mörg
falleg tónverk.
Fyrir utan húsið er stytta af tón-
skáldinu í réttri stærð og það kemur
á óvart hversu lítill Grieg var, þ.e.
undir 160 cm. Grieg lét byggja húsið
á þessum ákveðna stað og þar bjó
hann ásamt konu sinni Ninu til ævi-
loka. Þegar hann lést árið 1907, 64
ára að aldri, var hann þegar búinn að
skipa svo fyrir að jarðneskar leifar
hans yrðu jarðsettar á ákveðnum
stað í nágrenninu og það stóðst,
þeim var komið fyrir inni í berginu
við ströndina.
Enn fleiri staði er hægt að heim-
sækja, ótal söfn eru í borginni og
bæjarlífið getur verið litskrúðugt
með ýmsum kaffihúsum og veit-
ingastöðum. Snorri Sturluson horfir
m.a.s. út á sjóinn frá Bryggens Mus-
eum, þ.e. stytta Gustav Vigelands af
honum, sú sama og stendur í Reyk-
holti.
Lifandi bryggja í Bergen
NOREGUR
Í timburhúsunum í miðbæjarkjarnanum Bryggen eru listamenn komnir
með vinnuaðstöðu og þar eru líka litlar handverksbúðir.
Fløyen/Fløibanen
Vetrlidsalmenningen 21
Tel: +47 55336800
www.floibanen.no
Bryggen/Bryggens Museum
Dreggsalmenningen 3
Tel: +47 55588010
www.visitbergen.com/bryggen
Akvariet
Nordnesbakken 4
Tel: +47 55557171
www.akvariet.com
Håkonshallen
Tel: +47 55316067
www.hd.uib.no/haakon.htm
Edvard Grieg Museum, Trold-
haugen
Tel. +47 55922992
www.troldhaugen.com
Morgunblaðið/ Steingerður
Á Fisketorget koma fisksalar sér daglega fyrir og selja fisk í soðið, rækju-
samlokur, kavíar, reyktan lax og ýmsar sælkeravörur úr sjónum.
Fløibanen-járnbrautin á leiðinni niður.
Píanóið er á heimili Griegs.
steingerdur@mbl.is
FERÐASKRIFSTOFA Guðmundar
Jónassonar ætlar í sumar að bjóða u
pp á tvær nýjungar fyrir Íslendinga.
Báðar fela þær í sér vikuferðir til
Grænlands, annars vegar á silungs-
veiðar og hinsvegar á sauðnauta-
veiðar.
Ferðaskrifstofan hefur til fjölda
ára boðið upp á silungs- og hrein-
dýraveiðar til Grænlands, en í sumar
verður efnt til tveggja ferða á glæ-
nýjan stað til að stunda stangveiðar.
Flogið verður til Narssarssuaq og
gist í Narssaq í eina nótt. Daginn
eftir verður haldið til Ketilsfjarðar
og upp að Miklavatni í Paradísardal.
Við vatnið verður gist í tjöldum, siglt
á vatninu og rennt fyrir fisk í fjóra
daga. Síðustu tvær næturnar verður
svo gist í Narssaq. Settar hafa verið
upp tvær svona ferðir, 5. og 9. ágúst,
og verður Bjarni Olesen fararstjóri.
Ferðin kostar tæpar 120 þúsund
krónur með flugi, sköttum, gistingu,
siglingum, veiðileyfi og íslenskri
leiðsögn. „Þarna er stórkostleg nátt-
úrufegurð og urðum við sérstaklega
vör við áhuga Íslendinga á ferðalög-
um til Ketilsfjarðar í kjölfar sjón-
varpsmyndar um þetta svæði ekki
alls fyrir löngu,“ segir Emil Örn
Kristjánsson, forsvarsmaður utan-
landsdeildar Ferðaskrifstofu Guð-
mundar Jónassonar.
Jafnframt stendur til að efna til
vikuferðar á sauðnautaveiðar til
Ivittuut á Suður-Grænlandi þann 19.
júlí í sumar. Að sögn Emils ganga
sauðnautin villt og er árlegur kvóti
um fimmtán dýr. Þar af fengju ís-
lensku ferðamennirnir skotleyfi á
fimm dýranna.
Boðið verður upp á vikuferðir til Grænlands, annars vegar á silungsveiðar
og hinsvegar á sauðnautaveiðar.
FERÐALÖG | Ferðaskrifstofa Guðmundar Jónassonar
Silungs- og sauðnauta-
veiði á Grænlandi