Morgunblaðið - 15.01.2005, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 15. JANÚAR 2005 VERÐ Í LAUSASÖLU 220 KR. MEÐ VSK.
Heilsukoddar
Heilsunnar vegna
Opi› í dag laugardag
frá kl. 11-16
Íslensk
lukkudýr á
Ewood Park?
JÓHANN Waage er líklega eini stuðnings-
maður enska úrvalsdeildarliðsins Black-
burn Rovers hér á landi svo vitað sé en afi
hans, Gísli Bjarnason, sá til þess á sínum
tíma að Jóhann batt trúss sitt við félagið.
Jóhann er grafískur hönnuður og hefur
haslað sér völl í gerð lukkudýra og hefur
hann sent forsvarsmönnum Blackburn
hugmyndir sínar um breytingar á þeim
lukkudýrum sem félagið hefur notað á
leikjum sínum á Ewood Park undanfarinn
áratug eða svo.
Jóhann er vongóður um að ljónið og
ljónynjan á Ewood Park verði í framtíð-
inni frá Íslandi – íslensk hönnun byggð á
íslensku hugviti.
„Ég skammast mín alls ekkert fyrir það
að halda með Blackburn og kannski eru
fleiri sem halda með liðinu og þora nú að
viðurkenna það eftir að ég hef játað á mig
glæpinn,“ segir Jóhann Waage m.a. í við-
tali í sérblaði um ensku knattspyrnuna í
dag./Enski boltinn
Morgunblaðið/Árni Torfason
ÖFLUGAR vinnuvélar hófu í gær að rífa
niður bygginguna við Lindargötu 46 þar
sem útsala ÁTVR, Lindin svonefnda, var til
húsa á neðri hæð um áratuga skeið. Að
sögn Snorra Vignissonar, hjá Bortækni,
sem annast verkið, gengur vel að rífa húsið
þó komið hafi í ljós að byggingin er vel
rammgerð. „Þetta er sterk bygging og
mjög vel vírbundin með tíu til fimmtán
sentimetra möskvastærð í járnabindingunni.
Það er ljóst að hún gat ekkert hrunið ofan
á flöskurnar,“ segir Snorri. Notaðar eru
þrjár mjög öflugar vélar við verkið, en talið
er að muni taka um viku að brjóta steininn
niður og ganga frá á svæðinu. Reykjavík-
urborg keypti húseign ÁTVR við Lind-
argötu 46 til 48 árið 1991. Nýlega sam-
þykkti borgarráð að úthluta Félagsstofnun
stúdenta byggingarrétti á lóðinni við Lind-
argötu til að reisa á henni fjölbýlishús með
námsmannaíbúðum.
Morgunblaðið/Golli
Ríkið við Lindargötu lagt að velli
SVEITARSTJÓRN Súðavíkur hefur gefið
100 þúsund krónur í landssöfnunina Neyð-
arhjálp í norðri vegna hamfaranna í Asíu.
Það gerir 435 kr. á íbúa sem eru 230 talsins
og segir Ómar Már Jónsson sveitarstjóri að
Súðvíkingar séu sér meðvitandi um mik-
ilvægi þess að standa saman þegar áföll
dynja yfir.
Súðvíkingar standa á tímamótum því á
morgun eru tíu ár liðin frá snjóflóðunum í
Súðavík. Á þeim tíma hefur verið lokið við
að færa íbúðarbyggðina sunnar í þorpið þar
sem nú búa 180 manns. 62 nýjar íbúðir hafa
verið reistar á liðnum árum á Eyrardals-
svæðinu þar sem snjóflóðahætta er engin.
„Færsla byggðarinnar var mikið þrek-
virki og það má segja að sveitarfélagið hafi
að mörgu leyti ofkeyrt sig á þeirri fram-
kvæmd,“ segir Ómar Már. „Það var sem
krafturinn hefði klárast að þessu loknu, en
á sama tíma má segja að nauðsynlegt hafi
verið að draga andann á nýjan leik og taka
stöðuna áður en áfram yrði haldið.
Flóðin sundruðu íbúum
Séra Magnús Erlingsson, sem var sókn-
arprestur Súðvíkinga fyrir tíu árum, segir
flóðin hafa sundrað íbúunum, annars vegar
þeim sem fluttu burt og hinum sem urðu
um kyrrt. „Við þetta urðu til tveir hópar og
það myndaðist viss togstreita á milli
þeirra,“ segir hann. „Það var líka óeining
t.d. vegna hreinsunarmála. Þeir sem ekki
voru á staðnum gátu kannski ekki gætt
sinna hagsmuna þegar verið var að hreinsa
bæinn og það olli ósætti milli manna.“/20
Súðavík gefur
100 þúsund
krónur í
landssöfnun
FERÐ körfuknattleiksliðs Hauka
norður á Sauðárkrók í vikunni var
hálfgerð óheillaferð. Liðið tapaði
leiknum gegn Tindastól og á leið-
inni suður á fimmtudagskvöldið
valt rúta þeirra Haukamanna í
mikilli hálku og hvassviðri og rann
tugi metra á hliðinni. „Það má
segja að þetta hafi verið tvöfalt tap,
bæði fyrir Tindastól og veðurguð-
unum,“ segir Reynir Kristjánsson,
þjálfari Hauka.
Sem betur fer meiddist enginn
leikmanna Hauka alvarlega og
ætla þeir að mæta tvíefldir til
næsta leiks. 15 farþegar voru í rút-
unni auk bílstjóra og fluttu björg-
unarsveitarmenn frá Blönduósi
leikmennina í gistingu á Blönduósi.
Komu þeir ekki til Hafnarfjarðar
fyrr en um kl. fimm í gær.
„Rútan fauk út af veginum við
Öxl, rétt áður en komið er að
Vatnsdalnum. Þá fór að slá svona
svakalega niður þarna með hlíð-
inni. Það var kóf og gler á veginum
þannig að við sátum bara og biðum
eftir að rútan fyki út af. Það kom
sviptivindur og svo fór hún af stað
og skautaði þarna niður eftir. Hún
valt á hliðina og rann svona um 30
metra niður eftir hlíðinni,“ segir
Reynir.
Hann segir menn hafa verið
heppna því ekki hefði verið bratt
þar sem rútan fór út af. Hins vegar
hafi verið mjög óþægilegt að gera
sér grein fyrir að rútan væri að fara
út af og vita ekki hvort hún færi tíu
veltur eða bara eina eða hvað tæki
við þarna fyrir neðan þjóðveginn.
„Óvissan er verst í þessu. En að-
eins á undan eða aðeins á eftir hefði
verið mun verra að fara af vegin-
um. Það má eiginlega segja að við
höfum farið út af á besta stað. Þetta
var góður staður til að velta.“
Reynir segir að sem betur fer
hafi menn ekki farið mikið af stað
inni í rútunni, enginn hafi meiðst
alvarlega en sumir fengið marbletti
og kúlur.
Hann segir mikinn streng hafa
verið þarna einmitt á þeim tíma
þegar Haukar áttu leið um en
skömmu seinna hafi allt verið orðið
mun skaplegra.
Reynir segir mestu máli skipta
að allir leikmenn séu heilir og hann
vonist til að þessar hremmingar
verði til þess að þjappa liðinu sam-
an fyrir komandi leiki.
Rúta fauk útaf
og rann tugi
metra niður hlíð
15 körfuknattleiksmenn Hauka
sluppu ómeiddir þegar rúta valt
„MÉR sýnist allur svartfugl sem
var inni í Skagafirði hreinlega
dauður úr hor,“ segir Sigurfinnur
Jónsson, veiðimaður á Sauðár-
króki, en hann áætlar að mörg
hundruð ef ekki þúsund fuglar hafi
drepist í firðinum.
Hungurdauði svartfugla er far-
inn að gera vart við sig fjórða vet-
urinn í röð. Hafa veiðimenn til-
kynnt um dauðan eða deyjandi
svartfugl við Þórshöfn á Langa-
nesi, í Eyjafirði, Skagafirði og
Vestmannaeyjum og úti fyrir Hofs-
ósi hafa sjómenn séð svartfugl á
reki.
Að sögn Ólafs K. Nielsen, fugla-
fræðings á Náttúrufræðistofnun
Íslands, bar fyrst á hungurdauða
fuglsins fyrir þremur vetrum síðan.
„Veturinn 2002 drápust tugir ef
ekki hundruð þúsunda svartfugla
úr hor vestur, norður og austur af
landinu. Fyrst og fremst var um
tvær tegundir að ræða, langvíu og
stuttnefju,“ segir Ólafur og tekur
fram að síðarnefnda tegundin sé á
válista hérlendis. Hefur hungur-
dauði fuglanna haldið áfram alla
vetur síðan. Segir hann ljóst að
fuglarnir drepist úr hungri þar sem
þeir hafa ekki æti.
Sigurfinnur segist í gærdag hafa
talið tuttugu dauða svartfugla sem
rekið hafði inn í höfnina, langvíur,
stuttnefjur og álkur, og á Borgar-
sandinum hafði marga tugi dauðra
fugla rekið á land.
„Ég hef mikla áhyggjur af svart-
fuglinum sökum þess hve stór hluti
stofnsins deyr úr hor,“ segir Sig-
urfinnur og bendir á að svartfugl-
inn sé einnig að hverfa í Noregi
vegna fæðuskorts.
Allur svartfugl
virðist dauður
í Skagafirði
Morgunblaðið/RAX
Fjórða veturinn í röð eru svartfuglar að drepast úr hor.