Morgunblaðið - 15.01.2005, Blaðsíða 49

MORGUNBLAÐIÐ LAUGARDAGUR 15. JANÚAR 2005 49
DAGBÓK
ÞÝSKUNÁMSKEIÐ
GOETHE ZENTRUM
www.goethe.is
551 6061
TRÉSKURÐUR
Námskeið í myndskurði og öskjugerð hefst 25. janúar.
Kennt verður á gamalgrónu verkstæði á Laugavegi 100.
Örn Sigurðsson myndskeri og húsgagnasmíðameistari.
Skráning og nánari upplýsingar í síma 848 8659.
Alliance Francaise býður nú aftur tilfranskrar kvikmyndahátíðar í Há-skólabíói, en opnunarsýning hátíð-arinnar á myndinni A very long en-
gagement, eftir Jean Pierre Jeunet, fór fram í
gær. Á hátíðinni, sem hefst fyrir alvöru í dag
verða sýndar níu kvikmyndir, blanda af alvöru,
gamni og spennu, allt frá myndum úr meg-
instraumnum til sjálfstæðra mynda. Hátíðin
stendur til 31. janúar, en sumar af myndunum
verða sýndar lengur.
„Ég vona að hátíðin gangi eins vel og hún
gekk í fyrra,“ segir Olivier Dintinger, fram-
kvæmdastjóri Alliance Francaise í Reykjavík, en
í fyrra sóttu um 12.000 gestir frönsku kvik-
myndahátíðina.
„Það er erfitt að skilgreina franska kvik-
myndagerð sem einstakt fyrirbæri. Kvikmyndir
okkar eru afar fjölbreyttar, frá meginstraums-
myndum eins og Taxi og Asterix, þar sem leik-
stjórar eins og Luc Besson eða Alain Chabat
halda um taumana til mun innilegri kvikmynda
þar sem sífellt bætist í hóp hæfileikaríkra leik-
stjóra eins og Patrice Chéreau, Francois Ozon,
Mathieu Kassovitz, Catherine Breillat, Cedric
Klapisch og Marion Vernoux eru meðal þeirra
sem bjóða áhorfendum upp á sína persónulegu
alheima. Það er ekkert fyrirbæri í dag eins og
Nouvelle vague á sjöunda áratugnum, sem er al-
gjörlega nýi stíllinn, hins vegar er fjöldi og fjöl-
breytileiki nýrra kvikmynda afar mikill og það
sýnir að það er til frönsk nálgun á kvikmynda-
gerð sem listgrein og sérstakt hlutverk höfund-
arins. Tveir helstu eiginleikar franskrar kvik-
myndagerðar eru þannig fjölbreytileiki hennar
og afar lifandi frásagnarstíll.“
Hvers vegna er mikilvægt fyrir Íslendinga að
kynna sér evrópska kvikmyndagerð?Að mínu
mati er afar mikilvægt að viðhalda menningar-
legum fjölbreytileika á tímum hnattvæðingar.
Því er mikilvægt að hafa aðgang að myndum frá
ólíkum menningarheimum, ekki aðeins evrópsk-
um kvikmyndum, heldur einnig asískum, afr-
ískum og suður-amerískum. Íslenskir áhorf-
endur verða að eiga þess kost að sjá þessar
myndir. Endalaus listi staðlaðra afþreying-
armynda einokar nú afar mörg bíóhús og sjón-
varpsskjái og veldur því að fólk fær staðlaða,
gagnrýnislausa og einsleita sýn á samfélagið.“
Er eitthvað fleira á döfinni í ár?
„Nútímasirkusinn Oki Haiku Dan mun koma
fram í Borgarleikhúsinu í lok janúar. Þá eru
nokkrir lifandi tónleikar í bígerð á Nasa: No-
jazz, Von Magnet, sem er elektrónísk Flamenco-
sveit, Malic Magic orchestra, Elios og Boulou
Ferré. Síðan verður fjöldi sýninga í Háskólabíó
tileinkaður frönskum teiknimyndum, stutt-
myndum og bestu frönsku auglýsingunum, auk
ráðstefna um franska rithöfunda og hugsuði.“
Kvikmyndir | Frönsk kvikmyndahátíð stendur til 31. janúar í Háskólabíói
Varðveita verður fjölbreytnina

Olivier Dintinger er
fæddur árið 1971 í Sav-
erne í Frakklandi. Hann
lauk B.A. gráðu í forn-
leifafræði og listasögu
frá Háskólanum í
Strasbourg, meistara-
gráðu í borgarsögu frá
sama skóla, með við-
komu í Trinity College í
Dublin auk rekstrar-
fræðigráðu frá Institut
d’administration des entreprises de Paris/
Poitiers. Olivier hefur starfað við fram-
kvæmdastjórn og mennta- og háskólakennslu,
meðal annars sem lektor í frönsku við HÍ.
Hann hefur gegnt starfi framkvæmdastjóra
Alliance Francaise í Reykjavík síðan 2001.
Unga fólkið
ÉG varð þess vör daginn eftir þrett-
ándann að 2 drengir á grunn-
skólaaldri gengu um og sprengdu
smáflugelda. Leið þeirra lá framhjá
gæsahóp. Gæsirnar hafa haldið til á
túni nokkru í Hafnarfirði und-
anfarna vetur, fólki til mikillar gleði
og ánægju. Þarna sáu drengirnir sér
leik á borði og byrjuðu að henda
flugeldunum í átt að gæsunum í von
um að hræða þær í burtu. Þegar það
virtist ekki takast tóku þeir sig til og
hentu flugeldinum inn í miðjan
gæsahópinn! Mátti litlu muna að þar
hefði orðið slys. Gæsirnar forðuðu
sér hið snarasta og hafa ekki sést
hér síðan.
Hversu oft þarf að segja svona
óvitum að hrella ekki dýrin sem geta
enga björg sér veitt? Flugeldar eru
ekki leikföng, heldur varasamir hlut-
ir og ættu ekki að lenda í höndum
barna, hvað þá óvita, nema að áreið-
anlegir foreldrar eða forráðamenn
séu viðstaddir.
Bryndís Hrund
Brynjólfsdóttir.
Verði ljós við Sogaveg
ÞAÐ gerðist um helgi í miðjum nóv-
ember að einhver asnaðist til að aka
á ljósastaur hér við Sogaveginn á
móts við sundið og hann var skakkur
á eftir og ljósið datt af honum. Strax
á mánudagsmorgni koma menn til
að rétta hann af og þeir gengu frá
honum eins og hann var áður og
voru búnir seinni partinn.
En ljósið kom ekki og um miðjan
desember hringdi ég í Orkuveituna
að spyrja um ljósið. Sá fyrsti sem ég
talaði við kom af fjöllum og vissi ekki
neitt en eftir að fá samband við
nokkra hitti ég á rétta manninn sem
sagði mér að ljós myndi vera sett í
strax. Nú er komið undir miðja jan-
úar og ekki er ljósið komið hvað sem
því veldur.
Mér finnst forkastanlegt að hafa
svarta myrkur á stóru svæði við
Sogaveg í svartasta skammdeginu.
Ég er að vona að þetta sé einstakt
tilfelli en ekki viðtekin hefð en það
getur verið að svo sé víða um borg-
ina án þess að ég viti en ég veit bara
þetta af því að ég sé það út um eld-
húsgluggann hjá mér.
Ég vil að síðustu senda þeim hjá
Orkuveitunni bestu nýjárskveðjur
og vona að þeir standi sig betur í
ljósastauramálum á þessu nýja en á
árinu 2004. Verði ljós á Sogavegi.
Guðmundur Bergsson,
Sogavegi 178.
Snjókall týndist
STÓR upplýstur snjókall hvarf úr
garði við Sogaveg um miðjan desem-
ber. Skilvís finnandi hafi samband í
síma 663 4945.
Kisur vantar nýtt heimili
TVÆR bröndóttum læður, 3 ára,
vantar nýtt heimili, annaðhvort sam-
an eða í sitt hvoru lagi. Þær eru litlar
og sætar. Upplýsingar í síma
824 1719.
Velvakandi
Svarað í síma 5691100 frá 10–12
og 13–15 | velvakandi@mbl.is
1. d4 Rf6 2. Bg5 Re4 3. h4 c5 4. dxc5 Ra6
5. Dd4 Raxc5 6. Rc3 Rxc3 7. Dxc5 Re4 8.
Dd5 Rxg5 9. hxg5 Db6 10. O-O-O Dxf2
11. Hh3 e6 12. Dd2 Be7 13. Rf3 Dc5 14.
e4 d6 15. e5 dxe5 16. Hh4 O-O 17. Bd3
h6 18. Hc4 Dd5 19. gxh6 g6 20. Dc3 b5
Staðan kom upp á lokuðu skákmóti
sem lauk fyrir skömmu í Reggio Emilia.
Gríski stórmeistarinn, Igor Miladinovic
(2611) hafði hvítt gegn búlgarska koll-
ega sínum, Boris Chatalbashev (2554).
21. Bxg6! b4 hróksfórnin gekk út á
óvenjulegt stef þar eð eftir 21... Dxc4 22.
Dxe5 f6 23. Dg3! Kh8 24. Bh7!! væri
svartur óverjandi mát. 22. De1! Heldur
sama stefi áfram. 22...Da5 23. Be4 Kh8
24. Bxa8 hvítur er nú hróki yfir og held-
ur sókn sinni sleitulaust áfram. 24...Ba6
25. Hd5! Dxa2 26. Dxe5+ f6 27. Dg3
Hg8 28. Hg4 Hc8 29. h7 og svartur
gafst upp.
SKÁK
Helgi Áss Grétarsson | dagbok@mbl.is
Hvítur á leik.
Hittingur.
Norður
♠74
♥G2
♦Á109
♣ÁKD973
Vestur Austur
♠Á952 ♠D1086
♥104 ♥D983
♦8763 ♦G542
♣862 ♣5
Suður
♠KG3
♥ÁK765
♦KD
♣G104
Suður verður sagnhafi í sex gröndum
og fær út tígul.
Spurningin „Hvernig er best að
spila?“ á kannski ekki alveg við hér, því
þetta er í grundvallaratriðum hittingur í
spaða – sagnhafi er með 11 toppslagi og
þarf einn á spaðann. Hann getur hvort
sem er spilað á gosann eða kónginn,
enda líkur jafnar á því að austur sé með
drottningu eða ás.
En þótt rétt og rangt eigi ekki bein-
línis við hér, þá má færa rök fyrir því að
betra sé að spila á kónginn, sérstaklega
ef það er gert snemma spils. Ástæðan er
þessi: Ef vestur er með ásinn en ekki
drottninguna, þá býst hann við að sagn-
hafi eigi KDx eða jafnvel KD10. Og þá
er besta vörnin iðulega sú að dúkka og
neyða sagnhafa til að giska næst.
Annað til: Jafnvel þótt vestur drepi
með ásnum, er ekki auðvelt fyrir hann
að spila spaða um hæl. En það verður
hann að gera eins og liggur í spilunum
hér, því ella þvingast austur með spaða-
drottningu og lengdina í hjarta.
BRIDS
Guðmundur Páll Arnarson | dagbok@mbl.is
35ÁRA afmæli. Í dag, 15. janúar,er 35 ára Dagmar Ósk Helga-
dóttir hárgreiðslumeistari, búsett í
Skanderborg í Danmörku. Hún er að
heiman á afmælisdaginn en verður þess
í stað hjá mömmu sinni í Garðabænum.
Árnaðheilla
dagbók@mbl.is
FIMMTÍU og fimm manna sinfón-
íuhljómsveit frá Tufts-háskóla í
Boston í Bandaríkjunum kom til
landsins í gær og heldur tvenna
tónleika hér á landi. Þeir fyrri
verða í Grafarvogskirkju í dag kl.
16, en þá mun Alda Ingibergs-
dóttir sópran syngja með sveit-
inni. Sveitin mun síðan leika í
Bláa lóninu á morgun kl. 15 og
einnig í íþróttahúsi HK í Kópavogi
fyrir skólabörn á mánudag kl. 10.
Hljómsveit Tufts-háskóla er
skipuð ungum hljóðfæraleikurum
á aldrinum 18–22 ára, en stjórn-
andi hennar er Malka Sverdlov
Yaacobi.
Á efnisskrá tónleikanna í Graf-
arvogskirkju verður m.a. verkið
Overture to Candide eftir Leonard
Bernstein, Aría úr Candide eftir
Bernstein, Aría úr Leðurblökunni
eftir Johann Strauss og aría úr
Kátu ekkjunni eftir Lehar. Þá
verður leikin svíta númer 1 úr
Carmen eftir Bizet og Scherezade
eftir Rimsky-Korsakov.
Að sögn talsmanna sveitarinnar
eru meðlimir afar spenntir fyrir
því að koma hingað til lands og
leika fyrir Íslendinga, enda brenn-
ur unga fólkið í skinninu að kynn-
ast landi og þjóð.
Háskólasinfóníuhljómsveit
frá Boston í Grafarvogskirkju
Miðaverði er stillt í hóf og er 1.500
kr. en 1.000 kr. fyrir elli- og örorku-
lífeyrisþega og námsmenn. Frítt er
inn fyrir 12 ára og yngri.
Sinfóníuhljómsveit Tufts-háskóla í Boston leikur í Grafarvogskirkju í kvöld og í Bláa lóninu á morgun.