Morgunblaðið - 20.01.2005, Qupperneq 31

MORGUNBLAÐIÐ FIMMTUDAGUR 20. JANÚAR 2005 31
MINNINGAR
✝ Sveinn CecilJónsson fæddist
á Ólafsfirði 22.
ágúst 1919. Hann
lést á Ólafsfirði 11.
janúar síðastliðinn.
Foreldrar Sveins
voru hjónin Jón
Bergsson frá Hær-
ingsstöðum í Svarf-
aðardal, f.
14.2.1880, d. 3.6.
1968, og Þorgerður
Jörundsdóttir úr
Hrísey, f. 15.9. 1881,
d. 30.9. 1950. Sveinn
var næstyngstur tíu
systkina. Elst var Auður, f.
1904, gift Rögnvaldi Þorleifs-
syni, þá Hulda, f. 1905, gift Jóni
Laxdal, Pálína, f. 1907, gift
Snæbirni Sigurðssyni, Jörundur,
f. 1908, kvæntur Jónínu Guð-
laugu Gísladóttur, Torfi, f. 1911,
lést á unglingsaldri, Guðmund-
ur, f. 1913, kvæntur Sigríði
Björnsdóttur, Cecilia, f. 1914,
lést á barnsaldri, Þorsteinn, f.
1918, ókvæntur, og Margrét
Guðrún, f. 1922, fyrst gift Birni
Guðmundssyni og
síðar Jacob Hansen.
Margrét Guðrún er
nú ein á lífi systk-
inanna.
Sveinn var tví-
kvæntur. Fyrri
kona hans var Guð-
laug Jónína Jóns-
dóttir, f. 15.2. 1921,
d. 13.6. 1966. Kjör-
sonur þeirra er
Héðinn Sveinsson,
f. 14.10. 1956. Síð-
ari kona Sveins er
Helena V. Jóhanns-
dóttir, f. 27.2. 1934.
Þau skildu.
Sveinn ólst upp á Ólafsfirði og
vann þar öll almenn störf tengd
sjómennsku og fiskvinnslu. Eftir
að hafa lokið námi í Stýri-
mannaskólanum stundaði hann
sjó og gerði um hríð út eigin
báta, en rak síðan lengi fiskbúð
í Reykjavík. Síðustu árin átti
hann heima á Ólafsfirði.
Útför Sveins verður gerð frá
Akureyrarkirkju í dag og hefst
athöfnin klukkan 13.30.
Það var oft kátt á æskuheimili
Sveins frænda á Ólafsfirði, þar
sem hann ólst upp í stórum systk-
inahópi, og stundum mun fjörið
raunar hafa verið fullmikið að
mati foreldranna þegar stálpaðir
synirnir göntuðust og tókust á svo
húsið lék á reiðiskjálfi. Ekki hefur
Sveinn þó fengið of mikið af ærsl-
unum, því þegar ég man eftir hon-
um gestkomandi á æskuheimili
mínu, þar sem oft var skari barna,
átti Sveinn oft til að koma af stað
ærslum og glensi og virtist kát-
astur allra í hópnum þegar hávað-
inn og lætin gengu fram af öðrum
fullorðnum. En Sveinn var alltaf
barngóður og kunni vel að meta
unglinga og þeirra uppátæki sem
og að segja sögur úr sínu ung-
dæmi. Sveinn frændi var heiðar-
legur drengskaparmaður, einn
þeirra manna sem lifðu stærstan
hluta 20. aldarinnar, og var af
þeirri kynslóð sem vann í haginn
fyrir okkur sem nú lifum mesta
blómaskeið í sögu íslensku þjóð-
arinnar frá upphafi. Sveinn stund-
aði sjóinn lengi framan af og ég
held að hann hafi jafnan litið á sig
sem sjómann fyrst og fremst. Slys
og aðrar aðstæður urðu þó til þess
að hann fór í land og þá lá beinast
við að halda tengslum við sjóinn,
því hann setti upp fiskbúð og var
áratugum saman fisksali í Reykja-
vík, þar sem hann átti lengi sína
traustu viðskiptavini og kunningja
sem héldu tryggð við hann vegna
góðrar vöru og hressilegs við-
móts.
Sveinn var alla tíð trölltryggur
sínu fólki, og oft var gestkvæmt
hjá honum, einkum þegar þau
Lauga bjuggu á Miklubrautinni í
Reykjavík. Þegar við yngri strák-
arnir, systkinasynir hans, heim-
sóttum hann eftir að við þóttumst
komnir til nokkurs þroska, en ef
til vill ekki alltaf mikils vits, þá
var ekki töluð nein tæpitunga en
alltaf stutt í glensið. Ævi Sveins
var þó ekki alltaf dans á rósum,
hann bar merki vinnuslyss ára-
tugum saman og mikill harmur
var að honum kveðinn þegar
Lauga kona hans lést langt um
aldur fram. En Sveinn átti Héðin
að, og voru þeir feðgar alla tíð
mjög samrýndir. Missir hans er
nú mestur, og sendi ég honum
samúðarkveðjur.
Anders Hansen.
SVEINN CECIL
JÓNSSON
Morgunblaðið birtir minningar-
greinar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgun-
blaðið í fliparöndinni – þá birtist
valkosturinn „Senda inn minning-
ar/afmæli“ ásamt frekari upplýs-
ingum).
Skilafrestur Ef birta á minning-
argrein á útfarardegi verður hún
að berast fyrir hádegi tveimur
virkum dögum fyrr (á föstudegi ef
útför er á mánudegi eða þriðju-
degi). Ef útför hefur farið fram
eða grein berst ekki innan hins til-
tekna skilafrests er ekki unnt að
lofa ákveðnum birtingardegi. Þar
sem pláss er takmarkað getur
birting dregist, enda þótt grein
berist áður en skilafrestur rennur
út.
Lengd Minningargreinar séu ekki
lengri en 2.000 slög (stafir með
bilum - mælt í Tools/Word Count).
Ekki er unnt að senda lengri grein.
Hægt er að senda örstutta kveðju,
HINSTU KVEÐJU, 5-15 línur, og
votta þeim sem kvaddur er virð-
ingu sína án þess að það sé gert
með langri grein. Ekki er unnt að
tengja viðhengi við síðuna.
Formáli Minningargreinum fylgir
formáli, sem nánustu aðstand-
endur senda inn. Þar koma fram
upplýsingar um hvar og hvenær
sá, sem fjallað er um, fæddist,
hvar og hvenær hann lést, um for-
eldra hans, systkini, maka og börn
og loks hvaðan útförin fer fram og
klukkan hvað athöfnin hefst. Ætl-
ast er til að þetta komi aðeins
fram í formálanum, sem er feit-
letraður, en ekki í minningargrein-
unum.
Undirskrift Minningargreinahöf-
undar eru beðnir að hafa skírnar-
nöfn sín en ekki stuttnefni undir
greinunum.
Myndir Ef mynd hefur birst í til-
kynningu er hún sjálfkrafa notuð
með minningargrein nema beðið
sé um annað. Ef nota á nýja mynd
er ráðlegt að senda hana á
myndamóttöku: pix@mbl.is og
láta umsjónarmenn minningar-
greina vita.
Minningar-
greinar
Ástkær móðir okkar, tengdamóðir, amma og
langamma,
GUÐRÚN GUÐMUNDSDÓTTIR,
Lyngholti 22,
Keflavík,
sem lést á Landspítalanum við Hringbraut
laugardaginn 15. janúar, verður jarðsungin frá
Keflavíkurkirkju föstudaginn 21. janúar
kl. 14.00.
Helga Margrét Guðmundsdóttir, Theodór Magnússon,
Inga Lóa Guðmundsdóttir, Skúli Þ. Skúlason,
Bryndís Björg Guðmundsdóttir, Arnar Þór Sigurjónsson,
Guðrún Birna Guðmundsdóttir, Sveinn Ævarsson,
Guðbjörg Fríða Guðmundsdóttir, Einar M. Guðmundsson,
barnabörn og barnabarnabörn.
Hjartkær móðir okkar, tengdamóðir, amma
og langamma,
GUÐRÚN BRYNJÓLFSDÓTTIR,
dvalarheimilinu Höfða,
áður Skólabraut 31,
Akranesi,
sem andaðist á Sjúkrahúsi Akraness sunnu-
daginn 16. janúar, verður jarðsungin frá Akra-
neskirkju föstudaginn 21. janúar kl. 14.00.
Brynjar Bergþórsson,
Salóme Guðmundsdóttir,
Ósk Bergþórsdóttir, Óli Jón Gunnarsson,
Lára Huld Guðjónsdóttir,
Bergþór Ólason,
Jóhann Gunnar Ólason,
Rúnar Ólason,
Guðjón Alex Flosason.
Þökkum auðsýnda samúð og hlýhug við fráfall
elskulegs föður okkar, tengdaföður, afa og
langafa,
ÞÓRÐAR JÓNSSONAR,
Norðurbrún 1.
Sérstakar þakkir til sr. Guðlaugar Helgu
Ásgeirsdóttur og starfsfólks á L-2 og K-1 á
Landakoti.
Fyrir hönd aðstandenda,
Björg Þórðardóttir og
Erna Hallbera Ólafsdóttir.
Innilegar þakkir fyrir auðsýnda samúð og hlý-
hug við andlát og útför frænda okkar,
ÞÓRÐAR ELÍASSONAR
frá Saurbæ,
fyrrv. leigubílstjóra,
áður til heimilis í Hraunbæ 103.
Systkinabörn hins látna.
Alúðar þakkir færum við öllum þeim, sem
sýndu okkur samúð og hlýhug vegna andláts
og útfarar okkar ástkæru,
GUÐBJARGAR EINARSDÓTTUR
frá Kárastöðum
í Þingvallasveit,
fyrrverandi deildarstjóra
í Búnaðarbanka Íslands.
Elísabet Einarsdóttir,
Hallfríður Einarsdóttir,
Stefán Bragi Einarsson,
Einar Jóhannesson
og aðrir vandamenn.
Útför
SIGRÍÐAR JOHNSEN,
Marklandi,
Löngufit 40,
Garðabæ,
verður gerð frá Garðakirkju föstudaginn 21. janúar kl. 15.00.
Vilhelmína E. Johnsen, Ólafur Ásgeirsson,
Sigríður Guðm., Ingvar Ingvarsson,
Gunnar Guðm., Ólafur H. Ólafsson,
Dagmar Ýr Ólafsdóttir, Guðmundur V. Hreinsson,
Ásgeir Ólafsson,
Elínborg I. Ólafsdóttir, Stefán Ingi Valdimarsson.
Elskuleg móðir mín, tengdamóðir, amma og
langamma,
JÁRNGERÐUR EINARSDÓTTIR
frá Tjörnum,
Vestur-Eyjafjöllum,
lést á líknardeild Landspítala, Landakoti,
mánudaginn 10. janúar.
Jarðarförin fer fram frá Dómkirkjunni í Reykja-
vík föstudaginn 21. janúar kl. 13.00.
Leifur Aðalsteinsson, Guðrún Eyþórsdóttir,
Þórður Guðjón Kjartansson,
Sigrún Þorbjörnsdóttir,
barnabörn og barnabarnabörn.
Elskulegur faðir okkar, tengdafaðir, afi og lang-
afi,
HALLDÓR KRISTINN BJARNASON,
dvalarheimilinu Hornbrekku,
Ólafsfirði,
sem lést mánudaginn 10. janúar sl., verður
jarðsunginn frá Ólafsfjarðarkirkju laugardaginn
22. janúar kl. 14.00.
Björn Halldórsson,
Guðmunda Ólöf Halldórsdóttir, Jón Jóhannsson,
Þorbjörg Halldórsdóttir, Önundur Haraldsson,
barnabörn og barnabarnabörn.