Morgunblaðið - 22.01.2005, Qupperneq 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 22. JANÚAR 2005 VERÐ Í LAUSASÖLU 220 KR. MEÐ VSK.
Heilsukoddar
Heilsunnar vegna
Opi› í dag laugardag
frá kl. 11-16
ÚTSÖLUMARKAÐUR
Reykjavík, Opið 10 - 18 virka daga og 10 - 16 laugardaga
Opið þennan eina sunnudag, 21. janúar, frá 13 - 17Faxafeni 12
*Hámark 12 vörur á mann!
Gildir til laugardagsins 29. janúar.
Keyptu þrjár vörur
en borgaðu fyrir tvær!*
Nýtt kortatímabil!
FRYSTITOGARINN Sjóli, sem
áður var gerður út frá Hafnarfirði,
hefur nú verið skráður á íslenzka
skipaskrá sem flutningaskip. Þar
með er hann eina íslenzka flutn-
ingaskipið sem siglir undir íslenzk-
um fána erlendis og með íslenzkri
áhöfn. Sjóli er í eigu Sjólaskipa,
sem gerir út 7 fiskiskip og tvö
flutningaskip frá Afríku. Sjóli fékk
hið nýja hlutverk fyrir nokkru, en
Siglingastofnun staðfesti skrán-
ingu hans sem íslenzks flutninga-
skips fyrir nokkrum dögum.
Sjólaskip hófu útgerð við Afríku
árið 1997, fyrst innan lögsögu Mar-
okkó, en síðan Máritaníu. Útgerðin
hefur vaxið ört og nú eru fiskiskip-
in orðin sjö eftir að samið var um
kaup á þremur rússneskum fiski-
skipum í haust. Skipin sjö stunda
veiðar á makríl, hrossamakríl og
öðrum uppsjávartegundum og er
aflinn frystur og unninn í mjöl og
lýsi um borð.
Haraldur Jónsson, fram-
kvæmdastjóri Sjólaskipa, segir að
útgerðin gangi vel. Aflaheimildir
séu umtalsverðar, enda dugi þær
fyrir útgerð 7 afkastamikilla skipa.
Togari verður flutningaskip
Sjóli undir íslenzk-
um fána í sigl-
ingum erlendis
FULLTRÚAR Náttúru-
fræðistofnunar Íslands, Fjöl-
skyldu- og húsdýragarðsins og
Fálkans hf. slepptu í gærmorgun
karlfálka við Úlfarsfell. Fálkinn
hefur verið í endurhæfingu í Hús-
dýragarðinum síðustu mánuði, en
hann fannst afar illa á sig kominn
á Hólmavík í september sl.
Að sögn Ólafs K. Nielsen,
fuglafræðings á Náttúru-
fræðistofnun Íslands, er fálkinn á
öðru ári og vó 1,3 kg við komuna í
garðinn. Við nánari rannsókn
hefði komið í ljós að fálkinn var
með sár og sá auk þess ekki neitt
með öðru auga, en talið er að
hann hafi flogið harkalega á. Að
sögn Ólafs var fálkinn nær dauða
en lífi þegar hann fannst, en hefði
braggast vel á umliðnum mán-
uðum, væri nú í góðum holdum
og vel heilbrigður og því hefði
þótt tilvalið að sleppa honum.
Þess má þó geta að fálkinn er vel
merktur og því vandræðalaust að
þekkja hann aftur ef eitthvað
kemur upp á.
Aðspurður segir Ólafur allar
líkur til þess að fálkinn muni
pluma sig ágætlega upp á eigin
spýtur í náttúrunni, enda væru
menn að öðrum kosti ekki að
sleppa honum. Spurður um
augnskaðann segir Ólafur engar
ástæður til að hafa áhyggjur af
hugsanlegum skaða þar sem
hann eigi hvorki að hafa áhrif á
flugfærni fuglsins né að hamla
honum við veiði, enda geti fuglar
lifað góðu lífi þrátt fyrir fötlun á
borð við þessa.
Spurður hvort líklegt sé að
fálkinn muni halda til á höfuð-
borgarsvæðinu svarar Ólafur því
játandi, enda leiti margir ung-
fálkar til höfuðborgarinnar yfir
vetrartímann sökum þess hve
mikið æti sé hér að finna, en
flestir þeirra snúi aftur í sín
heimahéruð þegar vorar. Að-
spurður segir Ólafur fálka nokk-
uð heimakæra og á hann því allt
eins von á því að fálkinn, sem
sleppt var í gær, muni snúa aftur
heim norður í Strandasýslu með
vorinu.
Karlfálkinn ungi hefur bragg-
ast vel í umsjón manna og var
hann frelsinu feginn þegar Páll
Bragason, forstjóri Fálkans, og
Ólafur K. Nielsen, fuglafræð-
ingur á Náttúrufræðistofnun Ís-
lands slepptu honum í gær.
Morgunblaðið/Kristinn
Ungfálka sleppt
eftir endurhæfingu
ÓVISSA ríkir um framtíð landvinnslu Samherja
á Stöðvarfirði þar sem eru 35 stöðugildi. Síðast-
liðinn fimmtudag hélt Gestur Geirsson, fram-
kvæmdastjóri landvinnslu Samherja, fund með
trúnaðarmanni starfsmanna, starfsmönnum fé-
lagsins og fulltrúum verkalýðsfélaganna á
Stöðvarfirði. Einnig átti hann fund með fulltrúa
sveitarstjórnarinnar í Austurbyggð. Gestur
lagði fram bréf frá Samherja, undirritað af Þor-
steini Má Baldvinssyni forstjóra, þar sem
ástæður hugsanlegra aðgerða eru raktar.
Sterk króna og lágt afurðaverð
Þar kemur m.a. fram að rekstrarumhverfi
fiskvinnslu hér á landi hafi versnað mjög. Erfið
staða krónunnar ásamt lágu afurðaverði á ýsu,
karfa og ufsa geri reksturinn mjög erfiðan. Ekki
eru taldar horfur á að þessar aðstæður batni í
bráð. Þá segir orðrétt:
„Það er mat stjórnenda Samherja að rekstur
landvinnslunnar verði best tryggður með því að
beina sem mestu af landvinnslu félagsins til Dal-
víkur. Þrátt fyrir að hafa fjárfest á Stöðvarfirði
fyrir tugi milljóna króna á undanförnum árum
eru fyrirliggjandi mjög verulegar fjárfestingar í
húsnæði til að uppfylla þær ströngu kröfur sem
gerðar eru til matvælaframleiðslu í dag, m.a. af
hálfu viðskiptavina okkar, svo og opinberra að-
ila hérlendis og erlendis. Af framansögðu má því
vera ljóst að við stöndum frammi fyrir eftirfar-
andi valkostum varðandi Stöðvarfjörð:
– Fara í samstarf við heimamenn með það
fyrir augum að selja eða leigja frystihúsið. –
Breyta vinnslunni í saltfiskverkun með umtals-
verðri fækkun starfsfólks. – Segja öllum starfs-
mönnum á Stöðvarfirði upp og hætta þar
rekstri.“
Fram kemur í bréfinu að bjart sé framundan í
atvinnumálum í Austurbyggð. Með nýjum jarð-
göngum verði álíka langt til Reyðarfjarðar frá
Stöðvarfirði og frá Egilsstöðum og Norðfirði.
Komi til uppsagna starfsfólks verður þeim, sem
sagt verður upp, boðin vinna hjá fyrirtækinu á
öðrum stað. Reiknað er með að vinnslu verði
haldið áfram í óbreyttri mynd fram á mitt sum-
ar, þegar opna á jarðgöngin. Þá boðar Samherji
frekari viðræður við alla aðila málsins um hvaða
leiðir séu færar í stöðunni.
Óvissa um landvinnslu
Samherja á Stöðvarfirði
ÞETTA kom eins og hvert annað reið-
arslag og ekki það sem ég átti von á að
heyra á þessum fundi,“ sagði Hjördís
Þóra Sigurþórsdóttir,
formaður Vökuls stétt-
arfélags.
Hjördís sagðist gera
sér vonir um að annar
hvor af tveimur fyrri
kostum Samherja yrði
niðurstaðan, það er að
samvinna náist við
heimamenn um fram-
hald landvinnslunnar
eða að henni verði
breytt í saltfiskverkun.
Hjördís sagði að hjá fyrirtækinu hefðu
starfað um 45 starfsmenn, meirihlutinn
konur. Nokkuð er um fólk í hálfu starfi.
Um 20 starfsmenn eru af erlendum upp-
runa og komu flestir fyrir um tveimur ár-
um. Að sögn Hjördísar er megnið af þeim
fjölskyldufólk með mikið af börnum.
„Ef þessi þriðji og versti kostur, að
loka, verður ofan á þá er mikil óvissa um
framtíðina. Ég harma þessa ákvörðun
fyrirtækisins og sé ekki nauðsyn hennar.“
Hjördís sagðist ekki vita hvort það
væri raunhæft að ætla heimamönnum að
ganga inn í reksturinn. „Það er nátt-
úrulega kvótinn líka,“ sagði Hjördís.
„Samherji er með kvóta Stöðfirðinga á
sínum skipum, eftir að þeir fluttu Kamba-
röstina norður. Það var töluverður
kvóti.“
Samherji með
kvóta Stöðfirðinga
Hjördís Þóra
Sigurþórsdóttir
STEINÞÓR Pétursson, sveitarstjóri Aust-
urbyggðar, segir að komi til lokunar land-
vinnslu Samherja verði það áfall fyrir sveit-
arfélagið og enn meira
fyrir Stöðfirðinga því um
sé að ræða stærsta vinnu-
staðinn á staðnum. Þar
búa 270 manns og hjá
Samherja vinna um 45
einstaklingar í 35 stöðu-
gildum.
Varðandi möguleika
Stöðfirðinga á að sækja
vinnu annað, t.d. til Reyð-
arfjarðar, sagði Steinþór
þann möguleika vissu-
lega vera fyrir hendi.
„Það liggur ljóst fyrir að það verður aldr-
ei nema hluti vinnuaflsins sem sækir vinnu
annað. Stór hluti myndi áfram vilja sækja
vinnu á staðnum. Ég óttast að þetta komi
róti á fólk – og það gerir það klárlega,“
sagði Steinþór.
Samherji bendir á þann möguleika að
fara í samvinnu við heimamenn um rekstur
landvinnslunnar. Er það raunhæfur mögu-
leiki?
„Ég sé það ekki alveg fyrir mér í fljótu
bragði. Mér skilst að í fyrra hafi verið unnin
þarna um 2.000 tonn af fiski. Það er erfitt að
grípa upp svo stóran kvóta í dag.“ Steinþór
taldi víst að þetta mál yrði tekið til umræðu
innan sveitarstjórnar Austurbyggðar í
næstu viku.
Áfall fyrir
sveitarfélagið
og íbúana
Steinþór
Pétursson