Morgunblaðið - 28.01.2005, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 28. JANÚAR 2005 VERÐ Í LAUSASÖLU 220 KR. MEÐ VSK.
Næring ekki
refsing
HÁLFDÁN Hálfdánarson, fram-
kvæmdastjóri líkkistuvinnustofunnar
Fjölsmíð, sem vann dómsmál gegn Útfar-
arstofu Íslands fyrir Hæstarétti í gær,
segir dóminn gefa tilefni til að huga að
starfsumhverfi útfararstjóra og segir
mikilvægt að fyrirbyggja að útfararstof-
ur séu með brögð í tafli í viðskiptum sín-
um. Hálfdán höfðaði mál gegn Útfarar-
stofu Íslands vegna vanefnda við greiðslu
á 54 líkkistum og var stofan dæmd til að
greiða Fjölsmíð 3,1 milljón króna í mál-
inu. Hálfdán vann málið einnig fyrir hér-
aðsdómi og hefur höfðað annað mál á
hendur annarri útfararstofu vegna van-
efnda.
Vanvirðing að stela kistu hins látna
Hálfdán segir að aðstandendur látinna
ástvina eigi heimtingu á að útfararstjórar
sinni starfinu af fullum heilindum.
„Ég lít á það sem þjófnað á vörslufé að
kaupa líkkistur án þess að greiða lík-
kistuvinnustofunni fyrir þær. Það er illt
til þess að vita fyrir aðstandendur hins
látna að hann liggi kannski í stolinni lík-
kistu. Þegar aðstandendur eiga viðskipti
við útfararstofur eiga þeir heimtingu á
því að allt fari heiðarlega og eins fallega
fram og hægt er, og það sé staðið að út-
förinni af heilindum en ekki vanvirðingu.
Það er ekkert nema vanvirðing við hinn
látna að leggja hann til hinstu hvílu og
stela kistunni sem hann liggur í.“
Hálfdán bendir einnig á að útfarar-
stjórar starfi ekki eftir neinum siða- eða
vinnureglum og ekki sé neinn eftirlits-
aðili sem veiti þeim virkt aðhald./14
Ástvinir eiga
rétt á fag-
legum vinnu-
brögðum
FRÍDAGUR var hjá íslensku landsliðsmönnunum á heimsmeist-
aramótinu í Túnis í gær. Var dagurinn m.a. notaður til bæj-
arferðar þar sem piltarnir prúttuðu svolítið og urðu sér úti um
viðeigandi höfuðföt, eins og Hreiðar Guðmundsson og Ingimund-
ur Ingimundarson bera. Dagur Sigurðsson, fyrirliði landsliðsins,
og séra Pálmi Matthíasson, sem er í fararstjórn Handknattleiks-
sambands Íslands, lentu í skemmtilegu atviki í bæjarferðinni.
Kona nokkur frá Túnis vék sér að þeim og spyr hvort þeir séu Ís-
lendingar. Segir hún að litla stúlkan, sem hún leiddi með sér, tali
íslensku. Þeir félagar spurðu stúlkuna hvort móðir hennar heiti
Sigrún og faðir hennar Mohamed og kinkaði hún kolli. Sagðist
heita Elísa og eiga heima í Túnis hjá foreldrum sínum. Ekki fengu
þeir upp úr henni hversu gömul hún væri en töldu að hún væri um
þriggja ára. Í dag keppir íslenska landsliðið við lið Rússa./Íþróttir
Morgunblaðið/RAX
Hreiðar Guðmundsson og Ingimundur Ingimundarson eru hér komnir með viðeigandi höfuðföt í Túnis.
Hittu unga íslenska
stúlku í Túnisborg
Ljósmynd/Pálmi Matthíasson
Elísa hitti landa sína í Túnis í gær.
RÓBERT Mars-
hall, fréttamaður
á fréttastofu
Stöðvar 2 og
Bylgjunnar og
formaður Blaða-
mannafélags Ís-
lands, hefur sagt
starfi sínu lausu í
kjölfar gagnrýni
forsætisráðu-
neytisins á fréttaflutning Stöðvar 2 í
fyrrakvöld. Fram kom í fréttum
Stöðvar 2 að Ísland hefði verið kom-
ið á lista hinna viljugu þjóða fyrir
ríkisstjórnarfund 18. mars 2003.
Forsætisráðherra sendi í gær frá
sér yfirlýsingu þar sem hann lýsir
furðu á fréttaflutningnum og að for-
svarsmenn stöðvarinnar hljóti að
biðjast afsökunar. Það gerði frétta-
stofa Stöðvar 2 og Bylgjunnar í gær
og dró fréttina til baka. Fram kom
að tímasetning fréttar CNN um at-
burðinn hefði verið mislesin og röng
ályktun dregin af tímasetningunni.
Róbert segir að forsætisráðu-
neytið hafi hins vegar valið þá leið
að tengja mistökin við fréttaflutn-
ing síðustu daga og „nota það sem
sýnidæmi um að hann hafi allur ver-
ið byggður upp á rangfærslum og
útúrsnúningum“ þegar svo sé ekki.
Hann hafi því ekki séð aðra lausn en
að segja starfi sínu lausu.
Blaðamenn axli ábyrgð
„Mér finnst þetta vera rökrétt
ákvörðun, að fréttamaður axli
ábyrgð á mistökum sínum með
þessum hætti,“ segir Róbert. Hann
muni áfram gegna formennsku
Blaðamannafélags Íslands. „Ég
kveð þetta starf með miklum trega,
það er mikil eftirsjá í því. Þetta er
það sem mér hefur fundist ég vera
fæddur til að gera þannig að þetta
eru þung skref en algerlega nauð-
synleg að mínu mati.
Ég vona bara að þessi eina frétt
mín verði ekki til þess að menn
hætti að skoða þetta Íraksmál og
ákvarðanatökuna,“ segir Róbert
Marshall.
Róbert Marshall segir starfi sínu lausu sem fréttamaður Stöðvar 2
„Þetta eru þung skref en
algerlega nauðsynleg“
Róbert Marshall
 Okkur urðu/6
BAKKAVÖR hagnaðist um rösklega
1,5 milljarða króna á árinu 2004.
Samstæðan er gerð upp í breskum
pundum og nemur hagnaðurinn í
þeirri mynt 13,1 milljón. Greining-
ardeildir bankanna reiknuðu með
12,4 til 13,4 milljóna punda hagnaði í
afkomuspám sínum. Hagnaður
Bakkavarar af reglulegri starfsemi
eftir skatta jókst um 26% á milli ára,
9% söluaukning varð á árinu og
hagnaður fyrir afskriftir og fjár-
magnsliði var 11% hærri en 2003.
Stjórnin mun leggja það til við að-
alfund að ekki verði greiddur út arð-
ur fyrir árið 2004 en sem kunnugt er
á félagið í viðræðum um yfirtöku á
breska matvælaframleiðandanum
Geest. Telur stjórnin að í ljósi hraðr-
ar uppbyggingar sem útheimti viða-
mikla fjármögnun, sé ekki ráðlegt að
greiða út arð að sinni./14
Bakkavör
hagnast
umfram
væntingar
LÖGREGLAN í Hafnarfirði lýsir
eftir Ragnheiði Clausen, 14 ára,
sem ekkert hefur
spurst til síðan á
sunnudagskvöld.
Þeir sem geta
gefið upplýsing-
ar um hana eru
vinsamlegast
beðnir að hafa
samband við lög-
regluna í Hafn-
arfirði.
Lýst eftir 14
ára stúlku
RÁÐUNAUTUR hjá Búnaðarsambandi
Suðurlands segist ekki hafa áhyggjur af
kali í túnum þrátt fyrir hlákutíð. Þótt tún
liggi undir svellum eins og þessi í Flóanum
þar sem hrossin leita að snöpum merkir það
ekki að skemmdir séu yfirvofandi fyrr en
eftir 70–90 daga við slíkt ástand. Tún geti
því haldið út í talsverðan tíma undir svell-
um. Við langvinna umhleypinga geti á hinn
bóginn skapast hættuástand þegar súrefni
kemst ekki að grasinu. Morgunblaðið/Einar Falur
Óttast ekki
kal í túnum
♦♦♦
LITUN á dísilolíu er gamaldags aðferð,
kostnaðarsöm fyrir dreifingaraðilana og
til eru mun einfaldari aðgerðir, segir Guð-
jón Auðunsson, framkvæmdastjóri fyrir-
tækjasviðs Olíufélagsins, sem gagnrýnir
drög fjármálaráðuneytisins að reglugerð
um útfærslu á olíugjaldi. Ráðgert er að
taka upp litun á olíunni 1. júlí þegar
þungaskattur á fólksbílum með dísilvél
fellur niður og olíugjald verður tekið upp.
Stærstu atvinnubílar og tæki í iðnaði og
landbúnaði fá olíu án olíugjaldsins en
greiða áfram þungaskatt.
Guðjón segir að forráðamenn Olíufé-
lagsins og dótturfélagsins Olíudreifingar
hafi gagnrýnt aðferðina og tímasetn-
inguna. Segir hann litun á dísilolíunni
kostnaðarsama og ljóst að þeim kostnaði
verði velt út í verðlagið. Hann telur að
kostnaðurinn muni hlaupa á hundruðum
milljóna króna. Guðjón segir olíufélögin
gera ráð fyrir að kostnaðurinn muni þýða
um tveggja króna hækkun á hvern olíu-
lítra./Bílar
Gagnrýna lit-
un á dísilolíu
♦♦♦