Morgunblaðið - 29.01.2005, Síða 11

UTANRÍKISMÁLANEFND Al-
þingis ákvað á fundi sínum í gær að
hætta að dreifa fundargerðum
nefndarinnar til þeirra 32 einstak-
linga sem hingað til hafa fengið
fundargerðirnar sendar. Þess í stað
verða þær einungis aðgengilegar til
aflestrar á fundum nefndarinnar og
hjá ritara hennar milli funda, auk
þess sem þær verða sendar ráðu-
neytisstjóra utanríkisráðuneytisins.
Þessi ákvörðun kemur fram í
bókun nefndarinnar frá því í gær en
allir átta nefndarmenn sem mættu
á fundinn stóðu að bókuninni.
Samþykkti með fyrirvara
Steingrímur J. Sigfússon, for-
maður Vinstrihreyfingarinnar –
græns framboðs, samþykkti þó bók-
unina með fyrirvara. Kveðst hann í
samtali við Morgunblaðið gera fyr-
irvara við reglurnar um meðferð
fundargagnanna. „Ég var ekki
tilbúinn til að ganga frá því og
ákveða strax hvernig endanlegar
reglur ættu að vera um meðferð
fundargerða.“
Fundurinn í gær var haldinn
vegna fréttar sem birtist í Frétta-
blaðinu hinn 21. janúar sl., þar sem
fjallað var um fundi utanríkismála-
nefndar hinn 19. febrúar og 21.
mars 2003. Sólveig Pétursdóttir,
formaður nefndarinnar, segist ekki
vilja tjá sig um sjálfa fréttina. Hún
segir fundinn í gær hafa verið lang-
an. „Þetta var langur fundur. Það
urðu miklar umræður í nefndinni og
menn voru sammála um það að
þetta væri mjög alvarlegt mál þessi
meinti trúnaðarbrestur,“ segir hún
og vísar til upplýsinga í fyrr-
greindri frétt Fréttablaðsins.Um
fréttina segir í bókun nefndarinnar.
„[…] Í umfjöllun blaðsins er látið í
veðri vaka að blaðamaður hafi haft
vitneskju um orðaskipti milli manna
á lokuðum fundi. Þetta er í annað
sinn á skömmum tíma sem upp hafa
komið tilvik sem varða meðferð
trúnaðarupplýsinga. Því er ástæða
fyrir utanríkismálanefnd að taka
þessi mál mjög föstum tökum.“
Tekið er fram í bókuninni að skv.
þingsköpum Alþingis og áratuga-
langri venju um þagnarskyldu
nefndarmanna sé allt það sem fram
fari á fundum nefndarinnar trún-
aðarmál nema annað sé tekið fram.
„Engin undantekning hefur verið
gerð um meðferð þessa máls. Hið
sama gildir um fundargerðir nefnd-
arinnar sem jafnframt eru merktar
sem trúnaðarmál og dreift til tiltek-
ins hóps manna, sem er 32 einstak-
lingar. Þagnarskyldan gildir um
alla sem fá trúnaðargögn afhent og
felst m.a. í því að þeir mega ekki
miðla upplýsingum til annarra,
hvorki þingmanna né óviðkomandi
aðila.“
Síðan segir í bókuninni að nefnd-
in átelji harðlega þann trúnaðar-
brest sem átt hafi sér stað „með því
að trúnaðarupplýsingar virðast hafa
komist í hendur óviðkomandi aðila,“
að því er segir í bókuninni. „Nefnd-
in beinir því til formanna þing-
flokka á Alþingi að þeir taki málið
upp á fundi með þingmönnum sín-
um og brýni fyrir þeim þau laga-
ákvæði sem um meðferð trúnaðar-
gagna gilda og nauðsyn þess að
virða trúnað. Að gefnu tilefni bendir
utanríkismálanefnd á að brot af
þessu tagi getur varðað refsingu
samkvæmt almennum hegningar-
lögum.“
Utanríkismálanefnd minnir á að brot á reglum um trúnað varði refsingum
Hættir að dreifa fundar-
gerðum til 32 einstaklinga
Morgunblaðið/ÞÖK
Einar K. Guðfinnsson, Jónína Bjartmarz, Siv Friðleifsdóttir og Sólveig Pétursdóttir á fundinum í gær.
MORGUNBLAÐIÐ LAUGARDAGUR 29. JANÚAR 2005 11
FRÉTTIR
ÁGREININGUR er uppi um það hvort aðal-
fundur Freyju, félags framsóknarkvenna í
Kópavogi, sem haldinn var í fyrrakvöld, sé lög-
legur eða ekki. Una María Óskarsdóttir, vara-
formaður Freyju og formaður Lands-
sambands framsóknarkvenna, náði ekki kjöri í
stjórn félagsins. Hún náði hins vegar inn í
varastjórn eftir að Hansína Ásta Björgvins-
dóttir, bæjarstjóri í Kópavogi, dró sig úr vara-
stjórninni. Á fundinum var einnig kosið um
formann félagsins, en María Marta Ein-
arsdóttir var endurkjörin, eftir að Sigurbjörg
Vilmundardóttir dró framboð sitt til baka á
síðustu stundu.
Ágreiningurinn snýst nánar tiltekið um það
hvort 43 konur hafi verið réttilega skráðar í fé-
lagið þegar aðalfundurinn fór fram. Deilan var
tekin upp á fundi framkvæmdastjórnar Fram-
sóknarflokksins í hádeginu í gær. Samkvæmt
heimildum Morgunblaðsins var þar lagt fram
erindi, af hálfu Maríu Mörtu, þar sem efa-
semdir koma fram um lögmæti aðalfundarins.
Sigurður Eyþórsson, framkvæmdastjóri
flokksins, sagði að ákveðið hefði verið að vísa
ágreiningnum til laganefndar flokksins.
„Laganefndin mun setjast yfir þetta og kalla
eftir greinargerðum,“ segir Sigurður. „Ég geri
ráð fyrir því að menn vilji fá úrskurð í málinu
frekar fljótt,“ segir hann spurður um hvenær
niðurstöður nefndarinnar gætu legið fyrir.
Siv skrifaði um fundinn
Siv Friðleifsdóttir, þingmaður Framsókn-
arflokksins, lýsir fundinum á eftirfarandi hátt
á vefsíðu sinni siv.is: „Hann var merkilegur
fyrir þær sakir að í upphafi fundar var borin
fram tillaga um 43 konur til skráningar í félag-
ið sem Aðalheiður Sigursveinsdóttir, kona Páls
Magnússonar aðstoðarmanns iðnaðarráð-
herra, hafði komið með á lista á flokks-
skrifstofuna um miðjan dag í dag, sama dag og
aðalfundur er haldinn. Framkvæmdastjóra
flokksins mistókst að koma þessum nýskrán-
ingum til vitundar sitjandi stjórnar.
Á fundinn mættu m.a. Aðalheiður Sig-
ursveinsdóttir og Edda Björg Hákonardóttir
konur bræðranna Páls og Árna Magnússona,
en Aðalheiður var með skráningarnar sem
komu flatt upp á sitjandi stjórn á fundinum.“
Síðan skrifar Siv að lögmæti fundarins hafi
verið dregið í efa, en þrátt fyrir það hafi
stjórnarkjör farið fram.
Ein af konunum 43 sem komu á aðalfundinn,
Sigurbjörg Vilmundardóttir, lýsti því yfir á
fundinum að hún hygðist bjóða sig fram gegn
Maríu Mörtu, skv. upplýsingum Morgunblaðs-
ins. Eftir nokkrar umræður ákvað hún hins
vegar að draga framboð sitt til baka. Þess í
stað bauð hún sig fram í stjórn. Hún náði kjöri.
Auk hennar komu nýjar inn í stjórnina þær
Aðalheiður Sigursveinsdóttir og Björg Jóns-
dóttir. Una María og Sigurbjörg Björgvins-
dóttir voru felldar úr stjórninni. Þá var Birna
Árnadóttir felld úr varastjórninni, en Laufey
Bjarnadóttir, kom ný inn í þá stjórn.
Vildu styðja Sigurbjörgu
Aðalheiður Sigursveinsdóttir vísar því á bug
í samtali við Morgunblaðið að markmið
kvennanna 43 hafi verið að gera hallarbylt-
ingu, eins og sumir héldu fram. „Það hefur
verið rætt um hallarbyltingu en það er langt í
frá.“ Hún segir að konurnar hafi ákveðið að
ganga í félagið til að styðja við framboð Sig-
urbjargar. „Við vorum saman í því stuðnings-
menn Sigurbjargar að fá þennan hóp saman,“
útskýrir hún og segir að listi með nöfnunum 43
hafi síðan verið sendur til skrifstofu Fram-
sóknarflokksins, sama dag og aðalfundinn átti
að halda.
Í yfirlýsingu sem Aðalheiður, Sigurbjörg og
Björg sendu fjölmiðlum í gær segir að kon-
urnar hafi verið skráðar í félagið af starfs-
manni á skrifstofu Framsóknarflokksins enda
segi í lögum flokksins að allar inntökur og úr-
tökubeiðnir skuli tilkynna til skrifstofu flokks-
ins.
Í yfirlýsingunni segir síðan um aðalfundinn:
„Var óskað eftir því af einum fundarmanna að
gengið væri úr skugga um að fundarmenn
væru í raun þær konur sem skráðar voru í fé-
lagið. Las formaður félagsins upp nöfn þeirra
og bauð síðan velkomnar í félagið.“ Aðalheiður
vísar því á bug að þær hafi ekki verið réttilega
skráðar í félagið.
Aðalheiður segir að í umræddum hópi
kvenna séu ungar konur sem séu tilbúnar að
starfa fyrir félagið. „Það er ótrúlegt, í miðri
jafnréttisbaráttunni, að halda því fram að við
séum ekkert annað en handbendi eiginmanna
okkar eða sambýlismanna,“ segir hún og vísar
til vefsíðu Sivjar. „Ég hef starfað mikið í fé-
lagsmálum og tel mig hafa fullt erindi í þessa
stjórn. Því ber að fagna þegar nýir ein-
staklingar koma inn og eru tilbúnir að berjast
fyrir félagið.“
Siv segir fólki misboðið
Síðdegis í gær hafði Siv bætt við eftirfarandi
orðum á vefsíðu sína: „Í dag [föstudag] hefur
síminn ekki stoppað þar sem afar reitt flokks-
fólk hefur reynt að ná sambandi í kjölfar at-
burðanna sem áttu sér stað á fundi Freyju, fé-
lags framsóknarkvenna í Kópavogi, í gær.
Misbýður fólki að trekk í trekk skuli stofnað til
ófriðar í flokknum okkar.“
Una María Óskarsdóttir og María Marta
Einarsdóttir vildu ekki tjá sig um þessi mál,
þegar Morgunblaðið leitaði eftir því í gær.
Ágreiningur um lögmæti aðalfundar Freyju, félags framsóknarkvenna í Kópavogi
Vísað á bug að tilraun hafi verið
gerð til hallarbyltingar í félaginu
Siv
Friðleifsdóttir
Una María
Óskarsdóttir
Aðalheiður
Sigursveinsdóttir
Síminn hefur ekki
stoppað, skrifar Siv
Friðleifsdóttir
22,2%
forstöðu-
manna
eru konur
AF 234 forstöðumönnum opin-
berra stofnana eru 52 konur, eða
22,2%. Engin kona stýrir stofnun á
vegum tveggja ráðuneyta; utanrík-
isráðuneytis og landbúnaðarráðu-
neytis. Auk þess er engin kona
forstöðumaður stofnana sem falla
undir æðstu stjórn ríkisins, en það
eru Hæstiréttur, umboðsmaður Al-
þingis, Ríkisendurskoðun og
Seðlabankinn. Þetta kemur fram í
samantekt á vef fjármálaráðuneyt-
isins.
Á lista yfir forstöðumenn sem
tekinn var saman fyrir einu ári
voru 49 konur af 240 forstöðu-
mönnum. Konum í forstöðumanns-
stöðu hefur því fjölgað örlítið. Þess
ber þó að geta að ein kona er
starfandi forstöðumaður en munu
láta af störfum um næstu mán-
aðamót.
Af einstökum ráðuneytum er
hlutfall kvenna hæst í forsætis-
ráðuneytinu en þar eru 4 af 6 for-
stöðumönnum konur. Í fimm ráðu-
neytum er aðeins ein kona
forstöðumaður; sjávarútvegsráðu-
neyti, fjármálaráðuneyti, sam-
gönguráðuneyti, iðnaðar- og við-
skiptaráðuneyti og umhverfis-
ráðuneyti. Af 12 ráðuneyt-
isstjórum eru tvær konur og hefur
þeim fjölgað um eina á árinu.
Fimm af 25 sýslumönnum eru kon-
ur. Af 25 framhaldsskólum eru sex
stýrt af konum. Aðeins einn skatt-
stjóri á landinu er kona en þrír af
átta dómsstjórum á landinu eru
konur.
 Meira á mbl.is/itarefni