Morgunblaðið - 29.01.2005, Side 12

12 LAUGARDAGUR 29. JANÚAR 2005 MORGUNBLAÐIÐ
FRÉTTIR
á morgun
Tímaritið á
sunnudögum

Umboðsmaður Íslands
Einar Bárðarson

Annaðhvort gerir maður
sig að fífli eða þetta slær í
gegn.
„ÞESSI fundur var afar gagnlegur og á
óvenju jákvæðum nótum. Þeir sem voru þarna
viðstaddir voru sammála um það hversu upp-
byggilegar umræðurnar voru og því var álykt-
un smábátasjómanna ekki í samræmi við þann
anda sem var á fundinum. Hafrannsókna-
stofnunin telur mikilvægt að taka tillit til rétt-
mætra óska heimamanna um að kostað sé vel
til rannsókna áður en lagt er til að stórum
svæði verði lokað, einkum þegar lokunin getur
snert hagsmuni sjómanna sem ef til vill eiga
ekki völ á að vera á öðrum svæðum við sínar
veiðar. Í þessu sambandi var boðað nýtt
vinnulag til að taka tillit til þessara sjón-
armiða,“ segir Jóhann Sigurjónsson, forstjóri
Hafrannsóknastofnunar, í samtali við Morg-
unblaðið.
Á miðvikudag var haldinn fjölmennur fund-
ur á Ólafsvík sem boðað var til af Snæfelli, fé-
lagi smábátasjómanna á Snæfellsnesi, þar
sem rædd var umdeild reglugerðarlokun á
sunnanverðum Breiðafirði, sem torveldaði
línuveiðisjómönnum á Snæfellsnesi að stunda
þorskveiðar á grunnslóðinni. Í fundarlok var
samþykkt ályktun félaga í Snæfelli, þar sem
gagnrýni kemur fram á tilurð lokunarinnar og
aðdraganda, m.a. vinnulag Fiskistofu og Haf-
rannsóknastofnunarinnar.
Jóhann Sigurjónsson, forstjóri Hafrann-
sóknastofnunarinnar, mætti til fundarins
ásamt sérfræðingum og gerðu þeir grein fyrir
aðdraganda lokunarinnar, almennu verklagi
og markmiðum svæðalokana. Jóhann var
spurður um viðbrögð við ályktun smábáta-
manna, en þar var einnig vísað til þess að mik-
ið væri af hægvaxta fiski í aflanum, þannig að
viðmiðunarmörk þau sem í gildi eru, þ.e. að
svæði sé lokunarhæft ef 25% eða meira af
fiskinum er undir 55 cm lengd, séu ekki rétt-
mæt.
Jóhann sagði að vel hefði verið farið yfir
þessi mál á stofnuninni í kjölfar umræðunnar,
en í nóvember sl. hefði verið gerð athugun á
öllu reglugerðarsvæðinu þar sem þessi full-
yrðing hefði verið sérstaklega skoðuð. „Við-
miðunarmörkin eru hugsuð sem sérstök vernd
fyrir smáfisk, þannig að sókn í fisk 4 ára og
yngri sé sem allra minnst. Niðurstöður úr 10
sýnum sem rannsökuð voru sérstaklega,
sýndu að 67% var 4 ára og yngri fiskur og
28% 3 ára og yngri fiskur. Í lengd var fisk-
urinn á bilinu 30%–82% undir 55 cm í sam-
anburði við viðmiðunarmörkin sem leyfa að-
eins að 25% fisksins sé undir 55 cm. Það er
hins vegar rétt að taka fram að innst á svæð-
inu reyndist vera frekar hægvaxta fiskur og
rýr, en að alhæfa eins og gert hefur verið í
umræðunni um þetta mál er ekki réttmætt,
enda vita allir sem sækja sjóinn á Snæfells-
nesi, að sem betur fer er fiskurinn yfirleitt
ekki svona lélegur á svæðinu og engin gögn
liggja fyrir sem gefa tilefni til að draga þá
ályktun að fiskurinn sé almennt illa haldinn af
sulti. Það er hins vegar breytileiki í þessu nú
sem endranær og í sjálfu sér áhugavert að
rannsaka það nánar og mun stofnunin
reiðubúin að fara í slíka rannsókn með heima-
mönnum, ef vilji er fyrir því.“
Jóhann var spurður hvort þannig væri ekki
grundvöllur fyrir stefnubreytingu í nýting-
arstefnu varðandi þorskstofninn eins og full-
yrt hefði verið á fundinum. Hann sagði ekkert
hafa komið fram sem breytti í grundvallarat-
riðum markmiðum fiskveiðiráðgjafar stofnun-
arinnar og nýtingarstefnu stjórnvalda. „Við
vitum það að þorskur frá þriggja til fjögurra
ára aldri er kannski að bæta við sig allt að
80% í þyngd sem teldust vera góðar rentur á
bankabók. Það að mæla almennt með að auka
veiðar á smáfiski, t.d. 2 og 3 ára fiski, sem
mikið var af í þeim sýnum sem skoðuð voru í
könnuninni í nóvember, er því afar óskyn-
samlegt og í raun fráleitt,“ sagði Jóhann Sig-
urjónsson.
„Gagnlegur fundur
á jákvæðum nótum“
Fiskveiðar Frá fundi Snæfells, félags smá-
bátaeigenda á Snæfellsnesi. Jóhann Sig-
urjónsson, forstjóri Hafrannsóknastofnunar
er fyrir miðri myndinni.
Ljósmynd/Gunnar Kristjánsson
ÚR VERINU
OG VODAFONE bað í gær Póst- og
fjarskiptastofnun um að hlutast til
um að Landssíminn afgreiði um 90
pantanir á ADSL-tengingum fyrir
viðskiptavini Og Vodafone. Fimm
vikur séu síðan beiðnirnar voru lagð-
ar fram en ekkert hafi gerst í mál-
inu, Landssíminn hafi hvorki neitað
að afgreiða pantanirnar né útskýrt
með fullnægjandi hætti á hverju
strandi. „Við höfum vakið athygli á
stöðu grunnnetsins í tengslum við
yfirvofandi sölu Símans. Þetta er
dæmi um hvað keppinautar Lands-
símans eru háðir fyrirtækinu,“ segir
Dóra Sif Tynes, forstöðumaður lög-
fræði- og stjórnsýslusviðs Og Voda-
fone.
Þar sem Landssíminn á grunnnet
símkerfisins verða önnur fjarskipta-
fyrirtæki að borga fyrirtækinu
vegna ADSL-háhraðatenginga um
heimtaugar fyrir sína viðskiptavini.
Að sögn Dóru Sifjar kom sú staða
upp í haust að Landssíminn hætti að
afgreiða beiðnir Og Vodafone um
ADSL-tengingar á þeim forsendum
að fyrirtækið væri ekki með nauð-
synlegt umboð frá viðskiptavinum
sínum. Hafi Landssíminn borið því
við að til þess þyrfti skriflegt umboð,
líkt og vegna símanúmeraflutninga.
Dóra Sif segir að Og Vodafone hafi
haft fullt umboð en ekki talið að það
væri hlutverk Landssímans að hafa
eftirlit með viðskiptasamningum.
Því hafi í raun verið um ólögmæta
synjun að ræða. Málinu var skotið til
Póst- og fjarskiptastofnunar og seg-
ir Dóra Sif að niðurstaðan hafi orðið
sú að Landssíminn samþykkti að af-
greiða beiðnirnar, án formlegrar
íhlutunar stofnunarinnar.
Vísvitandi samkeppnishömlur?
Í desember, eftir að Margmiðlun
hafði sameinast Og Vodafone, hugð-
ist Og Vodafone færa þá viðskipta-
vini sem voru með ADSL-tengingar
hjá Landssímanum yfir á kerfi Og
Vodafone. Dóra Sif segir að ekki hafi
verið um nýja viðskiptavini fyrir-
tækisins að ræða og á þeim grund-
velli hafi verið farið fram á flutning á
ADSL-tengingum þeirra yfir á kerfi
Og Vodafone. „Eitthvað virðist
Landssíminn hafa við það athuga, að
minnsta kosti hafa þeir ekki afgreitt
þessar beiðnir. Þeir hafa hvorki gef-
ið okkur skýringar á því hvers vegna
þeir vilja ekki afgreiða þær né hafa
þeir hafnað þeim,“ segir Dóra.
Á fimmtudagsmorgun hafi hún
boðsent bréf til Landssímans og
ítrekað ósk um svör. Þar sem engin
svör hafi borist hafi ekki verið um
annað að ræða en að að leita til Póst-
og fjarskiptastofnunar og óska eftir
bráðabirgðaíhlutun, sem á að liggja
fyrir innan sjö daga.
Dóra segir að tafirnar á afgreiðslu
valdi því að Og Vodafone geti ekki
afgreitt viðskiptavini sína. Það sé al-
gjörlega óviðunandi að beiðnum sé
ekki svarað í fimm vikur og menn
hljóti að spyrja að því hvort Lands-
síminn sé vísvitandi að reyna að
koma í veg fyrir samkeppni.
Og Vodafone biður Póst- og fjarskiptastofnun um íhlutun
Fimm vikna töf á af-
greiðslu ekki útskýrð
LANDSSÍMINN segir að ástæða
þess að fyrirtækið hafi ekki svar-
að óskum Og Vodafone um flutn-
ing á um 90 viðskiptavinum í
ADSL-þjónustu vera þá, að ósk-
irnar hafi ekki verið studdar skrif-
legum uppsögnum viðskiptavin-
anna.
Eva Magnúsdóttir, upplýsinga-
fulltrúi Símans, segir að fyr-
irtækið hafi brugðið á það ráð að
taka ekki til greina beiðnir sem
bárust frá OgVodafone nema sýnt
væri fram á að viðskiptavinir Sím-
ans hefðu, með skriflegri uppsögn
á ADSL-þjónustu, óskað eftir
flutningi milli fyrirtækjanna.
Þetta hafi verið gert í kjölfar
þess, að „Og fjarskipti færðu við-
skiptavini Símans, sem voru í við-
skiptum við ADSL-þjónustu Sím-
ans, yfir til sín án samþykkis
viðskiptavinanna. Þegar fór að
bera á þessu kvörtuðu við-
skiptavinir okkar yfir þessum
vinnubrögðum,“ sagði Eva.
Viðskiptavinir Og
Vodafone kvörtuðu
SÍMASAMBAND við Phuket eyju í Taílandi er slæmt
og því hafa litlar upplýsingar borist frá þremur fulltrú-
um kennslanefndar ríkislögreglustjóra sem nú eru við
störf á eyjunni. Þau eru væntanleg heim um mán-
aðamótin.
Þau sem eru í Phuket eru Sigríður Rósa Víðisdóttir
tannlæknir, Svend Richter, lektor tannlæknadeildar
Háskóla Íslands, og Bjarni J. Bogason, aðstoðaryfirlög-
regluþjónn hjá embætti ríkislögreglustjóra.
Gísli Pálsson, aðstoðaryfirlögregluþjónn hjá rík-
islögreglustjóra og formaður kennslanefndar, segir að
starf tannlæknanna felist einkum í því að skoða tennur
í líkum þeirra sem létust í hamförunum, m.a. með því
að taka röntgenmyndir af tönnunum. Þessi gögn eru
síðan borin saman við upplýsingar um tennur þeirra
sem er saknað. Nefndarmenn starfa með öðrum
kennslanefndum frá Norðurlöndunum. Aðspurður seg-
ir Gísli að slíkar upplýsingar séu fyrst og fremst til um
vesturlandabúa.
Bera kennsl
á lík á Phuket