Morgunblaðið - 17.03.2005, Qupperneq 14

14 FIMMTUDAGUR 17. MARS 2005 MORGUNBLAÐIÐ
ERLENT
FRÉTTASKÝRENDUR á Ítalíu voru á einu máli
um það í gær að þá ákvörðun Silivos Berlusconis að
hefja brottflutning ítalskra hermanna frá Írak síð-
ar á þessu ári bæri að skýra með tilliti til pólitískra
hagsmuna forsætisráðherrans.
Ýmsir urðu til þess að líkja stöðu Berlusconis við
þann veruleika sem Tony Blair, forsætisráðherra
Bretlands, stendur nú frammi fyrir. Almennt er
talið að Blair boði til þingkosninga í maímánuði en
staða hans þykir nokkuð erfið sökum þess að al-
þýða manna er almennt andvíg þátttöku Breta í
innrásinni í Írak. Að Blair frátöldum hefur Silvio
Berlusconi verið dyggasti stuðningsmaður George
W. Bush Bandaríkjaforseta í þessu efni í Evrópu.
Um 3.000 ítalskir hermenn eru nú í Írak.
Loðin yfirlýsing
Berlusconi greindi óvænt frá því á þriðjudags-
kvöld að Ítalir myndu hefja heimkvaðningu liðsafla
síns í Írak í september í ár. Tilkynningin þótti að
vísu fremur loðin því tekið var fram að fækkunin
myndi „ráðast af því hversu vel íröskum stjórnvöld-
um gengur að byggja upp viðunandi öryggis-
gæslu“. Hafa ýmsir túlkað orð þessi á þann veg að
ekki liggi fyrir hvort liðsaflinn verði yfir höfuð kall-
aður heim eða hvernig staðið verði að þeirri aðgerð.
Fréttaskýrendur á Ítalíu bentu á að kosningar til
héraðsstjórna á Ítalíu færu fram í byrjun næsta
mánaðar. Þá verða kjörnar stjórnir í 14 af 20 hér-
uðum Ítalíu og verða heilar 42 milljónir manna á
kjörskránni.
Kannanir hafa leitt í ljós að um 70% Ítala eru
andvíg stuðningi ítölsku ríkisstjórnarinnar við inn-
rásina í Írak. „Kannanirnar og áhrifin af stöðu
Blairs mótuðu ákvörðun forsætisráðherrans,“
sagði í forystugrein Corriere della Sera, sem er
stærsta dagblað Ítalíu. „Forsætisráðherrann og
Blair óttast kjörkassann,“ sagði La Repubblica.
Þrýstingur aukinn á Bandaríkjamenn?
Andstaða við afstöðu stjórnvalda í Íraksmálinu
hefur ekki minnkað eftir að bandarískir hermenn
drápu ítalskan leyniþjónustumann, Nicola Calipari,
í Írak. Maðurinn fylgdi blaðakonunni Giuliana
Sgrena eftir að henni hafði verið sleppt úr gíslingu
þar. Leyniþjónustumaðurinn er nú þjóðhetja og
Berlusconi hefur krafið Bandaríkjamenn um ítar-
lega rannsókn á tildrögum þess að maðurinn var
drepinn. Bandaríkjamenn hafa harmað mistökin
og heitið rannsókn. Hermt er að Berlusconi sé ekki
ánægður með undirtektir stjórnar Bush forseta og
hann og undirsátar hans hafa opinberlega dregið í
efa skýringar þær sem borist hafa frá Bandaríkja-
mönnum. Þykir ýmsum líklegt að tilkynning Berl-
usconis frá því á þriðjudagskvöldið sé fallin til að
ítreka kröfur Ítala í málinu.
Talsmaður Bandaríkjaforseta gerði lítið úr
ágreiningi hvað rannsókn á drápi Caliparis varðaði.
Hann lagði einnig áherslu á að tilkynning Berlusc-
onis væri skilyrt og lofaði framgöngu ítalskra
stjórnvalda í málefnum Íraks.
Fögnuður á Spáni
Stjórnvöld á Spáni, sem kölluðu heim herafla
sinn í Írak eftir sigur sósíalista í þingkosningum
fyrir réttu ári, fögnuði í gær yfirlýsingu Berluscon-
is. John Howard, forsætisráðherra Ástralíu og
dyggasti stuðningsmaður George Bush utan Evr-
ópu, gaf hins vegar í skyn að Ástralar kynnu að
fjölga enn í herliði sínu í Írak til að bæta upp missi
ítalska liðsaflans. Howard ákvað nýlega að fjölga í
herliðinu í Írak til að bæta upp missi hollenskra
hermanna sem nú hafa verið kallaðir heim. Þá hafa
Úkraínumenn einnig hafið brottflutning hermanna
frá Írak.
Segja Silvio Berlusconi
hræðast dóm kjósenda
Ítalskir fréttaskýrendur segja tilkynningu um brottflutning hermanna
frá Írak tengjast kosningunum til héraðsstjórna í næsta mánuði
Róm, Canberra, Madríd. AFP, AP.
AP
Berlusconi er hann útskýrði ákvörðun sína.
MEIRA en 500 manns í 12 löndum
hafa verið handteknir í tengslum við
rannsókn á sölu á barnaklámi um
Netið.
Lögreglan á Spáni hafði forustu
um aðgerðina en mennirnir voru
handteknir á Spáni, Ítalíu, í Frakk-
landi, Svíþjóð, Hollandi, Argentínu,
Chile, Costa Rica, Mexíkó, Dómin-
íska lýðveldinu, Panama og Uru-
guay. Þúsundir ljósmynda og mynd-
banda voru gerðar upptækar í
þessum löndum.
Talsmaður spænsku lögreglunnar
sagði rannsóknina hafa staðið yfir í
tvo mánuði. Fylgst hefði verið með
mönnunum og samskiptum þeirra á
spjallrás einni á Netinu. Spænska
lögreglan miðlaði síðan upplýsingum
um mennina til yfirvalda í viðkom-
andi ríkjum. Sagt var að fleiri hand-
tökur væru hugsanlegar.
Upprættu barnaklám-
hring í 12 löndum
Madríd. AFP.
LETTNESKIR lögreglumenn leiða
burt konu, sem er klædd eins og
fangi í útrýmingarbúðum nasista.
Hafði komið til nokkurra ryskinga
milli fólks af rússneskum uppruna
og lettneskra þjóðernissinna, sem
voru að minnast þeirra þúsunda
Letta, sem börðust með Waffen SS-
sveitum Þjóðverja í síðustu heims-
styrjöld. Hrópuðu þeir síðarnefndu
„Lettland fyrir Letta“ en hinir svör-
uðu á rússnesku: „Nasisminn mun
ekki sigra.“
AP
Mótmæli á
minningardegi
SÝNT þykir að verjendur Michaels
Jacksons hafi náð að veikja verulega
málflutning þeirra sem saka popp-
stjörnuna um að hafa misnotað ung-
an dreng kynferðislega. Verjendur í
máli Jacksons þykja hafa náð að
draga fram alvarlegar mótsagnir í
framburði drengsins en á þriðjudag
viðurkenndi hann að hann hefði tví-
vegis sagt einum yfirmanna í skóla
sínum að poppgoðið hefði aldrei
komið ósiðlega fram við hann.
Þessum framburði drengsins var
líkt við að sprengja hefði fallið.
Drengurinn heldur því fram að
hann hafi sætt margs konar kynferð-
islegri misnotkun er hann dvaldist á
heimili Jacksons, Neverland, árið
2003. Drengurinn er nú 15 ára og er
ákæran á hendur Jackson í tíu liðum.
Verjendur Jacksons héldu áfram
að yfirheyra drenginn á þriðjudag en
daginn áður hafði hann staðfest að
hann hefði tvívegis sagt umsjónar-
kennara sínum að Jackson hefði ekki
misnotað sig kynferðislega.
Á þriðjudag leitaðist drengurinn
við að skýra framburð sinn. Sagðist
hann hafa sagt kennaranum þetta af
ótta við að ella myndi hann sæta ein-
elti. Bekkjarfélagarnir hefðu vitað
að hann hefði gist hjá Jackson og
strítt honum mjög sökum þessa.
Hefðu þeir m.a. haldið því fram að
ofurstirnið hefði „nauðgað“ honum.
Hann hefði óttast að stríðnin myndi
aðeins færast í aukana greindi hann
kennaranum frá því sem gerst hefði.
Framburður drengsins
áfall fyrir sækjendur
Sérfræðingar vestra segja að
framburður drengsins hafi verið
áfall fyrir sækjendur í málinu. „Allt
sem fram kom hjá drengnum var
fallið til að rýra trúverðugleika
hans,“ sagði einn þeirra. Þeir hinir
sömu leggja hins vegar áherslu á að
málinu sé hvergi nærri lokið og ætla
verði að sækjendur hafi smíðað áætl-
un um framgang málsins. Þeir kunni
því að luma á ýmsum vopnum í bar-
áttunni við lögfræðingateymi Jack-
sons.
Systir drengsins og bróðir hafa
viðurkennt að hafa logið um það sem
gerðist á heimili Jacksons árið 2003.
Verjendur fullyrða að móðir drengs-
ins standi fyrir þessum málatilbún-
aði í þeim tilgangi að kúga fé út úr
Jackson. Hún hefur áður verið staðin
að viðlíka framferði. Sækjendur full-
yrða hins vegar að Jackson hafi nýtt
sér félagslegar aðstæður drengsins
og veikindi í þeim tilgangi að svala
afbrigðilegum fýsnum sínum.
Vörnin í sókn
í Jackson-máli
Santa Maria í Kaliforníu. AFP, AP.
FÖGNUÐUR ríkti í Beirút, höfuð-
borg Líbanons, í gær þegar ljóst
varð að sýrlenskir leyniþjónustu-
menn hefðu verið kallaðir frá borg-
inni. Nokkrir tugir manna yfirgáfu
höfuðstöðvar leyniþjónustunnar í
Beirút, stigu upp í bifreiðar og héldu
áleiðis í Bekaa-dalinn í landinu aust-
anverðu líkt og myndin sýnir. Al-
menningi í Líbanon hefur staðið
stuggur af sýrlensku leyniþjónust-
unni og hefur krafa stjórnarandstöð-
unnar verði sú að liðsmenn hennar
verði fluttir heim til Sýrlands líkt og
sýlenska herliðið í landinu. Vestræn-
ir sérfræðingar hafa áætlað að 3.000
til 4.000 sýrlenskir leyniþjónustu-
menn haldi til í Líbanon. Herlið Sýr-
lendinga þar telur um 14.000 menn
en brottflutningur þess liðsafla í
áföngum er þegar hafinn.
Reuters
Leyniþjónustan farin frá Beirút
EFTIR réttarhöld sem staðið hafa
í tvö ár sýknaði dómari í Vancouv-
er í Kanada í gær tvo menn sem
ákærðir voru fyrir tvö sprengjutil-
ræði er urðu 329 manns að bana
um borð í flugvél Air India yfir Atl-
antshafi og tveim mönnum á flug-
vellinum í Tókýó í Japan fyrir 20
árum. Sagði dómari að lykilvitni
hefði ekki verið trúverðugt.
Margir tóku andköf í réttarsaln-
um er dómurinn var lesinn upp.
Sprengjutilræðin voru mannskæð-
ustu hryðjuverk
sem framin
höfðu verið fyrir
11. september
2001 og eru
mesta fjölda-
morð í sögu
Kanada. Flestir
þeirra 329 sem
fórust með Air
India-vélinni
voru Kanada-
menn. Vélin var á leið frá Vancouv-
er til London með millilendingu í
Montréal 23. júní 1985. Sprengja
sprakk um borð í henni við strönd
Írlands og um sama leyti sprakk
sprengja í tösku sem átti að fara í
Air India-vél í Japan.
Saksóknarar héldu því fram að
tilræðin hefðu verið hefnd síkha á
Indlandi fyrir mannskæða árás
hersins á Gullna hofið í Amritsar,
helgasta stað síkha. Báðir hinir
ákærðu, Ripudaman Singh Malik
og Ajaib Singh Bagri, eru síkhar.
Sýknaðir af ákæru um tilræði
Vancouver. AFP.
Ripudaman Singh
Malik