Morgunblaðið - 20.03.2005, Side 15

MORGUNBLAÐIÐ SUNNUDAGUR 20. MARS 2005 15
Nú er tækifærið
til að gera það sem þú hefur lengi ætlað þér
10% til 20% afsl fram að páskum á sérpöntunum á höfuðgöflum,
rúmteppum, dýnuverum og náttborðum.
Dæmi 20% afsl:
Faruk stillanlegur höfuðgafl áður kr 123.250 NÚ 98.600
Cecilia rúmteppi 280x280cm kr 56.550 NÚ 45.240
Mathilda dýnuáklæði 180x200cm kr 30.550 NÚ 24.440
10% afsl. af
GANT HOME
sængurfatnaði
í verslun
Verið velkomin
Ármúla 10 • 108 Reykjavík • Sími: 5689950
Aðalfundur Sláturfélags Suðurlands svf. verður haldinn í
félagsheimilinu Þingborg, föstudaginn 8. apríl 2005 og hefst kl. 14:00.
Dagskrá:
1. Aðalfundarstörf samkvæmt 24. gr. samþykkta félagsins.
2. Önnur mál, löglega upp borin.
Tillögur frá félagsaðilum sem bera á fram á aðalfundi þurfa að vera
komnar skriflega í hendur stjórnarinnar eigi síðar en 14 dögum fyrir
aðalfund.
Reykjavík, 15. mars 2005.
Stjórn Sláturfélags Suðurlands svf.
Aðalfundur
Sláturfélags Suðurlands svf.
mína og kennsluna. Mér hefur ekki
síst fundist gaman að kenna hinn
verklega þátt.“
En er slík kennsla ekki hættuleg –
hefur aldrei komið til efnafræðilegra
sprenginga? spyr ég.
„Nei, en það flæddi einu sinni þeg-
ar gleymdist að skrúfa fyrir vatn
þegar verið var að eima. Þá var að-
koman ekki góð – ég hef passað slíkt
vel síðan,“ segir Kristín og brosir.
„Ég hef verið að skoða efni í ís-
lenskum jurtum í rannsóknarstarfi
mínu. Íslenskar jurtir hafa komið á
óvart, ég hef einkum rannsakað
fléttur og berjalyng. Í rannsóknar-
störfum þessum höfum við séð að í
íslenskum plöntum eru ekki síður
áhugaverð efni en í plöntum sem
vaxa í heitara loftslagi. Hinar síðar-
nefndu hafa talsvert verið rannsak-
aðar en ekki plöntur frá kaldari
svæðum. Lyfseðilsskyld lyf í apótek-
um eru að þriðjungi unnin úr
plöntum, aðallega frá hlýjum svæð-
um. Við höfum séð í rannsóknum
okkar efni sem vinna á veirum,
þ.á m. RS-veiru, þessi efni eru í flétt-
um og skógarplöntum, í fléttum eru
einnig efni sem hafa áhrif á vöxt ill-
kynja frumna. Við höfum og fundið
efni í berjalyngi, bæði í berjum og
lynginu sjálfu, sem hafa bakteríu-
hemjandi áhrif. Þetta er stórt verk-
efni hjá okkur sem við vinnum í sam-
starfi við aðra vísindamenn
innanlands sem erlendis, við vinnum
gjarnan efnafræðilegu vinnuna hér.
Við höfum verið í samstarfi við er-
lenda aðila, t.d. bandarísku krabba-
meinsstofnunina sem hefur mælt
virkni fyrir okkur í jurtum. Sumar
jurtir eru minna mengaðar hér en
erlendis, t.d. fjallagrös, sem vaxa
hægt og eru mjög viðkvæm fyrir
geislamengun. Í Evrópu eru fjalla-
grös enn menguð eftir Tjernóbyl-
slysið – en hér alls ekki. “
Mikilvægt að eiga framtíðarsýn
og gera hana að veruleika
En verður rektorsstarfið ekki til
að fjarlægja Kristínu frá rannsókn-
arstörfunum?
„Jú, og mér finnst það dálítið leið-
inlegt þótt ég á hinn bóginn hafi góða
aðstöðu til að fylgjast með á þeim
vettvangi. Ljóst er þó að ég verð að
miklu leyti að halda mig til hlés í
þessum efnum – rektorsstarfið er
mjög krefjandi.
Nú tekur við aðlögunartími, ég
þarf að ganga frá hér á deildinni og
ljúka minni kennslu og á sama tíma
að koma mér vel inn í málefni skól-
ans. Ég hef átt sæti í fjármálanefnd
háskólaráðs, það kemur mér nú vel.
Stærsta verkefni nýs rektors er að
tryggja fjárhagslegan grundvöll
skólans til framtíðar. Ég vil ekki
leysa fjárhagsvanda skólans með
skólagjöldum og álít að endurskoða
þurfi hlutverk happdrættis og þeirra
mála í heild sinni.
Þetta er geysilega öflug stofnun,
10.000 manna samfélag nemenda,
kennara og starfsfólks. Við þurfum
að tryggja að skólinn haldi styrk-
leika sínum og hann geti eflst sem
rannsóknarháskóli og tekið þátt í að
búa íslenskt þjóðfélag undir okkar
nýju öld, bæði með því að styrkja það
sem verið er að gera og hugsa til
framtíðar hvað snertir nýjar náms-
leiðir. Við höfum ákveðið forskot á
aðra háskóla hér, HÍ hefur jú verið
til í 94 ár, en ég vonast til að Háskóli
Íslands geti haft samstarf við hina
háskólana til hagsbóta fyrir alla að-
ila.
Í kosningabaráttunni hef ég lagt
upp úr málefnum HÍ og framtíðar-
sýn minni. Það sem skiptir mestu
máli fyrir þann sem tekur að sér
rektorsstarf við HÍ er að hann hafi
skýra framtíðarsýn og metnað og
kraft til að gera þessa sýn að veru-
leika.“
Sem fram hefur komið starfar eig-
inmaður Kristínar hjá flugfélagi –
skyldu þau eyða frístundunum mikið
í útlöndum?
„Nei, við förum helst til útlanda ef
við eigum erindi vegna vinnu en í frí-
um gerum við mun meira af því að
ferðast um landið okkar – veiðum og
förum á skíði ef tækifæri gefst. Mest
heillar þó sumarbústaðurinn sem við
eigum, lífið þar er okkar helsta tóm-
stundaáhugamál um þessar mund-
ir,“ segir Kristín þegar spurt er um
tómstundasamveru fjölskyldunnar.
„Sumarbústaðurinn er í Þverár-
hlíð í Borgarfirðinum, við eigum ekki
ættir að rekja þangað en umhverfið
þar finnst okkur yndislegt. Við
stundum þar trjárækt og höfum
kynnst góðu fólki í nágrenninu.
Yngri dóttir okkar hefur náð að
kynnast börnum í sveitinni, það er
ómetanlegt fyrir borgarbarn að
kynnast sveitasælunni – og raunar
fyrir okkur öll. Ég á krefjandi starf
framundan, til að ná árangri í því
þarf ég að sinna því af lífi og sál en ég
held að það sé mjög nauðsynlegt að
geta horfið frá því af og til og þar sé
ég sveitina og fjölskyldulífið sem
mikilsverðasta vettvanginn.“
mundan
gudrung@mbl.is