Morgunblaðið - 13.04.2005, Page 30

30 MIÐVIKUDAGUR 13. APRÍL 2005 MORGUNBLAÐIÐ
UMRÆÐAN
ALLT OF algengt er að Íslend-
ingar beri litla sem enga virðingu
fyrir afgreiðslufólki, hvort sem um
er að ræða sölufólk eða starfsmenn
á kassa verslunar. Maður heyrir
jafnvel foreldra segja við börnin sín
að þau „endi á kass-
anum í Bónus“ ef þau
sinna ekki náminu.
Er einhver virðing
fólgin í þessum orð-
um?
Foreldrar og aðrir
landsmenn, hvar
stæði þjóðfélagið í
dag ef enginn af-
greiddi í verslun eða
verslunin væri ekki
til? Sjálfsþurft-
arbúskapur.
Fjölbreytt og
gefandi starf
Ég vinn í verslun, í
raun vildi ég verða
kennari en ég byrjaði
að vinna í verslun
samhliða skóla fyrir
fimm árum og ég er
þar enn. Starf mitt
veitir mér mikla ánægju og við-
skiptavinirnir eru flestir mjög al-
mennilegir og kurteisir. Hvergi er
hægt að finna samsafn af jafnfjöl-
breyttu og skemmtilegu fólki, enda
geri ég allt sem ég get til þess að
uppfylla óskir þess og þarfir.
Viðskiptavinir eru duglegir að
hrósa þessari verslun fyrir góða
þjónustu og kurteist starfsfólk. Er
það starfsfólkinu eða viðskiptavin-
inum að þakka?
Þú uppskerð eins og þú sáir
Í þessari verslun sýna flestir við-
skiptavinir starfsfólkinu virðingu og
þar af leiðandi fá þeir góða þjón-
ustu.
Afgreiðslufólk er mannlegt rétt
eins og þú. Flest höfum
við ánægju af mann-
legum samskiptum og
þar af leiðandi starfi
okkar.
Vinnan okkar felst í
því að þjóna þér, les-
andi góður, og því bið
ég þig sem og alla
landsmenn að sýna af-
greiðslufólki virðingu.
Það er virðingarvert að
fá að starfa við mann-
leg samskipti og get ég
fullyrt að það er ekki á
allra færi að þjóna jafn
fjölbreyttum hópi við-
skiptavina og af-
greiðslufólk gerir.
Næst þegar þú geng-
ur inn í verslun mæli
ég með því að þú bros-
ir, verðir fyrri til að
bjóða starfsmanninum
góðan dag og athugaðu viðbrögðin.
Mundu að það felst mikil óvirðing í
því að tala í símann á meðan á af-
greiðslu stendur eða bjóða ekki
góðan dag / gott kvöld.
Vilt þú að aðrir komi þannig
fram við þig?
Hvað er
virðingarvert?
Þóra Björg Andrésdóttir
fjallar um verslunarstörf
Þóra Björg
Andrésdóttir
’Vinnan okkarfelst í því að
þjóna þér, les-
andi góður...‘
Höfundur er í verslunarfagnámi
í Verslunarskóla Íslands.
NÚ FER hver að verða síðastur
til að ganga í Samfylkinguna og
taka þátt í formanns-
kjöri. Kjörskrá verð-
ur lokað föstudaginn
15. apríl. Samfylk-
ingin er barnungur
flokkur en hefur þeg-
ar markað mikilvæg
spor í lýðræðisþróun
stjórnmála: Formað-
ur er kjörinn af öllum
flokksmönnum sem
vilja taka þátt í kosn-
ingu, við fórum með
Evrópumálin í ít-
arlega kynningu og
umræðu og kusum
svo um stefnuna. Frá síðasta
landsfundi hafa hundruð manna
tekið þátt í málefnastörfum um
heilbrigðismál og stefnumótun
framtíðarhóps – og miklu fleiri
sótt vel skipulagða fundi og mál-
þing þeim tengd. Samfylkingin
mótar vinnubrögð sem eru opin og
lýðræðisleg og veitir flokks-
mönnum sínum vald til að skipa
hæfasta fólki sínu í forystusveit.
Viltu vera með?
Þá ertu í stórum
hópi þeirra sem að-
hyllast jafnaðarstefnu,
félagshyggju og jafn-
rétti. Félagar í Sam-
fylkingunni eru nær
15.000. Kjósendur
Samfylkingar eru
miklu fleiri. Þriðji
hver maður sem geng-
ur niður Laugaveg er
kjósandi Samfylk-
ingar. Í einni bifreið
af hverjum þremur
sem aka þjóðveg númer eitt er
kjósandi Samfylkingar við stýrið.
Þessi hversdagslegu dæmi sýna
hve víðtækt fylgi flokksins er. Nú
hvetjum við alla þá sem styðja
hugsjón um jafnaðarsamfélag að
ganga í flokkinn og vera með í að
móta framtíð hans. Formanns-
kjörið er bara fyrsta skrefið í átt
til þess að leiða sjónarmið jafn-
aðarmanna til öndvegis í íslensk-
um stjórnmálum. Mikið starf er
framundan og hver og einn þeirra
tugþúsunda Íslendinga sem styðja
okkur á kjördag er velkominn í
flokkinn til að taka þátt í lýðræði í
reynd.
Samfylkingin: Þú mátt kjósa!
Stefán Jón Hafstein fjallar
um formannskjör
Samfylkingarinnar
Stefán Jón Hafstein
’ Nú hvetjum við alla þásem styðja hugsjón um
jafnaðarsamfélag að
ganga í flokkinn og vera
með í að móta framtíð
hans.‘
Höfundur er formaður framkvæmda-
stjórnar Samfylkingarinnar.
ÖSSUR Skarphéðinsson, for-
maður Samfylkingarinnar, skaut
föstum skotum að
störfum framtíð-
arhóps nú um
helgina. Þessi skot
geiguðu illilega og
þar skaut hann sig
illilega í fótinn. Þar
að auki sendi hann
öllum þeim fjölda
fólks sem hefur tekið
þátt í þessu starfi
kaldar kveðjur, svo
ekki sé meira sagt.
Ég tók sjálfur þátt
í starfi framtíð-
arhópsins í hópi um
skattamál. Eins og
flestir muna eflaust
var stefna og fram-
ganga flokksins í
skattamálum í tvenn-
um síðustu kosn-
ingum ekkert til þess
að hrópa húrra fyrir
og því brýn þörf að
bæta úr. Í þessum
hópi störfuðu m.a.
háskólaprófessor,
bæði núverandi og
fyrrverandi þing-
menn, háskólakenn-
arar og fólk úr at-
vinnulífinu. Að mínu
mati skilaði þessi
hópur góðum nið-
urstöðum, sem síðan voru ræddar
ítarlega á flokksstjórnarfundi eins
og aðrar niðurstöður þessa hóps
sem tilbúnar voru á þeim tíma.
Þar fóru fram frjóar og mjög
gagnlegar umræður og mun betri
en ég man eftir áður úr löngu
pólitísku starfi.
Mér finnst það ekki bera vott
um mikla dómgreind að halda því
fram að þetta starf hafi ekki
skilað neinu. Stefnu flokksins fyrir
síðustu þingkosningar var
verulega ábótavant á mörgum
sviðum og úr því er brýnt að
bæta. Stefna stjórnmálaflokks á
ekki að verða til í um-
ræðum á milli örfárra
þingmanna, hún á að
þróast upp frá
grasrótinni í flokkn-
um. Ummæli ýmissa
þingmanna á síðustu
dögum um að þeir séu
ekki sammála hinu og
þessu sem rætt var í
starfi framtíðar-
hópsins skiptir mig
engu, og heldur ekki
hvort þeir hafi haft út-
hald til þess að starfa
í hópum til enda.
Þeirra raddir og skoð-
anir eru ekki þyngri
en alla hinna sem taka
þátt. Stefnu á að
ákveða á sameig-
inlegum vettvangi á
grundvelli lýðræð-
islegs starfs sem
margir taka þátt.
Markmiðin með starfi
framtíðarhópsins voru
einmitt að vinna málin
með þessum hætti,
eins og kom greinilega
fram þegar formaður
flokksins stóð að því
að stofna hópinn á sín-
um tíma ásamt fleira
góðu fólki.
Mér finnst formaður flokksins
hafa þarna farið langt út fyrir
strikið og að hann skuldi mér og
öllum þeim fjölda fólks sem kom
að starfi framtíðarhópsins afsök-
un.
Feilskot á
framtíðarhóp
Ari Skúlason fjallar um at-
hugasemdir Össurar Skarphéð-
inssonar um framtíðarhóp
Samfylkingarinnar
Ari Skúlason
’Mér finnst for-maður flokksins
hafa þarna farið
langt út fyrir
strikið og að
hann skuldi mér
og öllum þeim
fjölda fólks sem
kom að starfi
framtíðarhóps-
ins afsökun.‘
Höfundur situr í flokksstjórn
Samfylkingarinnar.
ÉG GET ekki orða bundist yfir
grein sem birtist í Morgunblaðinu
föstudaginn 8. apríl sl. Þar skrifar
háskólaneminn Kristófer Már
Kristinsson um formannskjör í
Samfylkingunni og
segir meðal annars:
„Þegar er yfrið nóg af
miðaldra köllum sem
vilja verða ráðherrar
og þegar kostur er á
hæfum konum til for-
ystu á að setja kallana
á ís.“
Mér finnst þetta
bera vott um hvim-
leiða tilhneigingu til
að skipta fólki í tvær
fylkingar, karla og
konur. Þannig hugs-
unarháttur stuðlar að
sundrungu milli
kynjana og auðveldar okkur ekki
fyrir í jafnréttisbaráttunni sem
aldrei má verða einslit og bera
keim af „karlar á móti konum“. Ég
er eindregið fylgjandi því að hvetja
konur til dáða á öllum vígstöðvum,
hvar sem færi gefst. En mér finnst
ekki rétt að velja einstakling eftir
kyni. Þar eiga verðleikar að ráða og
ekkert annað.
Hvetjum konur en
veljum hæfasta
einstaklinginn
Í mínum huga er
jafnréttisbarátta mik-
ilvæg ekki síður fyrir
karla en konur. Þetta
er spurning um ákveð-
ið jafnvægi í samfélag-
inu sem endurspeglast
í einstaklingnum sjálf-
um, bæði körlum og
konum. Látum kosn-
ingabaráttu um for-
mann Samfylking-
arinnar ekki snúast upp í baráttu
milli kynjanna, það hagnast enginn
á því en allir tapa. Veljum hæfasta
einstaklinginn til að leiða Samfylk-
inguna.
Það er engin spurning í mínum
huga að valið stendur milli tveggja
hæfra einstaklinga og ég hefði
sannarlega viljað sjá þau vinna
saman áfram til að efla og sameina
einsog þau hafa gert síðustu miss-
erin.
En er ástæða til að skipta um
formann í stjórnmálaflokki þegar sá
sem situr er á góðri siglingu og hef-
ur verið að vinna vel fyrir sinn
flokk? Persónulega finnst mér það
mjög hæpið.
Stjórnmál snúast
ekki um stjörnur
Mér finnst ekki að stjórnmál eigi
að snúast um stjörnur sem svífa
hátt yfir það samfélag sem viðkom-
andi hrærist í. Þetta á að vera
spurning um stjórnmálamann sem
er í sambandi við allar stéttir sam-
félagsins og vinnur sín störf af alúð.
Össuri Skarphéðinssyni hefur
tekist að stilla saman strengi og
sameina liðið í öfluga heild. Best
kemur þetta fram í því að flokka-
drættirnir eru horfnir. Samfylk-
ingin er sameinuð, verkefnið tókst
og flokkurinn er á réttri leið.
Ég vona að þessi kosningabar-
átta muni ekki skaða Samfylk-
inguna, því ég held að þetta vax-
andi stjórnmálaafl hafi möguleika á
að ná langt í framtíðinni. Sameinum
liðið en skiptum því ekki upp eftir
kynjum eða öðrum tilteknum hóp-
um.
Karlar á ís?
Guðmundur Jónas Haraldsson
fjallar um formannskjör
Samfylkingarinnar
Guðmundur Jónas
Haraldsson
’Látum kosningabar-áttu um formann Sam-
fylkingarinnar ekki snú-
ast upp í baráttu milli
kynjanna.‘
Höfundur er leikari/leikstjóri.
FYRIR 30 árum eða svo þótti
rétt að blaðamenn þéruðu ráð-
herra og sendu þeim spurningar
sínar skriflega fyr-
irfram. Þá kom fram
ný kynslóð sem var
svo óviðeigandi að
þúa þá og spyrja
óundirbúinna og jafn-
vel óþægilegra spurn-
inga.
Enn eimir þó eftir
af þessum und-
irlægjuhætti. Þannig
þykir ekki viðeigandi
að spyrja okkur
stjórnmálamenn
hvort við eða flokkar
okkar hafi þegið fé
frá fyrirtækjum sem við erum að
veita fyrirgreiðslu. Enn síður þyk-
ir viðeigandi að spyrja hvort við
eigum persónulega fjárhagslegra
hagsmuna að gæta af þeim
ákvörðunum sem við tökum og því
síður hvort við höfum beinlínis
auðgast á þeim. Og þó fjölmiðlar
segi annað veifið að úrbóta sé þörf
í fjármálum stjórnmálaflokka þyk-
ir ekki viðeigandi að fylgja því
mjög eftir. Með svipuðum hætti
hefur forseti Alþingis nú bannað
mér að spyrja forsætisráðherra
hvort hann muni upplýsa um
tengsl sín og flokksins
við bjóðendur í
Landssímann.
Forsætisráðherra
skilar ekki skýrslu
þeirri sem honum ber
um fjármál flokkanna,
fyrirspurn mín um
hæfi forsætisráðherra
til að velja milli bjóð-
enda í Landssímann
er hafnað og áður hef-
ur ekki verið orðið við
beiðni minni um utan-
dagskrárumræðu um
fjármál flokkanna á
þeirri forsendu að það málefni
heyri ekki undir neinn ráðherra! Í
skugga leyndar þrífst spillingin
best. Í fáum atriðum erum við jafn
aftarlega á merinni, Íslendingar,
og er varðar fjármögnun stjórn-
málanna. Hvergi þekkist orðið slík
leynistarfsemi sem hér meðal
siðaðra þjóða. Á sama tíma og
stjórnvöld krefjast gagnsæis
fjölmiðla af því að þeir séu svo
valdamiklir, hafna þau jafnvel
umræðu um eigið ógagnsæi. Ef
við eigum að vita hver leggur fé
til fjölmiðla á þá hið sama ekki
við um stjórnmálaflokkana? Það
er löngu tímabært að ný kynslóð
fólks leggi af þann tepruskap að
spyrja ekki um spillingu og
persónulega hagsmuni ráða-
manna. Þannig og aðeins þannig
verður dregið úr hættu á því að
annarleg sjónarmið ráði för og
greitt sé fyrir greiðvikni stjórn-
valda.
Að þéra ráðherra
Helgi Hjörvar fjallar um
tepruskap fjölmiðla gagnvart
ráðamönnum þjóðarinnar ’Hvergi þekkist orðiðslík leynistarfsemi sem
hér meðal siðaðra
þjóða.‘
Helgi Hjörvar
Höfundur er alþingismaður
Reykvíkinga.