Morgunblaðið - 14.06.2005, Page 2

2 ÞRIÐJUDAGUR 14. JÚNÍ 2005 MORGUNBLAÐIÐ
FRÉTTIR
HALLDÓR HÆFUR
Ríkisendurskoðun hefur komist að
þeirri niðurstöðu að Halldór Ás-
grímsson forsætisráðherra hafi ekki
verið vanhæfur til að fjalla um sölu
ríkisbankanna. Segir m.a. í skýrslu
Ríkisendurskoðunar að hagsmunir
Halldórs og venslafólks hans, sem
hluthafa Skinneyjar-Þinganess, hafi
verið óverulegir miðað við umfang
viðskiptanna.
Jackson saklaus
Kviðdómur í Kaliforníu sýknaði í
gær poppgoðið Michael Jackson af
öllum ákærum, en hann hafði verið
sakaður um að beita ungan dreng
kynferðislegu ofbeldi. Niðurstaðan
þykir mikill sigur fyrir Jackson en
hann neitaði alltaf allri sök. Brotin
áttu að hafa verið framin á Never-
land-búgarði Jacksons á árunum
2000–2003 en ákærandi Jacksons,
Gavin Arvizo, var þá tíu til þrettán
ára gamall. Ef Jackson hefði verið
dæmdur sekur um ákæruatriðin hefði
hann átt yfir höfði sér allt að tuttugu
ára fangelsisvist.
Vantar fé til tækjakaupa
Fjárveiting Landspítala – háskóla-
sjúkrahúss til tækjakaupa nægir ekki
til nauðsynlegrar endurnýjunar og
kaupa á nýjum tækjum. Gripið hefur
verið til þess ráðs að leigja tæki eða
kaupa með afborgunum. LSH fékk í
fyrra 201 milljón króna á fjárlögum
til meiriháttar tækjakaupa. Fram-
kvæmdastjóri tækni og eigna á LSH
telur að þessa fjárhæð þurfi að fjór-
falda.
ESB samþykkir írsku
Írska hefur verið samþykkt sem
eitt af opinberum málum Evrópu-
sambandsins og eru þau þar með orð-
in 21. Manntal árið 2002 leiddi í ljós
að um 1,4 milljónir af þeim fjórum
milljónum manna sem búa á Írlandi
telja sig búa yfir kunnáttu til að tala
tunguna. En aðeins fjórðungur þeirra
sagðist tala hana daglega.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 



 


 
 



  

 

  

 


 


 !

"
# 
$
% 
  

    & 

 
 

'() *

 +,,,

   


 

 

   
 
 


Í dag
Fréttaskýring 8 Viðhorf 28
Úr verinu 12 Bréf 32
Viðskipti 13 Minningar 33/37
Erlent 14/15 Dagbók 41/43
Akureyri 17 Víkverji 41
Austurland 17 Velvakandi 42
Suðurnes 18 Staður og stund 43
Landið 18 Menning 44/44
Daglegt líf 19 Bíó 46/49
Menning 25 Ljósvakamiðlar 50
Forystugrein 26 Veður 51
Umræðan 28/32 Staksteinar 51
* * *
EKIÐ var á 10 ára stúlku á
gatnamótum Háaleitis- og
Kringlumýrarbrautar á öðrum
tímanum í gær, samkvæmt
upplýsingum lögreglunnar í
Reykjavík.
Stúlkan var flutt á slysadeild
og síðan lögð á sjúkrahús þar
sem hún átti að fara í aðgerð,
samkvæmt upplýsingum lækn-
is. Lögregla sagði hana hafa
verið með rænu. Stúlkan skarst
á læri og hlaut hugsanlega inn-
vortis meiðsl þegar ekið var á
hana.
Slysið varð þegar stúlkan var
að fara yfir gangbraut og bíll-
inn að taka hægri beygju. Bæði
voru á grænu ljósi en sam-
kvæmt umferðarlögum hefur
gangandi vegfarandi forgang
við slíkar aðstæður.
Ekið á 10
ára stúlku
BÆJARSTJÓRAR Akureyrarbæj-
ar, Húsavíkurbæjar og sveitarfé-
lagsins Skagafjarðar hittust á fundi í
gær ásamt fulltrúum frá iðnaðar-
ráðuneytinu og Alcoa og ræddu
áform um álversuppbyggingu á
Norðurlandi.
Að sögn Reinhards Reynissonar,
bæjarstjóra á Húsavík, var um
vinnufund að ræða og er áformað að
aðilar hittist fljótlega að nýju. Stefnt
sé að því að koma viðræðum aðila í
fastan vinnufarveg á næstu vikum.
Reinhard segist vænta þess að nið-
urstaða um endanlega staðsetningu
álvers geti mögulega legið fyrir fyrir
lok árs.
Staðsetning álvers verður
rædd á hlutlægan máta
Sveitarfélögin þrjú hafa undanfar-
ið fjallað um drög að samkomulagi
við Alcoa um að fram fari athuganir
á mögulegum stöðum undir álver,
þ.e. í austanverðum Skagafirði, við
Dysnes í Eyjafirði og Húsavík.
Kristján Þór Júlíusson, bæjar-
stjóri á Akureyri, hefur varpað fram
þeirri hugmynd að Húsavík og ná-
grenni verði fyrsti kostur fyrir álver
og Dysnes komi þar á eftir.
Spurður um kosti Húsavíkur und-
ir álver segir Reinhard að sú vinna
sem fram undan sé milli aðila hafi
síður en svo dregið úr þeirri trú hans
að Húsavík sé mjög heppilegur stað-
setningarkostur. Aðilar muni þó
ræða hugsanlega staðsetningu ál-
vers á hlutlægan máta og hann
treysti því að sú vinna muni leiða
fram rétta niðurstöðu fyrir alla hlut-
aðeigandi.
Bæjarstjórar hittust á fundi um álversviðræður
Væntir ákvörðunar
um staðsetningu í ár
MINNI aðsókn er að Vinnuskól-
anum í Reykjavík í ár en í fyrra. Að
sögn Lindu Rósar Alfreðsdóttur
leiðbeinanda starfa í kringum 3.200
krakkar á aldrinum 14–16 ára við
Vinnuskólann þetta sumarið en í
fyrrasumar sóttu 3.500 krakkar
skólann. Segir hún vafalítið mega
skýra fækkunina með batnandi at-
vinnuástandi.
„Hér ríkir mjög góð stemning,
enda fátt skemmtilegra en að vinna
úti við í garðvinnu í góðu veðri,“
segir hún en hópur hennar var ið-
inn við að hreinsa og reyta arfa í
beðum við Hallgrímskirkju í gær.
Þetta er annað sumarið sem
Linda Rós hefur umsjón með blönd-
uðum hópi krakka á aldrinum 14–
16 ára, sem öll eiga það sameig-
inlegt að vera af erlendu bergi
brotin.
„Um er að ræða sérstakt til-
raunaverkefni sem Vinnuskólinn
fór af stað með í fyrrasumar sem
gaf það góða raun að það hefur fest
sig í sessi,“ segir Linda Rós, en í
sumar eru tveir slíkir hópar starf-
ræktir, annars vegar á Skólavörðu-
holtinu og hins vegar í Breiðholt-
inu.
Aðspurð segir Linda Rós verk-
efnið hugsað fyrir krakka sem til-
tölulega nýkomin eru til landsins,
en um er að ræða sambland af
vinnu og fræðslu.
Fátt skemmtilegra en útivinna
Morgunblaðið/Jim Smart
Þeir Tien og Khanh frá Víetnam og Pawel frá Póllandi eru meðal krakkanna sem voru í gær að hreinsa beð við
Hallgrímskirkju. Auk þeirra eru í fjölþjóðlega hópnum krakkar frá Taílandi, Filippseyjum og Kína.
OLÍUFÉLAGIÐ ákvað í gær að
hækka verð á bensíni um eina
krónu á lítra, dísilolía, gasolía, flota-
olía og flotadísilolía hækka um kr.
1,50 á lítra og svartolía um kr. 1,00
á lítra.
Eftir þessa breytingu er algengt
verð á höfuðborgarsvæðinu á 95
oktana bensíni í sjálfsafgreiðslu á
stöð með fullri þjónustu, kr. 107,70
og á dísilolíu kr. 55,60, að því er
fram kemur á heimasíðu Olíufélags-
ins.
Verðhækkunin er skýrð með
hækkun heimsmarkaðsverðs að
undanförnu.
Eldsneyti
hækkar í verði
STEFNT er að því að samningur
um þróunarsamvinnu milli Íslands
og Sri Lanka verði undirritaður á
Sri Lanka hinn 22. júní nk., að sögn
Sighvats Björgvinssonar, fram-
kvæmdastjóra Þróunarsamvinnu-
stofnunar Íslands (ÞSSÍ). Sri
Lanka verður þar með fimmta ríkið
sem ÞSSÍ semur við um þróunarað-
stoð. Hin ríkin eru Malaví, Mósam-
bík, Namibía og Úganda.
„Ferðaskrifstofan
klúðraði þessu“
Einnig er stefnt að samningi við
Níkaragva síðar á árinu. Sá samn-
ingur hefur þó tafist, segir Sighvat-
ur. Hann segir að ÞSSÍ hafi boðið
sendinefnd frá Níkaragva að koma
hingað til lands, fyrir um það bil
viku, til að undirbúa væntanlegt
samstarf. Sérstök kynningardag-
skrá hafði verið undirbúin fyrir
hópinn í samstarfi við ýmsa aðila.
Ferðaskrifstofa Íslands átti, að
sögn Sighvats, að sjá um að ganga
frá flugmiðum hópsins til landsins.
Þegar hópurinn mætti á flugvöllinn
í sínu heimalandi, tilbúinn í ferðina,
kom hins vegar í ljós að engir voru
miðarnir. „Ferðaskrifstofan klúðr-
aði þessu,“ segir hann, „og því varð
ekkert af heimsókninni. Þetta
frestar því, að sjálfsögðu, möguleik-
um okkar til að starfa í landinu.“
Hann segir þó unnið að því að reyna
að fá hópinn til Íslands síðar á
árinu.
Þróunarsamvinnu-
stofnun Íslands
Samið
við Sri
Lanka
 Aukin framlög/8
FIMM karlmenn og ein kona voru í
gær dæmd í fangelsi fyrir aðild sína
að smygli á 1.000 e-töflum og um 130
grömmum af kókaíni til landsins.
Fíkniefnin voru falin í vaxkertum
sem höfðu verið holuð að innan til að
hægt væri að koma fíkniefnunum
fyrir.
Þyngstu dómana, tveggja ára
óskilorðsbundið fangelsi, hlutu Karl
Filip Geirsson og Vilhjálmur Vil-
hjálmsson en með smyglinu rufu
þeir báðir skilorð eldri dóma. Rúm-
lega fertugur karlmaður með tals-
verðan sakarferil hlaut 21 mánaðar
fangelsi, annar hlaut 18 mánaða
fangelsi og sá síðasti 12 mánaða
fangelsisrefsingu. Í öllum tilvikum
var refsing karlmannanna óskilorðs-
bundin. Þá var 24 ára gömul kona
sem sótti fíkniefnasendinguna á
pósthús að beiðni eins karlmann-
anna dæmd í sex mánaða skilorðs-
bundið fangelsi. Jafnaldra hennar,
eiginkona þess sem hafði milligöngu
um kaupin á fíkniefnunum í Hol-
landi, var sýknuð af ákæru um að
hafa tekið við 90.000 krónum sem
hún var sögð hafa vitað að væru
ávinningur fíkniefnaviðskipta.
Í dómi Héraðsdóms Reykjaness
kemur fram að lögreglunni í Kefla-
vík bárust upplýsingar um það í árs-
byrjun 2004 að Karl Filip hefði farið í
stutta ferð til Hollands. Þótti sú ferð
grunsamleg m.a. vegna þess að hann
var þekktur af neyslu fíkniefna og
hafði oft sést með fertugum manni,
þeim sem hlaut 21 mánaðar fangels-
isdóminn, sem hafði verið orðaður
við neyslu og sölu fíkniefna.
Í febrúar barst sending sem stíluð
var á blómabúð, í eigu þess síðar-
nefnda, frá Rotterdam í Hollandi
sem innihélt vaxkertin átta. Lög-
regla tók fíkniefnin úr kertunum og
kom fyrir eftirlíkingu fíkniefna í
staðinn.
Dóminn kváðu upp Finnbogi H.
Alexandersson, Gunnar Aðalsteins-
son og Þorgeir Ingi Njálsson. Kol-
brún Sævarsdóttir frá ríkissaksókn-
ara sótti. Hilmar Baldursson hdl.,
Ásgeir Jónsson hdl., Brynjar Níels-
son hrl., Lárentsínus Kristjánsson
hrl. og Hilmar Ingimundarson hrl.
voru verjendur í málinu.
12 til 24 mánaða óskil-
orðsbundið fangelsi