Morgunblaðið - 14.06.2005, Qupperneq 6

6 ÞRIÐJUDAGUR 14. JÚNÍ 2005 MORGUNBLAÐIÐ
FRÉTTIR
SUMARIÐ er tíminn söng Bubbi Morthens
með GCD á sínum tíma. Og sumarið er svo
sannarlega tíminn þegar borgin vaknar af
vetrardvala og iðar af mannlífi í sólinni,
unglingarnir njóta útiverunnar meðan þeir
sinna grænum blettum borgarinnar, unnið
er að malbikun gatna og krakkar í sumarfríi
nota tækifærið til að busla í ylvolgu vatninu
í Nauthólsvíkinni.
Þegar blaðamaður ásamt ljósmyndara átti
leið um Austurvöll um hádegisbilið í gær
var hver einasti bekkur þéttsetinn auk þess
sem fjöldi fólks lét fara vel um sig á gras-
fletinum. Áætla má að eitthvað á þriðja
hundrað manns hafi verið á svæðinu, en af
þeim sem til þekkja nær fjöldinn einmitt há-
marki í hádeginu þar sem margir nota há-
degishléið til að skella sér út og borða nest-
ið undir berum himni í veðurblíðunni eða
kaupa sér kaffibolla og með því á nærliggj-
andi kaffihúsum. Á viðstöddum var það að
heyra að þeir ynnu flestir hjá fyrirtækjum í
göngufæri frá Austurvelli. Aðrir komu hins
vegar lengra að, en meðal þeirra var Eld-
járn Már Hallgrímsson, starfsmaður Dýra-
ríkisins á Grensásvegi, sem notaði tækifærið
í matartímanum til að viðra hundinn sinn,
Fant, enda að hans sögn: „Sjúklega gott
veður.“
Fuglarnir gráðugir í brauðform
Við Tjörnina gaf að líta töluvert af ferða-
mönnum sem tyllt höfðu sér á bekk, enda
margir hverjir búnir að labba um bæinn
þveran og endilangan. Tvær ungar stúlkur í
sumarfríi höfðu fengið sér ís í hitanum og
voru að skemmta sér við að gefa fuglunum
hluta af brauðforminu, sem var greinilega
afar vinsælt hjá fuglunum, því svanur einn á
vatninu þurfti að hafa sig allan við að til ná
brauðinu, sem var einnig með smá ís á, áður
en endurnar guffuðu það í sig. Af græðgi
fuglanna að dæma féll ísbrauðið greinilega í
afar góðan jarðveg.
Á tjaldstæðinu í Laugardal voru aðeins
komin upp örfá tjöld. Þar rakst blaðamaður
á þá Jan Moneke og Sebastian Krahl, bak-
pokaferðalanga frá Þýskalandi, sem ný-
komnir voru til landsins og að fara að leggja
í þriggja vikna hringferð um landið. Spurðir
hvað dregið hefði þá til Íslands nefndu þeir
báðir hina stórbrotnu náttúru, auk þess sem
þeim fyndist mikill kostur að ekki væri of
heitt hérlendis þar sem hitinn t.d. á Ítalíu
og Frakklandi hentaði, að þeirra mati, ekki
eins vel til bakpokaferðalaga. Meðal áfanga-
staða nefndu þér klassíska staði á borð við
Mývatn og Skaftafell, en auk þess er stefn-
an tekin á Vatnajökul þar sem þá langar að
komast á bak vélsleða og bruna um á ísnum.
Kastalar byggðir í Nauthólsvík
Margt var um manninn í Nauthólsvíkinni.
Hópur krakka á aldrinum 9–12 ára var þar
á siglingarnámskeiði á vegum ÍTR, en að
sögn Björns Kristjánssonar, starfsmanns
ÍTR, fá krakkarnir að kynnast hinum ólíku
tegundum báta, s.s. róðrarbátum, kajökum
og árabátum. Í gær var svo komið að því að
prufa seglbátana, en um er að ræða litla
báta sem taka hver um sig tvo til fjóra
krakka.
Á ylströndinni voru krakkar á öllum aldri
að busla í vatninu og byggja bæði stíflur og
kastala í sandinum. Þeir sem vildu liggja í
sólbaði fundu til þess skjól upp við húsið
eða í brekkufætinum, enda smá gola sem
skýrði það væntanlega af hverju ekki voru
fleiri á svæðinu. Miðað við hversu góð að-
sókn hefur verið að ylströndinni síðustu
sumur er þess örugglega ekki langt að bíða
að ströndin fyllist af fólki.
Borgin iðar af mannlífi í sólinni
Morgunblaðið/Eyþór
Morgunblaðið/Eyþór
Vinkonurnar Rakel Thoroddsen og Indíana
Ingólfsdóttir reyndu án árangurs að gefa
öndunum við tjörnina ís.
Morgunblaðið/Jim Smart
Greinilegt var að krakkarnir í Vinnuskólanum
nutu þess að vinna úti í góða veðrinu. Þessi
stúlka dansaði nánast af kæti við kústinn sinn.
Morgunblaðið/Eyþór
Kajakarnir við Nauthólsvíkina voru ein-
staklega litskrúðugir í sólinni í gær.
Morgunblaðið/Eyþór
Meðal þeirra sem nutu útiverunnar í Naut-
hólsvíkinni voru Össur Skarphéðinsson og
dætur hans Birta og Inga. Sögðust þau hafa
komið hjólandi vestan úr bæ og aðeins vera í
stuttu ís- og kaffistoppi enda leiðinni heitið
áleiðis upp í Öskjuhlíð að skoða kanínur.
Morgunblaðið/Eyþór
Fantur naut útiveru með eiganda sínum, Eld-
járni M. Hallgrímssyni. Nafnið er öfugnefni
segir hann enda vart til blíðari hundur.
Eftir Silju Björk Huldudóttur
silja@mbl.is
NOKKRIR umhverf-
isverndarsinnar og félagar
á Náttúruvaktinni tóku sér
stöðu fyrir utan Hótel Nor-
dica í gær þar sem álráð-
stefnan fer fram og
dreifðu bæklingum og
upplýsingum um umhverf-
ismál til þátttakenda á
ráðstefnunni. Hér tekur
Rannveig Rist, forstjóri
Alcan í Straumsvík, við
gögnum frá Ástu Arn-
ardóttur.
Í tilkynningu frá Nátt-
úruvaktinni segir að með
ráðstefnunni sé verið að
auglýsa Ísland sem kjörið
og ódýrt orkuver og
málmbræðsluland. Bent er á að í setningarræðu iðnaðarráherra á ráð-
stefnunni hafi hann sagt að ástæða fyrir því að ráðstefna sé haldin hér
hafi legið í tveimur orðum, orku og áli. „Kæra Íslendingar sig um að eiga
hlut í þeirri framtíðarsýn sem hér er verið að smíða án þess að vera
spurðir? Geta Íslendingar látið þungaiðnaðinn, í krafti fjármagns og
valdatengsla, leggja línurnar? Viljum við fórna náttúruauðlindum okkar
enn frekar til að tryggja „örugga, ódýra orku fyrir næstu kynslóð ál-
bræðslna“, eins og það er orðað í einni meginspurningu ráðstefnunnar?“
spyr Náttúruvaktin.
Morgunblaðið/Eyþór
Dreifðu bæklingum og
minntu á umhverfið
VALGERÐUR Sverrisdóttir iðnað-
arráðherra setti 10. alþjóðlegu ál-
ráðstefnuna, sem fram fer í Reykja-
vík, á Nordica hóteli í gærmorgun
en hana sitja um 200 fulltrúar úr ál-
iðnaðinum hvaðanæva úr heiminum.
Valgerður fór í ávarpi sínu í
stuttu máli yfir uppbyggingu ál-
versiðnaðar á Íslandi og benti á að
áliðnaðurinn skipaði sífellt stærra
hlutverk fyrir íslenskan efnahag.
Sem dæmi hefði hlutur sjávarút-
vegs, sem hlutfall af heildarútflutn-
ingi, lækkað á umliðnum misserum,
úr 75% árið 1990 og stefndi í að
hann yrði 45% árið 2010. Í staðinn
væru aðrar framleiðsluvörur, eins
og ál, að sækja í sig veðrið. Áliðn-
aðurinn á Íslandi væri að nálgast
það að skapa sömu gjaldeyristekjur
og sjávarútvegurinn.
Ráðherra minnti á að megintil-
gangurinn með að auka fjölbreytni
útflutningsreinanna hefði einmitt
verið að skapa traustari stoðir und-
ir hagkerfið en á sama tíma skapaði
það hættu á að efnahagur landsins
yrði um of háður heimsmarkaðs-
verði á áli í stað afurðaverðs sjáv-
arafurða. Með frekari vinnslu á áli í
stað frumframleiðslu mætti vinna
gegn þessum áhrifum.
Ráðherra sagði að nokkur alþjóð-
leg álfyrirtæki hefðu sýnt áhuga á
að kanna hugsanlega álversupp-
byggingu hér á landi, m.a. Alcoa á
Norðurlandi. Allir kostir yrðu þó
skoðaðir áður en ákvörðun yrði tek-
in um byggingu nýs meðalstórs ál-
vers hér á landi. Þess má geta að
viðræður standa nú yfir milli
stjórnvalda og sveitarfélaga á
Norðurlandi um að hýsa nýtt álver.
Bjarni Bjarnason, framkvæmda-
stjóri orkusviðs Landsvirkjunar,
fjallaði í erindi sínu um Kára-
hnjúkavirkjun, en einnig um fram-
tíðarorkugjafa heimsins; jarðvar-
mann. Bjarni rakti í stuttu máli
tilraunaboranir á háhitasvæðum,
þar sem Íslendingar stæðu fram-
arlega og að mikil þekking á jarð-
varmavirkjun væri samankomin hér
á landi. Til marks um þá miklu
orku sem leynist í jörðinni benti
hann á að tækist að virkja 0,1% af
allri orku neðanjarðar myndi það
duga til að anna allri orkuþörf
mannkyns í ein 13.500 ár.
Álráðstefnan stendur áfram yfir í
dag og lýkur á morgun en þá verð-
ur þátttakendum boðið í kynnisferð
austur á Kárahnjúka.
Áliðnaður fylgir fast
á hæla sjávarútvegs
Iðnaðarráðherra setti tíundu alþjóðlegu álráðstefnuna