Morgunblaðið - 20.06.2005, Blaðsíða 12
12 MÁNUDAGUR 20. JÚNÍ 2005 MORGUNBLAÐIÐ
VIÐSKIPTI/ATHAFNALÍF
Daglegt
málþing
þjóðarinnar…
á morgun
ATLANTIC Petroleum varð
fyrsta hlutafélag frá Færeyjum til
að skrá sig á færeyskan verðbréfa-
markað (VMF), þegar félagið var
skráð á Aðallista Kauphallarinnar
sl. fimmtudag. Félagið varð jafn-
framt hið fyrsta erlenda sem skráð
er í Kauphöllina.
Útgefið hlutafé í Atlantic Petrol-
eum er tæpar 74 milljónir danskra
króna að nafnverði, eða um 793
milljónir íslenskra króna. Þegar
eru 84,9% hlutabréfanna og at-
kvæðisréttur í eigu almennra fjár-
festa. Umsjónaraðili skráningar-
innar var Kaupþing banki hf. –
Kaupthing Virðisbrævameklara-
felag P/F. Á blaðamannafundi í
Færeyjum á fimmtudagvar samn-
ingur um skráningu Atlantic
Petroleum undirritaður af félag-
inu, Kauphöllinni og VMF og
fylgst var með fyrstu viðskiptum
með bréf Atlantic Petroleum þegar
markaðurinn var opnaður. „Við
vonum að skráning Atlantic
Petroleum leggi grunninn að öfl-
ugum markaði með hlutabréf í
færeyskum fyrirtækjum. Þetta er
fyrsta skráning félags sem byggð
er á samningi Kauphallar Íslands
og Virðisbrævamarknaðar Føroya
og því tímamótaskráning. Við
bjóðum Atlantic Petroleum inni-
lega velkomið í Kauphöll Íslands,“
segir Þórður Friðjónsson, forstjóri
Kauphallar Íslands.
Wilhelm Petersen, forstjóri Atl-
antic Petroleum, skrifaði undir
skráningarsamninginn fyrir hönd
hins nýskráða félags. „Við erum
ánægð með að verða fyrsta er-
lenda félagið sem er skráð í Kaup-
höll Íslands. Við hlökkum til sam-
starfsins við Kauphöllina og þess
að vera þátttakendur á íslenskum
hlutabréfamarkaði.“
Atlantic Petroleum var stofnað
árið 1998 og er fyrsta olíu- og gas-
framleiðslufyrirtæki í Færeyjum.
Atlantic Petroleum vinnur nú að
könnun færeyska landgrunnsins
auk könnunar- og þróunarvinnu á
svæðum í Norðursjó sem tilheyra
Bretlandi. Fram að þessu hafa
þessar áætlanir fyrirtækisins
gengið eftir og tekur Atlantic
Petroleum nú þátt í átta könn-
unarverkefnum á miðunum í
kringum Færeyjar og í Norðursjó
við Bretland. Fyrirtækið hefur
skapað sér stöðu sem sjálfstæður
framleiðandi olíuafurða og mun á
næstu árum sækjast eftir að taka
þátt í fleiri verkefnum til að renna
frekari stoðum undir reksturinn.
Lokagengi bréfa í Atlantic Petr-
olium í Kauphöllinni var á fimmtu-
dag 380. Alls var verslað með
hlutabréf í félaginu fyrir rúmar 40
milljónir króna, í 17 viðskiptum.
Atlantic Petrolium
skráð í Kauphöllina
Fyrstu viðskiptin Þórður Friðjónsson, forstjóri Kauphallarinnar, fylgist með
fyrstu viðskiptunum í Atlantic Petroleum á blaðamannafundi í Færeyjum.
SIGTRYGGUR Hilmarsson hjá Vistor hreppti sigur og
þar með Rauða jakkann á árlegu golfmóti Og Vodafone
sem haldið var fyrir viðskiptavini fyrirtækisins á Graf-
arholtsvelli á dögunum. Um 80 manns frá fjölmörgum fyr-
irtækjum tóku þátt í mótinu. Það var Eiríkur S. Jóhanns-
son, forstjóri Og Vodafone, sem færði Sigtrygg í jakkann.
Ljósmynd/Halldór Kolbeins
Hreppti Rauða jakkann
NÁLGUN norsks hagfræðiprófess-
ors dregur á íslenska bankakerfinu
upp alltof einsleita og ósanngjarna
mynd sem getur verið bönkunum
stórhættuleg. Þetta er mat Ráð-
gjafar ehf., sjálfstætt starfandi og
óháðs ráðgjafafyrirtækis.
Norskur hagfræðiprófessor, dr.
Thore Johnsen hefur unnið skýrslu
um íslenskan bankamarkað fyrir
norska fjármálaeftirlitið og sagt
m.a. að mikill vöxtur hafi verið í ís-
lenska bankakerfinu og ef eitthvað
útaf bregði geti það hrunið eins og
spilaborg. Sérfræðingar Ráðgjafa
ehf. telja samlíkingu bankakerfisins
við spilaborg fráleita og ósann-
gjarna. Þeir benda á það að óvönd-
uð umræða um stöðu banka getur
verið þeim stórhættuleg. Þeir telja
jákvæðar hliðar aukinna umsvifa ís-
lensku bankanna miklu fleiri og
mikilvægari en einhverja vaxtar-
verki, að því er fram kemur í
fréttatilkynningu. Halda þeir því
fram að íslenskt bankakerfi sé
miklu traustara, arðbærara og því
betur stjórnað en það hafi verið um
langt árabil. Engin ástæða sé til
annars en að viðskiptavinir og eig-
endur bankanna beri fullt traust til
bankanna.
„Vöxtur íslenskrar bankastarf-
semi hér heima og erlendis ætti að
vera öllum gleðiefni. Með útrás
bankanna hefur ræst draumur
framsýnna Íslendinga um þátttöku
okkar í alþjóðlegri fjármálastarf-
semi,“ segir í tilkynningunni.
Einsleit og ósanngjörn nálgun
Umræðan