Morgunblaðið - 07.07.2005, Blaðsíða 28

28 FIMMTUDAGUR 7. JÚLÍ 2005 MORGUNBLAÐIÐ
MINNINGAR
✝ Niels JacobHansen fæddist
í Reykjavík 13. des-
ember 1937. Hann
lést á líknardeild
Landspítala í Kópa-
vogi 1. júlí síðastlið-
inn. Foreldrar hans
voru: Sigurbjörg M.
Hansen, f. 13.8.
1905, d. 5.8. 1979,
frá Blikastöðum í
Mosfellssveit, og
Thorkild W. Han-
sen frá Danmörku.
Niels átti eina syst-
ur, Jónu I. Hansen, f. 21.4. 1935,
búsett í Reykjavík.
Árið 1959 kvæntist Niels Guð-
laugu Kristófersdóttur, f. 21.11.
1940. Eignuðust þau þrjú börn.
Þau eru: 1) Þ. Magnús, f. 2.1.
1960, maki Vala Lee Jóhanns-
dóttir. Eiga þau tvær dætur,
Jónu Magneu og Heiðveigu. 2)
Sigurbjörg, f. 24.5. 1963, maki
George Holmes, hún á eina dótt-
ur, Guðlaugu Þóru Snorradóttur.
3) Guðbjörg, f. 29.5. 1968, maki
Smári H. Jónsson, eiga þau þrjár
dætur, Kristbjörgu, Ragnheiði
og Eygló. Niels átti
fyrir soninn Þórð
Guðna, f. 28.9.
1958, sambýliskona
Kristin Lhan-Jo-
hannessen. Þórður
Guðni á fjögur
börn, Hjört, Einar,
Kristian Tor og Ell-
en. Niels auðnaðist
að eignast eitt lang-
afabarn og nafna,
Niels Salómon, son
Heiðveigar.
Niels tók meist-
arapróf í húsasmíði
1966 og vann við það fag á með-
an heilsa leyfði. Eftir að veikindi
byrjuðu að gera vart við sig vann
hann margvísleg störf, meðal
annars við húsvörslu. Hann afl-
aði sér réttinda matsveins og
starfaði eftir það til sjós sem
kokkur. Síðustu ár starfaði hann
á Skálatúnsheimilinu í Mos-
fellsbæ sem deildarstjóri við-
haldsdeildar og vann þar ýmis
störf.
Útför Nielsar verður gerð frá
Fossvogskirkju í dag og hefst at-
höfnin klukkan 13.
Með nokkrum fátæklegum orð-
um kveð ég í dag félaga minn og
svila, Niels Jakob Hansen. Hann
var aldrei kallaður annað en Nilli
og við kynntumst fyrir liðlega 40
árum. Það var í gömlu húsi á Ný-
lendugötu 15 A í Reykjavík. Þar
bjó hann í einu herbergi hjá
tengdaforeldrum sínum ásamt
Lillu unnustu sinni og nýfæddum
syni þeirra. Ég hafði verið að gera
hosur mínar grænar fyrir Nönnu
systur Lillu og nú var komið að
þeirri stund að kynna manninn fyr-
ir verðandi tengdaforeldrum.
Nilli hafði þegar farið í gegnum
þetta sama á sama stað og vissi vel
hvernig mér leið í þessu fyrsta
matarboði mínu á Nýlendugötunni
og stappaði í mig stálinu. „Þetta er
mikið sómafólk og þau eiga örugg-
lega eftir að taka þér vel og vera
þér góð eins og mér,“ sagði hann.
Það voru orð að sönnu eins og jafn-
an þegar Nilli sagði álit sitt á
mönnum og málefnum.
Hann hafði skoðanir á öllu og
var ófeiminn við að láta þær í ljósi.
Maður lærði það fljótt að vera ekki
að andmæla honum neitt hástöfum.
Þá færðist hann bara allur í
aukana og var ekkert á því að fara
að hætta eða gefast upp. Þannig
var hann ekki aðeins í orðum held-
ur og í verki. Hann var hörkudug-
legur og laginn trésmiður og vann í
mörg ár við smíðar víða um land og
einnig á Grænlandi.
Lungun gáfu eftir hjá honum í
asbestsmíðunum á Grænlandi og
þá brá hann á það ráð að fara til
sjós og var matsveinn á togurum
og flutningaskipum í mörg ár.
Fórst honum það vel úr hendi
eins og annað, og hafði hann gott
orð á sér meðal skipsfélaga sinna –
ekki aðeins fyrir matargerðina
heldur og fyrir hressa og skemmti-
lega framkomu um borð og í landi.
Síðasti vinnustaður Nilla var við
heimilið í Skálatúni í Mosfellsbæ.
Þar tók hann til hendi við smíðar
og annað sem til féll. Þar var hann
í hávegum hafður meðal samstarfs-
manna og þá ekki síður meðal vist-
manna. Nilli var mikill vinur þeirra
og félagi. Mér er minnisstætt þeg-
ar við vorum í smá útréttingum
fyrir nokkrum mánuðum í bænum
og rákumst þar á hóp af fólki frá
Skálatúni. Þar fór ekki á milli mála
að þau voru þar að hitta mann sem
þau vissu að var vinur þeirra og
þeim þótti mikið vænt um og hon-
um þótti vænt um þau öll.
Undir hrjúfri skel var gott
hjarta og hann hugsaði vel um þá
sem honum voru kærir. Sýndi hann
það á margan hátt en þó einna best
háaldraðri tengdamóður okkar,
sem er í sínum heimi á Elliheim-
ilinu Grund. Hana heimsótti hann
nær daglega í mörg ár. Sat hjá
henni og talaði við hana og sá til
þess að vel væri um hana hugsað.
Þetta gerði hann alveg fram á sína
síðustu daga. Svona nokkuð gera
aðeins sérlega góðir drengir, eins
og Nilli var.
Nilli og Lilla byggðu sumarbú-
stað í Galtarholtslandi í Borgar-
firði. Það var þeirra sælureitur nú
á seinni árum. Þar kom handlagni
og útsjónarsemi hans sér að góðum
notum. Við, með aðstoð vina og
ættingja, byggðum bústað við hlið-
ina á honum þarna og það var gott
að hafa hann sem nágranna.
Hann var fljótur að koma og
rétta hjálparhönd og benda á
lausnir á hinum ýmsu vandamálum
sem upp komu. Hann átti alltaf
svar eða lausn og það var ekki leg-
ið á þeim ef eftir var leitað.
Nú er enginn Nilli lengur til að
leita til, hvorki fyrir mig né hans
stóra vina- og ættingjahóp. Bless-
uð sé minning hans.
Kjartan L. Pálsson.
Afi Nilli var besti afi sem nokkur
gat hugsað sér. Hann hafði mjög
gaman af að gera eitthvað fyrir
okkur barnabörnin. Uppi í sum-
arbústað eigum við litla sumó, sem
reyndar var smíðaður núna á sein-
ustu árum. Þó við séum orðnar
stórar þá höfum við gist þar nokkr-
um sinnum og nú getur Nilli litli,
barnabarnabarn og nafni afa Nilla
leikið sér þar. Uppi í sumó áttum
við mjög góðar stundir og eigum
þaðan mjög góðar minningar sem
við geymum alltaf í hjarta okkar.
Þegar við vorum yngri vann afi á
sjónum og við stelpurnar nutum
góðs af því. Hann var alltaf að
koma með eitthvað handa okkur,
við fengum hjól, dúkkuvagna og
margt fleira. Eitt sinn þegar hann
kom af sjónum hafði hann keypt
lítinn rafmagnstraktor. Hann var
geymdur í bílskúrnum hjá afa og
ömmu og þegar við komum í heim-
sókn var hann alltaf tekinn út og
við skiptumst á að keyra upp og
niður götuna.
Í seinni tíð hefur afi alltaf verið
okkur til stuðnings og verið okkur
góður vinur. Hann hefur gert líf
okkar skemmtilegra og betra. Það
er erfitt að hugsa til þess að hann
eigi ekki eftir vera til staðar leng-
ur, þó hann verði ávallt í hjarta
okkar.
Jóna Magnea og Heiðveig.
NIELS JACOB
HANSEN
Morgunblaðið birtir minningargreinar alla útgáfudagana.
Skil Minningargreinar skal senda í gegnum vefsíðu Morgunblaðsins: mbl.is
(smellt á reitinn Morgunblaðið í fliparöndinni – þá birtist valkosturinn „Senda
inn minningar/afmæli“ ásamt frekari upplýsingum).
Skilafrestur Ef birta á minningargrein á útfarardegi verður hún að berast fyr-
ir hádegi tveimur virkum dögum fyrr (á föstudegi ef útför er á mánudegi eða
þriðjudegi). Ef útför hefur farið fram eða grein berst ekki innan hins tiltekna
skilafrests er ekki unnt að lofa ákveðnum birtingardegi. Þar sem pláss er tak-
markað getur birting dregist, enda þótt grein berist áður en skilafrestur renn-
ur út.
Lengd Minningargreinar séu ekki lengri en 2.000 slög (stafir með bilum -
mælt í Tools/Word Count). Ekki er unnt að senda lengri grein. Hægt er að
senda örstutta kveðju, HINSTU KVEÐJU, 5-15 línur, og votta þeim sem kvadd-
ur er virðingu sína án þess að það sé gert með langri grein. Ekki er unnt að
tengja viðhengi við síðuna.
Formáli Minningargreinum fylgir formáli, sem nánustu aðstandendur senda
inn. Þar koma fram upplýsingar um hvar og hvenær sá, sem fjallað er um,
fæddist, hvar og hvenær hann lést, um foreldra hans, systkini, maka og börn
og loks hvaðan útförin fer fram og klukkan hvað athöfnin hefst. Ætlast er til
að þetta komi aðeins fram í formálanum, sem er feitletraður, en ekki í minn-
ingargreinunum.
Undirskrift Minningargreinahöfundar eru beðnir að hafa skírnarnöfn sín en
ekki stuttnefni undir greinunum.
Myndir Ef mynd hefur birst í tilkynningu er hún sjálfkrafa notuð með minning-
argrein nema beðið sé um annað. Ef nota á nýja mynd er ráðlegt að senda
hana á myndamóttöku: pix@mbl.is og láta umsjónarmenn minningargreina
vita.
Minningargreinar
Helluhrauni 10, 220 Hfj.
Sími 565 2566
www.englasteinar.is
Fallegir legsteinar
á góðu verði
Englasteinar
Sendum
myndalista
Innilegar þakkir til allra, sem sýndu okkur
samúð og hlýhug við andlát og útför manns-
ins míns, föður okkar, tengaföður, afa og
langafa,
INGÓLFS JÓHANNSSONAR,
Iðu,
Biskupstungum.
Sérstakar þakkir til starfsfólks Ljósheima á
Selfossi.
Margrét Guðmundsdóttir,
Jóhanna Bríet Ingólfsdóttir, Haraldur Sveinsson,
Guðmundur Ingólfsson, Elinborg Sigurðardóttir,
Hólmfríður Ingólfsdóttir, Baldvin Árnason,
Loftur Ingólfsson, Guðrún Ólafsdóttir,
barnabörn og barnabarnabörn.
Ástkær móðir okkar, tengdamóðir og amma,
GUÐMUNDA EIRÍKSDÓTTIR
frá Súðavík,
dvalarheimilinu Höfða,
Akranesi,
lést þriðjudaginn 5. júlí.
Jarðsungið verður frá Akraneskirkju þriðju-
daginn 12. júlí kl. 14.00.
Sólveig Hervarsdóttir, Leifur Ásgrímsson,
Birna Hervarsdóttir, Guðmundur Maríasson,
Svanhildur Hervarsdóttir, Auðunn Snæbjörnsson,
Eiríkur Hervarsson, Sylvía Georgsdóttir,
Dóra Hervarsdóttir, Helgi Leifsson,
Jón Trausti Hervarsson, Júlíana Bjarnadóttir
barnabörn og fjölskyldur.
Elskulegur eiginmaður minn, faðir okkar, tengda-
faðir og afi,
JÚLÍUS UNNAR JÓAKIMSSON,
Túngötu 16,
Grenivík,
lést á Heilbrigðisstofnun Þingeyinga mánudaginn
4. júlí sl.
Jarðarförin auglýst síðar.
Sigurlaug Svafa Kristjánsdóttir,
Ómar Þór Júlíusson,
Jóakim Kristján Júlíusson, Berglind Erlingsdóttir,
Sigurður Þór Ómarsson,
Agnes Jóakimsdóttir,
Almar Jóakimsson.
Okkar innilegustu þakkir til allra þeirra sem
sýndu okkur samúð og hlýhug við andlát og
útför elskulegs föður okkar og bróður,
MIKAELS RAGNARSSONAR,
Hátúni 10a,
Reykjavík.
Sérstakar þakkir til starfsfólks gjörgæsludeildar
Landspítalans við Hringbraut fyrir einstaka nær-
gætni og hlýtt viðmót.
Kristín Jóhanna Mikaelsdóttir,
Birgir Mikaelsson,
Emil Ragnarsson, Gunnlaug H. Ragnarsdóttir,
Brynja Ragnarsdóttir, Ragna Kristín Ragnarsdóttir
og fjölskyldur.
Þökkum auðsýnda samúð og hlýhug við fráfall
og útför elskulegrar eiginkonu minnar, móður
okkar, tengdamóður og ömmu,
MARGRÉTAR ÞÓRDÍSAR EGILSDÓTTUR
glerlistakonu,
Kambaseli 21,
Reykjavík.
Óskar Smári Haraldsson,
Haraldur Helgi Óskarsson, Anna Fanney Gunnarsdóttir,
Brynjar Þór Óskarsson, Magdalena Hilmisdóttir,
Oddur Jarl Haraldsson.
Elsku afi minn. Ég veit þér
líður vel núna. Mig langaði
að kveðja þig.
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(Hallgrímur Pétursson.)
Vertu bless, elsku afi
minn.
Þinn langafastrákur,
Niels.
HINSTA KVEÐJA