Morgunblaðið - 18.08.2005, Síða 8

8 FIMMTUDAGUR 18. ÁGÚST 2005 MORGUNBLAÐIÐ
FRÉTTIR
Ástand eldvarna ídvalarheimil-um fyrir aldr-
aða er slæmt eða óvið-
unandi í tveimur af
hverjum tíu bygging-
um samkvæmt ein-
kunnakerfi Bruna-
málastofnunar en
ástand eldvarna í leik-
skólum er talið slæmt í
einni af hverjum tíu
byggingum. Þetta
kemur meðal annars
fram í ársskýrslu Bruna-
málastofnunar fyrir árið 2004 en
það ár voru skoðaðar 28 rekstr-
areiningar dvalarheimila fyrir
aldraða og gerðar alls 34
skýrslur um skoðaðar byggingar
víða um land frá apríl til nóv-
ember. Þá voru skoðaðir 52 leik-
skólar víða um land frá febrúar
til nóvember 2004 og gerðar 52
skýrslur um þá. Ekkert öldr-
unarheimili og enginn leikskóli
taldist hafa framúrskarandi
brunavarnir samkvæmt ein-
kunnakerfinu. Dr. Björn Karls-
son, brunamálastjóri, segir að
ástand brunavarna dvalarheim-
ila og leikskóla hafi farið batn-
andi en engu að síður hafi menn
vissar áhyggjur enda sé um við-
kvæma starfsemi að ræða.
„Það er ljóst að tuttugu pró-
sent af dvalarheimilum fyrir
aldraða eru með slæmar eða
óviðunandi brunavarnir og það
er ekki ásættanlegt. Þegar nið-
urstaða okkar er sú að ástand
brunavarna sé slæmt eða óvið-
unandi sendum við skýrslu um
úttektina til slökkviliðsstjóra og
sveitarstjórnar í viðkomandi
sveitarfélagi. Hins vegar er það
svo að okkar einkunnakerfi er
mun einfaldara heldur en hið
flókna umhverfi sem eldvarna-
eftirlit sveitarfélaganna starfar
í. Stundum er staðan sú að búið
er að gera ákaflega margt og
mönnum jafnvel verið gefinn
frestur til þess að gera úrbætur.
Við tökum ekki tillit til þessa en
það er mjög oft þannig að við-
komandi slökkviliðsstjóri er bú-
inn að gera athugasemdir og það
er verið að vinna í úrbótum þeg-
ar við skoðum viðkomandi bygg-
ingu,“ segir Björn en í árs-
skýrslu Brunamálastofnunar
kemur fram að tilgangur úttekta
Brunamálastofnunar sé fyrst og
fremst að fylgjast með þróun
mála á milli ára og það kerfi
sem notað sé til einkunnagjafar
verði því að vera einfalt og
byggjast á gildandi bygginga-
reglugerð. Björn bendir þó á að
kerfinu sé ætlað að gefa raun-
hæfa mynd af ástandinu eins og
það er í dag.
Kerfið verður
að vera einfalt
„Við verðum að hafa kerfið
einfalt til þess að gefa svona ein-
kunnir en sem dæmi má nefna
að ef hurð í gömlu húsi nær ekki
ákveðinni breidd stenst hún ekki
okkar einfalda einkunnakerfi.“
Aðspurður segir Björn að
byggingar sem hafi þótt slæmar
að mati stofnunarinnar geti ver-
ið löglegar samkvæmt eldri
byggingareglugerð. Í því sam-
bandi bendir hann á að það hafi
ekki tíðkast að byggingareglu-
gerðir séu afturvirkar hér á
landi
„Almennt er ekki hægt að
gera slíkar reglugerðir aftur-
virkar enda gæti það reynst erf-
itt í framkvæmd. Eldvarnaeft-
irlit sveitarfélaganna hefur hins
vegar sett fram kröfur og óskir
til eigenda þeirra bygginga sem
ekki fara eftir núgildandi reglu-
gerð um að þeir fylgi henni sé
þess nokkur kostur. Það getur
hins vegar reynst erfitt að
breyta gömlu húsi þannig að það
standist kröfur núgildandi bygg-
ingareglugerðar og menn gera
þá oft einhverjar aðrar ráðstaf-
anir til þess að auka öryggi.“
Björn segir að ástandið sé
töluvert betra á leikskólunum
heldur en öldrunarheimilunum
og bendir á að einn leikskóli hafi
fengið einkunnina óviðunandi.
„Einn af hverjum tíu leikskól-
um hlýtur einkunnina slæmt. Að
sjálfsögðu eigum við að stefna á
núllið í þessum efnum en það
ber að taka fram að ástandið
hefur batnað hin seinni ár.“
Aukið mann- og eignatjón
Samkvæmt ársskýrslu stofn-
unarinnar varð bæði manntjón
og eignatjón vegna eldsvoða
meira hér á landi árið 2004 en
það var að meðaltali síðasta ald-
arfjórðunginn eða svo en í fyrra
létust þrír í eldsvoðum sem urðu
í Kópavogi, Reykjavík og á
Sauðárkróki. Þar segir jafn-
framt að alls hafi 48 farist í elds-
voðum hér á landi síðan árið
1979 og eru karlar þar í miklum
meirihluta eða 75 af hundraði.
Bætt brunatjón nam 1.240
milljónum árið 2004 eða sem
samsvarar 0,15% af vergri
landsframleiðslu. Þrír meirihátt-
ar eldsvoðar urðu í fyrra, í
Klumbu í Ólafsvík, Efstubraut 2
á Blönduósi og hjá Hringrás í
Reykjavík. Um var að ræða tals-
verða hækkun miðað við árið
2003 en tjónið í fyrra var þó
talsvert minna en á árunum
2000 til 2002.
Fréttaskýring | Eldvarnir á dvalar-
heimilum og leikskólum
Slæmt en
fer batnandi
Byggingar sem hafa þótt slæmar að
mati stofnunarinnar geta verið löglegar
Einkunnagjöf
Brunamálastofnunar
 Framúrskarandi: Brunavarn-
ir eru í fullkomnu lagi og um-
fram kröfur í bygginga-
reglugerð.

Ágætt: Brunavarnir standast
kröfur reglugerðar.

Sæmilegt: Í lagi í aðalatriðum
þótt sitthvað sé aðfinnsluvert.

Slæmt: Stenst ekki kröfur og
þarfnast úrbóta þótt ekki sé
um bráða hættu að ræða.

Óviðunandi: Bráð hætta og
þarfnast tafarlausra úrbóta.
Eftir Þóri Júlíusson
thorirj@mbl.is
Bætt brunatjón nam 1.240 milljónum í fyrra.
ÞÓTT styttist í að skólar landsins
hefji göngu sína með tilheyrandi
skyldum og kvöðum er ungviðið
enn í sumarleyfisskapi, eins og má
sjá á þessum kátu stúlkum sem
urðu á vegi ljósmyndara Morg-
unblaðsins í Mosfellsbæ. Og þótt
hvolpurinn sé tryggilega bundinn
og góðlegur ásýndum, sá önnur
þeirra ástæðu til að taka enga
áhættu og spretta þess í stað vel úr
spori.
Morgunblaðið/RAX
Passaðu þig, hann bítur!