Morgunblaðið - 18.08.2005, Qupperneq 13
MORGUNBLAÐIÐ FIMMTUDAGUR 18. ÁGÚST 2005 13
ÚR VERINU
VERKSMIÐJUSKIPIÐ Næraberg kom til hafnar í Klakks-
vík í Færeyjum í vikunni með fullfermi af afurðum, 815 tonn
af surimi og 240 tonn af kolmunnamjöli. Aflinn fékkst í rúm-
lega þriggja vikna langri veiðiferð á miðin austan Íslands.
Frá þessu er greint á fréttavefnum skip.is en þar er haft
eftir blaðinu Norðlýsið í Klakksvík að Nærabergið hafi alla
veiðiferðina verið á hafsvæðinu austan við Ísland og voru
aflabrögðin mjög góð. „Reyndar svo góð að þessi veiðiferð
er talin önnur af tveimur bestu veiðiferðum skipsins frá
upphafi. Sem kunnugt er þá er mestur hluti kolmunnaafla
skipsins unninn í fiskfars eða surimi og það sem ekki nýtist
til surimivinnslunnar fer til mjölframleiðslu. Ágætt verð
mun vera á surimi um þessar mundir en afla skipsins verður
landað hjá NFCS í Klaksvík.
82 skipverjar eru í áhöfn Nærabergs. Þar af eru um 20
konur,“ segir á skip.is
Góð veiðiferð hjá
Næraberginu
Morgunblaðið/Þorgeir Baldursson
ÚKRAÍNA verður stöðugt mikilvæg-
ari markaður fyrir norskar sjávaraf-
urðir. Útflutningur Norðmanna
þangað hefur aukizt mikið á þessu ári
eða um 80% samkvæmt upplýsingum
frá norska Útflutningsráðinu fyrir
fisk.
Á síðasta ári keyptu Úkraínumenn
56.000 tonn af sjávarafurðum á fyrstu
sjö mánuðunum. Nú hafa þeir keypt
81.000 tonn. Verðmæti þessara við-
skipta hefur aukizt úr um 2,8 millj-
örðum íslenzkra króna í ríflega 5
milljarða og skýrist sú hækkun bæði
af auknu magni og hærra afurða-
verði. Fryst síld er um helmingur
þessa útflutnings og hefur verð á
henni hækkað um 34% frá því í fyrra.
Haldi þessi viðskipti áfram á sömu
braut munu Úkraínumenn kaupa
sjávarafurðir frá Noregi fyrir um 13
milljarða króna á þessu ári.
Íbúar Úkraínu eru um 50 milljónir
og fer kaupmáttur vaxandi og vest-
ræn áhrif eru að aukast. Íbúarnir
krefjast meiri gæða en áður og vilja
að fiskmetið, sem þeir kaupa, sé
þægilegt og fljótlegt í matreiðslu. Til
marks um þetta er aukin sala á síld-
arflökum á þessu ári. Jafnframt er
verið að byggja upp stórmarkaða-
keðjur, sem munu auka framboð og
eftirspurn á sjávarafurðum. Þróunin í
Úkraínu er um fimm til sex árum á
eftir Rússlandi, en þar eru mikilvægir
markaðir Norðmanna fyrir lax og
síldarflök. Þeir gera því ráð fyrir að
Úkraínumenn auki innflutning á laxi
verulega á næstu árum.
Úkraínumenn eru nokkuð miklar
fiskætur í samanburði við önnur lönd
í Mið- og Austur-Evrópu. Þeir borða
að meðaltali 15,4 kíló af fiskmeti á ári
hvert mannsbarn. 83% íbúanna borða
fisk einu sinni í mánuði eða oftar.
Mikil hefð er fyrir fiskneyzlu, bæði til
hversdagsmáltíða og í veizlum.
Norðmenn
selja stöð-
ugt meira
af fiski til
Úkraínu
NÚ hafa um 85.000 tonn af norsk-
íslenzku síldinni verið veidd. Leyfi-
legur heildarafli er 157.000 tonn og
því er búið að veiða um 54% kvótans.
Í júlí fengust 50% aflans á Sval-
barðasvæðinu, en veiðin var orðin
treg þar um síðustu mánaðamót. Síð-
ustu vikur hafa skipin fært sig á al-
þjóðasvæðið milli Íslands og Noregs.
Mest af norsk-íslenzku síldinni
hefur veiðzt innan íslenzku lögsög-
unnar. Samkvæmt upplýsingum
Fiskistofu um aflann í maí, júní og
júlí veiddust alls 75.500 tonn þessa
mánuði. Um 38.000 tonn veiddust
innan lögsögunnar, 17.800 tonn
veiddust á alþjóða hafsvæðinu eða
Síldarsmugunni, 14.600 tonn veidd-
ust við Svalbarða og 5.000 tonn í fær-
eysku lögsögunni.
Á síðasta ári veiddust aðeins 5.400
tonn innan lögsögu, tæp 50.000 tonn
við Svalbarða og 48.000 tonn í Síld-
arsmugunni.
Kolmunnaveiðar hafa gengið illa
að undanförnu og aðeins hafa veiðzt
um 14.000 tonn í ágústmánuði.
Heildaraflinn er orðinn 255.000 tonn.
Leyfilegur heildarafli er 590.000
tonn og þó hafa aðeins 43% kvótans
verið tekin.
Langmest af kolmunnanum hefur
verið veitt í færeysku lögsögunni.
Um mánaðamótin síðustu höfðu
149.000 tonn verið tekin þar, 86.800
tonn veiddust innan íslenzku lögsög-
unnar og 5.500 á alþjóðlegu haf-
svæði. Á síðasta ári veiddust 314.000
tonn innan lögsögu okkar, 102.000
tonn við Færeyjar og 6.300 tonn á al-
þjóðlegu hafsvæði.
Mest af síld-
inni veitt inn-
an lögsögu
♦♦♦