Morgunblaðið - 18.08.2005, Side 22

22 FIMMTUDAGUR 18. ÁGÚST 2005 MORGUNBLAÐIÐ
MINNSTAÐUR
AKUREYRI
HÖFUÐBORGARSVÆÐIÐ
SKÝRINGAR bæjarstjórnarmeiri-
hlutans í Kópavogi á því hvers
vegna byggja þurfi svo þétta byggð
á Kópavogstúni, í vestari hluta
Kópavogs, standast ekki að mati
fulltrúa minnihluta Samfylkingar.
Gert er ráð fyrir 384 íbúðum á
svæðinu, og var skipulag þess
kynnt fyrir íbúum á fundi fyrir
helgi.
Í tilkynningu frá Samfylkingunni
kemur fram að rök meirihlutans
fyrir svo mikilli og hárri byggð séu
að landið hafi verið svo dýrt og inn-
kaupsverðinu verði að koma út í
lóðaverðið með yfirtökugjöldum
eins og venja er. Við skoðun kemur
í ljós að þessar forsendur standast
ekki, að mati Samfylkingarinnar,
sem ber saman innkaupsverð og
íbúðafjölda í nýjasta hverfinu í
Kópavogi, Þingum á Vatnsenda-
svæðinu. Nægilegt sé að byggja
helming þeirra íbúða í fjölbýli sem
skipulagið gerir ráð fyrir til þess að
fá inn fyrir kaupverði landsins.
„Það er því greinilega fjárhags-
legt svigrúm til að skipuleggja á
svæðinu byggð sem fellur að ná-
lægri byggð og gengið verði frá í
sátt og samlyndi víð íbúa hverfisins.
Meginrök sjálfstæðis- og framsókn-
armanna um nauðsyn á þessu mikla
byggingarmagni standast því
greinilega ekki,“ segir í tilkynningu
Samfylkingarinnar.
Segja skýringar
á byggingarmagni
ekki standast
SKÓLASTARF hefst í grunn-
skólum Akureyrar næstkomandi
mánudag en í Hrísey miðvikudag-
inn 24. ágúst. Að sögn Gunnars
Gíslasonar, deildarstjóra skóladeild-
ar, er hlutfall réttindakennara ná-
lægt því að vera 100% og hefur
aldrei verið hærra. „Ég hef þá trú
að við séum að sigla inn það um-
hverfi að vera með mjög hátt hlut-
fall réttindakennara.“ Hlutfall rétt-
indakennara var hátt í mörgum
skólanna á síðasta skólaári að sögn
Gunnars og þrátt fyrir verkfall og
nýja kjarasamninga urðu ekki mikl-
ar hreyfingar á kennurum á milli
skólaára.
„Það eru einstaka stöður leið-
beinenda og þá sérgreinastöður
sem ekki hefur verið hægt að ráða
réttindakennara í. Það bárust mun
fleiri umsóknir um kennarastöður
nú en hægt var að ráða í. Þetta hef-
ur þýtt að kennarar hafa verið að
ráða sig inn á leikskóla bæjarins
eða í skólana í kringum Akureyri,“
sagði Gunnar.
Alls verða nemendur í grunn-
skólum bæjarins í vetur um 2.630
talsins, sem er örlítil aukning á milli
ára. Þar af eru um 260 börn að
hefja nám í 1. bekk. Gunnar sagði
að endanleg tala lægi þó ekki fyrir
fyrr en krakkarnir mættu í skólann
eftir helgi því enn væri töluverður
tilflutningur á fólki innan bæjar og
inn í bæinn. „Undirbúningur skóla-
starfsins er kominn í fullan gang og
hefur gengið vel. Það er gott hljóð í
skólastjórum og því ekki hægt að
segja annað en að það sé bjart yfir
skólastarfinu,“ sagði Gunnar.
Gríðarlegar framkvæmdir hafa
staðið yfir í Brekkuskóla, gamla
húsnæði Gagnfræðaskólans hefur
nánast verið endurbyggt og nýtt
húsnæði risið við skólann. Að sögn
Gunnars verður húsnæði skólans
tilbúið til kennslu á mánudag. Und-
anfarin ár hefur kennsla nemenda í
Brekkuskóla farið fram á þremur
stöðum, einnig í gamla Barnaskóla
Akureyrar og Íþróttahöllinni en í
vetur fer öll hefðbundin kennsla
fram á einum stað.
Bjart yfir skólastarfi í grunnskólum bæjarins
Hlutfall réttindakennara um 100%
Morgunblaðið/Kristján
Skólastarf Kennsla hefst í grunnskólum Akureyrar eftir helgina og Lena Sóley Þorvaldsdóttir, sem er að fara í 2.
bekk í Síðuskóla, var að kaupa inn fyrir skólann.
VALNEFND í Akureyrarpresta-
kalli ákvað á fundi sínum í vikunni
að leggja til að séra Óskari Haf-
steini Óskarssyni og Sólveigu
Höllu Kristjánsdóttur guðfræðingi
verði veitt embætti presta við Ak-
ureyrarkirkju sem auglýst voru
nýlega. Biskup Íslands veitir emb-
ættin til fimm ára, segir í frétta-
tilkynningu frá Biskupsstofu. Sjö
sóttu um embættin en samkvæmt
starfslýsingu er um að ræða eft-
irtalin embætti:
Valnefnd leggur til að séra Ósk-
ar Hafsteinn Óskarsson, sókn-
arprestur í Ólafsvík, verði ráðinn í
embætti prests þar sem tekið er
fram að viðkomandi þurfi að vera
tilbúinn til að leiða fjölbreytt helgi-
hald, takast á við erfið sálgæslu-
verkefni og sýna lipurð í mann-
legum samskiptum og samvinnu.
Lagt var til að Sólveig Halla
Kristjánsdóttir, guðfræðingur og
æskulýðsfulltrúi í Akureyr-
arkirkju, verði ráðin í embætti
prests með sérstaka áherslu á
barna- og unglingastarf, þar sem
lipurð í mannlegum samskiptum
og samvinnu er jafnframt skilyrði.
Embættið er greitt af Akureyr-
arsókn. Í valnefnd sátu fimm
fulltrúar úr prestakallinu, auk
vígslubiskups á Hólum.
Mælt með séra
Óskari Haf-
steini og Sól-
veigu Höllu
Prestsembætti í
Akureyrarprestakalli
KENNARAR við Laugarnesskóla
mættu til vinnu í gær þrátt fyrir að
rafmagnslaust sé í skólanum. Nem-
endur eiga að mæta í skólann næsta
mánudag en Guðmundur Þór Ás-
mundsson skólastjóri segir ljóst að
ekki verði hægt að hefja skólastarf í
rafmagnslausu húsi. Skiptiborð skól-
ans er tengt við rafmagn og er þar af
leiðandi óvirkt en símtöl eru fram-
send á farsíma.
Í gærdag var notast við einn kapal
sem var tengdur í tölvu og prentara.
Kennararnir fá hins vegar inni í
Laugalækjarskóla í dag og á morgun
til að halda námskeið og vinna að und-
irbúningi skólastarfsins. „Í framhaldi
af því metum við stöðuna en við verð-
um að spila þetta svolítið eftir eyr-
anu,“ segir Guðmundur.
Að sögn Guðmundar átti Orkuveita
Reykjavíkur að leggja heitavatns- og
kaldavatnslögn og draga rafmagn í
byggingu Laugarnesskóla. Hins veg-
ar hafi beiðni um vantslagnirnar týnst
einhvers staðar í verkferlinu og þegar
það uppgötvaðist seinkaði öllum
framkvæmdum. Guðmundur segir að
kennarar og starfsfólk sé auðvitað
ósátt við þessi starfsskilyrði en hóp-
urinn sé jákvæður og reyni að gera
gott úr öllu. „Manni líður bara verr ef
maður pirrar sig á hlutunum. Það er
öll sú pressa á framkvæmdunum sem
er hægt að hafa,“ segir Guðmundur.
Við Laugarnesskóla er einnig verið
að reisa nýja byggingu en það er
stefnt að því að taka mötuneyti og eld-
hús í gagnið þar í byrjun nóvember.
Byrja kannski 1–2 dögum síðar
Stefán Jón Hafstein, formaður
menntaráðs Reykjavíkurborgar, seg-
ir alltaf jafn svekkjandi þegar svona
mál koma upp. Komið hafi í ljós að
rafkerfið í hverfinu sé úrelt og það
hafi hreinlega uppgötvast of seint. Að
hans sögn gæti skólastarfið tafist um
einn til tvo daga. „Þetta er ekki stór-
kostlegt tjón og ef skólastarfið tefst
er hægt að bæta við skólaárið,“ segir
Stefán Jón og bætir við að hann von-
ist til að óþægindin verði með allra
minnsta móti.
Framkvæmdir við aðra grunnskóla
í Reykjavík eru flestar á áætlun en
Stefán Jón segir að búast megi við að
Ingunnarskóli hefjist einum degi of
seint.
Kennarar í raf-
magnslausum skóla
Morgunblaðið/Þorkell
Mataraðstaða Gert er ráð fyrir að taka mötuneyti og eldhús í nýbyggingunni í gagnið fyrir áramót.
Morgunblaðið/Þorkell
Unnið í rökkri Guðmundur Jensson, Helen Símonardóttir og Rúna Björg
Garðarsdóttir mættu til vinnu í gær í rafmagnslausan skóla.
Eftir Höllu Gunnarsdóttur
halla@mbl.is
Reykjavík | Frístundaheimili
Íþrótta- og tómstundasviðs Reykja-
víkur (ÍTR) taka til starfa í næstu
viku, um leið og grunnskólarnir í
Reykjavík. ÍTR starfrækir 32 frí-
stundaheimili í Reykjavík við jafn-
marga grunnskóla og standa frí-
stundaheimilin fyrir tómstundastarfi
fyrir 6–9 ára börn. Alls hefur verið
sótt um fyrir um 2.100 börn í vetur.
Ljóst er að í einhverjum tilfellum
verða biðlistar á frístundaheimilin
fyrst um sinn þar sem skortur er á
starfsfólki. Miðað er við 12 börn á
hvern starfsmann. Umsóknir um dvöl
á frístundaheimilum eru afgreiddar
eftir komudegi umsóknar. Foreldrar/
forráðamenn verða látnir vita í þess-
ari viku símleiðis, með tölvupósti eða
bréfi hvar umsókn þeirra er stödd.
Allt kapp verður lagt á að fullmanna
heimilin til að hægt verði að taka inn
öll börn sem sótt hafa um dvöl.
Ýmis störf eru í boði á frístunda-
heimilunum. Þar gefst fólki kostur á
að vinna að því að efla sjálfstraust og
félagshæfni barna á aldrinum 6–9 ára
og kenna þeim að nýta frítíma sinn í
uppbyggilegar tómstundir og leiki.
Upplýsingar um störfin er að finna á
heimasíðu ÍTR, www.itr.is
Frístundaheimili
taka til starfa
Morgunblaðið/Sverrir