Morgunblaðið - 18.08.2005, Qupperneq 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 18. ÁGÚST 2005 VERÐ Í LAUSASÖLU 220 KR. MEÐ VSK.
Opið 8-24 alla daga
í Lágmúla og Smáratorgi
ÁSTAND eldvarna á dvalarheim-
ilum fyrir aldraða er slæmt eða
óviðunandi í tveimur af hverjum
tíu byggingum samkvæmt ein-
kunnakerfi Brunamálastofnunar
en ástand eldvarna í leikskólum er
talið slæmt í einni af hverjum tíu
byggingum. Ástand eldvarna á
dvalarheimilum fyrir aldraða er
hins vegar talið sæmilegt eða
ágætt í átta af hverjum tíu bygg-
ingum og ástand eldvarna í leik-
skólum sæmilegt eða ágætt í tæp-
lega níu af hverjum tíu byggingum.
Þetta kemur meðal annars fram
í ársskýrslu Brunamálastofnunar
fyrir árið 2004 en ekkert öldrunar-
heimili og enginn leikskóli taldist
hafa framúrskarandi brunavarnir
samkvæmt einkunnakerfinu. Þar
segir jafnframt að í flestum tilfell-
um, þegar byggingar fengu ein-
kunnina slæmt, ætti að vera auð-
velt að lagfæra þau atriði sem voru
ekki í lagi.
Ástandið hefur farið batnandi
Dr. Björn Karlsson, brunamála-
stjóri, segir að ástand brunavarna
dvalarheimila og leikskóla hafi far-
ið batnandi undanfarin ár en engu
að síður hafi menn vissar áhyggjur
enda sé um viðkvæma starfsemi að
ræða.
„Það er ljóst að tuttugu prósent
af dvalarheimilum fyrir aldraða
eru með slæmar eða óviðunandi
brunavarnir og það er ekki ásætt-
anlegt,“ segir Björn.
Í ársskýrslu Brunamálastofnun-
ar segir að tilgangur úttekta
Brunamálastofnunar sé fyrst og
fremst að fylgjast með þróun mála
á milli ára og það kerfi sem notað
sé til einkunnagjafar verði því að
vera einfalt og byggjast á gildandi
byggingareglugerð. Björn bendir
þó á að kerfinu sé ætlað að gefa
raunhæfa mynd af ástandinu eins
og það er í dag.
Aðspurður segir Björn að bygg-
ingar sem hafi þótt slæmar að mati
stofnunarinnar geti verið löglegar
samkvæmt eldri byggingareglu-
gerð. Í því sambandi bendir hann á
að það hafi ekki tíðkast að bygg-
ingareglugerðir séu afturvirkar
hér á landi. „Einn af hverjum tíu
leikskólum hlýtur einkunnina
slæmt en að sjálfsögðu eigum við
að stefna á núllið í þessum efnum
en það ber að taka fram að ástand-
ið hefur batnað hin seinni ár.“
Slæmar brunavarnir á
mörgum dvalarheimilum
Eftir Þóri Júlíusson
thorirj@mbl.is

Slæmt en fer batnandi | 8
ÍSLAND vann glæsilegan sigur á Suður-Afríku,
4:1, í vináttulandsleik í knattspyrnu á Laug-
ardalsvellinum í gærkvöld. Grétar Rafn Steins-
son, Arnar Þór Viðarsson, Heiðar Helguson og
Veigar Páll Gunnarsson skoruðu mörkin og sigur
íslenska liðsins, gegn mótherjum sem eru 56
sætum fyrir ofan þá á heimslistanum, var síst of
stór. | Íþróttir
Morgunblaðið/ÞÖK
Arnar Þór Viðarsson fagnar fyrsta marki sínu fyrir A-landslið Íslands en hann kom Íslendingum í 2:1 undir
lok fyrri hálfleiks. Fyrir aftan hann takast Eiður Smári Guðjohnsen og Kári Árnason í hendur.
Glæsilegur sigur Íslendinga
FULLTRÚARÁÐ Samfylkingarinnar
samþykkti á fundi sínum í gærkvöldi að
fela stjórn fulltrúaráðsins að móta hug-
myndir um hvernig standa skuli að fram-
boðsmálum Samfylkingarinnar í borginni
og leggja þær fyrir fulltrúaráðsfund í
september.
Ingibjörg Sólrún Gísladóttir lagði á það
áherslu í samtali við Morgunblaðið að
R-listinn muni starfa út kjörtímabilið og
menn treysti því að fólk vinni af fullum
heilindum. „Fundarmönnum finnst eft-
irsjá að Reykjavíkurlistanum og tilkoma
hans hafi verið mjög merkilegur pólitísk-
ur atburður, sem markaði ákveðin þátta-
skil í íslenskum stjórnmálum. En vinstri-
grænir eru búnir að hafna þessu kosn-
ingabandalagi og það er sú staðreynd
sem við vinnum út frá. En það er ekki
vandamál að berjast ein. Þessum kafla er
einfaldlega lokið og hann var ágætur. Nú
tekur við nýr. Það eru ótal mörg tæki-
færi í þeirri stöðu sem er uppi. Við þess-
ar aðstæður er eðlilegast að gera ráð fyr-
ir að Samfylkingin bjóði fram undir eigin
merkjum, nema annað komi til. Við vilj-
um fyrst og fremst tryggja að félagsleg
sjónarmið verði áfram leidd til öndvegis í
borginni.“ Aðspurð sagði hún engar við-
ræður við aðra flokka um hugsanlegt
kosningabandalag í næstu kosningum
standa yfir.
Erum alveg opin
Páll Halldórsson, formaður fulltrúa-
ráðs, sagði í samtali við Morgunblaðið að
aðaláherslan verði lögð á gerð mál-
efnasamnings næstu vikur. „Það verður
líklegast um að ræða hreint Samfylk-
ingarframboð en við erum alveg opin, og
þá erum við líka að hugsa um mögu-
leikann á aðkomu óháðra,“ segir Páll.
Í samþykkt fundarins segir m.a.: „Sam-
fylkingin í Reykjavík er staðráðin í að
blása til nýrrar sóknar og mun stuðla að
því að borgarbúum bjóðist skýr valkostur
í næstu borgarstjórnarkosningum.“
Um 100 manns voru á fundinum.
„Ekki
vandamál að
berjast ein“
Morgunblaðið/Halldór Kolbeins
Steinunn Valdís Óskarsdóttir borgarstjóri
og Ingibjörg Sólrún Gísladóttir, formaður
Samfylkingar, lesa samþykkt fundarins.
ÞRIGGJA ára barn féll úr nokkurra
metra hæð niður á steinsteypt hlöðugólf á
bæ í Staðarsveit á Snæfellsnesi í gær.
Neyðarlínu var tilkynnt um slysið um kl.
23 og var læknir og sjúkrabíll þegar send-
ur á staðinn. Barnið reyndist slasað á
höfði og var þyrla landhelgisgæslunnar,
TF-LÍF, send af stað til að sækja barnið.
Ekki var ljóst hversu alvarlega barnið er
slasað þegar Morgunblaðið fór í prentun.
TF-LÍF fór beint á Snæfellsnesið úr
öðru útkalli, en þyrlan hafði fyrr um
kvöldið sótt karlmann á sjötugsaldri að
Kringilsárrana, norðan við Brúarjökul í
Vatnajökli, en hann kvartaði yfir hjart-
sláttartruflunum.
Þriggja ára
barn féll í hlöðu
VEGAGERÐIN hefur sett útboð vegna Héð-
insfjarðarganga á yfirlit yfir fyrirhuguð útboð á
árinu.
Að sögn Jóns Rögnvaldssonar vegamála-
stjóra hafa dagsetningar fyrirhugaðs útboðs
ekki verið ákveðnar en um langt ferli er að
ræða, þar sem auglýsa þarf forval verktaka í öll-
um EES-löndunum.
Jón segir að auglýsing á forvalinu verði
hugsanlega birt í september eða október. Í
framhaldi af því verða gögn afhent fyrir áramót.
Hann á þó síður von á að takast muni að velja
verktaka úr forvalinu fyrr en eftir áramót.
„Við gerum síðan ráð fyrir því að tilboð liggi
fyrir á fyrri hluta næsta árs og framkvæmdir
hefjist á næsta ári. Í gögnunum verður vænt-
anlega ákvæði um að verkinu verði lokið fyrir
áramótin 2009/2010,“ segir hann.
Framkvæmdir við Héðinsfjarðargöng höfðu
verið boðnar út á sínum tíma þegar stjórnvöld
ákváðu að slá þeim á frest fyrir um tveimur ár-
um, m.a. vegna ótta við þenslu af álvers- og
virkjunarframkvæmdum á Austurlandi. Var
kostnaðaráætlun Vegagerðarinnar þá í kring-
um sex milljarðar króna. Er hönnun og lega
ganganna óbreytt, þ.e. úr Siglufirði yfir í Héð-
insfjörð og þaðan yfir í Ólafsfjörð.
Forval í EES-löndum í haust
HAGNAÐUR af starfsemi FL
Group á fyrri helmingi ársins nam
2,3 milljörðum króna fyrir tekju-
skatt, samkvæmt frétt frá félaginu.
Á sama tímabili á síðasta ári nam
hagnaður félagsins 148 milljónum
króna og er því um tæplega 2,2
milljarða króna afkomubata að
ræða. Jafngildir það 1.450%.
Afkoma hefur aldrei verið meiri
á fyrri hluta árs í sögu félagsins og
er ástæðan sögð góður árangur af
fjárfestingarstarfsemi félagsins.
Rekstrartekjur samstæðunnar á
fyrri helmingi ársins námu 20,1
milljarði króna og hækkuðu um
6,4% frá sama tímabili í fyrra.
Rekstrargjöld voru 20,7 milljarðar
og hækkuðu um 8,8% á milli ára.
Þannig var 600 milljóna króna halli
á sjálfum rekstri samstæðunnar.
Eignir í lok tímabilsins námu
69,5 milljörðum og jukust um 26
milljarða, 60%, frá lokum sl.árs.
Methagn-
aður hjá
FL Group
TÆPAR 65 milljónir manna lásu
íslenska fréttatilkynningu, en al-
mannatengslafyrirtækið KOM –
Kynning og markaður, sendi völd-
um vefmiðlum vestan hafs tilkynn-
inguna í samstarfi við bandaríska
fyrirtækið Plexus Consulting. Til-
kynningin var á vegum Íslenskrar
getspár og bandaríska fyrirtækis-
ins Scientific Games, og kallaði
upplýsingaskylda bandaríska fjár-
málamarkaðarins á kynningu í
þessu tilfelli, að sögn Óla Jóns
Jónssonar hjá KOM.
65 milljónir
skoðuðu frétt

Náði til | B1
♦♦♦
♦♦♦