Morgunblaðið - 20.08.2005, Blaðsíða 14

14 LAUGARDAGUR 20. ÁGÚST 2005 MORGUNBLAÐIÐ
FRÉTTIR
VEIÐAR á norsk-íslenzku
síldinni ganga nokkuð vel um
þessar mundir norðarlega í
Síldarsmugunni. Síldin er þó
dyntótt og getur verið erfitt að
ná henni, en víða lóðar á hana.
Aflinn er nú orðinn 91.000
tonn og eru vinnsluskipin með
tvo þriðju þess afla. Íslenzk
skip hafa landað til vinnslu í
landi um 32.000 tonnum og
hafa erlend skip landað um
7.000 tonnum. Mestu hefur
verið landað í Neskaupstað,
um 9.000 tonnum.
Vinnsluskip sigla ýmist með
aflann í land eða umskipa hon-
um um borð í flutningaskip á
miðunum. Það gera Sam-
herjaskipin Baldvin Þor-
steinsson og Vilhelm Þor-
steinsson, en í vikunni var
skipt um áhafnir á þeim í
Tromsö í Noregi.
Guðmundur VE landaði nú í
vikunni 457 tonnum af fryst-
um flökum og 550 tonnum af
hrati í bræðslu. Verðmæti
aflans er um 42 milljónir
króna. Skipið er nú komið með
um 7.000 tonn upp úr sjó eða
3.500 tonn af flökum.
Langur tími í siglingar
Sturla Einarsson, skipstjóri
á Guðmundi, segir að anzi
langur tími fari í siglingar og
vonast til að farið verði í það
að umskipa í flutningaskip á
miðunum. „Við erum viku á
siglingu fram og til baka og er-
um svo um viku á miðunum að
fylla skipið. Við náum að vinna
um 80 til 90 tonn af flökum á
sólarhring og reynum að taka í
hverju holi hæfilegan skammt
fyrir vinnsluna. Ef meira kem-
ur er bara látið reka þar til
vinnslan er farin að hafa und-
an, en við togum í fjóra til átta
tíma í einu,“ segir Sturla.
Hann segir að töluvert sé
um síld á svæðinu en oft sé erf-
itt að eiga við hana enda sé
hún dyntótt. Einn daginn sjá-
ist kannski ekkert en svo sé fín
veiði daginn eftir. Hann segir
að finnist allt þokkalegir blett-
ir og þegar þeir hafi verið full-
nýttir sé bara að fara að leita
af öðrum.
Tvílembingarnir fiska vel
Íslenzku vinnsluskipin eru
öll á veiðum á þessum slóðum
norðarlega í Síldarsmugunni,
en Vestmannaeyjabátarnir
Sighvatur Bjarnason og Ísleif-
ur hafa verið þar á svokölluð-
um tvílembingi og gengið vel.
Það er að þeir eru saman um
eitt troll. Margir Færeyingar
eru einnig að slíkum veiðum
og segir Sturla að þeir fiski
mjög vel, mun meira en þeir
sem eru einir um trollið. Þetta
eigi helzt við þegar síldin er
uppi í yfirborðinu. Skip með
eitt troll byrji á því að fæla
síldina þegar það sigli yfir og
svo komi hlerarnir og fæli
hana enn meira. Tvílembing-
arnir fæli síldina minna og hún
safnist saman á milli þeirra og
því veiði þeir meira, en spari
engu að síður allt að 50% í olíu.
Síldin er dyntótt
Síldarflotinn að
veiðum norð-
arlega í Síld-
arsmugunni
Morgunblaðið/Þorgeir Baldursson
Veiðarfæri Trollið tekið um boð í Guðmund VE fyrir brottför
frá Akureyri í gær.
ÚR VERINU
HREPPSNEFND Þórshafnar-
hrepps hefur ákveðið að hrinda af
stað átaki er miðast að því að styrkja
þá er hyggjast ráðast í byggingu
íbúðarhúsnæðis í hreppnum í ár og á
næsta ári. Verður allt að 6,5 millj-
ónum króna varið til þessa verkefnis.
Á síðustu 20 árum hefur aðeins einn
maður byggt íbúðarhús á Þórshöfn.
Björn Ingimarsson, sveitarstjóri á
Þórshöfn, segir að farið sé að bera á
skorti á stórum og meðalstórum
eignum í bæjarfélaginu, samfara
aukinni eftirspurn eftir íbúðarhús-
næði á undanförnum tveimur árum,
er skýrist m.a. af því að fólki hafi
fjölgað í hreppnum. Þá hafi hrepp-
urinn selt tólf eignir í sinni eigu, frá
smærri íbúðum upp í einbýlishús í fé-
lagslega kerfinu, og virðist margir
þeir sem búið hafa í leiguhúsnæði í
hreppnum hafa ákveðið að eignast
eigið húsnæði. Samanlagt hafi þetta
leitt til þess að íbúðarhúsnæði sé af
skornum skammti og geti hamlað
áframhaldandi fólksfjölgun.
„Atvinnuástandið hér hefur verið
stöðugt og gott og við finnum það að
margir vilja gjarnan flytja hingað og
þeir búa áfram sem eru hér fyrir. Að-
eins einn maður hefur byggt íbúðar-
húsnæði í hreppnum undanfarna tvo
áratugi. Þótt hreppurinn hafi byggt
nokkur hús á þeim tíma fannst okkur
eðlilegra að veita þeim aðilum stuðn-
ing sem vilja byggja á eigin vegum,
og leggja þannig okkar af mörkum til
að meira sé byggt hér,“ segir Björn.
Í reglunum um styrkina er gert
ráð fyrir að einstaklingar, fyrirtæki
og félagasamtök er vilja byggja hús-
næði í hreppnum, til eigin nota eða
útleigu, geti fengið 10 þúsund króna
styrk á hvern fermetra íbúðar, en þó
að hámarki 1,3 milljónir króna á
hverja íbúð. Framlagið greiðist út í
þrennu lagi; 50% þegar grunnur er
risinn, 25% þegar húsið er fokhelt og
25% þegar hús og lóð eru fullfrá-
gengin. Byggingarkostnaður fast-
eigna er nokkuð mismunandi eftir
landshlutum, en reikna má með að
byggingarkostnaður á fermetra á
þessu svæði sé á bilinu 150–180 þús-
und krónur fyrir einbýli, með gatna-
gerðargjöldum en utan lóðaverðs.
Íbúar Þórshafnarhrepps voru 411
um síðustu áramót. Þórshafnar-
hreppur er í hópi tíu skuldsettustu
hreppa landsins, og námu skuldir
hans um síðustu áramót um 324
milljónum króna, eða sem nemur um
788 þúsund krónum á hvern íbúa. Til
samanburðar má nefna að hreinar
skuldir Reykjavíkurborgar á hvern
Reykvíking voru 495 þús. krónur í
árslok 2004.
Von um fjölgun bygginga
„Nokkur skuldsetning einkennir
gjarnan staði þar sem er góð upp-
bygging, og þótt skuldastaðan sé
þessi er afkoma hreppsins góð og
reksturinn farsæll. Við teljum því
þessum fjármunum vel ráðstafað og
bindum vonir við að þetta verði til
þess að einkaaðilar ráðist í byggingu
íbúðarhúsnæðis hér.“
Stærsti atvinnurekandi bæjarins
er Hraðfrystistöð Þórshafnar og hef-
ur rekstur hennar gengið með ágæt-
um að sögn Björns. „Það er mikið
ungt fólk sem hingað leitar, og ég hef
trú á að sú þróun haldi áfram.“
Skuldsett sveitarfélag býður styrki til húsbygginga
Einn maður hefur
byggt síðustu 20 ár
Eftir Sindra Freysson
sindri@mbl.is
Í REIÐHÖLLINNI Svaðastöðum
við Sauðárkrók stendur nú yfir glæsi-
leg fagsýning landbúnaðarins, en
samhliða fer fram síðsumarssýning
kynbótahrossa á Norðurlandi og
gæðingamót.
Á miðvikudag hófust kynbótadóm-
ar hrossanna sem þátt tóku í síðsum-
arsmótinu, og stóðu þeir fram á
fimmtudag. Landbúnaðarsýningin
var svo opnuð í gær og stendur hún
fram á sunnudag.
Ingimar Ingimarsson fram-
kvæmdastjóri sýningarinnar sagði að
byrjað hafi verið á undirbúningi í maí
í vor og því væri hann mjög ánægður
með það hversu góð þátttaka væri í
sýningunni með svo skömmum fyrir-
vara.
Hann sagði þegar hafa komið fjölda
fólks og til að mynda hefði beðið rúta
með hóp skógarbænda af Héraði þeg-
ar opnað hafi verið í morgun.
„Sýnendur eru tuttugu og hér er-
um við að draga fram það sem er nýj-
ast í greininni, þetta eru fyrirtæki
sem eru með vörur fyrir bændur, hér
eru fjármögnunar- og tryggingafyr-
irtæki þannig að þetta er raunveruleg
fagsýning. Hér eru líka bæði Land-
búnaðarháskólinn á Hvanneyri og
Háskólinn á Hólum og kynna starf-
semi sína og flutt verða fræðsluerindi
á vegum beggja skólanna. Hér erum
við að reyna að skapa vettvang fyrir
þá sem stunda landbúnaðinn og þá
sem eru að þjónusta þessa grein,“
sagði Ingimar Ingimarsson að lokum.
Nýjungar kynntar á
landbúnaðarsýningu
Ingimar Ingimarsson framkvæmdastjóri ásamt einum af gæðingunum.
Aftur í
stuði
á morgun