Morgunblaðið - 07.09.2005, Page 12

12 MIÐVIKUDAGUR 7. SEPTEMBER 2005 MORGUNBLAÐIÐ
FRÉTTIR
NORRÆNA lögfræðingaþingið, hið 37. í röð-
inni, var haldið nýverið í Reykjavík. Þátttak-
endur voru um 1.100, þar af tæplega 100 frá
Íslandi.
Fjölbreytileg dagskrá var í boði og fyrirles-
arar meðal þekktustu lögfræðinga á Norð-
urlöndunum. Af Íslands hálfu fluttu fyr-
irlestra þau Aðalheiður Jóhannsdóttir lektor,
Berglind Ásgeirsdóttir aðstoðarfram-
kvæmdastjóri OECD, Guðmundur Sigurðsson
dósent, Jakob Möller hrl., Sif Konráðsdóttir
hrl., Sigurður Líndal, fyrrverandi prófessor,
Valborg Snævarr hrl. og Viðar Már Matthías-
son prófessor. Gunnlaugur Claessen hæsta-
réttardómari, Jakob Möller hrl. ogViðar Már
Matthíasson prófessor voru meðal fund-
arstjóra á þinginu.
Réttindi einstaklinga
til umræðu
Meðal fjölmargra umræðuefna voru ýmis
álitaefni sem tengjast grundvallarréttindum
einstaklinga, svo sem hvernig standa megi
vörð um þau í tengslum við baráttuna gegn
hryðjuverkum, hvort og hvernig vernda eigi
slík réttindi á vettvangi Evrópusambandsins
og hvort svigrúm löggjafans til lagasetningar
sé orðið of takmarkað vegna slíkra réttinda.
Einnig var fjallað um sönnunarvandamál sem
upp koma þegar á reynir hvort einstaklingum
hafi verið mismunað með ólögmætum hætti,
um vinnuréttarleg ágreiningsefni sem tengj-
ast alþjóðlegum verktökum, um meðferð efna-
hagsbrota og refsingar fyrir þau, um stöðu
hugverkaréttarins í nútíma samfélagi, um of-
beldi gegn konum og um stöðu þagnarréttar
lögmanna.
Rannsóknastofnunin Institutet för rättsvet-
enskaplig forskning, sem stofnuð var af Knut
og Alice Wallenbergs Stiftelse, veitti nú í átt-
unda sinn verðlaun sjóðsins, 250 þúsund
sænskar krónur, auk heiðursskjals, til lög-
fræðings sem skarað hefur fram úr með fram-
lagi til norrænnar lögfræði. Verðlaunin hafa
verið veitt frá 1981 í tengslum við norræna
lögfræðingaþingið en að þessu sinni hlaut
verðlaunin Leif Sevón, forseti Hæstaréttar
Finnlands. Afhenti forseti Íslands, herra Ólaf-
ur Ragnar Grímsson, verðlaunin. Einn Ís-
lendingur hefur hlotið þessi verðlaun, Ár-
mann Snævarr, fyrrverandi prófessor,
háskólarektor og hæstaréttardómari.
Stjórnarskipti
Á þinginu var kjörin ný stjórn Íslands-
deildar norrænu lögfræðingaþinganna. Guð-
rún Erlendsdóttir hæstaréttardómari vék úr
stjórn en hún hafði verið formaður Íslands-
deildarinnar frá 1993. Einnig vék Ármann
Snævarr úr stjórn eftir að hafa setið í henni í
54 ár, þar af sem formaður til fjölda ára.
Hlýtur svo löng stjórnarseta að teljast eins-
dæmi og var Ármann Snævarr einróma kjör-
inn heiðursfélagi Íslandsdeildarinnar. Ragnar
Tómas Árnason var kjörinn nýr formaður
stjórnarinnar, en aðrir í stjórn eru Brynhild-
ur Flóvenz, Erla Jónsdóttir, Helgi I. Jónsson,
Hjörtur Torfason, Ingibjörg Benediktsdóttir,
Jón Thors, Ragnhildur Helgadóttir, Valborg
Snævarr og Viðar Már Matthíasson.
100 Íslendingar á norræna lögmannaþinginu
Forseti Íslands, Ólafur Ragnar Grímsson, veitir Leif Sevón, forseta Hæstaréttar Finnlands,
norrænu lögfræðingaverðlaunin, sem afhent voru í áttunda sinn, 250 þúsund sænskar kr.
„VERÐ nýrra bíla hjá Brimborg hef-
ur lækkað verulega að raunvirði mið-
að við búnað undanfarin ár í samræmi
við styrkingu krónunnar og aukna
hagkvæmni í innkaupum og rekstri
Brimborgar,“ segir m.a. í yfirlýsingu
Egils Jóhannssonar, framkvæmda-
stjóra Brimborgar, sem borist hefur
Morgunblaðinu.
Segir hann fyrirtækið hafna þeim
fullyrðingum sem fram hafi komið
undanfarna daga þess efnis að með
sterkari krónu hafi bílverð ekki lækk-
að en það hafi hækkað á árunum
2000–2001 þegar krónan veiktist.
Í yfirlýsingu framkvæmdastjóra
Brimborgar segir einnig að verð á
Ford Focus hafi aðeins hækkað um
18,1% á sex ára tímabili en kostnaður
hafi á sama tíma aukist um 23,9% að
teknu tilliti til búnaðar og gæða. Þá
segir einnig í yfirlýsingunni: „Þess
má geta að Focus er framleiddur í
Þýskalandi og hann því keyptur inn í
evrum en evran hefur aðeins lækkað
um 1,88% á tímabilinu eins og kemur
fram í rannsókninni. Niðurstöðurnar
yrðu sambærilegar fyrir aðrar gerðir
Ford og einnig bíla frá Volvo og
Citroën því Brimborg vinnur eftir
skýrri stefnu hvað varðar samræm-
ingu verðs við gengi á hverjum tíma.
Þó er alltaf einhver munur milli fram-
leiðenda og einstakra tegunda hjá
hverjum framleiðanda vegna atriða
sem nánar er skýrt frá í rannsókninni.
Brimborg er stærsti innflytjandi
bandarískra bíla til Íslands og þar
hefur lækkunin verið enn meiri. Í
rannsókninni er tekið dæmi af Ford
Explorer sem hefur lækkað um rúm-
lega 20% á rúmum tveimur árum. Á
þessu sama tímabili lækkaði dollar
um 27%. Hækkun á verðlagi og meiri
búnaður og gæði skýra auðveldlega
muninn. Aðrar gerðir Ford-bíla frá
Bandaríkjunum hafa lækkað sam-
bærilega í verði sem hefur skilað sér í
tíföldun á sölu þessara bíla frá því árið
2003 og sextíuföldun í sölu síðan árið
2002.
Ofangreindar niðurstöður taka ein-
göngu til breytinga á listaverði en til
viðbótar við verðlækkanir sem ofar
eru nefndar býður Brimborg ýmis til-
boð sem lækka verð enn frekar og
sterk króna hefur auðvitað áhrif á til-
boðin á jákvæðan hátt fyrir neytend-
ur.“
Bent er á nánari rökstuðning fyrir
ofangreindu á vef Brimborgar,
www.brimborg.is.
Egill Jóhannsson, framkvæmdastjóri Brimborgar
Segir raunverð
bíla hafa lækkað
Morgunblaðið/Golli
Egill Jóhannsson, forstjóri Brimborgar, svarar gagnrýni á þróun bílverðs.
GRÍMUR Atlason hefur ákveðið að
gefa kost á sér í eitt af þremur
efstu sætunum í forvali Vinstri-
hreyfingarinnar
– græns fram-
boðs í Reykjavík
til borgarstjórn-
arkosninga á
komandi vori.
Grímur, sem
er þroskaþjálfi
að mennt, hefur
starfað sem slík-
ur bæði á Íslandi
og í Danmörku.
Hefur hann þó undanfarin ár látið
meira að sér kveða á sviði tónleika-
halds, skipulagningar ýmissa
menningarviðburða og bókaútgáfu.
Grímur hefur einnig starfað sem
verkefnisstjóri hjá félagasamtök-
unum Heimili og skóla og einnig
hjá Félagsþjónustunni. Þá hefur
hann starfað sem ráðgjafi á sviði
meðferðar og forvarna vegna
áfengis- og vímuefnanotkunar bæði
í Reykjavík og í Kaupmannahöfn.
Í tilkynningu frá Grími segir að
hann líti á þriðja sæti listans sem
baráttusæti og raunhæft sé fyrir
eina raunverulega félagshyggjuafl-
ið í Reykjavík að stefna á þrjá
borgarfulltrúa í komandi kosning-
um.
Grímur kveðst leggja áherslu á
að Reykjavík verði skemmtileg
borg og þar verði gott að búa sama
hvaðan fólk kemur og óháð fjár-
hag. Til þess þurfi jöfnuð, m.a.
bæði í húsnæðismálum og leik-
skóla- og skólamálum.
Grímur Atla-
son býður sig
fram hjá VG
Grímur Atlason
ÍSLENDINGAR greiða lægstu gjöldin fyrir
heimilissíma ef miðað er við kaupgetu, eða um
þriðjung af því sem símnotendur greiða almennt í
þeim OECD-ríkjum þar sem þessi þjónusta er
dýrust. Er þá miðað við meðalnotkun þegar hringt
er innanlands, milli landa og í farsíma.
Þetta kemur fram í nýrri skýrslu frá OECD,
sem greint er frá á vefsíðu Póst- og fjarskipta-
stofnunarinnar, www.pta.is. Þar segir m.a. að
gjöld fyrir farsímaþjónustu séu einnig hvað lægst
hér á landi. Sé miðað við þá sem nota farsíma lítið
greiða Íslendingar þriðju lægstu gjöldin. Þeir Ís-
lendingar sem nota farsímann mest greiða hins
vegar hærri gjöld en farsímanotendur almennt í
öðrum norrænum ríkjum.
Samanborið við önnur OECD-ríki eru gjöld fyr-
ir utanlandssímtöl hér á landi undir meðallagi, en
þó dýrari en í flestum grannríkjunum. Ræður þar
mestu landfræðileg lega landsins.
Þá kemur fram að útgjöld íslenskra fyrirtækja
vegna talsímaþjónustu eru langlægst eða um
helmingi lægri en að jafnaði í OECD-ríkjunum. Ís-
lensk fjarskiptafyrirtæki greiða jafnframt lægsta
verð fyrir leigulínur til að selja ýmsa virðisaukandi
fjarskiptaþjónustu og eru útgjöld þeirra 70%
lægri en að jafnaði í öðrum OECD-löndunum.
Samkvæmt skýrslu OECD hafa útgjöld vegna
fjarskiptaþjónustu lækkað jafnt og þétt í aðild-
arríkjunum á síðasta áratug eða að jafnaði um 10%
fyrir almenna notendur og 20% hjá fyrirtækjum.
Ræður þar mestu að mörg símafyrirtæki hafa
brugðist við nýrri talsímaþjónustu á netinu með
því að bjóða sama verð fyrir innanlandssímtöl og
millilandasímtöl. Þá bjóða stór símafyrirtæki sem
áður voru í opinberri eigu nú jafnframt upp á
ódýra netsímaþjónustu.
Símgjöldin lægst á Ís-
landi miðað við kaupgetu
EKKERT hefur komið fram
sem sýnir og sannar að sam-
komulag hafi verið gert við
sjónvarpsstöðina Sky í Bret-
landi um að hætta að selja Ís-
lendingum aðgang að stöðinni.
Þetta kemur m.a. fram í bréfi
sem lögmaður Neytendasam-
takanna hefur sent lögmanni
Smáís, samtökum myndréttar-
hafa á Íslandi.
Tilefni bréfsins var að kanna
réttmæti þess að loka fyrir að
íslenskir neytendur gætu horft
á Sky og þá sérstaklega á Sky
sport. Smáís höfðu þá sent frá
sér yfirlýsingu þar sem tilkynnt
var að óskað hefði verið eftir því
við Sky að hætta viðskiptum við
íslenska áhorfendur og loka á
öll viðskipti þar sem greitt var
með íslenskum greiðslukortum.
Í bréfi lögmannsins segir enn
fremur að samkvæmt skilmál-
um Sky selji sjónvarpsstöðin
áskriftir á Bretlandseyjum en
fyrir liggi að íbúar víðsvegar í
Evrópu séu með aðgang að
þessum stöðvum. Engin tilraun
hafi verið gerð af hálfu Sky til
að loka fyrir þennan möguleika
hvort heldur er á Íslandi, Júgó-
slavíu, Noregi eða Þýskalandi
svo nokkur séu nefnd.
Lögmaður Neytendasamtak-
anna segir að ekkert liggi fyrir
um að lokað verði á íslensk
kreditkort og vandséð hvernig
það eigi að vera hægt. Um sl.
mánaðamót hafi ekkert gerst í
þessu efni þrátt fyrir að komið
hefði fram í fréttum að svo yrði.
Auk þess liggi ekki fyrir neinar
upplýsingar um sértækar að-
gerðir af hálfu Sky hér á landi.
Neytendasamtökin
senda myndrétt-
arhöfum bréf
Ekkert
sam-
komulag
við Sky