Morgunblaðið - 07.09.2005, Síða 21

MORGUNBLAÐIÐ MIÐVIKUDAGUR 7. SEPTEMBER 2005 21
DAGLEGT LÍF
DÖNSK HÚSGAGNAHÖNNUN
Ef þú hefur áhuga á danskri húsgagnahönnun í hæsta gæðaflokki,
skoðaðu þá heimasíðu okkar á www.soeborg-moebler.dk og fáðu
nánari upplýsingar eða bæklinga og tilboð frá fyrirtæki okkar.
Næst þegar þú ert í Kaupmannahöfn, ertu velkomin/n að heimsækja
okkur í sýningarsal okkar (800 m2), sem er í aðeins 6 km fjarlægð
frá miðbænum.
A/S Søborg Møbelfabrik, Gladsaxevej 400, 2860 Søborg,
sími +45 39 69 42 22, www.soeborg-moebler.dk
Opnunartímar: mánudag-þriðjudag 8.30-16.30, föstudag 8.30-15
MANNESKJA sem notar gleraugu
er líklegri til að fá eftirsótt starf eft-
ir atvinnuviðtal en manneskja án
gleraugna, samkvæmt nýrri könnun
sem greint er frá á vef Svenska
Dagbladet.
Líkurnar á því að starfs-
mannastjóranum þyki viðkomandi
gáfulegur og jafnvel greindur eru
meiri ef hann eða hún er með gler-
augu, samkvæmt könnuninni. Á
bilinu 39–44% þátttakenda í könn-
uninni þótti gleraugnafólk líta út
fyrir að vera gáfaðra en aðrir. Fjórir
af hverjum tíu yfirmönnum sem
tóku þátt í könnuninni telja að gler-
augu geti hjálpað viðkomandi í at-
vinnuleit.
Þátttakendurnir voru einnig
spurðir hvernig þeir upplifðu fólk
með gleraugu. 11% töldu gler-
augnagláma leiðinlega, 15% fannst
þeir venjulegir og 19% taldi viðkom-
andi áhugaverðan í útliti. Yngri
þátttakendur höfðu mesta trú á að
gleraugun hjálpi fólki í atvinnuleit.
Ekki fylgir sögunni hverjir standa
að baki umræddri könnun eða hve
margir tóku þátt í henni. Christina
Hammer, stofnandi ráðningarþjón-
ustunnar Hammer & Hanborg, segir
við SvD að vissulega geti gleraugu,
rétt eins og klæðnaður, haft áhrif á
það hvernig fólk kemur öðrum fyrir
sjónir. „Maður ætti þó ekki að
treysta bara á gleraugun í atvinnu-
viðtalinu,“ segir hún.
Með gleraugu í launaviðtalið
Morgunblaðið/Þorkell
Líkurnar á því að starfsmannastjóranum þyki viðkomandi gáfulegur og jafnvel greindur eru meiri ef hann eða
hún er með gleraugu, samkvæmt könnuninni, sem nýlega var greint frá á vef Svenska Dagbladet.
 KÖNNUN
ÞAÐ ER ekki á hverjum degi sem
þessi blaðamaður vaknar upp fyrir
allar aldir. Í þessu tilfelli var lítið
annað hægt þar sem borist hafði til
eyrna minna að kynlegur karlahópur
hittist daglega milli klukkan 8 og 9 á
litlu kaffihúsi í Hafnarfirði.
Myndu þeir taka snuðrandi kven-
snift þegjandi inn í hópinn eina morg-
unstund?
Um leið og gengið var inn í Kæn-
una var blaðamanni bróðurlega tekið
og boðið til sætis meðal bakkalóm-
anna.
Óformlegur félagsskapur
sem styður FH
„Eins og svo margt annað sprettur
þetta upp úr engu,“ verður svarið
þegar spurt er um uppruna hópsins
sem kýs að ganga undir nafninu bak-
kalóklúbburinn. Um 30 karlmenn á
besta aldri hittast þegar þeir eru ekki
annars staðar, milli klukkan 8 og 9 á
morgnana á hverjum degi nema á
sunnudögum og svona hefur þetta
verið í 20 ár. Sumir koma eftir sund-
ið, aðrir áður en þeir fara í vinnunna
og svo verður einhverjum á að segja
að ástæðan fyrir góðri mætingu sé sú
að konurnar séu ekki það heitar
svona snemma á morgnanna að
mennirnir komist til að hitta fé-
lagsskapinn.
Það er skellt uppúr enda mikið af
því sem sagt er hér meira í gamni en
alvöru. Þeir eru nú fyndnir líka fé-
lagarnir.
Halda allir með FH
Það sem hópurinn á sameiginlegt
er fyrst og fremst stuðningur við ný-
bakaða Íslandsmeistara í fótbolta,
FH. Hér fylgjast allir vel með og vill
svo til að fyrsta frétt sem lesin er upp
úr blaðinu er um brotthvarf danska
FH-ingsins frá félaginu. „Það er mik-
ill missir,“ heyrist af borðinu. Aðrir
samsinna því. „Þarna fer skemmti-
legasti leikmaðurinn“ og ekki er laust
við að tregablandinn tónn fylgi orð-
unum. Nýfundnir félagar mínir segja
mér frá mánaðarlegum veisluhöldum
sem þeir halda til styrktar FH og
öruggt að segja að þarna eru á ferð
einir dyggustu stuðningsmenn fé-
lagsins. En áhuginn á fimleikafélag-
inu er væntanlega það eina sem þess-
ir menn eiga sameiginlegt ásamt því
að drekka kaffi. (Reyndar er því
hvíslað að mér að sessunautur minn
sé KR-ingur í hjáverkum en hann er
ekki lengi að þagga niður þá um-
ræðu.)
Allir sem einn eru fyrirmenni
Hér er að finna menn úr öllum
stéttum, stjórnarformenn, verslunar-
eigendur, iðnaðarmenn, slæpingja,
bæjarfulltrúa, fasteignasala, landliðs-
þjálfara, endurskoðanda, lögfræðing
og jafnvel ráðherrar kíkja í kaffi þeg-
ar þannig liggur á þeim til að ræða
málefni dagsins. „Stundum koma fyr-
irmenni hingað,“ segir einn en annar
er fljótur að bæta við „erum við ekki
allir fyrirmenni sem hér erum?“
Það er hlegið dátt og ef það er satt
það sem sagt er, þá eiga þessir menn
eftir að vera langlífir við svona líflega
fundi.
Íþróttir, jeppar og útivist
Vinalegur maður, sem heitir Auð-
unn kemur og býður mér kaffisopa
og mennirnir eru fljótir að bjóða með
mjólk eða sykur, sem einn þarf
reyndar að ná í á annað borð. Þetta
eru sannir herramenn sem hittast
hér á Kænunni, hugsa ég með mér.
En aftur að málefnum dagsins, hver
eru þau svona venjulega? „Hér er
minnst rætt um alvarlega hluti,“ seg-
ir bakkalómaður. Ég fæ að heyra að
pólitík, íþróttir, útivist, jeppar, hesta-
mennska og kvenfólk séu vinsæl um-
ræðuefni. „Þú mátt nú sleppa því síð-
asta,“ segir einn og annar svarar að
bragði „já já, menn eru misjafnlega
háttvísir við borðið“ og aftur er skellt
upp úr.
Hestamennskan er mönnunum
reyndar kær. Fyrst voru það víst
snjósleðarnir en svo tók einn bak-
kalómaður upp á hestamennskunni
fyrir mörgum árum og margir fylgdu
á eftir. „Sem betur fer fékk hann
áhuga á hestamennsku en gekk ekki í
trúfélag.“ Það er líka nokkuð ljóst að
ef einn af hópnum misstígur sig fær
hann seint að gleyma því.
Þeir eiga sér mörg leyndarmál,
bakkalómenn og þeim hefur tekist að
varðveita þau vel í 20 ár. Því er ekki
við hæfi að fara að ljóstra upp um þau
nú á síðum dagblaðanna.
Ég þakka fyrir kaffið og kveð
herramennina enda er klukkan orðin
9. Það má nú ekki fréttast að þeir hafi
verið seinir í vinnuna af því að þeir
áttu fund með ungri dömu.
 VINÁTTA | Bakkalóklúbburinn hefur hist á Kænunni á hverjum morgni nema á sunnudögum í tuttugu ár
Þeir halda allir með FH
Morgunblaðið/Árni Sæberg
Fótbolti, stjórnmál, jeppar og útivist var meðal þess sem bar á góma þennan morgun. Þeir sem mættu að þessu sinni galvaskir voru, frá vinstri: Guð-
laugur, Kári, Steingrímur, Haraldur, Stefán, Helgi Jón, Páll, Sigurður, Benedikt, Reynir og Jón Auðunn.
Morgunblaðið/Sverrir
Eftir Söru M. Kolka
sara@mbl.is