Morgunblaðið - 17.09.2005, Blaðsíða 61

MORGUNBLAÐIÐ LAUGARDAGUR 17. SEPTEMBER 2005 61
UM þessa helgi fer fram Norður-
landamót framhaldsskóla og Norður-
landamót grunnskóla og verða báðar
keppnirnar haldnar í Árósum í Dan-
mörku. Lið Menntaskólans í Hamra-
hlíð teflir fyrir hönd Íslands á fyrr-
nefnda mótinu en lið Lauga-
lækjarskóla í því síðarnefnda.
Árangur íslensku liðanna í þessum
keppnum hefur verið harla góður í
gegnum tíðina og verður spennandi
að sjá hvernig sveitunum tveim reiðir
af í átökum sínum við norræna skóla-
félaga.
Á þetta er minnst í ljósi þess að
Helgi Árnason, skólastjóri Rima-
skóla, sendi skákþættinum umfjöllun
um Norðurlandamót barnaskóla-
sveita sem lauk um síðustu helgi í
Osló í Noregi. Í samantekt Helga
kom fram að þetta hefði verið þriðja
árið í röð sem lið skólans hefði tekið
þátt í keppninni. Líkt og í tvö fyrri
skiptin þá vann lið Rimaskóla til
verðlaunasætis og endaði í 3. sæti en
sveit Mälarhöjdensskole frá Svíþjóð
vann mótið og hafði þar með sæta-
skipti við Rimaskóla frá síðasta
Norðurlandamóti. Aðeins munaði
hálfum vinningi á Rimaskóla og
norska Korsvollskólanum sem
tryggði sér annað sæti mótsins með
því að semja við Svíana um jafntefli á
þremur borðum í lokaumferðinni. Ís-
lenska sveitin sigraði þá finnsku 4-0 í
sömu umferð og tefldi þá fyrsta-
borðsmaður skólans, Hjörvar Steinn
Grétarsson, eftirfarandi skák:
Hvítt: Roger Norri (1599)
Svart: Hjörvar Steinn Grétarsson
(1900)
1. e4 c5 2. Rf3 Rc6 3. d4 cxd4 4.
Rxd4 Rf6 5. Rc3 d6 6. Bc4 Db6 7.
Rxc6 bxc6 8. 0–0 e6 9. Bb3 d5 10. Df3
Be7 11. Bf4 0–0 12. Hfe1 Bb7 13.
Bg5 Hfe8 14. e5 Rd7 15. Bxe7 Hxe7
16. Dg4
Hvítur hefur ekki teflt byrjunina
af miklum krafti þar sem svartur hef-
ur betri peðastöðu og öflugra mið-
borð. Næsti leikur svarts saumar að
hvíta biskupnum.
16. … c5 17. Ba4 Bc6
Hér hefði komið til álita að halda
riddaranum inni á með því að leika
17. … Rf8.
18. Bxc6 Dxc6 19. h4 Kh8 20. He3
Hg8 21. Hee1 d4 22. De4 Dxe4 23.
Rxe4 f6 24. exf6 gxf6 25. g3 e5 26. b3
Heg7 27. Kh2 f5 28. Rd2 e4 29. Rc4
Svartur hefur nú mun meira rými
en ekki er auðvelt að færa sér það í
nyt.
29. … Rb6
Sumir hefðu freistast til að leika
29...e3 þar sem eftir 30. fxe3 Hxg3 31.
exd4 Hg2+ 32. Kh1 H2g4 vinnur
svartur. Hinsvegar í stað 31. exd4
myndi hvítur leika 31. Hg1! og hann
stæði betur að vígi.
30. Rd6 Hf8 31. Hac1 Hd7 32. Rc4
Kg7 33. Kg2 He8 34. Rxb6 axb6 35.
a4 Kf6 36. Hcd1 h5 37. c3 Hed8 38.
cxd4 Hxd4!?
Einnig hefði komið til álita að leika
38. … cxd4 en svartur kýs fremur að
ná undirtökunum á d-línunni í stað
þess að fá valdaðan frelsingja.
39. Hc1?! Hd3 40. Hb1 H8d4 41.
He3 Hxe3 42. fxe3 Hd2+
Taflið er nú unnið á svart enda
hvíta staðan mjög óvirk.
43. Kf1 Ke5 44. b4 c4 45. a5 b5 46.
Ha1 c3 47. Ke1 Hh2 48. Ha3 Hh1+
49. Ke2 c2 50. a6 c1=D og hvítur
gafst upp.
Að mati Helga skólastjóra var
keppnin á mótinu í ár jafnari en í síð-
ustu tveim keppnum og munaði þar
mestu að tvö sterk lið frá Noregi
mættu til leiks en þau blönduðu sér
bæði í baráttuna um verðlaunasætin.
Júlía Rós Hafþórsdóttir fékk flesta
vinninga þeirra sem tefldu fyrir
Rimaskóla en hún fékk 3½ vinning af
5 mögulegum á fjórða borði. Þetta
var í fyrsta skipti sem hún tók þátt í
keppninni svo að árangurinn var
þeim mun ánægjulegri. Keppendur
gistu á sama stað og þar sem keppnin
fór fram og voru aðstæður á skákstað
mjög góðar.
Evrópukeppni
taflfélaga að hefjast
Dagana 18.–24. september fer
fram Evrópukeppni taflfélaga sem
haldin verður í St. Vincent í Ítalíu.
Keppnin er geysiöflug og munu
margir af sterkustu skákmönnum
heims taka þátt í henni. Sem fyrr er
franska liðið NAO stigahæst en á
fyrsta borði fyrir það lið teflir Vla-
dimir Kramnik (2.744). Tvö íslensk
lið munu taka þátt, Taflfélagið Hellir
og Taflfélag Reykjavíkur. Af þeim 45
liðum sem skráð eru til leiks má ætla
fyrir fram að lið Hellis lendi í 25. sæti
og lið TR í 27. sæti. Nánari upplýs-
ingar um keppnina og liðin sem taka
þátt er hægt að finna á heimasíðu
mótsins: www.scacchivda.com/.
Atskákmót Íslands 2005
Í síðasta skákþætti var fjallað um
Atskákmót Íslands og tók undirrit-
aður sér það bessaleyfi að fjalla um
sína eigin skák gegn Hannesi Hlífari.
Mistök voru gerð við vinnslu grein-
arinnar sem leiddi til þess að besti
leikur skákarinnar féll niður og birt-
ist ekki sjónum lesenda. Með hliðsjón
af þessu er skákin hér með endurbirt
án skýringa en með sömu stöðumynd
og í síðasta skákþætti.
Hvítt: Helgi Áss Grétarsson
Svart: Hannes Hlífar Stefánsson
1. c4 Rf6 2. g3 c6 3. Bg2 d5 4. Rf3
Bg4 5. Re5 Bf5 6. cxd5 cxd5 7. Da4+
Rbd7 8. Rc3 e6 9. g4! Bc2
10. Rxf7! Kxf7 11. Dxc2 Rxg4 12.
Rxd5! Dh4 13. Dc7 Hd8?? 14. Df4+
og svartur gafst upp.
Norðurlandamót skólasveita
SKÁK
Osló, Noregi
NM BARNASKÓLASVEITA
9.–11. september 2005
Lið Rimaskóla ásamt liðs- og fararstjórum, f.v.: Júlía Guðmundsdóttir, Júl-
ía Hafþórsdóttir, Ásbjörn Torfason liðsstjóri, Sverrir Ásbjörnsson, Hörður
Aron Hauksson, Helgi Árnason fararstjóri, Hjörvar Steinn Grétarsson.
HELGI ÁSS GRÉTARSSON
daggi@internet.is
Frá eldri borgurum
í Hafnarfirði.
Föstudaginn 9. september var
spilað á 9 borðum.
Úrslit urðu þessi í N/S:
Jón Pálmason - Sverrir Jónsson 265
Ásgeir Sölvason - Guðni Ólafsson 263
Kristín Óskarsdóttir - Gróa Þorgeirsd. 234
A/V
Sófus Berthelsen - Haukur Guðmunds. 243
Knútur Björnsson - Elín Björnsdóttir 237
Jón Sævaldsson - Þorvarður S. Guðmss. 236
37–37 í Keflavík
Það var góðmennt á fyrsta spila-
kvöldi vetrarins hjá Bridsfélagi Suð-
urnesja. Brugðið var á það ráð að
spila sveitakeppni sem endaði með
bræðrabyltu, 37 gegn 37.
Spilað verður nk. mánudagskvöld
og þá væntanlega Howell tvímenn-
ingur. Spilað er í félagsheimilinu á
Mánagrund og hefst spilamennskan
kl. 19.30.
Gullsmárabrids
Bridsdeild FEBK Gullsmára spil-
aði tvímenning á 11 borðum mánu-
daginn 12. september. Miðlungur
220. Beztum árangri náðu:
NS
Páll Ólason - Elís Kristjánsson 279
Kristinn Guðm.s. - Guðmundur Pálss. 254
Guðm. Tryggvason - Hinrik Lárusson 245
AV
Guðjón Ottósson - Guðm. Guðveigss. 277
Þorgerður Sigurgeirsd.- Stefán Friðbj.s. 259
Sigríður Gunnarsd. - Björn Björnsson 257
Leiðrétting: Eysteinn Einarsson
og Jón Stefánsson, sem efstir vóru í
tvímenningi fimmtudaginn 8. sept-
ember, náðu 315 í skor.
Bridsfélag Hafnarfjarðar
Spilamennska byrjar mánudaginn
19. sept. Í vetur munum við spila í
glæsilegum sal að Flatahrauni 3 í
Hafnarfirði (sami staður og áður en
nýr salur).
Dagskrá fyrri hluta vetrar er
þessi:
19. september
Eins kvölds tvímenningur
26. sept. - 10. okt.
Minningarmót um Borgþór Pét-
ursson - hraðsveit
17. október
Eins kvölds tvímenningur
24. okt. - 7. nóvember
A. Hansen mótið – tvímenningur
14. nóv. - 12. desember
Aðalsveitakeppnin
Keppnisgjald er 800 kr kvöldið.
500 kr. fyrir eldri borgara og ör-
yrkja og ókeypis fyrir 25 ára og
yngri.
Keppnisstjóri verður Ásgeir P.
Ásbjörnsson.
BRIDS
Umsjón Arnór G.
Ragnarsson
BRESKA tískuverslunin Oasis
opnar í dag, laugardaginn 17.
september, nýja verslun í
Smáralind. Verslunin er á 2.
hæð í verslunarmiðstöðinni
við hliðina á Benetton. Þessi
verslun verður með öðru sniði
þar sem á boðstólum er úrval
af skarti, fylgihlutum ásamt
tískufatnaði.
Einnig verður boðið upp á
Odille nærfatalínuna sem er
sérstaklega hönnuð fyrir Oas-
is.
Síðar í haust opnar breska
tískuverslunin Coast verslun í
Smáralind sem verður við
hliðina á hinni nýju verslun
Oasis.
Fyrirsæta í fötum frá Oasis.
Tvær nýjar
tískuversl-
anir opnaðar
í Smáralind
Aukaársfundur
Samvinnulífeyrissjóðsins
Stjórn Samvinnulífeyrissjóðsins boðar til aukaársfundar
á Grand hóteli í Reykjavík mánudaginn 3. október 2005
kl. 17:15.
Dagskrá:
1. Tillaga stjórnar um að breyta samþykktum Sam-
vinnulífeyrissjóðsins í þá veru að stigadeild hans
(jafnávinnslukerfi) verði lokað um áramótin
2005/2006.
2. Önnur mál.
Nánari upplýsingar er að finna á heimasíðunni
www.sls.is og í bæklingi sem sendur verður greiðandi
sjóðfélögum í stigadeild, enda varðar áformuð breyting
eingöngu greiðandi sjóðfélaga. Þá verður sérstakur
kynningarfundur um tillöguna á Grand hóteli mánudag-
inn 26. september 2005 kl. 17:15. Starfsmenn Sam-
vinnulífeyrissjóðsins veita ennfremur upplýsingar í síma
520 5500.
Stjórn Samvinnulífeyrissjóðsins
Miðasölusími: 551 1200
Miðasala á netinu: www.leikhusid.is
Barnaleiksýning ársins 2005
Sýnd á morgun kl. 14:00.