Morgunblaðið - 24.09.2005, Side 41

MORGUNBLAÐIÐ LAUGARDAGUR 24. SEPTEMBER 2005 41
UMRÆÐAN
KÆRI Bolli.
Sumarið 2004 boðaðir þú opnari
og lýðræðislegri Heimdall þar sem
allir vinnandi félagar sætu við sama
borð. Þú gagnrýndir harðlega fyrr-
um stjórnir fyrir ólýðræðisleg
vinnubrögð og svertir mannorð
þeirra með hörðum yfirlýsingum í
fjölmiðlum. Sigurinn var þinn þetta
árið enda myndu áreiðanlega margir
segja að þú ættir það skilið. Þú veist
mína sögu hjá Heimdalli þar sem ég
kom inn í starfið árið áður án þess
að þekkja eina manneskju í ungliða-
hreyfingunni. Ég bauð mig fram
með Helgu Árnadóttir árið 2004
vegna þess að mér var boðin þátt-
taka af hennar hálfu. Ég stóð fast á
því að vinna með Heimdalli hvort
sem þú værir við stjórnvölinn eða
einhver annar. Mín sannfæring var
sú að ef Bolli Thoroddsen byði opn-
ari og lýðræðislegri Heimdall yrði
það hagur allra þó svo að ég hefði
ekki upplifað annað.
Málefnastarfið hófst vel fyrstu
dagana og aðsókn á fundi með því
betra sem ég hafði séð á liðnu ári.
Meðframbjóðendur mínir voru með
opinn huga gagnvart því sem var að
gerast og vildu vinna með þér. Þú
studdir frjálshyggju- og jafnrétt-
isdeild fyrri stjórnar og sagðist ætla
að halda áfram þeirri vinnu sem
unnin hafði verið. En nokkrum dög-
um eftir að þín fögur orð féllu lagð-
irðu niður deildirnar án þess að
ræða við formenn þeirra. Þetta at-
vik varð til þess að við misstum eð-
alfólk úr starfinu og þú veist ná-
kvæmlega um hvern ég er að tala.
Ég spyr þig, Bolli, af hverju lagð-
irðu deildirnar niður?
Þegar leið á stjórnarsetu þína
minnkaði mætingin allverulega og
þú hringdir sveittur í stjórn-
armeðlimi þína til að fá þá til að
mæta á fundi. Þegar þú sást að
Heimdallur væri nú ekki eins lok-
aður og þú hélst leitaðir þú hjálpar
ýmissa félaga sem voru í mótfram-
boði til að sættast. Eins og þú veist
sjálfur var mikill hugur í fólki til að
sættast og gleyma því sem gamalt
var. Sáttaviðræðurnar gengu ágæt-
lega í byrjun en á vissum tímapunkti
varst þú, félagi, farinn að tefja og
var ég farin að sjá endalok á slíkri
umræðu en vonaði samt að þið
mynduð klára málin. Það kom mér
þó hinsvegar á óvart að heyra í þér
þegar þú hringdir í mig og sagðir
mér frá því að þú vissir af framboði
Borgars Þórs Borgarssonar í
miðjum sáttaviðræðunum. Ég hugsa
með mér ef þú vissir af því og það
var enn í myndinni að sættast hvort
ásetningur þinn hefur verið sannur.
Aftur komstu mér á óvart þegar fé-
lagið Heimdallur lýsti yfir stuðningi
Borgars sem formaður SUS. Hvern-
ig er hægt að lýsa yfir stuðningi eins
manns í nafni félagsins þar sem
mörg þúsund félagar eru skráðir í.
Samkvæmt mínum heimildum er
ekki hefð fyrir því að félag innan
flokksins lýsi yfir stuðningi sér-
stakra einstaklinga og þykir mér
þetta ósmekklegt þar sem ekki eru
allir Heimdellingar sem styðja
Borgar.
En alltaf hélt ég í trúna að þú
værir sá sem að þú segist vera og
vitna ég í símtal okkar í sumar þeg-
ar þú fullvissaðir mig um að þú sæir
um fulltrúarval á SUS-þingið en
ekki Borgar. Ég sagðist ekki vilja
taka þátt ef ungliðahreyfingarnar
myndu koma að þessu með sóðaleg-
um hætti. „Þú þarft ekki að hafa
áhyggjur af því af því að ég vel full-
trúana á þingið en ekki Borgar“
sagðir þú við mig og allir sem hafa
staðið sig vel í vetur komast inn. Í
dag stöndum við frammi fyrir
ágreiningi vegna fulltrúavals þíns
þar sem formaður utanríkisnefnd-
arinnar fær ekki sæti. Maður sem
hefur af þvílíkum dugnaði skrifað
greinar, mætt á fundi
og stjórnað nefndinni
fyrir fráfarandi for-
mann. Hann var í
beinu sambandi við
þig, Bolli, vegna þings-
ins og þú sagðir við
hann að þér þætti
þetta leitt en of margir
sóttu um. Kæri Bolli
minn, ég hef ekki séð
150 manns á málefna-
fundum hjá Heimdalli
hvorki nú né árið áður.
Ég hef heldur ekki séð
marga sem hafa unnið
jafnvel og Hjörtur félagi okkar og
segðu mér ekki heldur að þetta hafi
verið mistök.
Ástæðan fyrir því að ég gagnrýni
þig, Bolli, er að þú lofaðir í kosn-
ingabaráttu þinni að breytingar
yrðu á Heimdalli. Það
gaf fólki eins og mér
von um að þurfa ekki
að skipa sér í fylkingar
sem það vildi ekki. Ég
hef verið í tvö ár í
Heimdalli án þess að
þurfa að velja á milli
hópa og unnið með öll-
um. Eftir alla mína trú
á þér og stjórn þinni í
von um breytingar
veldur þú mér von-
brigðum. Ég hef íhug-
að næsta skref mjög
vandlega síðustu daga
og tel mig eiga engra kosta völ nema
að bjóða mig fram til stjórnar Heim-
dallar í von um það að ég geti breytt
því sem breyta þarf.
Brotin loforð Bolla
Camilla Ósk Hákonardóttir
fjallar um meintar ávirðingar á
hendur Bolla Thoroddsen ’Ástæðan fyrir því aðég gagnrýni þig, Bolli,
er að þú lofaðir í kosn-
ingabaráttu þinni að
breytingar yrðu á
Heimdalli.‘
Camilla Ósk
Hákonardóttir
Höfundur er ung sjálfstæðiskona.
Fréttir í
tölvupósti