Fréttablaðið - 04.04.2003, Page 13

14 4. apríl 2003 FÖSTUDAGUR
STUND MILLI STRÍÐA
Hermenn breska innrásarliðsins í borginni
Basra í suðurhluta Írak tóku sér frí frá
störfum til að spila fótboltaleik við heima-
menn. Leiknum lyktaði með sigri Íraka,
sem skoruðu níu mörk gegn þremur
mörkum Breta.
BORGARMÁL Vilhjálmur Þ. Vil-
hjálmsson, borgarfulltrúi Sjálf-
stæðisflokksins, segir fyrirhug-
aða bensínstöð gegnt Hóla-
brekkuskóla vera út í hött.
Vilhjálmur hefur lagt til í
borgarráði að fulltrúar skipu-
lags- og byggingarsviðs haldi
fund með íbúum hverfisins og
kynni áform um að heimila starf-
rækslu bensínstöðvarinnar.
Það er Ker hf. sem hefur ósk-
að eftir að reisa svokallaða Ex-
press Esso sjálfsafgreiðslustöð á
lóðinni suður af Hólagarði.
„Þetta er viðkvæmt mál fyrir
okkur Breiðhyltinga. Ég skil ekki
í fólkinu að láta sér detta í hug að
troða bensínsölu þétt ofan í lóð
Hólabrekkuskóla,“ segir Vil-
hjálmur, sem sér fyrir sér aukna
umferð í nágrenni við skólann.
Að sögn Vilhjálms fékk Hóla-
garður á sínum tíma heimild til
að stækka lóð sína til að mæta
aukinni þörf fyrir bílastæði.
„Það var aldrei nefnt að til stæði
að koma fyrir bensínsölu enda
vantar okkur ekki bensínsölur í
Breiðholti. Þetta er einfaldlega
tóm þvæla. Það er mikill titring-
ur og forystumenn íbúasamtak-
anna eru að undirbúa undir-
skriftarsöfnun,“ segir Vilhjálm-
ur. ■
VÆNDI Lögreglan í Hafnarfirði
handtók í febrúar vændiskonu í
framhaldi af rannsókn sem þótti
sýna ótvírætt að hún stundaði
vændi sér til framfærslu. Um er
að ræða vændiskonu sem notar
vinnuheitið Daman og hefur aug-
lýst þjónustu sína á vefnum
einkamal.is. Fréttablaðið birti
fréttir um það í haust þegar kon-
an skók vændismarkaðinn með
því að bjóða þjónustu sína á hálf-
virði ef miðað er við gangverð á
skyndikynnum, sem þá var um 35
þúsund krónur. Verðlækkun
Dömunnar olli
mikilli reiði meðal
annarra vændis-
kvenna en sjálf út-
skýrði hún í
F r é t t a b l a ð i n u
verðlækkun sína
með því að verð-
lagning á skyndikynnum á Ís-
landi væri út úr öllu korti í sam-
anburði við önnur Norðurlönd. Í
verðskrá Dömunnar er tilgreint
að ábót í 10 mínútur kosti 5 þús-
und krónur til viðbótar 16 þúsund
krónum fyrir skyndikynni. Að
auki bauð hún upp á dekurkvöld
þar sem innifalið var að
viðskiptavinir fengu rauðvín og
osta.
Heimildir Fréttablaðsins
herma að lögreglan í Hafnarfirði
hafi komist á slóð Dömunnar,
sem einnig kallar sig Rose, í
gegnum einkamal.is. Daman hef-
ur játað að hafa stundað vændi
eftir að lögreglan gerði húsleit á
tveimur stöðum í Hafnarfirði
þaðan sem konan, sem er á þrí-
tugsaldri, stundaði útgerð sína
með aðstoð sambýlismanns á fer-
tugsaldri sem samkvæmt heim-
ildum Fréttablaðsins annaðist
bókhaldshliðina. Annar staðurinn
er í úthverfi Hafnarfjarðar þar
sem vændiskonan tók á móti við-
skiptavinum sínum í bílskúr.
Kristján Ó. Guðnason, aðstoð-
aryfirlögregluþjónn í Hafnar-
firði, vildi ekkert segja um rann-
sóknina að öðru leyti en því að
málið hefði þegar verið sent til
áframhaldandi meðferðar.
„Við höfum sent mál þetta til
ríkissaksóknara, þar sem ákveðið
verður hvort konan verður
ákærð,“ segir Kristján.
Daman í Hafnarfirði hefur
ekki látið deigan síga síðan lög-
reglan handtók hana því útsend-
ari morgunþáttarins Ísland í bítið
á Stöð komst inn í bílskúr hennar
um síðustu helgi með kvik-
myndatökuvél innan klæða. Þar
bauð Daman þjónustu sína en
þess að vita að „viðskiptavinur-
inn“ var með upptökubúnað.
rt@frettabladid.is
Daman handtekin
fyrir vændi í bílskúr
Lögreglan í Hafnarfirði hefur sent mál þekktrar vændiskonu til ríkissaksóknara. Seldi sig í bílskúr.
Sjónvarpsstöð og lögregla komust „bakdyramegin“ inn. Konan hefur játað og bíður nú ákæru.
HAFNARFJÖRÐUR
Vændiskona skók markaðinn með því að lækka verð á þjónustu sinni um helming.
Vilhjálmur Þ. Vilhjálmsson, Breiðhyltingur og borgarfulltrúi:
Mótmælir bensínstöð
við Hólabrekkuskóla
ESSO EXPRESS HÓLAGARÐUR
Íbúar í Hólahverfi eru margir ósáttir
við þessa fyrirhuguðu bensínsölu
gegnt Hólabrekkuskóla.
UTANRÍKISMÁL Ekkert verður af því
að samkomulag náist um stækkun
Evrópusambandsins fyrir helgi.
Framkvæmdastjórn Evrópusam-
bandsins fékk fundi, sem halda
átti í dag, frestað svo hún gæti
ráðfært sig betur við umsóknar-
ríkin tíu.
Gunnar Snorri Gunnarsson,
ráðuneytisstjóri í utanríkisráðu-
neytinu, telur að enn sé möguleiki
á að ganga frá samningum án þess
að samningurinn um Evrópska
efnahagssvæðið komist í uppnám.
Sá möguleiki kunni að vera fyrir
hendi ef samningar nást ekki fyr-
ir leiðtogafund ESB um miðjan
mánuðinn að þar verði lögð fyrir
áfangalýsing og samningur um
aðlögun Evrópska efnahagssvæð-
isins að stærra Evrópusambandi
verði samþykktur á lægra stjórn-
sýsluplani en leiðtogafundi.
„Aðalmálið fyrir okkur er að
lending náist í tæka tíð þannig að
stækkun EES og ESB geti farið
samfara í gegnum staðfestingar-
ferlið hjá þjóðþingunum,“ segir
Gunnar Snorri. „Þetta er ekki kom-
ið á dramatískt stig ennþá.“ ■
Samkomulag um stækkun EES næst ekki í vikunni:
Evrópusambandið
frestar viðræðum
DEILT UM AÐGANG FYRIR FISKAFURÐIR
Eitt af því sem hefur ekki náðst samkomulag um er hvaða bætur Ísland og Noregur fái
fyrir niðurfellingu á fríverslunarsamningum með fiskafurðir.
■
Daman í Hafn-
arfirði hefur
ekki látið deig-
an síga síðan
lögreglan
handtók hana.
Löggildingarstofa:
Afdrif
forstjóra
að skýrast
STJÓRNSÝSLA Valgerður Sverris-
dóttir, iðnaðar- og viðskiptaráð-
herra, mun stefna að því að kunn-
gera ákvörðun sína varðandi for-
stjóra Löggildingarstofu öðru
hvoru megin við helgina.
Helstu möguleikarnir eru þeir
að forstjóranum verði vikið úr
starfi um stundarsakir á meðan
nefnd kannar embættisfærslu
hans eða þá að honum verði veitt
áminning. Útilokað mun talið að
málið verði látið niður falla.
Málarar sem voru að störfum á
Löggildingarstofu í gær voru
beðnir að gera hlé á vinnu sinni á
meðan farið er yfir fjármál stofn-
unarinnar. ■
VALGERÐUR SVERRISDÓTTIR
Víkur hún ríkisforstjóra frá eða sleppir
honum með áminningu?
FR
ÉT
TA
B
LA
Ð
IÐ
/R
Ó
B
ER
T
ÖRTRÖÐ
Mikil mannþröng myndaðist á lestarstöðv-
um Parísar.
Verkfall í Frakklandi:
Samgöngur
í lamasessi
PARÍS, AP Flugsamgöngur voru í al-
gerum lamasessi og mikið álag var
á lestakerfum Frakklands þegar
opinberir starfsmenn um gjörvallt
landið lögðu niður vinnu frá mið-
vikudagskvöldi til föstudagsmorg-
uns.
Áætlunarflug lá meira og minna
niðri auk þess sem lestarsamgöng-
ur röskuðust töluvert. Margir
reyndu að forðast almenningssam-
göngur með því að aka til vinnu og
við það skapaðist mikið umferðar-
öngþveiti. Yfir 100 mótmælagöng-
ur voru skipulagðar víðs vegar um
landið.
Verkalýðsfélög hafa hótað fleiri
verkföllum ef ríkisstjórnin endur-
skoðar ekki fyrirhugaðar breyting-
ar á eftirlaunakerfinu. Það er mat
manna að kerfið þurfi á gagngerum
endurbótum að halda, ellegar muni
það hrynja innan 20 ára. Forsætis-
ráðherrann Jean-Pierre Raffarin
hefur því heitið breytingum. ■