Fréttablaðið - 24.06.2003, Blaðsíða 17

ÞRIÐJUDAGUR 24. júní 2003
Lögreglan á Blönduósi:
Tvær slas-
aðar eftir
bílveltu
BÍLVELTA Tvær konur á þrítugsaldri
slösuðust þegar bifreið þeirra
hafnaði utan vegar í Hrútafirði á
laugardagsmorgun. Þær voru
fluttar með sjúkrabíl til Reykja-
víkur. Meiðsl þeirra voru ekki
eins alvarleg og haldið var í
fyrstu og var þyrla Landhelgis-
gæslunnar afturkölluð en var
komin í flugtaksstöðu. Talið er að
ökumaður hafi misst stjórn á bíln-
um í lausamöl þannig að hann fór
út af veginum og steyptist ofan í
skurð. Bíllinn er ónýtur. ■
ÁRÁSIR SKÆRULIÐA Lögreglufor-
ingi særðist þegar um 150 upp-
reisnarmenn úr röðum kommún-
ista gerðu áhlaup á bæinn Quina-
pondan á Filippseyjum. Skærulið-
arnir gerðu húsleit á heimilum
lögreglumanna, sem margir
hverjir voru í messu, og höfðu á
brott með sér nokkra M16-riffla.
Skömmu áður höfðu skæruliðar
skotið til bana bæjarstjóra og
sært sex manns í bænum Tayug.
FLÓÐ AF VÖLDUM MONSÚN-
RIGNINGA Að minnsta kosti fjór-
ir hafa farist í flóðum af völdum
monsún-rigninga í Bangladesh.
Hundruð þúsunda eru innilokuð í
húsum sínum, sem eru umkringd
vatni. Fjöldi hrísgrjónaakra hef-
ur eyðilagst auk þess sem búfén-
aður hefur orðið vatnsflaumnum
að bráð.
Reykjavík:
Barinn
með flösku
LÖGREGLUMÁL Maður á fertugsaldri
lá eftir í götunni í miðborg Reykja-
víkur eftir að hafa verið barinn í
höfuðið með flösku. Hann var
fluttur á slysadeild og er ekki tal-
inn alvarlega slasaður. Samt þótti
ástæða til að leggja hann inn vegna
eðlis áverkanna. Árásarmennirnir
eru taldir hafa verið tveir. Ekki
hefur tekist að hafa upp á þeim en
málið er í rannsókn. ■
■ Asía