Fréttablaðið - 23.08.2003, Blaðsíða 25

LAUGARDAGUR 23. ágúst 2003 25
sagði töluna 3 boða ógæfu. Carole
hló að henni. Vél þeirra þurfti að
millilenda og þá voru Lombard og
félagar hennar beðin um að gefa
eftir sæti sín svo þrír flugmenn úr
hernum kæmust til herstöðvar
sinnar. Carole neitaði. Rétt fyrir
utan Las Vegas rakst flugvélin á
fjall og allir um borð létust sam-
stundis.
Clark lauk upptöku á mynd
sem hann hafði unnið við og gekk
síðan í herinn. Hann eltist um
mörg ár á skömmum tíma og
drakk til að sefa harm sinn. Þeir
sem til þekktu sögðu að hann
hefði aldrei jafnað sig á láti konu
sinnar og minningin um hana
hefði fylgt honum alla tíð. Hann
lést árið 1961 og er grafinn við
hlið hennar.
kolla@frettabladid.is
Keanu Reeves er mitt ídol,“ seg-ir Katrín Jakobsdóttir íslensku-
fræðingur þegar hún er beðin að
nefna mann að sínu skapi. „Hann
hefur svo gott viðhorf en hann
sagði einu sinni: „Það er til gáfað
fólk og það er til vitlaust fólk og ég
er einn af þeim“. Mér finnst þessi
orð lýsa lífinu. Hann er líka falleg-
asti maður í heimi og er góður bar-
dagamaður og stórleikari. Svo er
hann líka alltaf svo flott klæddur og
ég hef tekið hann mér til fyrir-
myndar í fatavali,“ bætir Katrín við
og hlær.
Það eru ekki síst svartir og stíl-
hreinir búningarnir sem Reeves
skartar í Matrix-myndunum sem
hafa heillað Katrínu, þó hún kunni
einnig ákaflega vel við útganginn á
leikaranum í Bill & Ted’s Excellent
Adventure frá árinu 1989 og sér
ekkert athugavert við það að hann
fari öfganna á milli í fatavali.
„Hann er maður sem þorir og hefur
takmarkalausa trú á sjálfum sér“.
Katrín segist hafa „staðið
með“ Reeves allt frá
því hún sá hann í Bill & Ted, þó
Matrix-myndirnar séu bestar. „Við
eigum langa sögu og mér finnst
hann miklu betra ídol en til dæmis
stjórnmálamenn. Þeir eru svo óá-
reiðanlegir á meðan Keanu Reeves
er fast inn í tilveru minni.“
Katrín lætur það ekkert á sig
fá þó sumar myndir kappans
fái lélega dóma og ver hann
með kjafti og klóm. „Ég hef
þá skoðun að ef maður á sér
ídol þá er maður hrifinn af
öllu sem það gerir. Mér fannst
meira að segja myndin Johnny
Mnemonic góð, þó fáir séu
sammála mér og mér fannst
önnur Matrix-myndin ekki
klikka heldur. Ég horfði á hana með
opnum huga en það breytir því ekki
að fyrsta Matrix-myndin er ein sú
besta í heimi.“
Katrín lætur það síðan
fylgja sögunni að í
barnæsku hafi Lilja
prinsessa úr
Stjörnustríðsmyndunum verið
helsta átrúnaðargoð hennar. „Hún
var ídolið mitt þangað til Keanu tók
við. Hún var fyrirmynd mín í allri
hegðun og kom mér þangað sem ég
er núna“, segir Katrín um þessa
sjálfstæðu og ákveðnu konu sem
bauð sjálfum Svarthöfða birginn
fyrir lifandis löngu í annarri
stjörnuþoku, langt, langt í burtu. ■
■ Maður að mínu skapi
Fallegur maður sem þorir
Keanu Reeves er í uppáhaldi hjá Katrínu Jakobsdóttur íslenskufræðingi.
KEANU REEVES
Fæddist í Beirút í Lí-
banon árið 1964 og
hefur gert það gott í
kvikmyndum á borð
við Speed og The
Matrix. Móðir hans
var sýningarstúlka og
faðir hans jarðfræð-
ingur og þau gáfu
honum þetta sérkenni-
lega nafn sem er
hawaiískt og þýðir
„svalur blær yfir
fjöllunum“.
KATRÍN JAKOBSDÓTTIR
Heillaðist af Keanu fyrir 14 árum og hann hefur fyrir löngu tryggt sér sess í hjarta hennar.
LILJA PRINSESSA
Katrín tók þessa hugrökku uppreisnarkonu
sér til fyrirmyndar á unga aldri og telur sig
eiga henni margt að þakka.
MEÐ EIGINMANNI
Lombard ásamt eiginmanni sínum, leikar-
anum Clark Gable. Hann jafnaði sig
aldrei á andláti hennar.
FR
ÉT
TA
B
LA
Ð
IÐ
/R
Ó
B
ER
T