Fréttablaðið - 23.01.2004, Blaðsíða 25
Fjármál heimilanna
Sérblað um fjármál 23. janúar 2004
Hulda og Ásdís
Fræða unglinga
bls. 8
Sigurjón Kjartansson
Verstu kaupin
bls. 2
Ingólfur H. Ingólfsson
Falinn fjársjóður
bls. 6
● heldur fjármálanámskeið ● fjármálanámskeið í skólum● þurfti að skipta þrisvar um vél
Ég fór á bókhaldsnámskeið
hjá NTV og í dag sé ég
heildarmyndina og skil út á
hvað hlutirnir í þessu starfi
ganga.
Steinunn Sveinsdóttir
- Skrifstofustjóri
Markmiðið með námskeiðinu er að
þjálfa fólk fyrir kröfuhörð bókhaldsstörf.
Námið er byggt upp á kennslu og
verklegum æfingum og eru tekin próf
í helstu námsgreinum.
Nemendur þurfa að hafa lokið grunn-
skólaprófi og vera orðnir 18 ára.
Lengd: 126 stundir Stgr. verð: 106.875
Tími: Kvöldnámskeið hefst 29. janúar
og morgunnámskeið 26. janúar.
Bókhald
Verslunarreikningur
Tölvubókhald Navision
VSK uppgjör
Afstemming / Ársreikningar
Námsgreinar
Launabókhald
Fjárhagur
Lánadrottnar
Viðskiptamenn
Birgðir, innkaup
og tollar
Allar nánari upplýsingar
er að finna á ntv.is.
Ráðgjafarstofa heimilanna:
Það versta sem menn
gera er að gera ekki neitt
Ég hvet alla til að halda heimilis-bókhald og skrá niður alla sína
eyðslu. Þó ekki sé nema í einn mán-
uð. Hafa ekki allir lent í því að
spyrja sig spurningarinnar: „Í hvað
fóru peningarnir“? segir Ásta S.
Helgadóttir, settur forstöðumaður
Ráðgjafarstofu um fjármál heimil-
anna. Hlutverk þeirrar stofu er að
veita fólki í fjárhagsvanda endur-
gjaldslausa ráðgjöf. Þar starfar fag-
fólk, t.d. viðskiptafræðingar, hag-
fræðingur og byggingafræðingur.
„Flestir sem leita til okkar eru
komnir í þrot með sín fjármál af
einhverjum ástæðum,“ segir hún.
„Sumir koma af eigin hvötum en oft
eru það bankarnir, félagsþjónusta
sveitarfélaga eða Íbúðalánasjóður
sem vísa fólki hingað.“
Þess má geta að Ráðgjafarstofan
byggir á samstarfi 13 aðila, meðal
annars félagsmálaráðuneytis,
Íbúðalánasjóðs, lánastofnana og
Reykjavíkurborgar. Einnig hefur
hún gert þjónustusamninga við
Akureyrarkaupstað og Kópavogs-
bæ og samningaviðræður eiga sér
stað við sveitarfélagið Árborg.
Ástæður þess að fólk kemst í
verulega greiðsluerfiðleika geta
verið margar og erfitt getur verið
að verjast þeim. Ásta lýsir því:
„Óvænt áföll eins og atvinnumissir,
alvarleg veikindi og offjárfesting
eru meðal þess sem getur kippt
stoðunum undan fjárhag fólks.
Einnig að hafa skrifað upp á lán fyr-
ir ættingja og vini og misst eignir ef
þeir hafa ekki getað greitt skuldir.
Enn aðrir byrja á að lenda í minni
háttar vanskilum sem síðan hlaða á
sig vöxtum og verða eins og snjó-
bolti sem stöðugt stækkar. Það er
svo dýrt að skulda og það versta
sem menn gera er að gera ekki
neitt í málunum.“
Ásta segir mikla breytingu hafa
orðið á aðgengi fólks að lánum á síð-
ari árum en aukið frelsi kalli á meiri
sjálfsaga og ábyrgð. Margir séu svo
illa skuldsettir að ekkert megi út af
bera. Númer eitt sé að sýna lit og
fara strax í bankann að reyna að
semja um lengri greiðsludreifingu
skuldanna þegar illa horfi.
„Það krefst mikillar skipulagn-
ingar að koma reiðu á peningamálin
ef í óefni er komið. Fyrsta skrefið er
að fara í sjálfsskoðun, meta vand-
ann og setja sér markmið. Annað er
að gera sér grein fyrir tekjunum og
draga úr útgjöldunum til samræmis
við þær. Þriðja þrep verður síðan að
leggja fram áætlanir sínar hjá lána-
stofnun og semja.“
Ásta segir debetkortanotkun og
heimabanka auðvelda fólki að fylgj-
ast með eigin eyðslu. „Yfirsýn yfir
fjárhagsstöðuna er alger nauðsyn
og þar gildir einu hvort tekjurnar
eru háar eða lágar.“ ■
Íslendingar eru sjoppufólk:
Daglega neyslan telur
Það skiptir ekki svo mikluhvað það sem maður gerir
einu sinni á ævinni kostar. Fari
maður fínt út að borða einu
sinni á ári skiptir ekki öllu
hvort reikningurinn er 15 þús-
und eða 25 þúsund. Það sem
maður gerir daglega telur
meira en mann grunar. Sá sem
reykir pakka á dag borgar fyrir
það 15 þúsund á mánuði. Sú
upphæð spöruð á mánuði á 5%
vöxtum í 25 ár er 8,7 milljónir.
Íslendingar eru sjoppufólk.
Við segjum gamansögur af
Norðmönnum sem mæta í vinn-
una með samlokur í smjörpapp-
ir. Við hlæjum að Svíum sem
setja matarafganga í box og
taka með í vinnuna. Okkur finn-
ast Danir, með skreytta brauðið
sitt, svolítil krútt, en myndum
aldrei mæta með heimasmurt í
vinnuna.
Nei við förum út í sjoppu.
Við kaupum langloku, kók,
súkkulaði, tyggjó og svolítið
nammi í poka. Svo fáum við
okkur snakk um helgar og svo-
lítið meira nammi og snakk.
Þessi dagsneysla kostar
kannski 700 krónur. Það gerir
255 þúsund á ári, 21 þúsund á
mánuði. Bæti maður einum
sígarettupakka við er upphæð-
in 36 þúsund á mánuði. Var ein-
hver að tala um að það væri
erfitt að spara? ■
ÁSTA R. HELGADÓTTIR
Segir yfirsýn yfir fjárhagsstöðuna algera nauðsyn.
VIÐ SJÁLFSALANN
Það sparast meira en mann grunar við það að venja sig af daglegum sjoppuferðum.
SJOPPUFERÐ:
Langloka 250 krónur
Kók 150 krónur
Prins póló 100 krónur
Tyggjópakki 60 krónur
Nammi í poka 140 krónur
Samtals 700 krónur
Kostnaður á mánuði 21 þúsund
Kostnaður á mánuði við
að reykja pakka á dag 15 þúsund
Samtals 36 þúsund
36 þúsund krónur lagðar fyrir á mánuði:
í fimm ár á 7% vöxtum eru 2,5 milljónir
í tíu ár á 7% vöxtum eru 6,1 milljón
í fimmtán ár á 7% vöxtum eru 11,2 millj-
ónir.