Fréttablaðið - 23.01.2004, Blaðsíða 46

38 23. janúar 2003 FÖSTUDAGUR
NIÐURLÚTUR
David Beckham gengur af velli eftir brott-
rekstur í leik Real Madrid og Valencia á
miðvikudag.
Fótbolti
hvað?hvar?hvenær?
20 21 22 23 24 25 26
JANÚAR
Föstudagur
Monte Carlo rallið:
Loeb talinn sigurstranglegastur
RALL „Mig hungrar meira eftir ár-
angri en nokkru sinni fyrr og bíð
spenntur eftir að komast aftur í bíl-
inn,“ sagði Petter Solberg, heims-
meistarinn í Ralli, sem hefur titil-
vörnina í Mote Carlo í dag.
„Ég ætla að bera mig öðruvísi
að,“ sagði Solberg. „Ég breyti því
áætlunum mínum í fyrstu umferð-
unum. Á síðasta ári hefði ég barist
um fyrsta sætið frá og með fyrstu
sérleið en ég held að það sé ekki
besta aðferðin.“
Solberg, sem ekur á Subaru, varð
heimsmeistari í fyrsta sinn í fyrra
eftir sigur í Wales. Keppnin í Monte
Carlo færði honum hins vegar eng-
in stig því hann keyrði út af á
fimmtu sérleið.
Tveir fremstu ökumenn undan-
farinna ára verða ekki með í þessari
keppni. Richard Burns í Peugeot-
liðinu er að jafna sig eftir uppskurð,
og Colin McRae vék fyrir yngri
manni úr Citroën-liðinu.
Solberg hefur fengið nýjan sam-
herja, Finnann Mikko Hirvonen,
sem ók fyrir Ford-liðið í fyrra. Sol-
berg og Hirvonen hlutu svipuð ör-
lög í Monte Carlo í fyrra en Finninn
dugði þó aðeins lengur og ók út af á
níundu sérleið.
Sébastien Loeb sigraði í Monte
Carlo í fyrra og er talinn sigur-
stranglegastur í ár. Citroën átti þrjá
fyrstu bílana í Monte Carlo því Col-
in McRae varð annar og Carlos
Sainz þriðji. Það var upphafið af
góðu ári hjá Citroën en liðið sigraði
í keppni framleiðenda.
Keppninni í Monte Carlo lýkur á
sunnudag. Keppendur aka samtals
1.414 kílómetra en sérleiðirnar
fimmtán eru samanlagt 386 kíló-
metrar. ■
Verðum að setja
niður fleiri þrista
Keflvíkingar leika við franska félagið Dijon í bikarkeppni Evrópu í kvöld. Leikurinn hefst
klukkan 20.30. Sigri Keflvíkingar leika félögin að nýju í Dijon á miðvikudag.
KÖRFUBOLTI „Hraðinn virkaði ágæt-
lega en það sem brást helst voru
þriggja stiga skotin,“ sagði Guð-
jón Skúlason, annar þjálfara Kefl-
víkinga um fyrri leikinn gegn
franska félagin Dijon í bikar-
keppni Evrópu. „Við fengum
nokkur opin færi en vorum ekki
að setja þá niður. Við vorum að
nálgast 100 stigin og hefðum við
sett niður þrjá til fjóra þrista
hefðum við náð betri úrslitum.“
„Í liði Dijon eru fimm Frakkar,
Kanadamaður, tveir Georgíu-
menn, Pólverji og Júgóslavi sem
spilaði ekkert,“ sagði Guðjón.
„Rowan Barrett hefur verið að
mig minnir stigahæstur Kanada-
manna á þremur síðust stórmót-
um, það er að segja HM og
Ólympíuleikum. Hann og Steve
Nash hafa verið aðalmennirnir.“
Guðjón segir að Georgíu-
maðurinn Vakhtang Natsvlishvili
hafi einnig verið mjög öflugur.
„Hann skoraði, að mig minnir,
átta af fyrstu tíu stigum Dijon.
Þeir settu upp í kerfi fyrir hann
og fékk færi undir körfunni en
þegar við breyttum yfir í svæðis-
vörn hitti hann verr. Falur hafði
séð hann spila en við gerðum ekki
sérstakar ráðstafanir gagnvart
honum.“ Natsvlishvili skoraði að-
eins úr átta af 21 skoti úr teignum.
„Svæðisvörnin gekk ágætlega og
ég fer yfir hana aftur með strák-
unum fyrir leikinn.“
Frakkarnir kvörtuðu undan
hörku Keflvíkinga eftir leikinn.
„Ég skildi það ekki því þeir voru
með stærri leikmenn og sterka
leikmenn. En mér fannst dómar-
arnir ekki hafa nægilega gott vald
á þessu. Einhverjir hefðu fengið
að fjúka fyrir að taka leikmann
hálstaki eins og Paccelis Mor-
lende gerði við Magnús Gunnars-
son,“ sagði Guðjón. Morlende var
besti maður Dijon í leiknum og
skoraði 26 stig. „Hann er góður
bakvörður með mikinn sprengi-
kraft og tróð tvisvar í leiknum.
Barrett náði líka að troða í byrjun
leiks.“
Guðjón telur Dijon sterkara lið
en Toulon, Madeira og Ovarense
en segir Keflvíkinga eiga raun-
hæfa möguleika gegn Frökkunum
í kvöld. „Ef allir mæta sem vett-
lingi geta haldið þá líður strákun-
um betur. Við verðum að setja nið-
ur fleiri þrista,“ sagði Guðjón.
„Já, við erum tilbúnir að fara aft-
ur til Dijon,“ sagði Guðjón en ef
Keflvíkingar sigra í kvöld leika
þeir að nýju í Dijon á miðvikudag.
■
Norðmenn unnu Svía:
Langþráður
sigur
FÓTBOLTI Norðmenn unnu Svía 3-0
á fjögurra þjóða móti í Hong Kong
í gær. Leikurinn var frumraun
landsliðsþjálfarans Åge Hareide.
Norðmenn leika til úrslita á mót-
inu við Hondúra á sunnudag.
Frode Johnsen, leikmaður Ros-
enborgar, skoraði fyrsta mark
leiksins skömmu fyrir leikhlé en
Håvard Flo, leikmaður Sogndal,
bætti tveimur mörkum við í
seinni hálfleik. Liðin voru ein-
göngu skipuð leikmönnum í félög-
um frá Skandinavíu.
Norðmenn höfðu ekki unnið
Svía síðan 1982 og ekki utan Nor-
egs síðan 1951. Þeir höfðu heldur
ekki unnið Svía með þriggja
marka mun síðan 1932. ■
■ ■ LEIKIR

19.00 Þróttur og Valur leika í Egils-
höll á Reykjavíkurmóti karla í fót-
bolta.

20.30 Keflavík keppir við franska
félagið JDA Dijon í Keflavík í Bik-
arkeppni Evrópu í körfubolta.

21.00 Þróttur Reykjavík mætir
Þrótti Neskaupstað í íþróttahúsi
Hagaskóla í 1. deild kvenna í
blaki.

21.00 Leiknir og KR keppa í Egils-
höll á Reykjavíkurmóti karla í fót-
bolta.
■ ■ SJÓNVARP

17.00 EM í handbolta á RÚV. Hitað
upp og tekið á móti gestum fyrir
leik Íslendinga og Ungverja sem
hefst klukkan 17.25.

18.00 Olíssport á Sýn. Fjallað er
um helstu íþróttaviðburði heima
og erlendis.

18.30 Trans World Sport (Íþróttir
um allan heim) á Sýn.

19.30 Gillette-sportpakkinn á Sýn.

20.00 Alltaf í boltanum á Sýn.

20.30 Motorworld á Sýn. Kraftmik-
ill þáttur um allt það nýjasta í
heimi akstursíþrótta.

21.00 Supercross (Edison
International Field) á Sýn. Nýjustu
fréttir frá heimsmeistaramótinu í
Supercrossi.

22.00 Mótorsport 2003 á Sýn. Ítar-
leg umfjöllun um íslenskar akst-
ursíþróttir.
Ætlum til Aþenu
Magnus Wislander segir að helsta markmið
Svía á EM sé að ná sæti á Ólympíuleikunum í
sumar.
HANDBOLTI „Ég verð stöðugt betri.
Álagið hefur stöðugt verið aukið í
síðustu fjórum leikjum, frá 20 mín-
útum og upp í 60 og nárinn hefur
þolað álagið,“ sagði Svíinn Magnus
Wislander í viðtali við Kieler
Nachrichten í gær. Wislander verð-
ur fertugur eftir einn mánuð og
gæti EM orðið síðasta stórmót
hans.
Wislander segir markmið Svía á
EM sé það eitt að tryggja sér sæti á
Ólympíuleikunum í sumar. „Ég er
nokkuð spenntur en það er aðeins
vegna þess að það kemur ekki ann-
að til greina en að ná sæti á Ólymp-
íuleikunum í Aþenu. Það er ekki
svo mikilvægt fyrir Staffan Olsson
eða mig að vera með í Aþenu. Það
er mikilvægast að Svíar verði með
á Ólympíuleikunum.“
Svíar leik í A-riðli ásamt Rúss-
um, Úkraínumönnum og Svisslend-
ingum og ættu þeir að verða við-
ráðanlegir mótherja. „Við megum
ekki gera þá skyssu að álíta
mótherjana auðvelda. Á EM verður
að taka alla alvarlega. Við þurfum
öll stigin með okkur í milliriðla.
Svíar hafa titil að verja og eru
taldir sigurstranglegastir. „Við
hugsum ekki um titilinn. Við hugs-
um bara um að komast á Ólympíu-
leikana. Það verður nógu erfitt. Það
getur jafnvel farið svo að annað
sætið dugi ekki.“
Yngri leikmenn hafa á undan-
förnum misserum leikið stærra
hlutverk í sænska landsliðinu, svo
sem Kim Andersson, Joacim
Ernstsson og Jonas Larholm. „Við
höfum góða blöndu af eldri og
yngri leikmönnum. Þeir ungu hafa
þegar tekið á sig mikla ábyrgð.
Þegar illa gengur vita þeir að hinir
eldri eru til taks. Breytingarnar
ganga vel fyrir sig. Ég hef alltaf
sagt að Svíar verða líka að eiga gott
landslið í framtíðinni.“ ■
MAGNUS WISLANDER
Er leikjahæstur Svía með 377 landsleiki.
KEFLAVÍK
Keflvíkingar í leik gegn Madeira í bikar-
keppni Evrópu. Keflvíkingar eru ósigraðir á
heimavelli í keppninni.
HM Í RALLI 2004
Monte Carlo 23. – 25. janúar
Svíþjóð 6. – 8. febrúar
Mexíkó 12. – 14. mars
Nýja Sjáland 16. – 18. apríl
Kýpur 14. – 16. maí
Grikkland 4. – 6. júní
Tyrkland 25. – 27. júní
Argentína 16. – 18. júlí
Finnland 6. – 8. ágúst
Þýskaland 20. – 22. ágúst
Japan 3. – 5. september
Wales 17. – 19. september
Ítalía 1. – 3. október
Korsíka 15. – 17. október
Spánn 29. – 31. október
Ástralía 12. – 14. nóvember
PETTER SOLBERG
Titilvörnin hefst í Monte Carlo í dag.