Fréttablaðið - 23.01.2004, Blaðsíða 48
HANDBOLTI Rússar áttu aldrei í erf-
iðleikum með Sviss í leik liðanna í
Velenje í A-riðli Evrópumótsins í
handknattleik í gær. Rússar gerðu
út um leikinn í fyrri hálfleik en
þeir leiddu með sjö mörkum í
hálfleik, 17-10. Rússarnir voru
mörgum klössum fyrir ofan Sviss-
lendingana og átti svissneska
vörnin sérstaklega í miklum
vandræðum með skytturnar
Aleksej Rastvortsev og Alexand-
er Tuchkin sem fóru mikinn. Yfir-
burðir Rússa voru slíkir að
Valdimir Maxmov, þjálfari liðs-
ins, leyfði varamönnum sínum að
spila stóran hluta síðari hálfleiks.
Vitaly Ivanov, Aleksej Rastvort-
sev og Alexander Tuchkin voru
markahæstir hjá Rússum með sex
mörk hver, Eduard Koksharov
skoraði fimm mörk, Mikhail Chip-
urin var með fjögur mörk og
Artem Gritsenko skoraði eitt
mark. Alexei Kostygov varði ell-
efu skot og gamla brýnið Andrey
Lavrov varði sjö skot í marki
Rússa. Robert Kostadinovich
skoraði fimm mörk fyrir Sviss,
Marco Kurth og Thomas Furer
skoruðu þrjú mörk hvor, Manuel
Liniger, Iwan Ursic og Martin
Stettler skoruðu tvö mörk hver og
þeir Urs Schärer, Carlos Lima og
Thomas Gautschi skoruðu eitt
mark hver. Christian Meisterhans
varði átta skot og Antoine Ebinger
varði fjögur skot í marki Sviss. ■
40 23. janúar 2003 FÖSTUDAGUR
SCHUMACHER
Michael bíður átekta fyrir æfingu á Mont
Melo brautinni skammt utan Barcelona.
Formúla
HANDBOLTI Frakkar lögðu Pólverja,
29-25, í fyrsta leik D-riðils á Evr-
ópumótinu í Koper í Slóveníu í
gær. Sigurinn var þó líkastur erf-
iðri fæðingu því að Pólverjar
höfðu yfirhöndina mestallan leik-
inn og leiddu meðal annars, 16-14,
í hálfleik eftir að hafa leitt með
fimm mörkum á tímabili í fyrri
hálfleik. Frakkar girtu sig þó í
brók í síðari hálfleik, jöfnuðu met-
in um miðjan hálfleikinn og höfðu
sig fram úr á lokasprettinum.
Gregory Anquetil var marka-
hæstur hjá Frökkum með sex
mörk, Jerome Fernandez skoraði
fimm mörk, Bertrand Gille var
með fjögur mörk, Nikola Karabat-
ic, Andrej Golic og Cedric Burdet
skoruðu þrjú mörk hver og þeir
Didier Dinart, Gauillaume Gille,
Christophe Kempe, Joel Abati og
Patrick Cazal skoruðu eitt mark
hver. Thierry Omeyer varði tíu
skot í marki Frakka. Stórskyttan
Karol Bielecki, sem gengur til liðs
við Magdeburg á næsta tímabili,
var atkvæðamestur hjá Pólverj-
um með sjö mörk, Marcin
Lijewski skoraði fimm mörk.
Grzegorz Tkaczyk var með fjögur
mörk, Adam Wisniewski skoraði
þrjú mörk, Leszek Starczan skor-
aði tvö mörk og þeir Tomasz
Paluch, Dawid Nilsson, Robert lis
og Mariusz Jurasik voru með eitt
mark hver. Slawomir Szmal varði
tólf skot í marki Pólverja. ■
HANDBOLTI Heimsmeistarar
Króata sigruðu Spánverja með
dramatískum hætti í fyrstu um-
ferð lokakeppni Evrópumótsins í
gær. Ivano Balic, leikstjórnandi
Króata, skoraði sigurmarkið
beint úr aukakasti eftir að leik-
tíminn rann út. Spánverjar voru
ekki sáttir við markið og töldu að
Balic hafi tekið eitt skref þegar
hann tók aukakastið og markið
því ekki löglegt.
Jafnræði var með liðunum
fyrstu tíu mínúturnar en þá skor-
uðu Spánverjar fimm mörk í röð
og breytt stöðunni úr 5-5 í 9-5.
Króatar sóttu í sig veðrið og náðu
að minnka muninn í 14-13 með
marki Blazenko Lackovic þegar
fjórar mínútur voru til leikhlés.
Spánverjar svöruðu með þremur
mörkum en Króatinn Slavko
Goluza skoraði síðasta mark fyrri
hálfleiks og var staðan 17-14 hléi.
Króatar náðu að jafna þegar
tíu mínútur voru liðnar af seinni
hálfleik, 20-20, og Blazenko
Lackovic kom þeim yfir í 25-24
þegar um tíu mínútur voru eftir.
Miklu munaði um framgöngu
Valter Matosevic sem varði mun
betur í seinni hálfleik en í þeim
fyrri.
Jon Belaustegui jafnaði, 25-25,
í næstu sókn en hann var at-
kvæðamestur Spánverja í leikn-
um með ellefu mörk. Á fyrstu
tuttugu mínútum seinni hálf-
leiks skoraði hann sex af átta
mörkum Spánverja.
Petar Metlicic og Niksa
Kaleb skoruðu næstu tvö
mörk fyrir Króata en Dem-
etrio Lozano og Alberto
Entrerrios jöfnuðu fyrir Spán-
verja. Þá voru þrjár mínútur
eftir og staðan 27-27. Króat-
arnir náðu tvisvar forystu en
Ivan Garcia jafnaði fyrir
Spánverja þegar sextán sek-
úndur voru eftir. Króatar
fengu síðan aukakast þegar
tíminn rann út og skoraði
Balic sigurmarkið.
Petar Metlicic skoraði átta
mörk fyrir Króata, Ivano
Balic sex, Renato Sulic og
Slavko Goluza fjögur hvor,
Blazenko Lackovic og Tonci
Valcic þrjú hvor og Niksa
Kaleb 2.
Jon Belaustegui skoraði ell-
efu af mörkum Spánverja,
Ivan Garcia og Alberto
Entrerrios fimm mörk hvor,
Fernando Hernandez og Raul
Entrerrios tvö mörk hvor en
Carlos Prieto, Demetrio Loza-
no, Ruben Garabaya og Ivan
Perez eitt mark hver. ■
Jóhann B. Guðmundsson
Á leið til
Örgryte
FÓTBOLTI Flest bendir til þess að Jó-
hann B. Guðmundsson gangi til
liðs við sænska liðið Örgryte á
næstu dögum. Jóhann B. fékk til-
boð frá sænska liðinu í gær og
sendi þeim gagntilboð hið snaras-
ta. Hann sagði í samtali við DV
Sport í gær að það bæri ekki mik-
ið á milli og að hann ætti ekki von
á öðru en að gengið yrði frá samn-
ingum fljótlega á milli hans og
sænska liðsins og Ólafur Garðars-
son, umboðsmaður hans, var sama
sinnis.
„Ég er búinn að fá tilboð en
mér fannst það ekki alveg nógu
gott. Þeir vilja semja við mig til
þriggja ára en mér finnst nóg að
vera þarna í tvö ár til að byrja
með auk þess sem ég ætla ekki að
fara til Svíþjóðar fyrir smáaura.
Það ber hins vegar ekkert sér-
staklega mikið á milli og ég á ekki
von á öðru en að við náum saman
á næstu dögum – annað kæmi mér
mjög á óvart,“ sagði Jóhann B.
Guðmundsson í samtali við DV
Sport í gær.
Hann sagði jafnframt að Ör-
gryte, sem hafnaði í fjórða sæti
sænsku úrvalsdeildarinnar á síð-
asta tímabili væri mjög spennandi
kostur.
„Þetta virðist vera mjög gott
félag og þótt það séu kannski ekki
alveg jafnmiklir peningar í spil-
inu í Svíþjóð og í Noregi þá held
ég að ég sé betur staddur knatt-
spyrnulega þarna. Sænska deildin
er spennandi og væntanlega
skemmtilegri því að þar er í það
minnsta möguleiki á því að verða
meistari. Í Noregi ber Rosenborg
ægishjálm yfir önnur lið og það er
eiginlega ekki að neinu öðru en
öðru sætinu að stefna fyrir önnur
lið,“ sagði Jóhann. ■
Hinn leikurinn í riðli
Íslands á EM:
Auðvelt hjá
Ungverjum
HANDBOLTI Ungverjar byrjuðu EM
með látum í Celje er þeir gengu
frá Tékkum, 30-25, í fjörugum
leik. Ungverjar höfðu yfirburði í
leiknum allt frá fyrstu mínútu og
leiknum var nánast lokið í hálfleik
er staðan var 17-10 fyrir Ung-
verja. Þeir gátu því leyft sér að
slaka á í síðari hálfleik. Hvíldu
lykilmenn og létu óreyndari leik-
menn spila. Tékkar gerðu smá
áhlaup í restina en það dugði lítið
og sigur Ungverja var sanngjarn
og verðskuldaður. Tékkar virkuðu
ekki sannfærandi í leiknum.
Þeir spiluðu mjög aggressíva,
en gloppótta vörn og sóknin var
mjög tilviljanakennd. Lið þeirra
er óreynt og sagði þjálfari þeirra í
leikslok að þeir yrðu að halda
áfram að berjast og vona það
besta. Það væri það eina sem þeir
gætu gert. Ungverjar aftur á móti
spiluðu fína 3-2-1 vörn og sóknar-
leikur þeirra var mun markviss-
ari en hjá Tékkum.
Vörnin var reyndar ótrúlega
góð miðað við að í henni voru
menn vel yfir 100 kr. Einn 125 kg,
annar 118 og svo einn „léttur“ sem
er aðeins 115. Hraðaupphlaup
þeirra voru mjög öflug þar sem
Istvan Pasztor fór mikinn og hann
er maður sem þarf að hafa góðar
gætur á í kvöld rétt eins og Laszlo
Nagy sem gat leyft sér að hvíla í
40 mínútur í gær þar sem Ung-
verjar höfðu öll tök í leiknum.
Áðurnefndur Pasztor var
markahæstur hjá Ungverjum
með átta mörk, Daniel Buday sko-
raði sex mörk, Tamas Mocsai, Ivo
Diaz og Laszlo Nagy skoruðu þrjú
mörk hver, Gergö Ivancsik og
Balazs Kertezs skoruðu tvö mörk
hvor og Gabor Csaszar, Richard
Mezei og Miklos Rosta skoruðu
eitt mark hver. Janos Szatmari
varði sautján skot í marki
Ungverja.
David Juricek var markahæs-
tur með sjö mörk, Daniel Kubes
og Alexandr Radcenko skoruðu
fjögur mörk hvor, Filip Jicha og
Jan Filip skoruðu þrjú mörk hvor
og Petr Hruby og Jaroslav
Zemenek skoruðu tvö mörk hvor.
Martin Galia varði átján skot í
marki Tékka. Laszlo Skaliczky,
þjálfari Ungverja, vildi ekkert tjá
sig um leikinn gegn Íslendingum
eftir leikinn í gærkvöldi. ■
Celje, Slóveníu
HENRY BIRGIR GUNNARSSON
■ skrifar um EM í handbolta.
BOLTI Á MILLI MANNA
Svisslendingurinn Iwan Ursic reynir hér að senda boltann fram hjá Rússanum Vitaly
Ivanov í leik liðanna í Velenje í gær.
A-riðill Evrópumótsins í handknattleik:
Lauflétt hjá
Rússum
D-riðill Evrópumótsins í handknattleik:
Erfið fæðing hjá
Frökkum
JEROME FERNANDEZ
Franska stórskyttan Jerome Fernandez, sem skoraði fimm mörk í leiknum sést hér
í baráttu við tvo pólska varnarmenn.
Dramatískur
sigur Króata
Ivano Balic skoraði sigurmark Króata beint úr aukakasti eftir að
leiktíminn rann út.
KRÓATÍA - SPÁNN
Spánverjinn Alberto Entrerrios sækir
að vörn Króata.