Fréttablaðið - 07.05.2004, Blaðsíða 2

2 7. maí 2004 FÖSTUDAGUR
„Já, það kemur nýtt afl núna.“
Jón Magnússon hæstaréttarlögmaður hefur tekið
við formennsku í stjórnmálasamtökunum Nýju afli
af Guðmundi G. Þórarinssyni.
Spurningdagsins
Jón, eruð þið nógu aflmiklir?
Norðurljós fá
ekki lengri frest
Norðurljós segja nauðsynlegt að fá frest til 17. maí til að skila
allsherjarnefnd athugasemdum um fjölmiðlafrumvarpið. Aukinn
frestur ekki veittur, segir formaður nefndarinnar.
ALÞINGI „Nefndin var upplýst um
það hvernig lagasetningu væri al-
mennt háttað í öðrum löndum í
Evrópu og hvaða sjónarmið væru
höfð til grundvallar. Það var áhuga-
vert að hlusta á það sem kom fram
og það var heilmikið rætt, enda
stóð fundurinn lengi. Höfuðtil-
gangurinn er að tryggja að frum-
varpið fái málefnalega meðferð,“
segir Bjarni Benediktsson, formað-
ur allsherjarnefndar Alþingis.
Allsherjarnefnd fjallaði um
frumvarp um eignarhald á fjöl-
miðlum á fundi sínum í gær. For-
svarsmenn Norðurljósa voru boð-
aðir á fundinn, ásamt tveimur er-
lendum sérfræðingum í fjölmiðla-
rétti, sem héldu erindi á ráðstefnu
Norðurljósa í fyrradag um frelsi
fjölmiðla. Þá var fjölmiðlanefnd
menntamálaráðherra ennfremur
boðuð á fund allsherjarnefndar,
sem lauk ekki fyrr en í gærkvöld.
Skarphéðinn Berg Steinarsson,
stjórnarformaður Norðurljósa,
segir að umræðurnar hafi verið
gagnlegar og nefndarmenn hafi
nálgast málið með opnum huga.
Hann segir að bréf hafi borist í
fyrradag þar sem forsvarsmönn-
um Norðurljósa var boðið að koma
á framfæri skriflegum athuga-
semdum og umsögn um frumvarp-
ið fyrir daginn í dag.
„Við óskuðum eftir því að fá
frest til 17. maí, en höfum ekki
fengið svar. Fresturinn sem við
höfum dugar ekki, enda málið gríð-
arlega umfangsmikið,“ segir
Skarphéðinn. Formaður allsherjar-
nefndar segir að ekki sé ætlunin að
veita lengri frest.
„Aukinn frestur er almennt ekki
veittur þegar óskað er eftir skrif-
legum athugasemdum. Það er ljóst
að Norðurljós munu ekki skila at-
hugasemdum sínum fyrir helgina
og við náum því ekki að funda aft-
ur með þeim á laugardaginn. En
við fundum væntanlega með þeim
strax eftir helgina. Nefndin er rétt
að hefja þá yfirferð sem þarf til að
fjalla um frumvarpið,“ segir
Bjarni.
Floyd Abrams, bandarískur sér-
fræðingur í fjölmiðlarétti, var
meðal þeirra sem fundaði með alls-
herjarnefnd og sagði hann að
nefndarmenn hefðu hlustað vel á
þau sjónarmið sem komu fram og
spurt margra spurninga.
„Ég er ánægður með að hafa
fengið tækifæri til að ræða við
þingnefndina og greina henni frá
minni skoðun. Frumvarpið er auð-
vitað á byrjunarstigi og það kom
skýrt fram. Ég lagði til að við
myndum leggja fram álit þar sem
skýrt yrði frá því í smáatriðum
hvernig þessum málum væri hátt-
að í hverju Evrópuríki fyrir sig,“
sagði Abrams.
bryndis@frettabladid.is
EFNAHAGSMÁL Vaxtahækkunarferli
Seðlabankans er hafið. Bankinn
hækkar vexti á þriðjudag um 20
punkta eða 0,2 prósent. Stýrivextir
Seðlabankans hækkuðu síðast síð-
ari hluta árs 2000. Vaxtalækkunar-
ferli hófst í ársbyrjun 2001 og hafa
vextir verið stöðugir undanfarið
ár. Vaxtahækkun nú er mánuði fyrr
á ferðinni en flestir höfðu búist við
en vart er hægt að segja að hún
komi á óvart. Birgir Ísleifur Gunn-
arsson seðlabankastjóri segir að
við útgáfu Peningamála Seðlabank-
ans hafi komið fram að verðbólgu-
spáin sem þá var birt kallaði á
hækkun vaxta. „Framvindan síðan
og þær tölur sem við erum að fá í
hendurnar hafa sannfært okkur
um að rétt sé að stíga skrefið
núna.“ Birgir Ísleifur segir að
hvert sem litið sé megi greina
bólgu. „Verðbólgan mældist meiri
tvö síðustu skipti en við höfðum
reiknað með.“ Auk þess hafi lækk-
un á gengi krónunnar áhrif á hækk-
un innfluttra vara.
Við ákvörðun vaxtahækkana
þarf að hyggja að því að kæla ekki
hagkerfið of snemma og tapa við
það verðmætum. Hækkunin nú er
ekki mikil og má lesa sem skilaboð
til markaðarins um framhaldið.
„Þetta er varfærið skref sem við
stígum og má búast við að þetta
ferli verði í smáum en fleiri skref-
um fremur en færri og stærri.“ ■
Yasser Arafat:
Óttast um
öryggi sitt
PALESTÍNA, AP Yasser Arafat, leið-
togi Palestínumanna, lét í gær
vígbúa höfuðstöðvar sínar til að
hamla hugsanlegri árás Ísraels-
manna á sig. Hann lét koma
fyrir bílflökum fyrir framan
höfuðstöðvarnar og styrkti
bygginguna með steypubitum í
von um að það gerði Ísraelum
erfiðara fyrir, ákveddu þeir að
ráða hann af dögum.
Stutt er síðan Ariel Sharon,
forsætisráðherra Ísraels, sagð-
ist ekki bundinn af loforði sínu
við George W. Bush Bandaríkja-
forseta um að ráða Arafat ekki
af dögum. Arafat er sagður mjög
áhyggjufullur eftir að Ísraelar
réðu Ahmed Yassin, trúarlegan
leiðtoga Hamas, af dögum í
mars. ■
Dæmdur í átta
mánaða fangelsi:
Reyndi
að smygla
kókaíni
DÓMSMÁL Maður var dæmdur í
átta mánaða fangelsi, þar af þrjá
óskilorðsbundna, fyrir innflutn-
ing á tæplega 120 grömmum af
kókaíni og fyrir eigu rúmlega
fimm gramma af hassi.
Í dómi Héraðsdóms Reykja-
ness kemur fram að maðurinn
hafi keypt kókaínið í Amsterdam
til einkaneyslu. Hann var atvinnu-
laus þegar hann náðist og forfall-
inn fíkniefnaneytandi. Maðurinn
fór í meðferð í kjölfar handtöku
og hefur síðan verið í fastri vinnu.
Þar sem ekki þótti sannað að mað-
urinn hygðist selja kókaínið frest-
ast refsing fimm mánaða refsing-
arinnar haldi hann skilorð í þrjú
ár. ■
Breytingar samþykktar á
áfengislögum:
Aldursmörk
lækkuð í 18 ár
ALÞINGI Meirihluti allsherjarnefnd-
ar Alþingis samþykkti á fundi sín-
um í gær breytingar á áfengislög-
um sem kveða á um að aldursmörk
til kaupa og neyslu á léttvíni og
bjór verði færð úr 20 árum niður í
18 ára aldur. Stefnt er að af-
greiðslu málsins á þingi í vor og að
ný lög taki gildi 1. janúar 2005.
Þingmenn allra flokka lögðu
fram frumvarp um breytingar á
áfengislögum. Í greinargerð með
því segir að breytingarnar séu í
samræmi við það sem fyrir löngu
hafi gerst hjá flestum nágranna-
þjóðum okkar. Auk þess sé verið að
samræma réttindi og skyldur unga
fólksins. ■
Illa þefjandi íbúð:
200 dýr á
heimilinu
BANDARÍKIN, AP Nágrannar Jamie
Verburgt skilja vart hversu mörg-
um dýrum henni tókst að troða inn í
íbúð sína í fjölbýlishúsi í Mil-
waukee. Eftir að nágrannarnir
höfðu kvartað undan miklum fnyk
sem lagði frá íbúð hennar fór lög-
regla á vettvang og fann 200 dýr í
íbúðinni.
„Lyktin var ótrúleg,“ sagði dýra-
eftirlitsmaðurinn William Mitchell
og kvaðst hafa tárast vegna fýlunn-
ar. Meðal dýranna í íbúðinni voru 70
endur, sporðdrekar, bjöllur sem lifa
á kjöti, snákar, rottur og skjaldbök-
ur auk krókódíla. ■
Kröfur heyrast um afsögn varnarmálaráðherrans:
Herjað á Rumsfeld
WASHINGTON, AP Pistla- og leiðara-
höfundar nokkurra bandarískra
dagblaða og einn öldungadeildar-
þingmaður krefjast þess að Don-
ald Rumsfeld segi af sér embætti
eða að forsetinn leysi hann frá
störfum vegna þess hversu illa
hefur verið tekið á misþyrming-
um íraskra fanga.
„Ef hann segir ekki af sér ætti
forsetinn að reka hann,“ sagði
demókratinn Tom Harkin og sagði
slíkt jákvætt fyrir landið, öryggi
hermanna og ímynd Bandaríkj-
anna á alþjóðlegum vettvangi.
Scott McClellan, talsmaður
Bandaríkjaforseta, sagði hins
vegar að ráðherrann myndi halda
áfram störfum. „Forsetinn kann
að meta störf Rumsfelds og hefur
mikla trú á leiðtogahæfileikum
hans,“ sagði McClellan.
Alþjóða Rauði krossinn skýrði
frá því í gær að hann hefði marg-
sinnis farið þess á leit við banda-
rísk stjórnvöld að gripið yrði til
aðgerða vegna misþyrminga á
föngum í fangelsinu Abu Ghraib.
Talsmaður hans sagði að beiðnun-
um hefði verið vel tekið. ■
VEXTIR HÆKKAÐIR
Birgir Ísleifur Gunnarsson seðlabanka-
stjóri segir vaxtahækkun nú varfærið
skref. Hagtölur að undanförnu hafi sann-
fært bankann um að rétt sé að byrja að
kæla hagkerfið.
Þensluskeiðið formlega hafið:
Seðlabankinn hefur
vaxtahækkunarferli
FR
ÉT
TA
B
LA
Ð
IÐ
/P
JE
TU
R
FR
ÉT
TA
B
LA
Ð
IÐ
/G
VA
NORÐURLJÓS Á FUND ALLSHERJARNEFNDAR
Forstjóri og stjórnarformaður Norðurljósa voru boðaðir á fund allsherjarnefndar Alþingis í
gær, ásamt erlendum sérfræðingum í fjölmiðlarétti. „Við fórum fram á frest til að skila athuga-
semdum, en höfum ekki fengið svar,“ sagði Skarphéðinn B. Steinarsson stjórnarformaður.
DONALD RUMSFELD
Varnarmálaráðherrann fer fyrir þingnefnd í dag til að svara spurningum um misþyrmingar fanga.
ALCAN HAGNAST Álframleiðand-
inn Alcan, sem meðal annars rek-
ur álverið í Straumsvík, hagnað-
ist um andvirði 7,8 milljarða
króna á fyrsta ársfjórðungi. Á
fyrsta ársfjórðungi í fyrra
tæpaði fyrirtækið nær tveimur
milljörðum króna.
■ Viðskipti
■ Bandaríkin
■ Miðausturlönd
SEX NAGLAR Í HÖFUÐIÐ Banda-
rískur verkamaður fékk sex
nagla í höfuðið þegar hann féll á
félaga sinn sem var að vinna með
naglabyssu. Naglarnir skutust í
höfuð mannsins og náðu tveir inn
í heila. Hann mun þrátt fyrir
þetta ná sér að fullu þvert á það
sem menn áttu von á.
NEITAR AÐ VITNA Annar tveggja
rússneskra njósnara sem voru
handteknir í Katar vegna morðs-
ins á fyrrverandi leiðtoga tsjet-
sjenskra aðskilnaðarmanna neit-
ar að svara spurningum dómara.
Hann segist hafa verið pyntaður
af lögreglu. Rússar segja njósn-
arana aðeins hafa safnað upplýs-
ingum um hryðjuverkamenn.