Fréttablaðið - 07.05.2004, Blaðsíða 14
14 7. maí 2004 FÖSTUDAGUR
TIL REYNSLU HJÁ ARSENAL?
Aleksander Kwasniewski, forseti Póllands,
er í opinberri heimsókn í Bretland. Hann
notaði tækifærið og leit á heimavöll
Arsenal þar sem hann sýndi leikni sýna
með bolta.
Viðbótarhúsaleigubætur:
Alls hafa 54 fengið bætur
FÉLAGSMÁL Alls hafa 54 einstak-
lingar fengið greiddar út viðbót-
arhúsaleigubætur hjá Félagsþjón-
ustunni í Reykjavík frá því nýjar
reglur um þær tóku gildi hjá
Reykjavíkurborg 1. mars síðast-
liðinn. Langflestir þeirra sem
fengið hafa bæturnar eru ein-
stæðir foreldrar, en meðal bóta-
þega eru einnig einhleypar konur
og karlar og hjón með börn.
Upphaflega var gert ráð fyrir
að umsækjendur þyrftu að ná
tólf stigum til þess að uppfylla
skilyrði fyrir viðbótarbætur, en
á fundi borgarráðs á þriðjudag
var samþykkt að rýmka regl-
urnar og lækka stigafjöldann,
þannig að fleiri gætu uppfyllt
skilyrðin.
Félagsþjónustan hefur greitt
út tæplega 1,8 milljónir króna í
viðbótarhúsaleigubætur frá því í
mars. Svipuð upphæð hefur verið
greidd út í almennar húsaleigu-
bætur, eða 1,7 milljónir króna, og
hafa því samtals verið greiddar út
3,5 milljónir króna í húsaleigu-
bætur. Til þess að eiga rétt á við-
bótarbótum þurfa umsækjendur
meðal annars að hafa átt lögheim-
ili í Reykjavík í þrjú ár og skilyrði
er að viðkomandi eigi ekki mögu-
leika á að kaupa eigið húsnæði. Þá
er einnig tekið mið af tekjum og
félagslegum aðstæðum. ■
Breytingar á barnabóta-
kerfinu æskilegar
Skýrsla um fátækt á Íslandi hefur verið lögð fyrir Alþingi. Lagt er til að
barnabótakerfið verði endurskoðað til að létta undir með fátækum fjölskyldum.
Mætti tekjutengja leikskólagjöld, segir í skýrslunni.
ALÞINGI Lagt er til í skýrslu for-
sætisráðherra um fátækt á Ís-
landi að kannaður verði möguleiki
á að endurskoða barnabótakerfið,
með það fyrir augum að styðja
betur við fátækar barnafjölskyld-
ur. Félagsmálaráðherra skipaði
starfshóp í byrjun árs 2003 til að
skoða fátækt á Íslandi, en í honum
sátu fulltrúar fjögurra ráðuneyta.
Hann hefur nú skilað skýrslu sem
forsætisráðherra hefur dreift á
Alþingi, en kanna átti sérstaklega
skilgreiningar á fátækt og hvaða
hópar féllu undir slíkt og benda á
leiðir til úrbóta.
Fátækir eru þeir skilgreindir
sem samkvæmt ákveðnum stöðl-
um hafa minna ráðstöfunarfé en
gengur og gerist
í þjóðfélaginu.
Yfirleitt er svo-
nefnd fátæktar-
lína dregin
þannig að undir
henni lenda þeir
sem teljast hafa
innan við helm-
ing af meðal- og
millitekjum. Af
þeim sem leita
sér aðstoðar hjá
félagsþjónustu
sveitarfélaga er
barnafólk, ekki
síst einstæðar
konur með börn,
nokkuð stór hóp-
ur. Fátækt kemur ekki síður niður
á börnum en foreldrum og er lík-
legt að börn fátækra foreldra hafi
færri tækifæri en önnur.
„Breytingar á barnabótakerf-
inu gætu verið æskilegar til að
koma fátækum barnafjölskyldum
til hjálpar. Rætt hefur verið um að
skerðingarmörk barnabóta séu of
lág og komi því illa við þá fátæk-
ustu. Hækkun kemur ekki fátæk-
um barnafjölskyldum sérstalega
til góða og hefur ekki mikil áhrif á
ráðstöfunartekjur tekjulægstu
hópanna,“ segir í skýrslunni.
Starfshópurinn telur að þegar
horft sé til launamanna sé ljóst að
þeir hafi kröppust kjörin, sem
lægst hafi launin, og meginhlut-
verk stjórnvalda sé að skapa
grundvöll fyrir áframhaldandi
kaupmáttaraukningu þess hóps.
Bent er á að sveitarfélögin geti
gert ýmislegt til að létta undir
með fátækum og þá sérstaklega
efnalitlum barnafjölskyldum.
„Það mætti tekjutengja leik-
skólagjöld og létta þannig undir
með fátæku barnafólki, en leik-
skólagjöld eru veigamikill þáttur í
útgjöldum slíkra heimila. Leik-
skólinn er talinn fyrsta skólastig-
ið og er ekki óeðlilegt að hugsa
sér að þátttaka í því skólastigi sé
ókeypis, en greitt verði fyrir fæði
og annað,“ segir í skýrslunni.
bryndis@frettabladið.i
„Leikskólinn
er talinn
fyrsta skóla-
stigið og er
ekki óeðlilegt
að hugsa sér
að þátttaka í
því skólastigi
sé ókeypis, en
greitt verði
fyrir fæði og
annað.
LÖGREGLUMÁL Mörgum þykir ótrú-
legt að enginn hafi slasast illilega
í bílveltu sem átti sér stað á Ný-
býlavegi í Kópavogi um miðjan
dag í fyrradag þegar ungur öku-
maður missti stjórn á bíl sínum
með þeim afleiðingum að bílnum
hvolfdi og valt í veg fyrir aðkom-
andi umferð á næstu akrein. Þrír
voru í bílnum en þeir kenndu sér
lítils meins og fengu að fara heim
að lokinni skoðun. ■
Ný varnaráætlun:
Viðbúin
hitabylgju
PARÍS, AP Minnug þess að andlát
nær 15.000 manns síðasta sumar
er rakið til mikillar hitabylgju
hafa frönsk stjórnvöld tekið í
notkun nýja varnaráætlun til að
takast á við vandann ef önnur eins
hitabylgja brestur á.
Franski heilbrigðisráðherrann
Philippe Douste-Blazy kynnti áætl-
unina í gær. Hún byggir á fjögurra
þrepa skilgreiningu á hitastiginu.
Þegar hitinn er kominn í hæsta
stig getur heilbrigðisráðherra
gripið til víðtækra ráðstafana til að
berjast gegn hitanum, meðal ann-
ars með því að virkja herinn og
óbreytta borgara. ■
Lækning við kvefi:
Reyndist
vera eitur
LONDON, AP Bresk stjórnvöld mega
eiga von á fjölda lögsókna ef ný
rannsókn á láti flugmanns í breska
flughernum fyrir 51 ári leiðir í ljós
að hann hafi látið lífið vegna þess
að taugagas var prófað á honum.
Fjölskylda Ronald Maddison,
sem var tvítugur þegar hann lést í
maí 1953, hefur lengi barist fyrir
því að andlát hans yrði rannsakað
á nýjan leik. Upphafleg rannsókn
hersins fór fram bak við luktar
dyr og lauk með því að sagt var að
hann hefði látist vegna óhapps. ■
VIÐBÓTARHÚSALEIGUBÆTUR
Félagsþjónustan í Reykjavík hefur greitt út tæplega 1,8 milljónir króna í viðbótarbætur frá því
1. mars þegar reglur um þær tóku gildi. Langflestir umsækjenda eru einstæðir foreldrar.
Bílvelta í Kópavogi:
Sluppu með skrekkinn
ILLA FARINN
Ótrúlegt þykir að enginn hafi slasast enda bíllinn því sem næst ónýtur.
FR
ÉT
TA
B
LA
Ð
IÐ
/V
IL
H
EL
M
LEIKSKÓLAR
Í skýrslu um fátækt á Íslandi er lagt til að leikskólagjöld verði tekjutengd til að létta þannig undir með fátæku barnafólki, en leikskóla-
gjöld eru veigamikill þáttur í útgjöldum slíkra heimila.
LISTUM SKILAÐ Ástþór Magnús-
son forsetaframbjóðandi hefur
skilað listum með tilskyldum
fjölda meðmæla fyrir forsetakosn-
ingarnar. Þetta kemur fram í til-
kynningu frá Ástþóri. Alls þarf
1.500 meðmælendur til að bjóða
sig fram til forseta. Yfirkjörstjórn
fer nú yfir listana.
■ Forsetakosningar