Fréttablaðið - 07.05.2004, Blaðsíða 10

10 7. maí 2004 FÖSTUDAGUR
UNNIÐ VIÐ FANGABÚÐIR
Bandarískur hermaður vinnur hér við upp-
setningu vírgirðingar utan um svæði við
Abu Ghraib-fangelsi í útjaðri Bagdad þar
sem þúsundir fanga verða vistaðar.
STJÓRNMÁL Samfylkingin segir það
ekki rétt að flokkurinn hafi sér-
staklega óskað eftir nákvæmlega
500 þúsund króna framlögum frá
fyrirtækjum fyrir síðustu alþing-
iskosingar líkt og kom fram í Rík-
isútvarpinu í gær.
Í umræðum um opið bókhald
flokkanna á Alþingi fyrr í vikunni
var Samfylkingin gagnrýnd fyrir
að greina ekki frá því hvað hún
hefði fengið í framlög frá fyrir-
tækjum þrátt fyrir að hafa lofað
því fyrir kosningar. Helgi Hjörvar
þingmaður sagði ástæðuna vera þá
að flokkurinn greindi einungis frá
framlögum sem væru hærri en 500
þúsund krónur og þar sem flokkur-
inn hefði ekki fengið nein slík
framlög hefði ekki verið frá neinu
að greina.
Ríkisútvarpið fullyrti í gær að
Samfylkingin hefði beinlínis óskað
eftir nákvæmlega 500 þúsund
króna framlögum til þess að vera
undir þeim mörkum sem flokkur-
inn lofaði að gefa upp. Í tilkynn-
ingu frá Samfylkingunni segir að á
meðal heimilda sem Ríkisútvarpið
hafi stuðst við hafi verið bréf sem
Samfylkingin sendi Íslenskri
erfðagreiningu. Samfylkingin seg-
ir að hvergi í bréfinu komi fram að
flokkurinn hafi óskað eftir ná-
kvæmlega 500 þúsund krónum.
„Fullyrðing fréttamanns er því
röng, en til þess fallin að hlustend-
ur telji flokkinn vísvitandi vilja
leyna því hvaðan hann fær fjár-
framlög,“ segir í tilkynningunni. ■
HEILBRIGÐISMÁL Samningaviðræð-
ur standa nú yfir milli Heilsu-
gæslunnar og Landspítala - há-
skólasjúkrahúss um að LSH yfir-
taki alla þá rannsóknarvinnu sem
farið hefur fram á heilsugæslu-
stöðvunum til þessa. Að sögn Guð-
mundar Einarssonar, forstjóra
Heilsugæslunnar, er ekki komin
niðurstaða í viðræðurnar, en lík-
legt er talið að af þessum flutningi
verði.
Þær sex rannsóknarstofur sem
nú eru starfræktar á heilsugæslu-
stöðvunum verða ekki lagðar nið-
ur, en starfssvið þeirra mun
breytast. Þar verða áfram tekin
sýni, svo sem blóðsýni, að sögn
Guðmundar. Hins vegar verða
þau unnin á LSH.
Sjö meinatæknum sem starfað
hafa á rannsóknarstofunum hefur
verið boðið starf á spítalanum.
Sagði Guðmundur að sú hagræð-
ing sem af þessu hlytist gæti skil-
að allt að 50 milljóna króna sparn-
aði á ársgrundvelli, að því er áætl-
að væri.
Hann sagði að einnig hefði ver-
ið inni í myndinni að stofna eina
miðlæga rannsóknarstofu, en
menn hölluðust frekar að fyrr-
nefnda kostinum, það er að flytja
starfsemina á spítalann.
Kristín Hafsteinsdóttir, for-
maður Meinatæknafélags Íslands,
sagði að mikil óánægja væri með-
al umræddra sjö meinatækna
vegna málsins.
„Þeim er ekki beinlínis sagt
upp, heldur eru þær færðar inn á
annan vinnustað og lækkaðar tals-
vert mikið í launum,“ sagði Krist-
ín. „Það er ekki einu sinni hægt að
berjast gegn því, í mesta lagi
hægt að fá smá mýkingu á högg-
ið.“
Hún sagði að allar konurnar
gegndu starfi yfirmeinatækna á
rannsóknarstofunum og væru
með sitt aðstoðarfólk. Það gæfi
auga leið að þær myndu lækka í
launum, en reynt yrði með öllum
ráðum að koma í veg fyrir það.
Ákveðinn hefði verið fundur þann
11. þessa mánaðar og þá yrði far-
ið yfir stöðu launamála. Þær
fengju ekki rétt til biðlauna í eitt
ár, því heilsugæslan hefði verið
undir Reykjavíkurborg þar til
fyrir 14 árum. Rétturinn tæki
ekki gildi fyrr en fólk hefði unnið
hjá ríkinu í 15 ár eða lengur.
„Það er kvíðaefni þegar svona
er gert,“ sagði Kristín.
jss@frettabladid.is
Áskorun
Öryrkjabandalagsins:
Ríkið standi
við sam-
komulag
ÁSKORUN Öryrkjabandalag Íslands
átelur harðlega að rúmir fjórir
mánuðir hafi nú liðið án þess að
þorri öryrkja hafi fengið greiddar
þær bætur sem samið var um í að-
draganda síðustu alþingiskosn-
inga, en aðalfundur stjórnar
bandalagsins fundaði í fyrradag.
Skorar fundurinn á alþingis-
menn að standa við það samkomu-
lag sem gert var og kynnt ræki-
lega fyrir kosningar. Að öðrum
kosti þurfi Öryrkjabandalagið
enn eina ferðina að leita viður-
kenningar dómstóla á þeim van-
efndum sem um ræðir. ■
Háskóli Íslands:
Samið við
Vinnueftirlitið
SKÓLAMÁL Vinnueftirlitið og Há-
skóli Íslands undirrituðu í gær
samstarfssamning um rannsókna-
stofu í vinnuvernd.
Markmið samningsins er að
efla rannsóknir og fræðslu á sviði
vinnuverndar en fram til þessa
hafa rannsóknir af þessu tagi
fyrst og fremst verið stundaðar í
rannsókna- og heilbrigðisdeild
Vinnueftirlitsins.
Rannsóknastofa í vinnuvernd
mun hafa það hlutverk að eiga
frumkvæði að og sinna þverfag-
legum rannsóknum á sviði vinnu-
verndar í samstarfi við rann-
sókna- og heilbrigðisdeild Vinnu-
eftirlitsins og ýmsar aðrar deildir
Háskóla Íslands. ■
ALÞINGI Heildarkostnaður ríkis- og
sveitarfélaga við veiðar á ref og
mink frá 1995 til 2004 nemur um
765 milljónum króna, samkvæmt
svari umhverfisráðherra við fyrir-
spurn Gunnars Birgissonar, Sjálf-
stæðisflokki, um refa- og minka-
veiðar. Kostnaðurinn skiptist
þannig að til refaveiða hafa farið
460 milljónir og til veiða á mink
rúmlega 300 milljónir.
Í svarinu kemur fram að kostn-
aður við refaveiðar hefur árlega
verið á bilinu 40 til 60 milljónir, en
kostnaður við veiðar á minki hefur
aukist á tímabilinu og vaxið úr
rúmum 20 milljónum árið 1995,
upp í um 45 milljónir á síðasta ári.
Á því tímabili sem skoðað var
hefur áætluð stærð refastofnsins
vaxið úr um 3.000 refum upp í rúm
7.500 dýr haustið 2001. Upplýsing-
ar um stærð minkastofnsins liggja
ekki fyrir og reyndist því ómögu-
legt að gefa yfirlit yfir þróun
stofnsins á tímabilinu. Í niðurstöð-
um nefndar um minkastofninn,
sem nýlega skilaði tillögum til um-
hverfisráðuneytisins um aðgerðir
gegn stofninum, er talið að stofn-
inn sé að allt að 35.000 dýr að
hausti, en jafnframt bent á að
nefndar hafi verið hærri tölur. ■
Heildarkostnaður við
veiðar á ref og mink:
Um 765
milljónir
MINKA- OG REFAVEIÐAR
Áætluð stærð refastofnsins hefur vaxið úr um 3.000 refum upp í rúm 7.500 dýr og talið er
að minkastofninn sé allt að 35.000 dýr að hausti.
KOSTNAÐUR VIÐ VEIÐAR
(í milljónum króna)
Ár Refur Minkur Samtals
2003 56,5 45,2 101,7
2002 58,3 40,6 98,9
2001 57,0 41,0 98,0
2000 54,3 35,4 89,7
1999 57,3 31,2 88,5
1998 46,7 31,6 78,3
1997 40,9 30,0 70,9
1996 48,8 27,6 76,4
1995 40,2 22,2 62,4
Samtals 460,0 304,8 764,8
Samfylkingin gagnrýnir fréttaflutning Ríkisútvarpsins:
Ekki vísvitandi
að blekkja fólk
HELGI HJÖRVAR
Þingmaður Samfylkingarinnar sagði Samfylkinguna ekki hafa fengið nein framlög hærri en
500 þúsund krónur.
Flutningur rannsókna
skilar 50 milljónum
Í undirbúningi er að flytja allar rannsóknir, sem nú eru unnar á heilsugæslustöðvum á Reykja-
víkursvæðinu, til Landspítala - háskólasjúkrahúss. Er áætlað að sá flutningur geti skilað sparnaði
upp á um 50 milljónir króna. Mikil ólga er meðal meinatækna vegna málsins.
RANNSÓKNIR
Flutningur rannsókna frá heilsugæslustöðvum til Landspítala er talinn skila um 50 milljónum í sparnað.