Fréttablaðið - 20.05.2004, Qupperneq 6

6 20. maí 2004 FIMMTUDAGUR
GENGI GJALDMIÐLA
Bandaríkjadalur 73.37 -0.16%
Sterlingspund 130.75 0.85%
Dönsk króna 11.83 0.02%
Evra 88.05 0.00%
Gengisvísitala krónu 123,41 0,08%
Kauphöll Íslands
Fjöldi viðskipta 235
Velta 3.668 milljónir
ICEX-15 2.666 -0,85%
Mestu viðskiptin
Actavis Group hf. 660.953
Landsbanki Íslands hf. 565.754
Kaupþing Búnaðarbanki hf. 304.693
Mesta hækkun
Flugleiðir hf. 8,50%
Straumur Fjárfestingarbanki hf 0,78%
Landsbanki Íslands hf. 0,62%
Mesta lækkun
Marel hf. -2,27%
Burðarás hf. -2,01%
Össur hf. -0,88%
Erlendar vísitölur
DJ * 10.061,1 0,9%
Nasdaq * 1.929,6 1,7%
FTSE 4.471,8 1,3%
DAX 3.872,3 2,2%
NK50 1.372,5 0,1%
S&P * 1.102,3 1,0%
* Bandarískar vísitölur kl. 17.
VEISTU SVARIÐ?
1Hvað heitir listamaðurinn sem hefurhætt við að bjóða sig fram til forseta?
2Hversu mikið kostaði rannsókn Sam-keppnisstofnunar á tryggingafélögunum?
3Hvaða fótboltalið var krýnt Evrópu-meistari félagsliða í gær?
Svörin eru á bls. 38
ÍRAK Utanríkisráðuneytið hefur
komið á framfæri formlegum
mótmælum við bandarísk stjórn-
völd vegna misþyrminga banda-
rískra hermanna á íröskum föng-
um. Halldór Ásgrímsson utanrík-
isráðherra greindi frá því við ut-
andagskrárumræðu um stöðu
mála í Írak á Alþingi í gær að
bandaríski sendiherrann hér á
landi hefði verið kallaður á fund í
utanríkisráðuneytinu þar sem
honum voru afhent mótmæli
stjórnvalda.
Hart var tekist á í utandag-
skrárumræðunni sem fór fram að
ósk Steingríms J. Sigfússonar,
formanns Vinstri grænna. Beindi
Steingrímur þeirri spurningu til
utanríkisráðherra hvort
stjórnvöld hefðu mótmælt
formlega misþyrmingum á
föngum í Írak af hálfu
bandarískra
h e r -
manna
o g
h v o r t
stjórnvöld
hefðu endurskoð-
að stuðning sinn
við hernað í Írak.
Steingrímur sagði
að blekkingum
hefði verið beitt til
að afla stuðnings við
innrásina og nefndi
máli sínu til stuðnings
að engin gereyðingarvopn
hefðu fundist og ekki væri vitað
um nein tengsl milli stjórnar
Saddams Hussein og al Kaída frá
því fyrir innrásina. Fór hann fram
á afsökunarbeiðni frá utanríkis-
ráðherra og forsætisráðherra til
íslensku og írösku þjóðarinnar
vegna stuðnings stjórnvalda hér
við herförina.
Halldór Ásgrímsson sagði að
misþyrmingar bandarískra her-
manna á íröskum föngum væru
óverjanlegar og það blasti við
hverjum manni að ástandið í Írak
væri ekki með besta móti. „Það
veldur vissulega áhyggjum að
upplýsingar fremstu leyniþjón-
ustu heims hafi ekki verið á
rökum reistar,“ sagði Halldór
og bætti við að það hlyti að
hafa áhrif til lengri tíma þegar
taka þyrfti afdrifaríkar
ákvarðanir.
Alls tóku 10 þingmenn
þátt í umræðunum,
auk málshefj-
anda og utan-
ríkisráðherra,
þar á meðal
Davíð Oddsson
forsætisráðherra,
sem sakaði stjórnar-
andstöðuna um van-
þekkingu í málinu. ■
borgar@frettabladid.is
Samræmd vísitala EES:
Hærri hér
milli mánaða
VERÐBÓLGA Samræmd vísitala
neysluverðs í EES-ríkjunum
hækkði um 0,3 prósent frá mars
til apríl. Samræmda vísitalan fyr-
ir Ísland hækkaði meira, um 0,5
prósent. Verðbólgan næstu tólf
mánuði á undan er hins vegar
lægri á Íslandi en að meðaltali í
EES-ríkjunum. Ársverðbólgan
mældist 1,8 prósent á Íslandi í
samræmdri mælingu, en tvö pró-
sent í EES-ríkjunum að meðaltali.
Mesta verðbólgan síðasta árið
á svæðinu var í Grikklandi, 3,1
prósent, en minnst var hún í Finn-
landi, þar sem var verðhjöðnun. ■
Norðurlöndin:
Vilja hærri
skatt á áfengi
NORRÆN SAMVINNA Norrænu Evrópu-
sambandsríkin hyggjast beita sér
fyrir hærri lágmarksskatti á áfengi
og gegn rýmri innflutningsreglum.
Þetta kom fram á fundi fjármála-
ráðherra Norðurlandanna.
Þá var ákveðið að koma á fót sér-
stakri samráðsnefnd, norrænni
netskattstofu, sem ætluð er til þess
að auðvelda fólki að ráða fram úr
sameiginlegum vandamálum sem
snerta fleiri en eitt Norðurland-
anna, að því er fram kemur í frétt-
um frá fjármálaráðuneytinu. Einnig
eigi að koma upp sameiginlegri vef-
gátt um skattamál sem hýst verði á
Íslandi. ■
Misþyrmingum í Írak
mótmælt formlega
Íslensk stjórnvöld hafa mótmælt misþyrmingum á íröskum föngum með formlegum hætti. Hart
var tekist á um stuðning stjórnvalda við Íraksstríðið í utandagskrárumræðum á Alþingi í gær.
Formaður VG vill að ráðherra biðji þjóðina afsökunar.
RÁÐHERRAR BIÐJIST AFSÖKUNAR Á STUÐNINGI VIÐ ÍRAKSSTRÍÐ
Steingrímur J. Sigfússon gagnrýndi stefnu íslenskra stjórnvalda í málenum Íraks harkalega
í utandagskrárumræðu á Alþingi í gær. Hann sagði að ráðherra ríkisstjórnarinnar ættu að
biðja þjóðina afsökunar á stuðningi sínum við stríðið.
Í HALDI BANDARÍSKA HERSINS
Myndir af misþyrmingum í Abu
Ghraib-fangelsinu í Írak hafa vakið
mikinn óhug.
Yfirgnæfandi meirihluti íslensku
þjóðarinnar telur að sú ákvörðun ís-
lenskra stjórnvalda að styðja innrás-
na í Írak hafi verið röng, samkvæmt
skoðanakönnun Fréttablaðsins.
Samkvæmt könnuninni telja 84% að
rangt hafi verið af stjórnvöldum að
styðja innrásina en 16% að stjórn-
völd hafi tekið rétta ákvörðun.
Hringt var í 800 manns og var þeim
skipt hlutfallslega jafnt eftir kyni og
búsetu.
SPURT VAR:
„Telur þú að það hafi verið rétt eða röng
ákvörðun hjá íslenskum stjórnvöldum að
styðja innrásina í Írak?“
84% Á MÓTI STEFNU STJÓRNVALDA
NEI
16%
JÁ
84%
ALÞINGI „Þetta er sænska leiðin.
Hún afléttir refsiábyrgð þeirra
sem leiðast út í vændi en setur
ábyrgðina á herðar kaupandans,
sem í krafti peninga getur valið
það hvort hann kaupir vændi eða
ekki,“ segir Kolbrún Halldórsdótt-
ir, Vinstri grænum og einn flutn-
ingsmanna vændisfrumvarpsins,
sem nú hefur verið afgreitt úr
allsherjarnefnd Alþingis.
Samkvæmt breytingartillögum
frumvarpsins skal hver sem lætur
af hendi eða lofar að láta af hendi
greiðslu eða annan ávinning fyrir
vændi, sæta sektum eða allt að
eins árs fangelsi og hver sem hef-
ur tekjur af milligöngu um vændi
annarra skal sæta allt að fjögurra
ára fangelsi.
Jónína Bjartmarz, Framsókn-
arflokki og varaformaður allsherj-
arnefndar, myndaði nýjan meiri-
hluta með stjórnarandstöðunni
þegar vændisfrumvarpið var af-
greitt úr allsherjarnefnd. Aðrir
stjórnarliðar gagnrýndu að fleiri
gestir yrðu ekki kallaðir til. Kol-
brún segir það fyrirslátt.
„Málið hefur verið til umfjöll-
unar í allan vetur og fjöldi gesta
hefur þegar komið við sögu. Það er
pólitískur ágreiningur um málið og
það er sama hvaða fleiri gestir
koma að málinu, ágreiningur verð-
ur alltaf til staðar,“ segir hún. ■
VÆNDISFRUMVARP RÆTT
Jónína Bjartmarz, varaformaður allsherjar-
nefndar, myndaði meirihluta með stjórnar-
andstöðunni þegar vændisfrumvarpið var
afgreitt úr allsherjarnefnd Alþingis.
Nýr meirihluti í allsherjarnefnd afgreiðir vændisfrumvarp:
Mælir með sænsku leiðinni