Fréttablaðið - 20.05.2004, Page 29

Ég tel einboðið að forseti Ís-
lands skjóti fjölmiðlafrumvarp-
inu til þjóðarinnar í almenna at-
kvæðagreiðslu, afgreiði Alþingi
duttlunga forsætisráðherra
sem lög. Ekki aðeins vegna þess
að frumvarpið brýtur gegn
stjórnarskránni og alþjóða-
samningum, svo sem tjáningar-
frelsinu, eignarétti og jafnræð-
isreglu, heldur einnig vegna
þess að ef hann skrifar undir
þetta furðufrumvarp, eftir allt
havaríið sem á undan er gengið,
verður málskotsrétturinn hér
eftir endanlega álitinn dauður
bókstafur og ónothæfur fyrir
þá forseta sem síðar munu
gegna embættinu. Fullljóst má
telja að Ólafur Ragnar Gríms-
son hafi ekki áhuga á að afnema
þennan rétt forsetans.
Í umræðunni hafa lög-
skýrendur Valhallar þurft að
beita hreint ævintýralegum
loftfimleikum við að snúa út úr
stjórnarskránni á þann veg að
forsetinn hafi ekki vald til að
skjóta lögum til þjóðarinnar,
þótt það standi þar samt skýr-
um og auðskiljanlegum stöfum
öllum þeim sem á annað borð
hafa lært að lesa. En vegna
þessarar umræðu verður
ákvæðið hér eftir talið óvirkt
láti forsetinn þennan óskapnað
yfir þjóðina ganga.
Lögspekingar framtíðarinn-
ar munu þá vitna til þessa at-
burðar sem sönnunar þess að
ákvæðið sé dautt og að Ólafur
Ragnar hafi grafið það með
skóflu Davíðs Oddssonar. Því
hefur forseti ekki annan kost í
stöðunni en að hafna því að
skrifa undir lögin og treysta
þjóðinni fyrir að skera úr um
það, enda erum við fullfær um
það.
Það dylst engum að frum-
varpið er til höfuðs einum at-
hafnamanni. Þannig lög eru ólög
og forsetinn á auðvitað ekki að
leggja blessun sína yfir slíkt
ofræði og ofbeldi. Enn fremur
felst engin áhætta í því fyrir
hann að neita að skrifa undir
lögin því fái þjóðin tækifæri til
að segja hug sinn í málinu mun
hún hafna þeim, eins og kannan-
ir sýna, og ekki er ólíklegt að þá
verði heldur brátt um okkar
þaulsetna ráðherra á valdastóli.
Að lokum: Dellan um að for-
setinn sé vanhæfur í málinu er
auðvitað endaleysa og þvæla en
ef svo er þá á hann auðvitað ekki
að skrifa undir lögin heldur fela
þjóðinni það. ■
Forsetinn getur ekki undirritað fjölmiðlalögin
21FIMMTUDAGUR 20. maí 2004
AF NETINU
EIRÍKUR BERGMANN EINARSSON
STJÓRNMÁLAFRÆÐINGUR
UMRÆÐAN
FJÖLMIÐLAFRUMVARPIÐ
BRÉF TIL BLAÐSINS
Ekki á rökum reist
Þröstur Emilsson skrifar:
Í ljósi umræðu sem orðið hefur, meðal annars
á Alþingi, vegna tölvupósts sem ég sendi Stef-
áni Jóni Hafstein árið 2002 vil ég taka eftirfar-
andi fram: Mér er nú ljóst að upplýsingar, sem
ég á þeim tíma lagði trúnað á og fram koma í
téðum tölvupósti, voru ekki á rökum reistar. Ég
harma að Björn Bjarnason, sem fékk afrit af
þessum tölvupósti, skuli nú rúmum tveimur
árum seinna, draga þessi skrif inn í umræðu
um fjölmiðlafrumvarp forsætisráðherra. Að
þessu sögðu tel ég það hafa verið mistök að
skrifa umrætt tölvubréf og senda það. Ég bið
hlutaðeigandi velvirðingar. Fleira hef ég ekki
um þetta mál að segja.
Gegn ákveðnu fyrirtæki
Sama hvað mönnum finnst um samkeppn-
isreglur, Baug, Samkeppnisstofnun, fjöl-
miðlana, Jón Ásgeir, Ólaf Ragnar eða Davíð
Oddsson þá held ég að flestum sé það
ljóst í dag að fjölmiðlafrumvarpið er lagt
fram fyrst og fremst til höfuðs ákveðnu
fyrirtæki og ákveðnum mönnum. Forsætis-
ráðherra hefur sýnt fram á það sjálfur með
orðum sínum og aðgerðum aftur og aftur.
Sigurður Hólm Gunnarsson á skodun.is
Úrslitin krufin
Nú þegar Evróvisjónkeppninni er lokið er
brýnt að kryfja úrslitin. Aldrei þessu vant var
íslenska þjóðin ekki felmtri slegin að kepp-
ni lokinni. Menn vissu í hvað stefndi. En að
ári hlýtur markmiðið að vera að standa bet-
ur að vígi. Eða hvað? Ísland, með lagið Hea-
ven, fékk heil 16 stig. Norðmenn og Danir
gáfu okkur stig, þó heimtur væru með allra
lélegasta móti. Mónakó birtist sem óvæntur
bandamaður í myrkri með fimm stig en Sví-
ar sviku. Og ef einhver dugur er í stjórnvöld-
um ætti að slíta stjórnmálasambandi við
þessa þjóð fyrir vikið.
Þorbjörg S. Gunnlaugsdóttirá tikin.is
Endurtekið efni
Sagan af Jesú er yfirleitt kennd hér á landi
sem einstakt atvik í veraldarsögunni. Stað-
reyndin er samt sú að sagan er hefðbund-
in goðsögn um son guðs sem kemur til
jarðar að fórna sér til að frelsa okkur
mennina. Segja má að fjöldi sona guða
hafi stundað þessa taumlausu fórnariðju í
gegnum goðsögur fornaldar.
Frelsarinn á vantru.net
Drusluleg stjórnmál
Stjórnmál síðustu tveggja vikna hafa verið
hálf drusluleg á Íslandi. Dómsmála-
ráðherra okkar Íslendinga hefur náð nýjum
hæðum í óskammfeilni sinni gagnvart
þjóðinni og neitar að fara eftir tilmælum
sér skynsamari manna, enda er hann einn
þeirra allra staðföstustu í ríkisstjórn stríðs-
herranna á Íslandi. Á sama tíma var frum-
varp samþykkt á alþingi til höfuðs útlend-
ingum. Strax í kjölfarið setti forsætisráð-
herra vor enn eitt metið í geðvonsku sinni
þegar hann setti fram svo óvandað fjöl-
miðlafrumvarp að önnur eins sóun á papp-
ír hefur vart sést á hinu háa Alþingi.
Sjónarmið á politik.is
Smánarblettur
Aðild Íslands að árásarstríði gegn öðrum
þjóðum er smánarblettur á þjóðinni. Með
því að ákveða slíkt hefur ríkisstjórn Íslands
tekið sér vald sem hún ætti ekki að hafa.
Þess vegna ættu ráðamenn þjóðarinnar að
sjá sóma sinn í að segja af sér.
Sverrir Jakobsson á murinn.is
Staðið sig vel
Það er skoðun mín að Innkauparáð
[Reykjavíkurborgar] hafi staðið vel undir
væntingum á því rúma ári sem ráðið hefur
starfað. Mörg erfið mál hafa komið fyrir
ráðið á þessu tímabili og hefur þá stund-
um þurft að sækja ráðgjöf til lögmanna
borgarinnar en sú ráðgjöf hefur reynst ráð-
inu vel. Það er skoðun mín að huga þurfi
vel að þessum málaflokki í framtíðinni, t.d
með því að sjá til þess að lög og reglur
varðandi innkaupamál borgarinnar séu í
takt við líðandi stund. Margt má örugglega
betur gera en ég tel þó að allt það góða
fólk sem vinnur að innkaupamálum hjá
Reykjavíkurborg sé ávallt að reyna að gera
sitt besta fyrir borgina okkar.
Jóhannes Tómas Sigursveinsson
á vg.is/postur